洋一居食屋 (Closed)

一月四日(星期日)我們一行四人於上星期日成行,前往南生圍行山,正確地說不是行山,而是交郊而已!當然,出發前已經知道附近沒有食肆,唯有吃個豐富的午餐才起行吧!由於到南生圍的主要目的是看日落,所以出發時間不用太早,我們就相約在九龍城等,在她們的教會附近,一來就腳,二來已聞九龍城美食多,必定要過來試看!事實上,上年中秋節同老公也吃過鼎鼎大名之清真牛肉館,果然如一聚網友所說其牛肉餅鮮味無比,固此,我倆已早定要過九龍城再走幾趟,無奈此區除了食以外,就沒有什麼可以做呢!今次乘機前來試別的出名食肆今趟,本定了試大婆牛肉麵,可是,本人病到忙了帶地址,唯有吃另一間較出名的洋一食肆!前兩年前,我已經從朋友口中聽過了,他大讚大阪燒餅,其他食物也是價廉物美,在他的極力推介後,我也與朋友到訪過,每次都不算多人,而且服務不錯,還可以一邊吃日本料理,一邊欣賞日本綜藝節目(SMAP X SMAP)!今次時間比較早,附近的食肆還未開門,洋一已經做生意了,雖然裝潢不算華麗,但尚算整潔,坐得舒服,適合與朋友相聚!而且燈光比較暗,有點日本居酒屋感覺!事不宜遲,先看看menu,應該吃什麼呢!此時,服務員已經隨隨地送上綠茶了me

2008.12.25為食鳥又再出去搵食喇..今次黎到洋一居食屋…因為已經食左早餐再加上午茶, 所以差唔多3點先黎到食野..叫左廣島焗蠔, 豚肉蝦串, 燒牛舌, 炸豆腐, 燒脆鱔…焗蠔幾新鮮, 不過我唔鍾意食卡夫奇妙醬, 所以唔會太鍾意食呢道菜..豚肉蝦串幾特別, 不過唔算特別好味…燒牛舌好味, 唔係咁多度有得食, 值得推介…炸豆腐夠熱, 熱幾時都係好味d…燒脆鱔真係好脆, 超有咬口, 唔覺咁多度整到咁脆, 值得推介…2個人叫左5樣野..食完之後再食糊..hehe…

某日晚上, 跟未婚妻返完教會後, 到她中學時期很期待吃的燒餅.叫了以下兩款食物:- 海鮮燒餅- 銀雪魚飯可能, 燒餅已經不再是十年前的燒餅, 人物依舊, 但食物已經不同了.對於銀雪魚, 我比較喜歡曼魚多些...

今晚都幾豐富o下~叫o左... ... 雜錦魚生飯~有三文魚~ 海膽~ 甜蝦~ 八爪魚~ 帶子~ 劍魚~ 蟹子~ 超豐富lei~原來帶子生食比煮熟o黎食好味好多lei~另第一次食海膽~ 用o黎撈飯又幾好食wor~ 辣肉碎燒餅~上台時, o的木魚碎仲郁o下郁o下lei~味道唔太辣~ 味道ok~ 但比起我o地上次o向麵屋一平安食ge差o左o的...as一平安個餅係有多o的菜(?椰菜)o向入面~ 食落會爽o的~ 炸鱈魚天婦羅~外面脆卜卜~ 入面就好軟滑~差o的就想投訴話:"我明明叫鱈魚ga wor~ 仲乜俾o的豆腐我!!" XD好彩~ 食落還有陣陣魚香~ 如果唔係就錯怪人la~ haha~ 廣島蠔XX燒~最後一道上o既菜式... 亦係我成餐最欣賞o既菜式~半隻手掌度大o既蠔~ 配上酸酸o既忌廉(都有可能係沙律醬)~外面望落好熟~ 但食落還有o的o的海水&海水味~而且隻蠔好滑~ 唔洗咬~ 就咁就可以吞o左落肚了~其實仲有 石頭窩飯~ 燒帆立貝~ 薄牛肉燒餅~ 咖喱飯~ 好想好想試~不過兩口子... 唔可以食咁多~唯有留返下次o黎encore la~不過依度o的o野咁好食~ 唔試新o野都enc

呢間野係本組同事的食堂，因為好味，又方便，適合成班人收工落去食。我試過的有：1. 三文魚剌身 -- 屬新鮮，中上水準。2. 豬柳蝦卷 -- 某同事至愛；一層薄薄的豬柳包著蝦來燒，豬柳的肉汁都保留了，與鮮蝦出奇地配合。3. 燒魚鮫 -- 我的至愛，我愛吃魚，這裏的魚燒得不錯, 不會太乾也不會未熟透。4. 牛肉拉面 - 同事至愛；中上水準，牛肉嫩滑。5. 蟹膏壽司 -- 自從o係日本食過之後就愛上蟹膏；果種帶少少海水味同腥味的鮮甜，真係一試難忘，雖然冇日本咁好味，但都叫做一解對蟹膏的思念 -- 雖然，我覺得峰壽司的蟹膏稍勝一籌。6. 芝士年糕 -- 好好味，外脆內軟，煙煙unun, 口感很好7. 焗蠔 -- 蠔很鮮，但裏面的沙律醬有點叫人吃不消...太漏了8. 燒餅 -- 我們吃過牛肉和海鮮的；料是沒問題，我是嫌面糊濃度水準不統一； 有時太稀，有時剛好，有時又會煎得太厚了。好運時遇上水準好的，配上高水準的新鮮材料，可以算是極品。9. 石頭飯 -- 只屬一般。不過個人較喜歡同區韓一的石頭飯多一點，這裏的醬-飯-菜比例不夠好 - 始終這裡是以日菜做主打, 這點可原諒的。10. 香草雜菌扇貝 -

　　很耐沒有來過了，今次係父親大人要求而來的．之前帶過佢嚟一次而佢自次之後常常也想再來．　　坐下叫返一向食開的炸豆腐，海鮮薄餅，鰻魚炒飯，叫了几碟壽司及什錦拉麵．　　炸豆腐仍然係咁滑，唔知點解去到邊都食唔到咁滑；海鮮薄餅雖然餡料不太多，但味道都不俗，可能是即造感覺很新鮮，同埋鰻魚炒飯味道夠；但其餘的就屬於一般．

上個星期實在太正, 一星期後又要再黎!!今次星期六又同老婆黎過不過八點幾到要等位喇!好彩都係等左十五分鐘左右今次食既野有D唔同焗蠔 - 今次無落檸檬汁, 但仲都覺得太酸!老婆都咁話帶子刺身 - 有成八粒幾抵食!! 第一次食咁大粒咁厚既帶子, 幾正辣香菇肉碎燒餅 - 都幾好食!不過我中意食上次薄牛肉多D, 果個比較香口, 不過燒餅真係幾滯鰻魚壽司 - 老婆話都幾好食, 不過有少少腥香草什菇帆立貝 - 必食!超正!有兩大粒帆立貝,抵到暈咖哩雞扒飯 - 本黎以為係吉列雞扒, 但原來係煎既, 仲好! 呢個普通少少, 不過$38都食得過!

今晚終於同友人Peggy食飯講好今晚豪食日本菜真係幾瘋狂兩個人食左兩個三文魚刺身 - 新鮮又夠凍, 兩個人都中意食夠凍既刺身, 不過略嫌少左d甜蝦王刺身 - 鮮甜, 肉質唔會梅, 不過無牡丹蝦咁好食, 呢隻只係大隻的甜蝦炸蝦天婦羅 - 蝦夠大, 不過粉有點太厚, 個汁唔係平時食開果d淡醬油@@軟殼蟹天婦羅 - 只係一堆炸得超勁既軟殼蟹, 唔係咩天婦羅,而且有點燶>_<薄牛肉燒餅 - 好正!!!!牛肉同燒餅既味道好配合, 好香焗蠔 - 好正!!! 個人認為個蠔本身有沙律醬夠酸, 可以唔洗落檸汁!!芝士年糕 - 不錯!有點似麻糬, 但芝士少左d!埋單時我地都唔記得食左幾多野以為要大概$500點知原來食左$350好抵!!!!!!

三文魚沙律 $36 - 沙律醬汁、用料的配搭味道對辦，但有點點澀味...?而且蓋過了三文魚的甘香，三文魚不夠肥美。牛肉燒餅 $46 - 果然是招牌菜，最好吃的一道菜。餅邊焦脆，醬汁亦是濃淡合度，紅薑中和了油膩感，牛肉在其中，肉味又如三文魚般被蓋過，只有增添口感之用，有點失色了.....帶子壽司 $14 - $14，抵吃!但未算很新鮮肥美。飯不易鬆散，是合格的....海膽甜蝦壽司 $26 - 海膽甜蝦兩者都不是太甜，但至少沒有腥味。長長的紫菜讓食客捲著海膽甜蝦來吃.....個人覺得是多此一舉，紫菜不爽脆，有點粗糙、難咬開，破壞我細細品嚐海膽甜蝦的機會......黑豚肉大蝦卷 $32 - 兩者同吃，口感特別，外濃內鮮，這主意原是不錯，但內外俱燒得太乾。忽發奇想，如果以牛肉包裹，燒至5~7成熟更好?總括而言，就如title '和民水準，平民價錢'，食物水準合格，價錢便宜，但不必專程來試。

有同事生日~去了九龍城食lunch~唔知係唔係因為個市真係太差~搞到lunch都唔洗排隊呢....哈哈~同事推介必食的2樣~~~1) 豬柳蝦串~~~用薄豬柳包住蝦串住嚟燒~正wo~~~~好香~2) 牛油雜菌帆立貝~~~討厭菌類的我~冇食d菇~~只係食帆立貝~~估唔到好好味wo~then仲叫左好多嘢~烏冬ok~牛肉蛋飯ok~三文魚唔會太差~當中以海鮮石頭飯同埋海鮮薄飯都係比較出色的~薄餅都好多料~石頭飯又正~唔落辣醬的我~都夠味wo~~~~今次豪食~6個人~食左差唔多5百~~但真係好滿足呢~~~~

海鮮煎餅色:8/10香:6/10味:5/10牛筋煮+白飯色:4/10香:3/10味:3/10今天去開九龍城,又想食日本料理,所以去了洋一..環境好有傳統的日式風味,不過就暗了小小.講返食物海鮮煎餅,新鮮熱辣,上檯時d木魚碎郁郁下,十分有看頭.煎餅用料幾足,以四十零蚊算係咁上下..材料有壽司蝦,無錯,係整壽司個d熟蝦.八爪魚小絲(真的很細條)椰菜栗米木魚煎餅食落不會漿口,唔錯可惜日式燒汁比較酸,搶了木魚同海鮮的味道.牛筋煮+白飯就不好食白飯用上日本米,比較黏身,不過食落無飯味.牛筋煮又出奇地少料,根本不夠食,我食完d牛筋還剩半碗飯...我的只有牛筋3件,牛腩2件...d汁又稀又無味下次有機會再來的話試其它食物好了

尋日午餐係食左洋一居食屋既咖哩牛肉飯跟餐仲可以要一罐汽水,揀左可樂,論味道佢既咖哩唔算得十分正宗日式,不過味道都唔錯,鍾意佢仲加左幾粒提子乾,中和一吓咖哩的辣(雖然唔係好辣)另外加左磨菇同薯仔,都係配咖哩既好材料!至於牛肉就有少少酥味,但係份量不少,咁都算OK啦!午飯時間幫襯既人都幾多,仲有日本電視節目,幾有氣氛架!

朋友替我慶生，她請我來到這吃日本東東。朋友強烈推介此店的吉列魷魚圈，而我一向鍾愛脆口東西，當然沒有問題啦！我們商議後決定order了吉列魷魚圈、三文魚他他多士、煎年糕和薄牛肉燒餅。最搞笑隔壁枱order的東西，有一半跟我們一樣。三文魚他他多士，服務員重覆給隔壁的客人時說：「一個哈哈多士。」我忍不住和朋友笑了起來。差不多同一時間上了三種東西，吉列魷魚圈、三文魚他他多士、煎年糕，朋友拼了命的叫我先試吉列魷魚圈，深怕我會錯過了它的鮮味似的，哈！那我先吃這個，給我有一種入口即溶的感覺，也不會太粉，感覺鬆脆。接著我們吃煎年糕……朋友說，口感像在吃鹹蓮蓉的感覺，而我則覺得像一個鹹的糯米滋的感覺，中間的芝士味道很濃郁哩！哈哈！他他多士的外型…很面善，好像在那裏看過，口感特別，凍凍的三文魚沙律東東配上了脆脆的多士，感覺很特別。最後來的是薄牛肉燒餅，身為食肉獸的我，又怎會錯過這裏馳名的薄牛肉呢！燒餅材料十分豐富，亦相當好味，牛肉十分鮮甜美味，，吃完了這個燒餅，感覺就像為這頓飯落下完美一幕。環觀店舖環境，電視竟播放著我愛的交響情人夢和一些日本綜藝節目。感覺有點狹小，和鄰桌之間的隔離太近，談話亦不太方便，亦

三文魚刺身, 一流, 好新鮮, 好肥美.琴晚試埋個劍魚腩刺身, 仲正 ! 好甜. 炸三文魚皮 只係 $15, 好抵食. 送酒一流.什菜天婦羅尚算ok, 最衰宜家無淨甜薯.蟹膏壽司, 點都要試一次. 好甜.我每次都忍唔住會叫"滑蛋鰻魚飯". 好香好好味. 夠飽呀痳.整體食物質素都非常好. 都幾難搵到碟唔好食.一眾服務員好爽手 加茶收碟唔使叫. 自動就會黎幫你. 而且個個都好熟menu. 叫菜記得講號碼, 落單會爽d. 出菜既速度都算快, 而且上菜既次序唔會亂黎, 刺身上先, 熱盆後上. 都幾pro.間餐廳唔算大, 好彩每個位都唔會太迫. 但係就因為座位唔多, 好多時都要等位.

本來熱熱地, 想食d酸酸地的餸, 想起 Thai food,便同老公相約到九龍城, 一路等老公突然話不如過對面間洋一睇下有咩吃,門口有d雜誌推介, 有我們都鍾意的日式燒餅, 價錢仲好似幾相宜, 於是就轉軑來咗呢到裝修像似簡單的日式小店, 幾好, 食物選擇多, 選了一會, 終於order三文魚沙律, 海鮮燒餅, 關東燒牛肉拉麵, 懷石燒蠔, 燒鰻魚飯三文魚沙律很不錯, 材料豐富新鮮海鮮燒餅可以, d墨魚好多, 幾鮮, 但可以加多些菜, 個餅可以軟身d關東燒牛肉拉麵, 無咩特別, 湯底一般懷石燒蠔應該幾好吃, 但本人不吃蠔, 老公就好似幾鍾意燒鰻魚飯d鰻魚唔錯, 不過飯同汁就唔好, 一pek pek但呢到勝在價錢抵, 又有日式燒餅吃, 間唔中都可以再來