椰林閣餐廳 (葵涌商場)

Open Now

Now Closed

琴日情人節， 我哋五個人就一齊入去食情人節午餐葵涌廣場，椰林閣 ，唔同其他地區嘅裝修， 比較街方化🙄我哋叫咗黑椒牛柳午餐 番薯菜， 同埋 車打芝士魚柳 配薯菜另外有餐包同埋羅宋湯 黑椒牛柳午餐， 份量多到嚇死人， 薯條淋bad bad， 啲汁有多到 遮住塊牛柳， 好大梳打粉味。車打芝士魚柳配薯菜， 完全冇芝士味， 魚柳唔夠新鮮 林bet bet冇脆口， 薯條好 似冇咋喎咁 ，凍冰冰好難食 羅宋湯 一啲都唔熱， 麵包乾爭爭。😟 總括嚟講價錢同食物唔成正比， 覺得好貴 。

今日去到葵涌商場食lunch, 見到好耐都無食過既椰林閣，就入左去食。尤於係午市時間，間餐廳都幾多人，但d 食物就一d 都唔平。午市套餐基本上全部要$60 左右，個人覺得其實算貴。咁我睇完個menu 後， 決定左叫個焗芝士肉醬意粉，套餐包埋餐湯，餐包及熱飲。餐湯可選中湯或西湯，當日西湯係蘿宋湯，味道就無乜特別。由於人多，我都等左一陣，終於等到個正餐。外相同一般焗野無乜分別，但食落口好有芝士味，唔同坊間一般既焗肉醬意粉。椰林閣既肉醬意粉係用芝士去焗，仲要幾多芝士，真係好好味，值得一讚。

依排個天長期落雨, 一係天陰陰冇哂出街既動力, 求其係屋企附近食就算啦, 一去到坐爆哂人, 睇唻好多人都唔想外出, 冇哂卡位就唯有搭台啦, 兩點鐘落到唻岩岩好有下午茶, 佢下午茶唔算平架, 不過份量就多, 係成正比既星洲炒米不過走左蝦, 夠咖哩味, 大大碟絕對唔似下午茶份量架乾炒牛河, 睇落個色好夠, 不過淡淡地, 牛肉都好’’鞋’’,今日有d失水準, 味道一般般跟餐有熱飲跟, 凍飲加幾蚊, 下午茶簡簡單單, 有時懶得落樓, 我地會叫外賣添

今日要食個快飯 去左椰林閣🏝🏝以為普通野應該唔nine 野 但⋯ 性價比 非常之低😵😒😒😒 唔會再考慮⋯ sorry ....🤦🏻‍♀️🤦🏻‍♀️ 牛扒都唔好食 都唔知有咩好食⋯

今天和日常星期日一樣,去我加附近的椰林閣食野,一去到就叫野啦,平時係同friend去食,今次個friend就晚少少到,我叫野時就話晚少少會加單,就等等個friend,點知我間離有人說你去做什麼.......原來係個13-15左右的少朋友,一個前台的女人問的,少朋友就話來混阿媽和拿食物等朋友,個女人話食左先去啦,就叫少朋友坐下來我對面,我真係想講個x字阿,就坐左下來,沒有問我就一下坐下來,我心念,我一個90kg的大人,吳會話看不到我吧?我就打比我朋友,中午先出去食,真係x你,

吃的就是家常便飯的味道這天剛下班，媽媽說今晚想休息一下不煮飯。於是我和爸媽三人去了附近的椰林閣吃晚飯。地方非常就腳，距離居住地點僅需步行10分鐘。蒜蓉汁燒肉眼喜歡吃牛扒的我叫了一道蒜蓉汁燒肉眼（五成熟）扒配薯菜。薯菜沒有什麼特別，但肉眼扒易於入口，咬感鬆軟。蒜茸汁配搭下，頗為香口。紅蘿蔔排骨湯如果沒猜錯的話，是紅蘿蔔排骨湯。湯帶微暖，湯渣因該煲過緣故，紅蘿蔔易於入口。跟媽媽在家煲的湯有點相似，所以喝起來很有熟悉感。蒜茸炒芥蘭配白飯芥蘭顏色看上去鮮嫩。芥蘭原有的苦澀味不算明顯，蒜茸和芥蘭好夾，吃起來爽口。茄子排骨飯茄子吃起來不會很油膩，咬起來是軟軟，茄子吸了了不少配料的味道，略咸。在茄子搭配下，排骨入味軟嫩，值得一試。加上配了一白飯，菜式和白飯互相中和，白飯中和了茄子咸味。瑤柱蛋白菜粒炒飯瑤柱味道是微咸及香噴噴的。飯底粒粒分明。入口時不覺油膩，進食時炒飯仍是熱熱熱地，感覺是即叫即整。正！最後，當然是飽到捧著肚子離開。是家常便飯的好選擇。

我呢日過嚟探家人，就順便去樓下椰林閣食個飯，我叫咗個'正宗海南雞飯'同一杯凍檸茶，個飯難食到我食咗幾囗飯同埋食咗幾啖雞我就冇食過😠，首先講d雞，好多毛喺雞皮上，d雞肉好偕拾拾，d飯應該局太耐我食到膠味，湯水又太咸，不過我都覺得期望唔可以太高但成個餐真係太過份了，杯凍檸茶冇味又冇得跟餐，成餐飯食左$83，根本唔值，價錢貴食物質素又差，真係完全吾抵食，街市白切雞飯仲好食，真係未試過甘難食嘅雞😤😤😤

今日7點放左工,本身諗住返屋企食,但係朋友臨時冇人約,所以我就係葵芳同左佢食啦。 今次見間椰林閣開左咁耐都冇試過所有就試下,我叫左衣個咖哩牛腩飯, 賣相同味道都真係MAMA, D 牛腩好硬, 雖然佢價錢唔算貴, 但係對於今次D牛腩都唔多唔少有D失望~ 希望下次如果再去既話唔會再係咁啦~

今日收工後 返屋企樓下同屋企人食好耐無去椰林閣食就GOGOGO~其實一直覺得呢間幾難食 ( 倒米MODE通常只係落黎食早餐 普通米線仔, 因為無咁伏掛今日同呀媽兩個人, 一人叫一個餐親愛的母親大人叫左 沙嗲肥牛煲 送餐湯(羅宋湯) & 飯 & 熱飲一向黎椰林閣, 都鐘意飲佢既羅宋湯, 佢好好好鍾意飲我肚餓都先飲左幾啖佢不斷話大煲, 叫一個呢個餐 + 兩碗白飯都夠不過我就覺得煲野食味道麻麻一開始睇個樣以為只係沙嗲肥牛煲  食落有黑椒味@_@  但我偏向個汁結D覺得呢個D汁好希咁  所以唔太想再食不過我媽就感覺良好 無咩批評我就叫左 吉列豬排攞芝士LO面  送餐湯(難飲) & 熱飲 - 阿華田好抵呀!  $45 咋個餐湯就...好難飲, 飲左啖已經無理過但意想不到,,  個吉列豬排好脆 有驚喜影出黎暗左D, 好似無咁吸引只係D肉薄左D, 有種偷工減料Feel, 但幾好味 lo 面 .. 好多芝士醬! 係濟左d.. 但食落都唔錯食完呢個餐 岩岩好飽曬  好滿足! 當然係要睇埋食飯對象 & 心情HAPPY DINNER~

到葵涌邨做D野，下午見有D肚鋨，見到椰林閣咪試下囉，入到嚟坐低，睇下下午茶餐牌，款式都算多，價$都大衆化，就叫咗個焗豬扒飯，貪佢飽肚D，唔貴，3拾幾蚊，周圍都要㗎喇，上到嚟，唔錯，成块豬扒，炒飯底够份量，味道不過不失喇，又有人招呼，有卡位坐，下次再試下其它果D嘢。

午巿套餐叫左個咖哩牛腩飯, 入面無薯仔, 啲洋蔥仲要係岩岩擺落去, 唔好話入唔入味, 根本就未熟, 連少少配菜都無, 但竟然有塊雞皮, 攞命。 想叫個白湯又無, 得中湯同紅湯。 另外叫左個西冷牛扒, 得個暖字, 。 失望。

奶茶好味，夠濃。杯不大，咁骨子，一包糖好了。不錯的。下午茶時段，叫茶餐太細，叫正價大份的，凈咖喱腩$66元，伙計唔明我想叫正餐，落單都搞了10分鐘，還是來錯給我下午茶餐份量。再來竟還問我“咁樣啱唔啱！”。....味道無茶餐好味，“杰到起泡”，未知這正份餐有無另外“配料”！牛腩炆得夠林，牛筋+腩都各有3~4舊，紅羅卜2舊。整體夠林、“杰”左D，似糊。水都無杯過你。為杯最愛的奶茶，叫了波羅油茶餐，$16. 個包有半個濕的，牛油都夠大件。賣相48分，最后這餐，埋單$82蚊，伙計無講多謝，而是用大大力掟單歡送我。幾好！我笑了！

接完朋友收工一齊去食野，葵涌大家都唔熟，見到椰林閣就上左去，諗住伏極有限。環境尚算ok, 都算光猛同闊落，我同朋友坐左係卡位。我叫左碗上湯海南雞米線，已經係play safe 既選擇......結果....碗野好耐先上，食頭一啖覺得米線好煙韌，上湯又好有味，唔係淡茂茂，本身想比好評。但之後再食發現米線根本未熟！！平均食幾條就有條係硬既。海南雞唔滑，又好鹹，好似鹽焗雞咁。海南雞凍係無問題，但呢碗野啲雞忽冷忽熱，食落口感覺好差。 講真， 唔會再食椰林閣，食親都伏。

自從椰林閣轉攻屋邨路線後,街坊就可以合理價錢,吃西餐,午市套餐十分優惠,50元左右有包,湯同主菜,今次要了個忌廉湯同雞扒意粉,忌廉湯一般,有少量粟米,也有香味,雞扒意粉是港式做法,蕃茄醬撈意同比較諗身,加兩大片雞扒,雞扒煎得皮脆香肉滑,意粉也夠入味,唔錯,加多杯凍奶茶,茶味香濃,正

我本身對連鎖餐廳無咩好感，不過起門口見到有扒据就行左入去試試 唔入由自可一入領左野 ，入到黎隋便行入去坐，點左個牛扒餐包湯同飲品。大約十分鐘過後黎左牛扒但係餐湯同包都未黎，到我正在開始食牛扒就黎餐湯同包，上菜既次序亂晒，唔緊要都係小事，紅湯(羅宋湯)得個辣字少菜無肉，湯入面無左好多一小片碎辣椒同黑椒粒，唔飲得辣唔建議叫呢個湯飲(可叫白湯=忌廉湯)，正當我想拎牛油放入面包之際，撕開包牛油攪錯 原來已經係比人用過，入面無晒牛油只係有比人刮過既痕跡，我當然叫待應換過包牛油比我。到我吃牛扒既時候，一切好紅，我諗得3成熟左右，而我自己又不太愛吃咁生加上點餐時待應該沒問我幾成熟，唯有照去馬吃，以前都食過3成熟通常都好林有口感，但呢塊3成熟既牛真係"un"又生，可以煮到咁生又咁UN佢都算係首屈一指，唔知佢係貪快煎兩煎就算定係塊扒本身質素問題 。我對呢個招牌暫時都唔會再去吃第二次