英記美點小食 (Closed)

從老遠車老婆返屋企, 梗係要屈返佢一餐宵夜. 由於路經新蒲崗, 就o係呢度兜o下睇下有咩食. 兜左兩個圈, 發覺都係不外乎粉麵或者小菜打冷之類, 咁兩個人又唔係好肚餓, 冇理由打冷架, 咁就去左呢間英記小食.雖則話係叫小食, 但係其實以麵食為主, 而主打仲係舊式雲吞同水餃, 即係細細隻, 唔會有好多蝦果款. 其實舊式o既唔只雲吞同水餃, 仲有呢度o既格局, 我好相信我眼前所見o既同二十年前所見o既唔會差好遠.兩個人叫左一碗炸醬麵($11), 一碗水餃豬手麵($15), 一碗淨雲吞($11)同一碟菜($5). 雲吞的的式式, 以豬肉餡為主, 雖然食落沒有爽口彈牙的口感, 但味卻非常實在. 水餃雖然都係細隻, 但材料十足. 豬手則較為遜色, 唔夠腍而且太細舊. 炸醬麵味道正宗, 難得是肥肉所佔比例頗多, 不過自知quota有限, 只是淺嚐而已. 麵身方面比較幼, 有彈牙的口感, 沒有鹼水味.而小食方面就有腸粉燒賣, 豬肉餃之類, 唔食粉麵都有第二個選擇.最重要係宵夜時段門口可以泊車, 唔駛左搵右搵車位. 作為宵夜, 絕對係首選!!

因為佢開得好夜, 有時經過都會買d 消夜番去食, 一般麵店, 不過佢既水餃係好好味的, 所以有時屋企打邊爐, 都會來買水餃回家!$24 元一打生水餃, 唔貴丫

未試過堂食任何野,但就成日買小食返屋企食～小食好平，椰菜餃、”九”菜餃同粉果都係5蚊2個，味道好味過茶樓～個人最愛椰菜餃，一黎第度少食倒，二黎真係好味，層皮yin un～抵食！以咁ge價錢黎講,味道滿分~

已經轉賣雲吞麵,雲吞都唔錯,舊時巷仔一一粒果種.好彩門口重有粉果,蒸餃及燒賣有得賣~~~~~.

今日本來打算黎試擔擔麵點知原來星期日係唔開麵既部份只會o係門口賣d簡單食物例如燒賣同蒸包去到門口時阿姐忙住賣野都仍然好有禮貌咁話唔好意思, 星期日唔開比起七喜入到去幫襯都仍然黑口黑面對住你既阿姐明顯好得多

我以前住新蒲崗, 成日去食,貪佢好味又夠抵~佢雖然唔係話裝修得好好,但好乾凈~佢係比較特別ge面店,有銀針粉~最正係佢ge辣醬～！雲吞都好特別,有粟米係裡面,蝦肉夠彈牙!~

我由它第一天開已幫襯到而家,而今天它已經轉了老細,但乃保留了部份舊有的食物及加了一些新的,來到這裏吃它的粉果,已是我的指定動作,一定先拍兩隻,再來麵食,新的老闆娘,加入了一些四川風味,首選四川牛肉麵,牛肉有咬囗,好辣必選,還可加辣,再來麻辣撈米線,米線非常彈牙,有很多佩料可供選擇,再來長買長有的擔擔麵,如果不好辣者,可吃它的雞絲煨麵、客家鹹雞飯,還有加了一些冷盤小食,粥類及糖水,但那些水較、雲吞、豬扒及雞翼,我則比較喜歡以前了,但乃是我的心水店．

這已是第二次幫趁, 今次點了雞絲煨麵($19), 雲吞($15), 涼拌三絲($10)同楊枝金露珍珠($15). 雞絲煨麵味道很好, 很香, (本人與男友較喜歡牛肉麵(辣)^^), 雲吞大大粒, (同樣地覺得水餃比較吸引).涼拌三絲有別平時吃的, 這裡是火腿, 粉絲, 海苔, 是即叩即做的, 但可惜做不出涼拌的效果!楊枝金露珍珠也是即做的, 用了整個芒果! 同樣的問題是不夠凍, 不過很適合身體虛弱又鍾意食甜品的我!!共$59...都好飽!值得一讚的是老闆娘親切健談...

今日無意中先留意到呢間鋪頭, lunch食左個担担麵. 佢個醬係d好杰0既花生同炸菜碎, 碗麵佢唔係落好多湯(未夠浸過d麵, 掂唔到d雲tun), 但係好親切地俾多碗清湯任你自己食到乾水時加入去. 但係我就冇加湯, 直頭當佢撈麵咁食. 個人覺得好食過春天0既担担麵. d雲tun都好食, 唔係一舊實拮拮既肉, 入面有豬肉同椰菜, d皮都好滑又大粒, 又平(淨担担麵$15, 雲tun(5粒)担担麵$20, 排骨麵$15), 仲有d小食例如菜肉包($7/2pcs), 煎釀三寶等, 下次我會再試的~

以前經常晌呢頭出沒，朋友介紹話雖然呢度望落幾"up""dup"下,但係呢度d豬扒擔擔麵($23)真係幾好味,雲吞水餃都好大粒架!味道都唔差，唔嫌地方環境零吸引可以去試下!坐坐下居然會有d西裝友同OL黎食!黎開呢頭..不妨試試丫!