一芳台灣水果茶 (Closed)

一芳#試過深圳 來試一下🇭🇰👇🏼推薦？？收銀員小姐姐說這款不能少冰少糖 因為都設定了最合適的味道 剛拿到時 珍珠微熱 冰塊不多黑糖珍珠微甜 淡淡的黑糖味 珍珠口感不錯 很有嚼勁 而且很多！ 整杯東西最愛的是珍珠！但是和一般的奶茶店對比 奶茶茶味偏淡了很多 奶味也沒多少 基本不算好喝的奶茶（在深圳喝也有這個感覺）個人覺得濃一些比較好但是甜的珍珠和淡的奶茶中和起來好像也不錯就是還是感覺茶味淡拉低了整杯奶茶的水平喝完的感覺是 不會胖十斤哈哈哈

今次小編介紹既系朗豪坊既一芳水果茶。吾知點解次次經過都大排長龍。終於激發左小編好奇心要試試(=ﾟωﾟ)ﾉ門口都有啲小花巧做裝飾！店內既員工真系忙到停吾到手，辛苦啦！終於排到啦。因為諗吾到飲咩，就隨便叫左呢到出名既 一芳水果茶L(hkd$33) 。飲落水果味偏淡，而且款色又吾多，驟眼睇得蘋果、百香果、橙等材料落得最多，飲完都無乜野食。唉！認真普通，好失望！

愛玉是台灣一種植物， 去皮取出愛玉子然後曬乾， 將愛玉子放入布袋，然後在水中搓搓搓 （ 要有礦物質的水，不可以是蒸餾水啊～ ） 愛玉子釋出 凝結酵素， 等一陣就變成愛玉凍啦～😋愛玉功能多多，可以降膽固醇， 降血壓，消水腫 ... 在香港都不常見愛玉，難得一芳有愛玉就在茶裏加些愛玉吧～🤩金鑽鳳梨綠茶 (M) $24～ 愛玉 +$3~  鳳梨味有，綠茶味有，但各有各精彩不太協調， 本以為鳳梨是新鮮的， 但原來煮過糖水的😆，比較甜， 愛玉味道清淡 很 refreshing 😊中華愛玉檸檬 $26 ～ 酸到一個直接放棄嘅點 😂完飢 point : 6 / 10#hungermarch #飢詩 #非飢詩

台灣開到香港，香港人出名試新野，所以我都要去試吓先，之前經過幾次都超多人所以放棄唔掛，今日見唔算多人所以就排隊試吓，叫咗杯大既一芳水果茶，唔使10分鐘就有都算快，入面有新鮮蘋果，橙，百香果，菠蘿乾，因為驚會甜所以揀半糖，味道好新鮮唔會太甜岩岩好，下次要試埋佢其他出名既野先！

每次去到旺角都心郁郁想去一芳 今次去唔例外今次我地叫左既係埔里百香綠但一樣 叫微冰佢就真係一粒冰都唔會俾你 叫左微糖就真係好似冇落糖咁結果成杯最多既係百香果既酸味雖然係真材實料 食到好多百香果肉 但係變到唔係咁好飲

我最愛的水果茶！🍵見到排曬隊就即管試試！水果茶微甜吖吾該！嘩！正woo... 好多好多新鮮生果，蘋果🍏🍎、strawberry 🍓、pineapple 🍍、橙🍊、百香果... 滿滿的真.水果！😍😍😍😍😍😍鮮、甜！大滿足！💕💕💕 .同喺台灣飲嘅一樣㗎！開心💖 開心 💖我friend order 鮮奶冬瓜茶！佢話鮮奶好滑，冬瓜味都好出，去水腫一流，好健康ga woo... 🧐🧐🧐 Ok! 下次試冬瓜茶！

位於朗豪坊入面，呢間一芬都大把長龍。我地叫左三杯試下。分別有粉圓鮮奶茶（$32大杯），一芳水果茶（$30中杯），金峰洛神檸檬（$23大杯）。粉圓奶茶，都不錯！有少少茶香同埋唔會太過甜，配有少少奶味，幾好。而粉圓都好有咬口！好彈！而水果茶入面有幾款水果，飲落即刻有好大陣水果味，我個人就一般。而洛神檸檬反而我覺得最好飲，唔會太酸。但有花香味！最fresh嘅感覺！大家可以一試！

杯茶真係好甜，甜到乸脷，飲左幾啖擺左系度唔飲得，浪費20蚊雞，水果茶也是一樣，30蚊500ml失望😔，第一次就如此失望，仲點會再飲，覺得只飲到紅色糖水味，水果茶都好甜，仲要叫左小甜😓

近期呢間過江龍好出名，次次見到都大排長龍，試過就算了...叫左一杯 翡翠鮮奶 同一杯 烏龍鮮奶，等超過廿分鐘，到手既係兩杯奶...自動走茶？唔係隻杯有貼紙寫住都分唔到... 飲落奶有奶味，無茶味...可能只有招牌 水果茶 係好飲...

知道一芳呢間台式飲料店都幾出名，所以經過旺角都特登黎試下，未到店門口已經見到好多人排隊，諗住應該都唔錯，所以都落左單要杯水果茶，店員話係偏甜，我就叫左少甜，大概都要等3-4個字，佢有個等候區但係都好多人，我就去附近兜個圈再返去。水果茶睇落都幾足料，但係一飲。。。甜到傻左，好似飲緊糖漿咁，明明已經少左甜，所以飲左幾啖已經放棄，期待左咁耐點知係咁嘅味道。。。好失望我最後都係直接食佢啲水果算，真係唔會再飲

今日同老公仔一齊去咗朗豪坊度行街街點知竟然俾我發現呢間台灣鼎鼎大名的水果茶 人妻除咗珍珠奶茶最鍾意飲就係台灣嘅水果茶！所以即時買咗！雖然價錢都要三十幾蚊！但係杯中有滿滿的生果而且甜度適中！入口嘅時候帶有清新的果香！回味無窮！！

個人好鍾意飲台式飲品，行完朗豪坊覺得口渴，男朋友話不如試下一芳水果茶。一芳剛開時已經聽到好多人講，諗住都應該唔錯，就去叫左杯水果茶試下。去之前睇左食評，知道會等得耐同比較甜，已經有心理準備，但估唔到一杯飲品都要等半個鐘咁耐。甜度叫了2/3甜，一飲落去，甜到想嘔。明明已經叫左少甜，但都甜到好似飲白砂糖開水咁，完全飲唔到果味同茶味，飲完feel到成個口都充滿住糖漿，我真係唔敢想像正常甜度會係點。飲左幾啖已經頂唔順扔了。我諗我唔會再幫襯...

最鍾意試新嘅珍珠奶茶😍😍 上網見到朗豪坊開咗一間新店都即刻衝過黎試。 試咗兩杯，一杯珍珠奶茶一杯水果茶。珍珠奶茶茶味同奶味都均勻，適中，佢嘅珍珠係細粒啲嗰種，但就有好多 飲完會好飽肚。另外水果茶飲落就好新鮮，好清新 呢個都可以試吓，同埋都係佢哋嘅王牌。

同衰佬去完波鞋街食好西，衰佬話要朗豪坊睇埋嗰幾間波鞋專門店。唉！呀衰佬。。到底你要買幾多對波鞋先心足？我又跟喺佢後面扮跟得夫人，我咁好表現當然值得打賞吓啦。衰佬就話打賞杯嘢飲比我，我呢啲梗係即刻開個OPEN RICE睇吓附近有咩正嘢。比我搵到一芳台灣水果茶，原本就係喺朗豪坊入面四樓，九秒九拖衰佬落電梯（再睇波鞋唔得啦，屋企太多鞋。。）一芳水果茶店舖行懷舊格線，偏古舊日式風格，牆身掛滿飲品名字既木牌。我哋分別點咗金峰洛神檸檬同粉圓鮮奶茶。金峰洛神檸檬－濃郁的洛神花香，配上原個檸檬，酸酸甜甜的口感。粉圓鮮奶茶－粉圓的數量係驚人既，差不多一半杯的粉圓，一陣淡淡既黑糖味，飽肚的首選。

今晚同朋友出旺角買野，晚上9點幾左右去左朗豪坊行，9點幾去的時候都見到排緊隊，但走的時候10點40分左右一個人都冇，於是即刻同朋友去買一杯試下，完全唔洗排隊！買左杯水果茶，再加粉圓（$33）。建議大家買水果茶叫半糖。就我而言，半糖嘅甜度同水果嘅酸度係啱啱好！配料都好多：有蘋果、橙、熱情果，我鍾意食珍珠，另外仲加左粉圓，但其實唔加都有啲水果肉同埋百香果可以咬下。整體（8/10），係貴少少，但比粉圓奶茶（$29）性價比更高！