一芳台灣水果茶 (Closed)

筆者很喜歡喝台式的手搖飲品 , 任何台式手搖飲品都喜歡喝 , 並沒有特別的喜好 , 也沒有特別喜歡的店舖品牌 ....今次行過路過 , 見到這間 一芳 就入去幫襯 , 買杯茶來飲 , 解解渴 ~金鑽鳳梨綠茶 : 我點的是小冰 , 三分一糖 , 因為心想鳳梨糖漿已經有夠甜 , 太甜對身體不太好又不能解渴 , 所以三分一糖已經很足夠 , 這杯鳳梨綠茶調得很不錯 , 味道清香甜蜜 , 茶底不會太苦澀又不會不夠味道 , 味帶回甘之餘 , 又有滋潤喉嚨的感覺 , 既有夏天 feel 又適合秋天飲用 ~本篇完 ~

美麗華行行下街見到有一芳，一向鐘意佢既水果茶，今次轉下飲其他野，揀左每日限量既黑糖粉圓鮮奶。呢款飲品甜度同冰都係定好左，冇得轉，不過飲落好順口，少少黑糖味，奶味香濃，我本身鐘意奶味，好岩我！

喺美麗華商場行完gu 🤤🤤🤤🤤先發現原來隔離開咗間一芳今晚朋友相試下佢個黑糖珍珠鮮奶又咁啱真係畀佢遇到未賣曬就陪佢買咗杯黎飲😬😬😬講真而家香港越嚟越多珍珠奶茶舖 😀😀全部都係大推黑糖珍珠奶茶 講真㗎間都差唔多 都已經唔係好分出究竟邊杯打邊杯 但一芳既一杯黑糖珍珠鮮奶就幾有特別 一啖落去已經飲得出好強烈嘅鮮奶味 佢啲珍珠咬落去好煙韌 好有口感 加上我自己習慣嗌半糖所以甜度非常適中👍🏻👍🏻👍🏻👍🏻

今日喺美麗華行街，經過一芳水果茶，之前見過但冇機會飲，今日終於可以試下。其實唔知飲咩好，見佢地有大個牌賣黑糖粉圓鮮奶，聽落幾吸引，就買咗一杯中杯裝試下。不過呢杯係冇得減糖減冰嘅。人唔多，大概等咗10分鐘就有。真係唔係講笑，呢杯野堅好飲。啜一啖，第一時間飲到濃濃黑糖嘅味道，跟住就係鮮奶味，兩者混埋原來好夾。入面嘅粉圓好似珍珠咁，細滑彈牙，比一般珍珠奶茶嗰啲好食。飲飲吓覺得已經上咗癮，早知買杯大嘅啦。下次要試其他味道！

飲過幾次冬瓜鮮奶茶 平時都係一半冬瓜茶一半鮮奶分開兩層好明顯 唯獨係今次 拎果陣見到成杯都係奶 分明有搖勻過 冇搖過吾會一d冬瓜茶都睇吾到 問個職員 佢話因為走冰 所以做吾到兩層 但我心諗: 點解買既時候吾講清楚 而且之前買幾次都好似係走冰 但都分開到好明顯 但都算 費事要人整過(*因爲我鐘意一啖奶一啖冬瓜茶甘飲)之後飲落口先發現 飲吾到有冬瓜茶味😳❗️❗️成杯係奶加糖水既味🤢 之前未試過飲到甘難飲 係咪整果個吾夠冬瓜茶放多d奶水再搖勻我吾知 一開始個外表吾同左已經貨不對版 應該吾會再喺尖沙咀店買💢

一芳～曾經排晒隊都買唔到既水果茶，只知開左好多分店，發現美麗華一樓亦有一間，位置唔多顯眼，唔知係咪冇咩人知，當日只有小貓兩三隻。我係其中一隻本來一心想試水果茶，眼見門口寫住每日限量黑糖粉圓限量依個字眼真係好吸引，再加上本人係黑糖控，點會抵擋得住呢由水果茶變左叫黑糖粉圓鮮奶，分兩個size. M$30 L$33，貪小便宜心理我就叫左$33L，等唔洗五分鐘就有喇外表都靚仔既，當我滿心歡喜飲....黑糖 似漿，糖漿...攪勻飲都仲係有啲漿住漿住既感覺....沒有黑糖香味。反而奶味比較重，愛奶既還是不錯，珍珠也不錯，煙煙銀銀的限量果然只是噱頭...對台灣過江龍的他真的失望...可能主打還是招牌水果茶...

宜家既台式飲品風氣實在太誇張了，所以等幾耐呢個因素對我黎講都幾重要。呢間係tst美麗華入面，當日係平日，okay既唔洗等好耐。其實當時只係去行下街，唔知一芳都係果度插左旗，見至少無人龍，又未試過最新好hit既黑糖珍珠鮮奶，就去買左杯了。落左order之後，諗住應該無咁快，就去左個廁所tim, 點知出黎杯野已經ready等我了。所以呢間既第一個印象係okay既，至少唔洗等，唔好飲都唔會咁嬲啊嘛。講樣既話就無老虎堂果d影出黎咁好睇既，不過都唔差。搞均去之後先飲，第一下，唔錯wor。因為我之前比較多係飲珍珠奶茶，無飲過黑糖鮮奶，第一下既感覺係好滑，真係好滑。d珍珠都唔錯，係我鐘意既口感，煙煙unun，都有黑糖味。唔錯。第一次既經驗令我對黑糖鮮奶既感覺唔錯，因為我未飲之前以為會好甜。呢杯係無叫少甜少冰，但係完全唔會覺得太甜。飲既時候會有錯覺，覺得比珍珠奶茶健康(因為係得鮮奶，無奶茶)，但係其實唔係架，其實係一樣咁肥XD不過呢次既經驗都係好既，令我會想去試其他舖頭既黑糖鮮奶。

食完午餐,經過美麗華商場發現一芳台灣水果茶竟然無人排隊.聽聞之前要排成個幾鐘先飲到的果茶，一直都好想試。既然係今期台灣飲品大熱，又撞正無人排隊就一試無況，即刻order左最出名嘅水果茶大杯1/3糖，裡面有橙，蘋果同百香果肉同籽，有啲咬口，味道還可以。天時熱飲都是不錯的選擇， 但如果要大排長龍等個幾兩個鐘先可以飲的話，相信會十分的失望。等15分鐘已經是極限了。

如果唔係因為較早前喺香港開咗「一芳台灣水果茶」, 見到所有香港人又一窩蜂咁搶住去排隊, 仲話一排要等成兩個鐘頭先飲到嘅極品茶, 都唔會知道原來一芳係喺台灣擁有過百間分店的人氣手搖飲品店, 仲話係出咗名嘅古早味添。開初見到人頭湧湧, 真係完全冇諗過要搶先試味, 就等人潮散去才試吧。 咁啱阿肥頭先喺厚福街某間台式飲品店買唔到佢嘅心頭好鳳梨冰茶, 佢又熱又口渴, 咁就行多幾條街上嚟美麗華呢間一芳分店買佢嘅第二最愛水果茶啦 熱潮真係已經過去...一間又一間嘅黑糖珍珠奶茶已經打入香港各區, 一芳嘅排隊黨睇嚟已經移施陣地, 呵呵~我哋開始可以享受唔洗排隊嘅美味啦 雖然我唔太喜好於飲水果茶, 但見佢咁出名, 當然要試一試, 呢個品牌果然冇呃人, 真係絕冇添加任何濃縮果汁調味, 裡面有幾款新鮮原型水果, 完完全全天然水果味, 清甜解渴, 口感亦非常豐富, 每一啖都可以啜到粒粒嘅百香果籽同鳳梨果肉, 茶底清香絕不苦澀。飲哂之後可以揭開杯蓋面, 食埋入面嘅生果添!🍎🍊大熱天時要消暑解渴一芳水果茶確係一杯唔錯嘅選擇

今日行行下美麗華 口渴想買野飲見到吾係好多人排 ，就狗衝去排 。我叫左一芳水果茶，朋友叫左冬瓜鮮奶大約等左8分鍾有得飲了。水果茶有點普通 但冬瓜鮮奶又幾好飲 奶味幾濃郁 原來冬瓜同鮮奶又幾夾wo有驚喜！

一芳水果茶 $30之前無試過一芳，一直聽講一芳就係出名水果茶，所以就買水果茶試下。但結果，無想像中真係咁好飲，好普通，而且價錢貴又細杯，唔值30蚊！🙁叫咗少甜，不過可能因為有果醬關係，都係偏甜。入面有橙、蘋果同熱情果，啲蘋果好似幾多塊咁，其實切到好薄薄，不過好就好在，好容易就撕得開上面塊紙，食到入面啲生果。如果下次再飲嘅話，唔會揀水果茶，因為真係唔係我杯茶。不過一芳嘅價錢，除咗茶類外，普遍都比較貴。