楊記麻辣魚館

Open Now

Now Closed

味道超贊，而且壹看就讓人覺得很有食欲，分量都好足，适合大食的我。菜品也很新鮮，味道鹹淡適中，而且火候掌握的剛好。上菜速度很快。價格非常實惠，基本隔段時間就會來壹次。作為壹個專業吃貨，覺得壹種美食的魔力在於能夠讓您在享用之後，依舊留戀望返。 特別是在糾結吃什麽的時候，能夠讓妳立即想起來的美食。 或者在妳傷心難過的時候，有壹種味道能夠緩解妳的傷痛撫平心靈。不是每種食物都會讓我們有這種感覺，稱得上享受的寥寥無幾。楊記麻辣魚館，妳值得擁有。

味道超贊，而且壹看就讓人覺得很有食欲，但是分量不大，屬於比較精 致的類型。勝在菜品也很新鮮，味道鹹淡適中，而且火候掌握的剛好。上菜速度很快。價格非常實惠，基本隔段時間就會來壹次。作為壹個專業吃貨，覺得壹種美食的魔力在於能夠讓您在享用之後，依舊留戀望返。 特別是在糾結吃什麽的時候，能夠讓妳立即想起來的美食。 或者在妳傷心難過的時候，有壹種味道能夠緩解妳的傷痛撫平心靈。不是每種食物都會讓我們有這種感覺，稱得上享受的寥寥無幾。楊記麻辣魚館，妳值得擁有。

經常跟朋友來這家餐廳吃飯，環境還不錯👌吃到了家鄉的味道，平時都是跟朋友吃小菜喝點酒，這邊小菜的分量很足，價格也很實惠，幾個朋友一起吃人均一百多就能飽到不行哈哈，還有別的地方都吃不到的家鄉臘腸，青筍臘肉也是從四川寄過來的臘肉，疫情回不了老家想吃到家鄉美味就來這裡，烤魚也很好吃，本身有一些豆皮和魔芋，還加送兩個配菜，做為一個土生土長的四川人，非常推薦給想吃四川菜的朋友，這邊的服務員也挺熱情的，喜歡吃辣的朋友一定要來試試

經常黎呢間食午餐我最中意食既係特色水煮魚飯，呢間餐廳係清湯底水煮魚，唔同其他地方既紅湯水煮魚，d湯仲可以泡飯食，仲有好多芽菜同埋薯粉椰菜做底，食午餐白飯仲可以任加超讚，間中都試下酸菜魚，夠酸夠開胃如果唔中意食魚都可以試下其他午餐，豬牛雞乜都有。過年見到門口寫初一至初四有加一，不過都可以理解，過年度度都加價啦。我次次去親樓面姐姐都會幫我安排好位置，不過中午好忙好多人，避免唔到會搭檯如果好忙既時候我唔想等咁耐就打電話過去叫樓面姐姐幫我落單我行到過去就有的食，唔使等入店之前要乖乖探熱，跟住樓面姐姐抹檯時我見到都會用消毒噴霧黎抹檯，衛生都唔係需要擔心既，當然如果潔癖好嚴重就建議係醫院食飯喇總言之如果鐘意食川菜既朋友，非常推薦黎呢間食！

外賣要加一係咩玩法？今晚叫左外賣自取，一個水煮魚（細）同埋茶樹菇炒牛肉，落單果時好地地，去到拎外賣俾錢，發現除左膠盒錢，竟然仲收加一。WHAT?????!!!!!! 外賣收加一？！加一係服務費，我外賣自取用過咩服務？點解要收加一？如果要收係咪落單要同客講，唔係黎到焗俾？！講番野食，茶樹菇炒牛肉超咸，鹽好似唔洗錢咁落，而且口感好乾。牛肉有d比較韌。整體黎講唔好叫。水煮魚（細）相對較好，魚肉都滑，唔太辣，唔係十分食得辣既家人都食到，但味道都係偏咸。總括黎講無下次。

轉咗廚房，出品相比剛開張時差到嚇死人。水煮魚唔麻唔辣，鹹湯浸魚。你有冇食過啲水煮魚可以連湯飲？冇麻味冇辣味㗎。口水鷄唔記得加辣油，同佢講完佢先拎返入廚房加返。咁當然所謂嘅口水雞，都只不過係將一隻雪雞，拎去微波爐解凍，然後到啲口水汁上去（ 店員自己講）。然後隻雞竟然未解凍！咬落去仲要冰心，好似食雪條咁。問第一個店員點解冰心，第一個店員話佢唔知點解會咁，使唔使攞入去幫我用微波爐叮一下。第二個店員仲搞笑，鬧返你轉頭：「 口水雞係冰㗎，你要熱，你落單嘅時候要出聲同你加熱」DLLM食雪條喎，爽爽聲，咬落去起冰沙架喎。咪玩啦大佬啊。

一向喺佐敦嗰間食開，佐敦嗰間好好食又抵食又好味，咁岩經過荃灣就睇吓有咩食，發覺原來荃灣有間楊記麻辣魚館分店就去試吓，同以往一樣叫咗水煮魚套餐，凍檸茶。水煮魚：魚嘅份量好少，味道同佐敦嗰間完全唔一樣，啲配料勁少味道又唔好食侍應：啲侍應全部講晒鄉下話或普通話，講嘢大大聲又西面，唔講唔知仲以為我去咗大陸餐廳食嘢環境：位於街市附近，水準真係好似街市咁樣又污糟又唔乾淨，而家疫情咁樣仲要我同其他人搭枱食飯，我見其他枱有吉位我想轉過去，不過阿姐唔俾堅白眼同嘴苗苗，仲要我同另外果兩個食客係冇透明板隔住，對面嗰個人係咁喺度咳，如果同枱有人係帶菌者咁其他搭枱既人一定會中招價錢: 套餐$50 ，凍飲加$5,最後唔知點解收咗我$60 ，我問吓姐點解係60 ，佢話套餐加凍飲就係$60。如果大家想經歷嘢食唔好食，被迫搭枱，侍應西面，無啦啦收貴錢咁就過嚟食啦！

之前食幾次，都覺好食，毛血旺料足味好，重介紹朋友去食。今天外賣自取，毛血旺完全唔掂，重要平時入面有的肥腸，黃鱔，今次冇晒，味道又差左好多，打電話問係咪轉左廚師，答覆話有三個廚師，個個煮法唔同，咁即係要啲客踫運氣，睇邊個廚師煮你點的菜，好彩就好食，唔好彩就閣下自理。

經過見到呢到開左間酸菜魚，好似幾有風味，就坐低試試佢。我地嗌左一個例牌酸菜魚、炒土豆絲同炸饅頭。一開始已經同姨姨講要bb辣，因為我地都好渣，唔食得辣。不過上到黎都係比bb辣辣左啲，流哂鼻水🤣魚既份量唔算好多，可以嗌碗白飯送呢個魚。但第一次食，想試多啲野，於是冇嗌飯，嗌左土豆絲。土豆絲既薯仔味唔算好出，如果薯仔味出啲就好。同埋係酸同辣，基本上都蓋過左個土豆味。後尾發現都仲有啲空間，就嗌埋炸飯頭，原來佢先係主角。炸到外脆內軟，配煉奶一流。饅頭裏面仲軟綿綿咁，好正。下次如果再黎，一定會encore炸饅頭！

我第一次寫食評，今日第一次嚟呢間食酸菜魚午餐，午餐50蚊，凍飲加五蚊。先講環境都坐得舒服。食物：酸菜魚一個人份量都唔少，午餐時段白飯任裝，鍾意食飯朋友可以嚟試試，酸菜魚魚肉新鮮，下次會再幫襯。

楊記麻辣魚館荃灣分店新開張（荃灣戴麟趾後面）今天在附近專誠去試一試,下午5点前也有午市套餐,價錢非常抵食,性價比高.今天點要一個酸菜魚只需$50蚊包飯凍飲加$5..午餐還有各款小菜數十款.酸菜魚份量足一人吃,酸辣度剛好,如不吃得辣記得叫小辣,這店的酸菜魚不太油膩,不像在深圳網紅店吃那般充滿花椒油蓋過了魚的味道,這店酸菜魚魚用黑魚（生魚）,魚肉質地彈牙不怕鬆散,酸菜湯太好味喝哂🥣,看得出這店是用心烹調製作,湯不喝後也不怕口喝,酸菜也很多👍🏻這店的酸菜魚越食越想吃酸菜魚一試難忘必食推介下次再去試試其他款式.

之前上網已經見過呢間鋪個名，一早已經係🔵店，估唔到仲會開分店，希望各位同路人唔好因為平而去幫襯。之前係元朗店食過，酸菜魚好難食，只有胡椒味，完全無鮮味，都唔知d魚係邊到買！水煮牛得一個字，就係辣字，完全食唔到任何牛味，牛又整到好似橡筋，食物質素唔好都唔算係最大問題，最嚴重係衛生，碗碟有油，洗得唔算太乾淨，真心估唔到會開到分店，荃灣大把好餐廳，大把選擇，大家要堅持住。呢間真係不了。如果要食酸菜魚可以去其他地方