英記油渣麵

Open Now

Now Closed

聽聞里間油渣麵好好食，跟朋友特登走去試。間鋪好難搵，係喺d整車鋪同5金鋪中間，又喺橫街度， 夜晚去記得搵個黃色大燈牌就見到喇。估唔到平日夜晚11點都幾多人，差d要搭檯。原來無咩選擇，主菜真係得油渣麵食，無其他麵揀，只可以揀大碗同細碗，另外可以叫d雞翼腸仔同油菜。同朋友一人叫左一碗細碗油渣麵試試， 個麵質地好特別，好有口感，湯低有d冬菇味，都幾好飲。 我本身唔太鍾意食肥膏，但d油渣炸到脆卜卜，唔太覺得油膩，所以都食左好多。

叫了一碗瘦渣油渣麵，瘦渣炸了較脆口，湯底似係雞湯，勁甜，加了葱和冬菜，特別香。令一碗係冬姑走渣麵，冬菇細細粒，又有菇香，加了秘製辣椒油，辣辣地好香，好味道湯都可以飲晒。再叫了芥蘭油菜要豉油，這處豉油都係唔同平時，特別香，唔知係咪加了豬油。、

帶著期望的心情過來嘆碗出名的豬油渣麵，結果...........是咁的，因為最近公司有個新工程在大角咀區，安排我地team負責，因為我地成team都唔熟大角咀，於是決定道聽途說，食名氣，黎到英記門口，我地以為有冇認錯，講到咁出名，點解舖裡面一個食客都冇？但係一場來到，咁冇理由唔試下既，我地五個人都係叫油渣麵，黎到時真係五碗豬油渣同麵，冇咩配料，心諗：唔通真係清唱咁有自信？食落大家都冇出聲，直至食完為止，唔係因為太好食，而係真係好普通，no comment😪食哂係因為碗麵好細，冇咩特別，同通x小食個碗油渣麵差好遠，唯一值得讚係辣椒油

很出名的油渣面。我還是頭一次吃。😅 深夜3am 去到竟然是基乎坐滿的。沒有餐牌，只有兩張紙貼在牆上寫著芝士腸，雞翼、菜的種類！朋友介紹叫了大小面各一，雞翼，介蘭！Em... 面很粗身，有咬口，湯濃而入味！雞翼就是一般炸雞翼嚕.. 埋單$104 Ok la! 不過不失！

30呅碗，湯底比以前差，唔知點解好重薑味，油渣碎濕濕，我相信一段時間都唔會專登去食佢，仲有d雞亦好細隻， 三哥米線應該贏佢。呢d鋪頭係應該支持，但係水準要保持得到先對得住d客仔。

英記油渣麵🍲全店只賣油渣麵、芝士腸、雞翼同菜。店內裝修好簡單，只有最普通既枱椅，白色牆身，欲有著不平凡既食物🤤呢個就係餐牌，食物款式一隻手5隻手指都數得曬，儘管食物選擇咁有限，晚飯時間店內依然有唔少捧場客。油渣麵🍲肥豬肉炸到好似半肥瘦叉燒，成碗麵既清湯底一d都唔油，仲要有小花菇在內，絕對有誠意👍🏻 枱面無任何調味料比你加，只有好好味辣油🌶 可見呢間小麵店對自己既湯底幾有信心！雞翼$16🐥 芝士腸$5雞翼同芝士腸應該係煎定，上枱唔夠熱唔夠脆，雞翼係最原始既煎雞翼無添加任何醬料但已經好夠味。油麥菜 $18 🥦🥒菜超級新鮮同清甜☺️ 值得一提既係個豉油汁，唔係就咁倒李記豉油，應該係有落其他野有自家調過味，甜甜地再配上新鮮既油麥菜好正。經營左幾十年既油渣麵老字號，由始至終店內都只專註賣一種麵食，食得多不如食得專，大家一定要去試😎

以前覺得大角咀是一個交通不太方便的地區，但卻有無數我喜歡的小店餐廳紮根在此！英記地方雖然不大，坐滿人也只不過十人到，但店內人流如輪轉平時應該深得街坊心豬油渣以炸香的肥膏瘦肉做成，選用上海粗麵，有點咬口，不會煮得過久而太腍油渣放麵上，可嚐到油渣脆卜卜的口感，那陣豬的肉香撲鼻而來，入口香脆而不覺油膩呷一口湯，雖然沒有豬肉香，卻甜而不膩，心中大叫好！另外油渣麵可選辣度，若非嗜辣之人，不妨走辣，因為小辣的辣勁也很強

係附近運動場做完運動就想搵下宵夜食，見到呢間油渣麵，聽聞好似幾出名就入去試試，野食選擇得好少，大細碗麵，或者加啲餸雞翼腸仔果啲，仲有幾種菜可以叫。咁就食左碗細油渣麵，麵質幾特別，似大條狗仔粉，餸有少少冬菇條，肉粒，湯都幾鮮味。

英記油渣麵係我想去既食店list內已經一段時間，因為佢開店既時間及地點，所以遲遲都未有決心去試。難得收工去左旺角行街，就行遠少少去埋大角咀試下！一入到店內，果然同食評寫既一樣，都未坐低就俾人問要大定要細，由於第一次黎其實餐牌上有咩都未了解，就先叫左兩碗細油渣麵，之後再加雞翼及芝士腸，同埋腐乳通菜。細碗油渣麵睇落份量好小，但其實食埋小食都夠飽，雖然無想像中咁好食，但係比起我係外面食過既油渣麵，呢到既味道算係唔錯雞翼同芝士腸味道正常，$1/1條既芝士腸真係好抵食，另外腐乳通菜唔記得左照相，但係佢個腐乳醬好好味，唔會得個鹹味。整體上味道係唔錯，但係唔會再特登走黎食，除非咁岩經過。

天氣凍凍地又咁啱同老公差不多時間收工，就諗起好耐冇同老公食過，就約左呢間喇其實我覺得呢間出名係腐乳醬配通菜一流，所以例牌會叫腐乳通菜，另外當然係叫佢地唯一主食，油渣麺！好耐冇黎，感覺D油渣好似冇咁好食，不過仍然有原隻冬菇，冬菜又好似小左D，碎左D，不過味道依然嘅，只係老公叫多渣同我冇叫多渣，差不多咁囉，以前多渣真係好多架，生意難做，明嘅另外又叫左雞翼，又好似冇咁好味，淡淡地咁，可能以前咸D，不過okay嘅

仲記得第一次黎食系由同事帶，自此之後就經常光顧！我非常非常中意呢間店ge面好自家feel，好彈牙！畫龍點睛系間店ge英記秘製辣椒油！自問食得下辣ge人，但佢ge辣椒油真系好辣！！但辣得黎同油渣面好夾！！好在佢間店有賣辣椒油，一支支放曬系店面。睇黎辣椒油都幾受歡迎！舖頭除左油渣面外，仲有好多吾同小食，例如：雞翼、芝士腸、菜等！同面都幾夾！總之，好少食店會令我住荃灣專登黎食，搬左元朗都特登反黎食！好似今晚甘，渣車外賣左3碗油渣面、3份雞翼(12只)、3份芝士腸(15條)total：$150【可惜好猴禽，掛住食忘記拍照】經濟實惠！！好味！備註/提醒：間店開夜晚7點至凌晨吾知幾多點（不開日間，不要摸門釘）

在一個風和日麗，萬里無雲的週末下午，天清氣朗，帶著幾分的秋意，心情特別佳。在附近蹓躂一會兒之後，吃個麵才回家。因為天氣乾爽，這個時候最好來一碗濕濕的湯麵。小人記起久未來過的英記，毅然前往是也。雖說是豬油渣麵，湯底反而不濁頗清，味道一點也不濃烈。所謂的豬油渣不過是炸豬腩肉，瘦肉位既靭且鞋，脂位是爽的，但多吃無益。粗麵條煙靭滑溜，加些辣椒油更為和味。比起以前，這應該算是是一碗較為健康版的豬油渣湯麵吧。這一回，未能吃到從前的風味。

油渣麵是我最愛的食物之一，可惜除了大家食餐廳有在賣外，其他可吃到油渣麵的地方已買少見少，多害怕有天已不能再吃到呢！幸好發現了這間頗出名專食油渣麵的老店，這店更得到陳奕迅的高度推介，更加令我不得不試試啦！店舖在大角咀舊區，不容易找到。當天星期六接近下午三時去到，店內只有幾個食客，後來才發現原來三點便關門，難怪店員不多想理會我。食物選擇不多，只有油渣麵、菜、雞翼等數款。油渣麵分為大、小兩種份量。點了碗小的，價錢合理。湯底夠濃，麵質彈牙，冬菇多又入味，油渣大舊且香脆爽口，不會有油膩感，可惜油渣不多，不夠喉呢。

最初我以為是肥豬肉碎, 原來是一條條的肥豬肉條, 有D 夾雜瘦肉, 我食過果DD 瘦肉, 同一般豬肉無分別, 但一咬果D 肥肉條就....嘩, 真是肥糕黎, 自問食唔到.... 所以全部俾哂隔離果位, HAHA如果唔計D 肥肉條, 其實只是普通麵一碗, 湯底原來一D 都唔肥, 算少油, 麵是粗麵條, 都幾飽肚, 另有幾舊冬菇。芝士腸正常, 雞翼煎得幾香口。焯菜正常。

又打風~天鴿,帕卡, 而家又瑪娃 由驚至煩啦！都要宵夜照食嘅 ...又尋舊路....“英記油渣麵“ 29元 油渣不再全部用咗“炸五花腩肉“ 肉很..很..嚡麵條唔算太硬 但未入味 雖然湯底味冇大變 都已經“名不符實“通菜脆嫩 但腐乳太甜 17元 腸仔5元5條 底食 但炸到爆晒 醜樣辣椒油~自家製勁辣香 但有啲創喉放啲落麵 就有畫龍點睛嘅效果不過唔好放太多 要量力而為回味吓以前食嘅英記油渣麵 ~ 平民晨吉(4am)早餐 食飽就去碼頭開工油渣炸得夠脆唔油膩 黐住少少肉金黃色細隻冬菇清香味 濃沃嘅豬肉湯底麵條係嗦晒豬肉濃湯汁 淋淋哋 大大碗仲有大大個茶煲盛住茶 自助任飲不過眼見啲民工就飲四両唔飲茶