洋一居食屋 (Closed)

以前住西貢,小巴站就在附近. 差唔多一兩個禮拜都黎食一次. 九龍城都算多好野食, 點解要黎呢間? 因為好食囉---老公試過一次過食３個咖喱吉豬飯, 佢話全香港最好食係呢度.搬離西貢已很久, 好耐都無黎食. 偶然下午經過, 決定要重溫一下. 已是下午3點左右, 人唔算好多, 但都坐左一半以上. 我地得兩個人, 諗住坐入面既兩人位, 但係招呼我地既亞姐唔畀, 反而要我地坐近門口既6人大枱, 咁佢叫到, 照坐啦. 黎到呢度, 當然西叫一客咖喱吉豬飯. 另外重叫左個三色刺身飯. 食物質素依舊咁好, 吉豬脆卜卜, 咖喱汁甜度同辣度都ok; 而我既三色刺身飯既刺身係一件件好似平時食既刺身, 而唔係一粒粒, 雖然唔方便撈飯, 但係質素就睇得清楚係好野. 講完食物, 要形容一下佢地既服務. 除左頭先所講亞姐畀左個唔係咁"洽當"既位畀我地之外, menu係"pat"晌枱面, 叫完野就攞走; 當食到一半既時候, 最唔想發生既事發生左--有一家人入黎食野, 就望住我地呢張大枱, d亞姐又唔會試下將兩張枱併埋一齊畀個客, 就係叫個客企晌度等我地食完! 唔知係咪因為想趕客, 我地一食完邊樣佢就立即收起, 驚死你

以前住係九龍城, 都唔知有呢間日本食肆. 經友人推介, 今次就特意來試試. 嘩, 九點幾, 仲要等位, 咁就更加有d期待. 坐下後, 找不到剛才門口雜誌的報導添! 若有四週張望, 睇睇其他食客點些什麼. 嚇然發現大家都點了廣島燒餅, 好飽肚的野喎....不過既然咁多人叫, 我們都點啦! 先來的係芥末海鮮沙律, 雖然係碎濕濕的海鮮, 但不要少看它, 很新鮮喎! 跟有芥末味的醋汁伴食, 極之匹配. 再來的係串燒鰻魚. 其實上枱時, 真的很失望, 因為一串鰻魚只有薄薄的三條, sorry, 無法用片形容. 窄窄的只有不足一厘米的闊度. 但燒得十分香脆, 魚本身也很爽脆. 仲有, 一般燒鰻魚會加很多鰻魚汁, 會這裡的卻係鹽燒, 味道相當特別. 有點像魷魚...不會吧! 但真係有少少似, 我諗要大家自己去找答案. 但這味真教我另眼相看. 不一會, 汁燒牛柳也上枱了. 見牛柳片上有蘿蔔蓉, 覺得幾精緻喎. 味道也不錯, 牛柳味美, 夠嫰. 很期待的燒餅終於出來啦, 但...較厚身喎, 粉漿和椰菜很多, 上面淋了甜甜地的燒汁, 還有肥牛係面, 味道唔錯, 但粉漿的份量可以少點. 有少少失望.

午餐時段這裡都幾多人,電視播放日本的節目,但不見有日本人來吃呢!我的午飯點了咖哩豬扒飯,想不到味道都真不錯,咖哩汁好食固然緊要,連豬扒都炸得脆卜卜,咖哩汁入面仲有薯仔同磨菇,兩者都入味,另外仲放了一些提子乾,整碟飯很有水準!見餐牌很多選擇,有燒餅,拉麵,壽司,小食,豐富的選擇吸引了我下次都要再嚟幫襯!

睇OR食評，這一間似乎是九龍城地段唯一食得過的日本菜食肆，因為之后要食甜蜜居和小店的甜品，就和朋友點了較少食物。三文魚沙律，$35，三文魚碎很肥很鮮美，可惜份量少得可憐。酸酸甜甜的日式醬汁很開胃，配上三文魚后的效果不比芥辣差呢。海苔絲的加入亦很夾，只不過出面的土豆沙律落了太多的沙律醬，食過有少少滯。海鮮燒餅，$48，比起之后食的尖東的叮噹燒的海鮮燒，這里的出品要略勝一籌呢，仲平過叮噹燒。海鮮用料不算豐富，椰菜的份量顯得過少，不過勝在所配的他他醬份量十足，為燒餅添味不少，就是好肥呀…小試兩樣后亦覺得食得過，價格也算合理，卻不值得特登去食，作為甜品前的一餐倒還合適，算是個warm-up啦

午餐吃了一碗叫站住吃拉麵,幾好食,想推介俾大家湯底係辣的湯底,味道有好重麵豉味,但係可能因為佢辣,所以好開胃,加上大量既粟米粒,雪耳,筍,紫菜,味道更佳,义燒大大片,我成碗麵食哂都仲回味緊另外燒餅做得不錯,不過叫左個壽司拚盆只係一般,唔係佢地既強項,記得叫枝波子汽水飲,咁先至perfect!

上星期同bf係呢度食,六點幾就入去,都開始陸陸續續有人入黎食.叫左牛肉燒餅,焗蠔,石頭飯同埋刺身.牛肉燒餅>算唔錯,比0係其他店食的不同,燒餅比較厚身,d sauce好味.焗蠔>ok鮮甜.因為自己落左檸檬汁,其實呢個用cheese焗,落檸檬汁反而唔夾,落完變得更酸.石頭飯同埋刺身就無咩特別,不過呢間店的確幾抵食.最後因為太full,無食奶茶布丁,下次會去食返~

前一晚聽到家姐話呢度既燒餅同埋蠔(...)係好好食" 我同左3個唔同既人去... 佢地都話d蠔好正架!! "於是... 我同女友又一次玩即興...第2晚就即刻黎左呢度食 係黃大仙搭3蚊小巴黎到九龍城前後不過5分鐘...一路以為九龍城淨係識泰國野出名.......今次就搞搞新意思... 試一試呢間門口好多明星簽名既洋一居食屋 是晚為Friday等左大概15分鐘就到我地鳥入到去... 第1個感覺... 就係好迫台與台之間... 只有5cm相隔... 動作大少少都隨時撞到隔離位第2個感覺... 就係幾日本feel... 一路有2部電視播住日本既節目...揭下個MENU嘩... 又係好多野想試...眼花撩亂... 聽講呢度既燒餅好出名就叫左一個海鮮燒餅又... 聽家姐講話蠔係好好食於是就叫左個炸蠔... (唉... 出晒事 -.-a)再另外叫左個 牛肉烏冬鍋 同埋 香草雜茵扇貝~無幾耐d野食就開始黎鳥仲要一次過黎晒.................... 食得呢樣既時候就食唔到第2樣... 香草雜茵扇貝... 好好食... 我同女友都好鐘意食仲total有4隻扇貝... 都幾抵~!!牛肉烏冬鍋

小弟想食日本野之際,見有一居食屋名叫洋一,噢!是味吉洋一開嗎?只叫了一碟咖哩豬扒飯,吉列的豬扒切成六大件,最好食係邊位兩件,因為邊位脆d啦!咖哩汁好食呀,仲有幾件薯仔同磨菇,飯係日本珍珠米呢!有幾粒提子乾不過我就覺得怪怪地,唔係好襯,所以揀開左!場內仲有電視機播日本電視節目,好有氣氛!服務ok啦,都唔算好好,不過不失!

老實說,專登從又一城搭車過來食飯,食完飯又番番又一城確實有點傻但是不太快樂,稍稍縱容一下自己有時太理性也不算好事!dinner 等了2張枱才有環境真的超嘈,要大嗌,所以冇咩講野點了:木魚豆腐:好細件~ 味噌汁加埋生蔥和木魚,超咸!個豆腐始終唔係homemade 所以一定差D!海鮮燒餅 (okonomiyaki): 都唔係咁好食O者!個麵粉厚左D囉!燒脆皮鰻: OK啦,不過唔係脆皮~竟然是串燒上,一串得3小粒~炸甜蝦: 完全不是甜蝦!!!只是普通的蝦連蝦殼,仲食左粒臭添!!!!!!!!!!!!!!!!!!!!!!芝士年糕: 其實沒有什麼大不了,似是YAM***KI OR PA*NASH OR A-* 的芝士波波再焗一焗個面,不過味道都OK O既 野飲要了提子果酒 (是怪怪藥水味的)和香桃果酒,還是香桃的味道比較正常 @@"!呢間野,試過一次就足夠了!

之前吃過一次,覺得唔錯既站著吃拉麵,今次又再拜會同上次比較,湯底味道濃厚了,辛辣味都加強左,令到麵的美味程度提升!大量的栗米粒令到碗麵更鮮甜,筍絲真的好"筍","筍"野當然好食!午餐時段,跟汽水是優惠,食得過!

12:20入到洋一，一個客人都無....2母女便坐下，放好晒野準備點菜，老闆娘一句：你地唔係對住面坐，唔可以坐呢度，飯市時間好多人架！坐最入果張啦！即係望住個洗手間果張.......(小女得3歲照顧食飯梗係隔離方便d，但點講我哋都只係坐2個位)，最後好唔開心咁食左個麵走人，走的時侯12:50都係得4,5檯客，那麼多位....為何我倆母女要坐洗手間門口其實食左洋一好多年，一向都覺得味道ok，但今次覺得洋一好過份，有位都要客人對住洗手間食飯，激氣~

是日點了4道菜都屬高水準最愛肥美多汁的蠔才16一隻，比吉列炸蠔更抵食薄牛肉燒餅更是我食過最好食的燒餅沒有太多粉，牛肉和菜卻用料十足不收加一，又抵左

是間阿龍經常提的餐廳，我卻不太有心機遠赴九龍城來試，直到近期受到甜品誘惑，才來這裡搞打底飯局。餐廳地方不大又人氣爆燈，我們訂了檯也要等十幾分鐘，令我十分心急。還好上菜很快：　特級三文魚刺身-$42得5件，但質素不覺得很特級，如果不是與三文魚怪同桌，大可以不試三文魚壽司-又是為了同桌的三文魚怪點的，沒興趣試沒評語壽司拼盤-有八款不同的壽司，賣相不錯，不過我的凍食quota有限，只食了半件鰻魚壽司，鰻魚不香不肥，壽司飯又硬，好麻麻西京銀鱈魚壽司-見是推介所以試試，可惜鱈魚並不鮮嫩，至於壽司飯講過是不行的，整體也是麻麻魚湯-第一個驚喜位，估不到魚湯鮮味非常，令人意猶未盡呢~焗蠔-阿龍每次來的都必食的一味，當然要試試：蠔隻夠大又肥美，加上大量芝士焗香，吃時感覺的確幾過癮，$16一隻頗抵食的。不過芝士稍為偏咸，吃一隻已經很漏了!薄切豬柳蝦串-兩款油膩的食物組合在一起，不是我杯茶~燒芝士年糕-全晚我最喜愛的菜式：芝士年糕質感有點似麻糬，軟軟韌韌的很有咬口，芝士味又重，熱辣辣的實在很好吃。如果不是還有下下場，真的很想來多份呢!香辣肉碎蘑菇燒餅-燒餅不會太粉，微辣香口惹味，但沙律醬過多有點漏~咖哩吉列

洋一居係比較平既日本野! 但質素幾唔錯! 係一個食lunch唔錯選擇!我地兩個人叫左海鮮燒餅﹠凍豆腐﹠湯面. 每樣都幾好味... 湯面有少少硬... 我地無試魚生,因為唔知新唔新鮮...

好細個開始幫襯洋一d燒餅真係唔錯~個日同同事一齊黎食~大家最讚賞都係海鮮燒餅其他食物都有水準~係d壽司唔夠抱抵食~小敗筆