一芳台灣水果茶 (Closed)

早前上網見到一芳$8一杯粉圓鮮奶茶，就即刻好想去買杯黎飲😋😋好耐之前試過水果茶同菠蘿茶都覺得唔係太合口味，所以之後都一路冇再買一芳了🙈🙈今次見到有優惠當然要去試下睇下有冇改善過啦！💁🏻‍♂️原本以為商場入面會好多人排隊買，點知唔洗排隊！店員仲好Nice好主動咁介紹呢個$8 優惠，未飲已經加左分啦～👍🏻👍🏻因為係$8 優惠，所以每人每次只可以叫一杯，唔可以一齊買，但店員落單都好快手。等左兩分鐘左右就有得飲啦！粉圓冇因為$8 優惠而減少左份量，有成半杯咁多！粉圓大細比其他珍珠奶茶店嘅珍珠細，食落煙煙韌韌粒粒分明，又唔會好粉好淋。不過奶茶就差少少，飲落冇咩茶味，有少少似麥記嘅茶包奶茶咁嘅味😂如果再買必須要叫茶濃！😎

#一芳台灣水果茶 (旺角)天氣炎熱🥵最適合飲水果茶降溫消暑。唔知點解一芳嘅水果茶外表好吸引，好似好解渴咁。搞到我都忍唔住叫返杯。聽人講一芳嘅水果茶偏甜，所以我叫咗微糖。淡淡的茶味加水果既果味同果糖，對於我黎講岩岩好。百香果好香而且酸酸地好開胃，加上其他水果味，帶點層次。但係茶底唔算好出色，生果都唔算好新鮮🤔所以有啲失色。整體來講，中規中矩，價錢亦都唔算好便宜，雖然市面上有好多台式飲品店，但主打水果茶既飲品唔多，所以我都會再回頭飲既😊

上網見到一芳台灣水果茶而家做緊優惠就係粉圓鮮奶茶只需港幣$8就可以獲得一杯啦!😱😱😱大概晚上七點嚟到美麗華分店🤔但係一個人都見唔到😱竟然唔使排隊😆😆😆仲以為呢啲優惠一定人山人海🤪我哋揀咗小糖同埋小冰,鍾意食甜嘅我都覺得揀少甜ok👌奶茶味道正宗，奶味偏重，粉圓其實係細細粒嘅珍珠，都係有咬口既！！不過8蚊可以飲到，真係抵到爛呀😍😍😍😍😍要講3次🤩🤩🤩🤩抵到爛抵到爛

星期六又係 shopping 好時間， 今日行去美麗華商場時經過見到一芳， 見到有多啦a夢產品好得意呀！原來一芳同多啦a夢crossover。熱飲同凍飲的杯圖案係唔一樣。買飲品可以用優惠價買多啦a夢產品，有雙層環保杯、雙層便當盒、環保單杯袋、折疊雨傘等。而餐牌都轉了用多啦a夢的噹噹作店主推薦。哈哈我們點了“金峰洛神檸檬” 同“古釀冬瓜茶”，金峰洛神檸檬 大杯 $23 (凍)，檸檬唔太酸洛神味特別，凍冰冰好消暑。古釀冬瓜茶 大杯 $20 (熱)，冬瓜茶潤喉飲落清甜。

#小秘書 呢晚約咗同事喺 #佐敦 #打邊爐，見時間尚早，先過去 #尖沙咀 #美麗華廣場，搵 #朋友仔 吹吓水、陪我 kill time🤣 本來諗住去Starbucks嘅，咁啱旁邊又開咗間 #一芳，挑起我條根... 好想再 encore #大甲芋頭鮮奶😻 上次錯誤地叫咗杯凍嘅，搞到我要一粒一粒咁冰匹佢哋出嚟😅 今次我叻咗，叫杯熱嘅 #大甲芋頭鮮奶❤️ 無咗啲冰水沖淡鮮奶味，又熱熱地好溫暖。不過有啲唔同嘅係上次我喺 #鰂魚涌 店食嘅係 #芋蓉，但 #尖沙咀 店嘅係 #芋粒🧐 不過都好食嘅，各有各特式啦🥰

芋頭人出動！一芳新出大甲芋頭鮮奶！好彩嗌咗無糖！原來啲芋頭煮既時候都加咗糖，同埋應該都落得幾重手下，所以無糖飲落都偏甜。芋頭分量唔算多，所以都唔係好食得出芋味，偶爾間有幾粒芋頭仔食下。鮮奶係明治奶，所以好濃奶味。整體有d失望，可以唔試，點都係迷客夏最好飲！

星期六都要獨自工作到晚上九點，肚仔打鼓打左千萬次，餓過頭，唔想食野，唯有到附近商場的「一芳台灣水果茶」買杯酸酸甜甜的「中華愛玉檸檬」為自己打打氣⋯⋯喜歡「一芳」的原因，除了它的果茶清新散發著清新的香氣外，更因爲它堅持用料的品質，原材料都由台灣進口，確保新鮮及其原道。讚👍🏻👍🏻👍🏻濕濕熱熱🔥的春天，清涼的檸檬像天使般專程來為疲憊的我打打氣，清新的香氣讓我為之一振💪🏻💪🏻謝謝這份清涼的溫暖。🥰🥰

尖沙咀來來去去都係得個幾個商場，今日我哋得閒美麗華商場啦，睇完collect point global work果d，係冇收穫嘅，好似啲款同上次睇係差唔多咁，咁我哋就去睇下有咩小食或者飲品可以潤一潤喉。行行吓嚟到一樓，見到有唔少人喺度排緊隊，原來佢哋係拍緊呢間一方水果茶，腦海中即刻標出之前有朋友話佢哋嘅烏龍奶茶好出色。咁我就試一試佢啦，我叫咗微糖跟住小冰嘅，大約等左30分鐘到，入口好滑，鮮奶好香，如果烏龍茶唔算太濃，同鮮奶好夾。

中午十二點幾，喺美麗華行完街買完衫，正諗住走既時候，居然見到一芳門口冇乜人。平時賣台式野飲既舖，點都有堆人架嘛。既然唔洗排，又咁岩口淡淡，不如買返杯啜下啦😂見到寫住黑糖粉圓系列限量100杯，二話不說，諗住時間尚早，應該仲有，揀呢個試下啦。前面得一個女仔等緊，幾分鐘都唔洗，我杯野就整好啦。不過呢個系列冇得自訂口味，即係冇得揀多冰少冰揀甜度果啲。我平時飲開走冰正常甜既。一飲落去都ok粉圓稔左啲囉，冇乜咬口普普通通啦牛奶沖淡左啲粉圓，所以飲落唔會好漏。想飲啲有味既，唔想飲水咁寡，咁不失為一個選擇。

今日經過尖沙咀見到一芳台灣水果茶，之前聽過都幾出名，但一直無飲，今日終於試到喇，都幾期待。係尖沙咀美麗華，呢到都幾多人排隊，由排隊至到拎到杯野飲，大約10分鐘。比相像中快。。。叫左杯黑糖粉圓鮮奶茶🥤黑糖味好重好甜，好甜，同好甜，冇乜奶同茶味，感覺好似飲糖水甘，D珍珠覺得有D多，珍珠唔夠彈牙，林PATPAT，唔太鐘意。其實係唔好飲(對我黎講)仲要都幾貴，30幾蚊一杯野飲。🤮可能水果茶會好飲啲既🙊

喺尖東飯後想飲杯飲品解渴都有幾間店可選擇，今次揀左呢間台式飲品店“一芳”。其實同類型既飲品店真的很多，但仍然有一班好似我既捧場客，間唔時都想飲一杯。黑糖台式飲品真係熱潮，行過唔少台式店都見到門口有杯黑糖飲既相。我都追下熱潮點左呢杯 “熱中杯黑糖粉圓鮮奶”，甜度固定不能選。我覺得有點偏甜，但黑糖就係呢個甜度，然後QQ既粉圓真係太配嘞！雖然我係口渴，但一邊飲時係好想食到粉圓，就好似食甜品咁，價錢唔算平但值得再試。

我好鐘意去尖沙咀呢間一芳分店飲野,因為係商場入面行街買野突然口喝的話,唔洗搵便利店,行多2步就可以買到茶飲!!最重要係呢度唔似出面既街鋪咁細咁迫,無論排隊比錢定攞野飲都等得好舒適!我哋到達嘅時候已經係九點幾,以為冇咁多人排隊,點知見到好多人等緊,睇咗menu一陣,諗緊不如飲水果茶嘅時候,發現隔離貼咗張新嘅poster,寫住"期間限定~溪口甘蔗系列"<溪口甘蔗鮮奶>同<溪口甘蔗青茶>,我望左一陣,決定放棄水果茶,簡<溪口甘蔗青茶>!等咗大約五分鐘我嘅甘庶青茶整好啦!!急不及待篤來飲,不愧係甘蔗青茶,充滿住清茶嘅幽香,我最怕台式飲品太甜,所以每次叫親都一定係微甜,可能因為我揀嘅係1/3糖,所以甘蔗味唔算好重,清清淡淡既茶香反而帶出了清新的味道!!真的不錯!!

食飽飯，朋友話想飲🦌角既黑糖珍珠，不過之前經過見到條人龍都怕怕。最後轉場去一芳，去到得幾個人唔使點排仲有冷氣涼。✨雖然身處美麗華，但價錢居然唔貴，最平$17已經有一杯，水果茶一向係我頭號選擇。✨黑糖粉圓鮮奶茶（$33)：朋友買既，搶黎試左兩啖😍第一次飲黑糖奶茶，不過佢就無大熱既虎紋，同埋佢既冰量同甜度都standard 左無得㨂。✨開頭未攪得混，黑糖味都幾濃。一啖已經飲到好多珍珠，佢d 珍珠夠腍少少煙韌又香甜，係我最鍾意既質感。之前飲過東喜茶，d 珍珠真係韌到車呔咁，飲完個胃滯左一個禮拜。✨對奶茶無咩研究，飲左兩啖覺得幾好飲丫，不過朋友話幸福堂好飲d, 個茶更香滑，搞到我都好想試😳。✨一芳水果茶（$30/M): 㨂左半糖，我覺得略為酸左d, 味道以熱情果為主，但都飲到茶香。一路飲仲可以咬埋d 熱情果核，卜卜聲。雖然覺得酸左d, 不過好彩個底有d 菠蘿粒，救番佢～下次我都係揀少糖，甜番d 好飲d~✨不過想食埋d 生果，個蓋面有層膠膜實在太痴得太實，最後放棄左，呢下扣左少少分。但整體性黎講呢間野感覺良好，可以一試。

近來水果茶大熱，身邊人人都久不久就去找尋新店/名店試試而我本來便偏好水果茶多於奶茶類別，貪其茶底清香及生果鮮甜的組合帶來清新的感覺而素聞一芳便是數間水果茶的表表者，今天外出工作關係順路經過美麗華，閒日等下午時間沒有人排隊，便試試他的水果茶。門面以木製材料裝修，像是日本小店的質感，喜好美感的我為此裝修默默加分初次嘗試，沒有減糖，想試試水溫。一入口便覺得甜得太過分，另外也嘗不出茶底之香味，可能本來茶底太淡，給甜味完全蓋過。唯一取勝位是水果份量夠，打卡拍照就適合，味道只得甜味和生果，沒有茶味

又一唔洗排隊黑糖奶選擇💕.《#黑糖粉圓鮮奶 大 HKD$33》完美的黑白對比色好靚啊！近半杯都係黑糖粉圓單用眼看已經極為滿足♪( ´▽｀)！而且黑糖味好濃郁～係台灣飲到嘅味道好感動啊！小小不足嘅係粉圓比較細粒，食唔到珍珠好煙韌個種口感，而且奶味都比冰塊沖淡咗，所以係你2方面有少少扣分🤧！不過以唔洗排隊嚟講都值得我再回購㗎！♪( ´θ｀)ノ.肥妹仔評分: 7.5/ 10