一芳台灣水果茶 (Closed)

雖然水果茶比起珍珠奶茶健康，不過基本上我都好少飲水果茶，飲到最尾，啲水果都唔知食唔食埋好🤣幾次飲一芳都係飲粉圓奶茶，今次一於試下最岀名既水果茶！今次試左一芳水果茶，少甜少冰。少左甜覺得杯野鮮左好多，唔會得死甜味反而多左水果味。入面既水果種類唔算多，有蘋果，橙同百香果。我食左入面既生果，覺得唔甜而且都冇乜生果味，可能佢地既味道已經去晒液體嗰部分啦😂 一芳既中size 份量一向唔算多，性價比黎講我就覺得唔算高，因為一芳既野飲其實都幾貴。下次寧願飲第二間。一芳既水果茶，試一次囉。個人覺得飲水果茶既話真係可以少甜，健康啲之餘都可以飲到多啲真水果味。

難得day off咁我梗係要出動喇，天氣熱辣辣，咁啱我又起旺角見到咁靚嘅招牌咁清新嘅樣咁我梗你係忍唔住涌去試下啦 非常之難得一芳水果茶新嚟咗香港，我就梗係要試下。 水果茶飲檸檬同熱情果，非常之清新絕對係消暑良品。

約了朋友，但未夠點，亂走亂行之下，看到了這一間有人在排隊的水果茶，本着來一試的心態，跟着在後邊排隊了。原來是來自台灣的 ‘一芳’, 一芳水果茶好似有聽到過，是不是要order 好？但因為有果籽（而家好hit，但我唔鐘意口感），最後我要了 ‘信義脆梅綠’。有分M, L size 門面裝修很有feel~~而家仲可以換杯墊，古窗花焗瓷水松底，後來才知原來他們的地板正是此花。原來黑糖粉圓 限量 又 熱賣，下次要試下。等了3分鐘都冇，叫我號碼，有野飲我要了30%糖，因為台灣飲品多會偏甜。酸酸甜甜又清爽，岩晒我一陣同朋友吃炸雞～ 正連粒梅都想吃埋。我下一次除了試黑糖，也會再encore 脆梅綠。夏天太易飽濟....

新開張個陣日日大排長龍，真係唔願排。今日經過見冇乜人，所以就決定試試佢地杯招牌水果茶因為唔想飲甜野凍野，所以叫左杯熱無糖一芳水果茶。熱飲都係用飲管，所以飲品只係微熱，唔會燙口。第一啖，好酸！可能係無糖既緣故，d 水果酸味完全霸佔晒我既味蕾！酸到我都唔知自己飲左d乜，熱飲杯又睇唔到𥚃面。如果下次再飲，都係叫杯有糖吧總結: 唔建議大家揀無糖水果茶

開左咁耐但都無試過😩次次經過都好想買杯飲😅但次次去到都大排長龍🐉見到條隊長又長都唔想飲🤯離開今日得幾個人排隊🏃🏻‍♀️即衝去買收銀附近大大張廣告介紹黑糖粉圓鮮奶茶🥤仲要一日限買100杯🤭覺得係推銷手法😆應該買都有得飲不過都係被吸引買左杯😂哈哈因用黑糖關係無得揀甜度🧐只能揀熱飲或凍飲🤓不過真唔錯😋飲到堅係黑糖味無得揀甜度之下😌甜度可接受粉圓都好QQ架😉一芳水果茶🥤朋友表示唔太甜👏🏻好中意飲到啖啖有熱情果😝咁熱天氣飲好fresh🤤

同朋友係旺角食完飯就泥左朗豪坊行一陣街，見到台灣泥嘅過江龍冇咩人排，就去試下當做飯後甜品啦🤤🤤間舖裝修行簡約feel，出面有幾張木櫈可以比你坐底慢慢飲。叫左佢個招牌水果茶$33大杯，我覺得幾好味喎👍🏻，冇傳聞嘅咁差，飲落有好香嘅百香果味又有茶嘅澀澀地，好唔錯呀。佢入面有好多水果，有橙、蘋果、梨、百香果，飲完仲可以慢慢食啲水果👍🏻不過就甜左啲，下次叫半糖就夠了。依家天氣咁熱用泥消暑解渴一流呀，下次經過冇咩人排又飲過先！🤤🤤

經過朗豪坊，時時都見到大排長龍，又讓我卻步，實在沒有耐性為一杯飲品等候長時間，這天約6點多經過，剛巧遇見排隊的人不多，終於可以一試我期待已久的一芳水果茶。難得排隊人數10人以內，基本上排了5分鐘便可點餐，這次第一次，由於沒有研究這家的甜度是有多甜，所以最後點了一芳水果茶，少糖（大概是80%糖）和去冰，完全沒有冰， M size 是$30等了大概10分鐘，終於到手，拿了飲管還拿了叉子，可以把水果都吃掉，第一口喝了，很甜，這個我想下一次只要50%半糖就好了，茶味和水果味都配合很好，水果有紅蘋果，橙，百香果，茶味濃郁，可以再幫襯

《一芳台灣水果茶》📍旺角朗豪坊4樓20號鋪-🔺粉圓鮮奶茶 M$29 L$32今次試佐粉圓鮮奶茶，其實姐係珍珠鮮奶茶😂今次去朗豪坊分店，都幾多人。-杯奶茶叫既時候，店員會問你溫度同甜度要唔要有更改今次試佐中杯，珍珠係細粒既，食落好彈牙，仲要有成半杯都係珍珠。我溫度同甜度都選正常，飲落唔會太甜，接受到下次可以試下水果茶✌🏻

夏日炎炎，旺角人多擠逼，好似蒸籠裏的沙甸魚。同朋友行一陣旺角已經出哂汗。 行朗豪坊歎冷氣避暑係最明智😂 -見到有條小人龍排隊原來台式人氣飲品「一芳」店，羊🐑群心理，見人排又想排😂。 其實早前去台灣旅行都飲過手搖水果茶，確實唔錯-跟台灣店既裝修風格差不多店鋪裝修風格簡約，帶點懷舊日本風-今日都係點番「招牌一芳水果茶」採用新鮮水果熬製有香橙、蘋果、梨、百香果等等份量都多喔飲品原汁原味的鮮甜，還帶有淡淡茶香🤞🏻

一芳這台灣品牌第一次見是在大陸，香港分店開了一段時間也沒興趣試，這天友人口渴便去試一下。我們點的是水果茶，已臨近11點也要等一陣子。水果茶夠冰涼，內裡有青茶、蘋果柳丁切片、釀鳳梨醬、百香果原汁，喝下去鳳梨、百香的味道比較重，喝到下面覺得有點太甜了，最後打開吃蘋果片。整體是偏甜，還是在大陸喝的水果茶較好味。

星期六晚上，終於等到一芬無咁多人排隊可以去試吓。排隊時前面大概有6,7人，大概等咗5分鐘。排到時就決定試吓杯大杯裝的凍黑糖粉圓鮮奶茶。應該係黑糖嘅關係，所以無得加減糖同冰嘅份量。俾完錢又等咗大概十五分鐘，終於都攞得到杯奶茶。一摸杯底，黑糖係暖的。店員吩咐要搖匀先好飲，所以影完相，拿拿聲搖好就飲了。雖然無加減糖，但我又覺得無想像中咁甜，我又覺得剛剛好嘅甜度喎。而珍珠係用細珍珠，但有濃濃嘅焦糖味道，同店鋪的介紹一樣，珍珠有用焦糖煮過。就算要等得比較耐，我都會為咗個焦糖味嘅珍珠再去光顧的！

夏天keep住34度嘅高温🌞🌞，當然要揾杯凍飲涼下💦，抬，珍珠奶茶飲得多，有水果係入面嘅水果茶🥤就真係唔多🍑，加上我好怕肥，水果茶就岩哂我，果茶非常有內涵，用料非常足，呢杯水果茶入面有即切蘋果🍎同橙🍊，同埋百香果籽，仲有加左有鳯梨果肉嘅自家製鳯梨醬，水果茶非常有內涵😜。去到排隊嘅人唔算多，等10分鐘度就有得拎。中杯價錢$30，大杯就$33🥤，有咁多生果係入面已經值回價錢。水果茶D水果已經有夠哂甜🍯，所以建議大家可以叫半糖就岩岩好👍🏻。

周末 跟老公一起去朗豪坊吃饭 路过一芳 看到好多人排队 于是跟风也打算买杯试看看 因为刚吃完饭 想喝点清爽的果茶 所以点了一杯爱玉柠檬 等了大概7、8分钟 第一口的感觉就不太对劲 又酸又苦又涩 直接扔给老公解决了 跟着我就上ins找这家店的评论 发现原来好多人中伏 但再看其他分店的评论都OK 不知朗豪坊的一芳是怎么了

2018年5月22日。晴。旺角。晚餐專登唔嗌嘢飲，要來大名鼎鼎嘅一芳，一探虛實間舖喺朗豪坊之前Awfully Chocolate個位9點幾去到，都依然要排5、6個人先落到單想一探虛實就當然嗌招牌飲品，一芳水果茶中杯$30，大杯$33落完單就企埋一邊等啦雖然舖頭好貼心咁劃分咗排隊區同等候區，但等候區坐滿晒人，唯有企，好彩條路都闊落，唔會阻到其他人，都唔會好迫等等下發現店面隔離有個窗仔可以望入去睇到店員沖嘢飲但係見啲嘢飲就咁擺喺其他人咁易掂到嘅地方攤凍，有啲不安等咗大概20分鐘，水果茶就攞得啦飲到個茶底嘅茶味幾甘香，水果驟眼望落見到有橙、蘋果、西瓜同熱情果水果味同個茶底都幾夾，唔會好酸，又唔會特別甜中規中矩咁樣計返個價錢就偏高，而且仲要排隊，味道OK但唔抵飲

每次去做瑜珈，都要穿過一芳的這條人龍，心想：有無咁好飲？今日不是假期，加上下午一點幾時段，見無乜人買不用等，所以便買杯水果茶試試。我一向對這些青少年飲品無乜興趣，感覺上好甜好甜，怎知原來購買時可以有多種甜度及冰凍度選擇，很細心。店員建議我們選低甜，這樣比較帶出水果茶味道。飲下第一口，味道真不錯，但茶味欠奉，似果汁多一點，每飲一口都帶有果肉同熱情果子，裡面佈滿蘋果及橙件，但可惜是沒有叉匙提供，所以食唔到。帶著這杯水果茶去睇戲，真是一級享受😆