友米

Open Now

Now Closed

如果你係檸檬茶嘅忠實粉絲，手打香水檸檬茶真係必試之選！呢杯嘢嘅最大賣點，就係佢嘅平衡感——嗌少甜之下帶少少檸檬獨有嘅酸澀味，喝落去清爽又有層次，相信嗌全糖都唔會覺得太甜！ 檸檬嘅香氣好突出，感覺好似啱啱搗碎咗啲新鮮檸檬咁，每一口都充滿住自然嘅清新氣息 🍃。嗰啲微微嘅酸澀，完全冇搶味，反而令整杯茶更加有深度，唔似一般檸檬茶咁甜到膩，真係好啱鐘意飲清爽飲品嘅人！ 仲有一個好大嘅亮點就係——**超抵飲又大杯**！👍 無論你係想解渴定係當下午茶，呢杯檸檬茶都係個超值選擇，特別適合預算有限但又想飲啲高質飲品嘅朋友。 總括嚟講，手打香水檸檬茶以佢自然嘅檸檬香氣、啱啱好嘅甜度，再加上超抵嘅價錢，喺一眾飲品入面絕對係脫穎而出嘅一杯！如果你鐘意飲啲唔會太甜膩，又夠清新嘅飲品，呢杯檸檬茶真係唔會令你失望！ **評分：4.5/5** ⭐️⭐️⭐️⭐️✨ 理由：味道清新、價錢夠抵，但嗰啲酸澀感可能對唔鐘意酸嘅朋友嚟講會有少少強。但講真，呢個先係佢嘅特色！🍋以上內容為POE提供🤣但提到優點係自己寫嘅~

呢間野都係睇影片分享平台 介紹，去到收銀發緊夢咁咩都聽唔到，問佢有冇甜度揀佢問我要幾甜，我問佢有咩甜度揀，佢又叫我講，成件事好雞同鴨講跟住整野飲果個響佢隔離 我問少冰得唔得，佢話下次早啲講，我心諗都應該冇下次你咁串整野飲個妹妹態度好好多野飲我覺得合理，但冇咩驚艷既感覺，純粹食完野想解渴可以買，不過我會建議去另外幾間買多啲

最近手打檸檬茶開到通街都係，總有一間係左近，但平均一杯都要$3x。呢間雖然加左價，但都只需$18就有500mL(出面普通size)，$25@700mL，都唔夠飲就俾夠1L霸王杯都係$32咋，相等於出面買一送一，仲要係高質嘅手打檸檬茶，呢個價錢係邊度搵。去太安樓掃街，唔整返一杯真係會對唔住自己。我今次試左手打香水檸檬茶$25@700mL，叫左少冰，真係少少🤏冰，真心要俾個like👍🏻，之前試過林xx，d冰多到有大半杯，聲稱茶與冰有黃金比例，不能少冰，飲左兩三啖就冇。呢間真材實料，但唔會唔凍，剛剛好，大大杯飲極都仲有。店員都好落力手打香水檸檬，飲落好順口，檸味十足，飲完好fresh，絕對係一杯高質手打檸檬茶。我下次一定會叫霸王杯。另外，呢間都仲有好多味道選擇，下次再試吓唔同味。

西灣河最抵飲手打檸檬茶 依家好多手搖都賣近$30 呢間最平手⭐️打香水檸檬茶 $500ml 只係$16 仲要開係美食集中地太安樓 值得試試分享一下.⭐️打香水檸檬茶 500ml/700ml $16/$23落單之後見到哥哥 加冰超落力打檸檬👍🏻所以飲落苦澀味突出 但唔會太苦 感覺好順口‼️要注意 呢次叫左正常甜 但味道係少甜絕對適合今時今日普遍香港女仔口味👍🏻叫左小冰 望落見到真係少少冰 但飲品都夠凍🤦🏻‍♀️今時今日太多檸檬茶 賣冰多過賣飲品.整體高分好評 純粹因為佢比到一杯檸檬茶應有嘅野我無論味道 冰量 價錢 份量 綜合抵飲.#友米 (西灣河)地址：西灣河筲箕灣道57-87號太安樓地下A19號舖.⭐️評分：味道：4/5環境：-/5服務：-/5抵食：4.5/5..#飲食 #美食 #優惠 #抵食 #hk #food #hkfood #hkfoodie #hkfoodblogger #hkblogger #hkfoodies #香港美食 #旺角美食 #葵芳美食 #尖沙咀必食 #荃灣美食 #天后美食 #天后必食 #掃街 #檸檬茶 #西灣河必食 #西灣河美食 #筲箕灣美食 #筲箕灣必食 #北角

最近手打檸檬茶勁heat,但普通都要$30相比之下友米真係平到黐線，500 mL都係$16，價錢好似返返10年前咁🥹平價之餘，質素都有保證，香水檸檬係必飲！一飲落去就勁香。🍋陳皮味就因人而異，因為佢用嘅係腌製咗嘅陳皮，會比較鹹。🍋椰椰檸檬茶，咁落去個味道都幾新鮮，檸檬溝椰子意外OK，我飲咗檸檬嘅酸味同埋椰子香味。

今日去呢間舖頭買檸檬益力多，同落單姐姐講：「可唔可以盡量少甜？」，因為我知道益力多係固定甜度，只係想盡量唔好額外加糖，個姐姐棟喺到唔識畀反應，所以我先補句：「有無得走甜呀？」企喺隔離整緊嘢飲個哥哥極嫌棄表示：「走甜唔好飲㗎喎！你不如唔好飲，飲返普通茶啦！」其實我明白唔係每一間茶飲店都有走甜呢個選項，普遍茶飲店都會回應返「甜度固定，無得走甜」，而「走甜唔好飲」間唔中都會有，但從來未試過會咁樣畀人噴…呢位老細，我唔知道你係太忙定係心直口快，以上係我買茶飲嘅經驗，希望你學習一下點樣向客人表達得禮貌而更到位。

太安樓出名外賣小店多，難得呢間外面有一兩個企位，就試一試。手打香水檸檬茶：依家大熱，好多地方都有賣，今次終於一試。比起一般茶餐廳檸檬茶，呢個用左青檸，而且幫客人打好晒，出晒檸汁，感覺更清新，香味比較特別，一係好鍾意，一係好唔鍾意，未必人人會接受。我like佢唔會好甜，但記得叫少冰，都偏多冰～雜雞米： 咖喱汁做湯底，有雞髀肉、魚蛋、墨魚丸、牛丸，叫完有少少後悔，似食雜丸米多d，如果麻麻地丸類，應該要叫返佢個招牌雞汁米。但雞件都普通，似冰鮮雞。反而鍾意佢個米粉，好掛湯汁，而且份量都多，夠飽。呢個價錢黎講，我都覺得好滿足。

🇭🇰Hong Kong - Sai Wan Ho📍Ym 友米鴨屎香檸檬茶_____________________________唔知大家有無發現最近好多新開嘅飲品店都係主打手打檸檬茶。今日係太安樓掃街嘅時候見到，同埋見到有優惠就買黎試下！落完單之後真係見到店哥哥，加冰加檸檬超用力咁打，打到出曬汁！即刻飲返啖試下，同平時飲嘅檸檬茶相比呢種檸檬確實比平時嘅香好多。搞到我好想知究竟呢個係咩品種檸檬。另外，見到鋪頭仲有其他野食好似雞米，雞翼包飯都幾吸引！下次去試下先！📍 西灣河筲箕灣道57-87號太安樓地下A20A號舖

甚少寫食評，但一喝覺得應該讓大家知道他的好😂在台灣可以每日一杯手搖茶，所以很怕喝到難喝的東西🥲尤其香港的價格不便宜，茶餐廳的檸檬茶其實常常讓我覺得太苦澀，但天氣炎熱又不想喝奶茶。但今天喝的茉莉檸檬茶入口有香氣，檸檬也不苦不澀，先生也對他的鴨屎手打檸檬茶好評，讓我甚至有點後悔只叫小杯，炎炎夏日不適合喝珍珠奶茶，大推這家檸檬茶！解渴又清爽

Bubble tea, brown sugar milk tea, Taiwanese fruit tea and now ... hand punched lemon tea. Suddenly various brands have propped up throughout the city. All of them use a green lemon and then they pound away by hand to make you a cup of lemon tea.I love lemon tea and curious about this trend. A while ago, I tried a place in Kennedy Town and was thoroughly disappointed. It lacked everything. Poor tea quality and lack of lemon flavour. Then other brands propped up. All from China. I decided to give

手打檸檬茶店終於殺入太安樓！ 最近大熱既手打檸檬茶店 唔少珍珠奶茶店都爭相加入新menu， 誓要吸引唔少唔想飲到肥嘟嘟既人😂😂 前身腸粉店 最近改頭換面賣台式小食同手打檸檬茶。 價錢方面更比起坊間其他店抵。原本並唔抱希望會好飲 ， 畢竟一杯大size既手打檸檬茶連$30都唔洗 仲要唔止一款， 咁抵邊度搵😆簡單地試左「茉莉毛尖檸檬茶」（細）（$16） 同埋「鴨尿香檸檬水」（大）（$23） 。 等既時間唔長，好快有。 「鴨屎香檸檬茶」 ：其實鴨屎香係指烏龍茶既一種， 鴨屎香檸檬茶 其實即係烏龍茶底既檸檬茶。 味道飲落清新。 因為係香水檸檬關係 飲落同一般檸檬茶唔同 可能因為手打關係 所以好易食到啲檸檬肉（因為散哂）😂個人就勁推「茉莉毛尖檸檬茶」。 顧名思義 ， 依款檸檬茶茶底係用茉莉花茶做茶底， 飲落會比鴨屎香檸檬茶有花茶口感同淡啲啲 岩哂清清淡淡既人。 因為係檸檬茶關係 所以都建議買左要快啲飲 唔係就會喼哂苦了 另外店內仲有賣小食 更可以加$10加一杯手打檸檬茶 真心勁抵