梨滿園韓國料理 (Closed)

燒肉品質都幾好，無論是海鮮類還是肉類，都算新鮮，就算「烤功」麻麻哋都可以烤得幾好食。牛肉帶雪花，烤完油花香噴噴。三文魚刺身無功無過，還算唔錯。蛋餅有少少膩。總體好抵食！

早一日訂位，預訂可優先坐卡位。個爐板幾好燒，唔易黐底，限食90分鐘內換咗兩次算係少。收得成人晚市每位$26x，小童$16x左右。唔能夠期望有華麗裝潢，並且個抽氣喉亦都大概只能抽走五成油煙，所以食完會預咗一身油煙徐。不過俾啲肉份量唔少亦非下欄嘢，仲要有啲三文魚刺身片食吓，只係魚生等咗45分鐘先上菜。首輪送嚟嘅牛肩肉同牛板腱肉都肥瘦有緻易嚙開，惜後勁不計，之後幾回送嚟開始愈嚟愈靭冇咁好牛味了。然而牛仔骨就keep住好食，少少肥肉黐住大大片瘦肉，燒起嚟唔鞋口，叫咗三回。值得一提係韓式蛋卷，賣相唔美豔，但食到有啲蛋汁香溜溜，卷埋啲紫菜幾creamy又唔太鹹，於是叫咗兩回。炒粉絲又係樣醜黐埋一堆但唔太油幾夠味。以小型韓燒放題嚟講質素算係交到差。

27/6 梨滿園韓國料理-樂富今日同朋友放工後去佢屋企附近嘅餐廳食放題，因為價錢非常合理，所以入去試吓。肉類種類都唔少，亦有好幾種牛肉俾我選擇，對於鍾意食牛嘅我都係有加分嘅。一坐低職員就奉上前菜小食，有好吸引嘅泡菜味道亦唔錯。因為放題所以咩肉都要試吓，基本上所有牛肉我哋都叫咗，最好食嘅我覺得係牛板腱肉同牛仔骨，前者肉味濃有少少雪花，唔會食太肥嘅我非常鍾意；牛仔骨係腌過嘅，燒完之後，肉亦唔痴骨，好好味。除咗牛肉我哋亦叫咗海鮮、三文魚刺身、炒飯、炒雜菜、炸雞、炸魷魚同湯，種類都唔少，總有一款係啱你心水。真心食得好飽，味道普遍都唔錯，而且亦有任飲汽水，座位亦好寬敞，真係一個識煮吹水嘅好地方。

之前一直好想食韓國燒肉，近近地就去咗樂富梨滿園韓國料理，價錢又唔貴，成人都係大約$200 左右，任食燒肉，就入去試試❤️一坐下立即送上韓式前菜，有泡菜、豆芽、菠菜，開胃好食😍而食物方面都幾多選擇🙆🏻‍♀️而我哋叫咗頂級韓牛肩肉，頂級韓牛板腱肉，頂級韓牛仔骨，美國頂級肥牛等等💕肉質份量十足，好厚身，味道不錯，可以就咁食或配上生菜，飲品有汽水任飲，生菜同配菜都可以添🙌🏻❣️試後感:性價比唔錯，食物同服務都幾好，會推薦韓牛仔骨同牛板腱肉，好食👍🏻除了燒肉外，海鮮都幾好食，總括係抵食!不妨一試呀❤️

記得學生時期已有光顧過，歷史非常悠久，係回憶嘅味道呀！一入座姐姐已經遞上生菜同蒜頭，前菜有：芽菜、泡菜、菠菜食韓燒最鐘意就係用生菜包啲肉黎食，一黎感覺健康啲，二黎亦唔怕食太多肉會滯，夾埋蒜頭簡直就正！菠菜醃得好入味，亦唔會過咸泡菜酸酸地好開胃，芽菜好爽脆即刻開始叫嘢食，放題限時一個半鐘，肉類嘅選擇都幾多下，食肉獸表示非常滿足牛肉嘅油花都幾靚，ＣＰ值幾高，牛仔骨好惹味＊海鮮方面有蝦、帶子、青口同埋魷魚雞脾菇燒完好多汁好JUICY餐廳的抽風幾好，唔會好大油煙，而且裝修幾有ＦＥＥＬ燒到咁上下，個鑊開始燶嘅話仲可以麻煩姐姐換板。除左燒肉之外仲有好多唔好嘅韓式小炒，刺身壽司同埋炸物大滿足呀！！

去完朋友屋企就順便係樓下食埋野！真係好耐冇食過韓燒啦！呢間梨滿園$216/位就任飲任食！除左肉類仲有好多韓式食品！首先就會提供前菜，前菜都可以無限添加！牛肉既選擇種類都好多，質素都唔錯！我就最鍾意牛仔骨，因為醃得好好同埋牛味又香韓式既醃牛肉同雞腎都唔錯！雞腎好爽口仲會有海蝦都帶子，d蝦都幾大隻呀估唔到仲有三文魚刺身任食，個刺身都幾肥美另外當然唔少得韓國特色既紫菜飯卷同泡菜煎餅！紫菜飯卷麻油味香，泡菜煎餅濺到外脆內軟，即叫即整！最後甜品仲有雪糕呀！

今日同屋企人黎樂富UNY超市度買野，見到呢間韓燒，因為好耐冇食韓燒，所以就揀左黎呢間（＄218／位，再加一）。通常揀任食嘅餐廳都會喺好肚餓嘅情況底下先會選擇，見到呢間嘅選擇都好多，而熟食亦都有好多，因為shopping完真係好肚餓。呢度嘅韓燒好方便，唔需要自己出去攞嘢食，疫情底下出去攞嘢食每次都要帶返個口罩，有時都覺得唔喺好方便。我地都叫左好多嘢食，首先講下我同屋企人都最鍾意嘅頂級韓牛仔骨，因為呢個本身調左味，甜甜地，而且亦都juicy。豬頸肉好爽口而且豬嘅油脂好香。芝士腸燒過後個皮好脆，芝士味又正。雞腎黎講我最鍾意就係食佢嘅口感，好爽口。韓式大醬湯有好多料，有金菇，豆腐，蜆肉，個湯都幾濃味，仲熱辣辣。三文魚刺身好肥美，亦都好新鮮。頂級韓牛肩肉同頂級韓牛板腱肉，望到油花好靚，油脂味都幾香。呢度仲可以配生菜同蒜頭一齊食燒肉，咁就冇咁油膩，同埋前菜嘅泡菜都幾好味，又唔會過辣。我地中間換過一次韓燒板，職員做野都好快手。原本好肚餓，食到好飽，呢度都幾抵食。

韓國🇰🇷燒肉在我心中一直有一個特別的位置♥️間中都會忍唔住好想食!😌今晚剛好經過樂富~ 見到梨滿園韓國料理📍成人價錢都大約$200 左右的任食燒肉，幾划算!📣-食物方面都有唔少選擇‼️一坐下立即有韓式前菜，包括有泡菜、豆芽、菠菜🥢開胃好食!😋-燒肉方面，由於本身食量不太多😛所以只選了有頂級的牛肉😝分別有-頂級韓牛肩肉🥩-頂級韓牛板腱肉🥩-頂級韓牛仔骨🥩-美國頂級安格斯一口牛粒🥩-美國頂級肥牛🥩-首先要讚肉的份量十足 而且好厚身😁燒肉即使單食或配上生菜，都一樣好食!🥬🥬個人特別推薦韓牛仔骨同牛板腱肉🥩🥩惹味又好食! 而且當點肉時仲會附上生菜同蒜頭🧄配上肉真係大讚! 係我個人最愛食法😁-除了燒肉外，仲點了帶子，原來燒帶子都幾好食! 不錯不錯!😙除了燒肉以外，我們都點了一些熱食🥢包括有豆腐辣湯🥘海帶湯🥘三文魚刺身🍣迷你泡菜煎餅🫓個人最推薦迷你泡菜煎餅同海帶湯!✅✅泡菜煎餅熱辣辣上桌，好好食! 一定要趁熱食🔥海帶湯帶有胡椒味，飲落好暖胃!😉😉呢2樣我都大推要試呢!-而飲品有汽水任飲，生菜同芣都可以添呢!🔍這價錢可以任食都係抵食!經過時不妨一試呀😉

好野，今晚又可以去食燒肉。屈左好耐喇，食肉慾望燃燒起黎，滿足感有賴呢間梨滿園韓國料理嘅燒肉放題喇。 餐廳環境裝修模仿韓國小店嘅風格，即係阿豬媽開嗰d，紅色燈罩嘅抽風機，更加帶有韓式情懷。空氣尚算流通，座位好寬敞，坐得都ok。 韓燒放題嘅食物種類都幾多元化，除提供肉類、海鮮類同蔬菜類可以燒之外，仲有熱食可以order,湯飯等，小炒、壽司、煎炸物，可以一邊燒一邊食。海帶湯同泡菜豆腐湯，泡菜湯味道酸辣，鹹味調較得宜，豆腐嫰滑，再加上石鍋滾住咁上菜，溫度絕對保持，實在唔錯。三文魚刺身好靚，油脂分佈平均，厚度尚可，如果厚身d就更加好喇。炒雜菜雖然冇咩特別，但都要食下菜平衡下。Order左d牛板鍵，好驚喜，因為冇諗過呢個價錢可以食到正正牛肉喔。油花均勻，鮮紅顏色証明好靚好新鮮，牛味亦非常香濃，燒緊時都滲出牛肉香味，而肉嘅口感一d都唔韌，牛油香味令我回味。黑豚腩肉，將脂肪層燒到外脆內軟，加埋鹽同黑椒調味（題外話：係岩岩新買嘅黑椒鹽開黎試下🤣），令到豚腩肉滋味感倍增。而豬頸肉，牛舌等等都好食，尤其牛舌，質感厚實，柔嫩脆韌，入口之後一直散發出超強香味，係encore左2次嘅食物海鮮方面有青口，海蝦，帶子

今日同靚仔去樂富買東西，便想起去年來過""梨滿園韓國料理""是韓式燒肉放題，價錢$218+1同往年一樣沒加價，再去燒肉放題下。這兒環境闊落，侍應生友善。今次由靚仔發板，當然必試A+頂級牛啦！選了三款牛先，肉送到原來都一大碟，賣相很靚，二人份量都好多啊！A+頂級牛，頂級韓牛板腱肉~薄薄一大片，入口啖啖牛肉味。A+頂級牛，美國頂級安格斯一口牛粒~呢個一定要試，一口牛比我想像中都好大粒，牛味濃，有咬感。A+頂級牛，美國頂級肥牛~肥牛快熟，入口juicy又軟淋淋。海鮮~青口/海蝦/魷魚/帶子好開心，呢幾款海鮮都係我喜愛，特別青口好大隻啊！慢慢燒又新鮮，重有海蝦都大隻，帶子和魷魚比較快熟，入口啖啖肉。必選湯飲~豆腐辣湯/海帶湯呢個湯真係好飲～熱辣辣，聽到僕僕聲，有豆腐/蜆肉/牛肉粒/仲有兩種瓜/金菇等等，哈哈我竟然飲曬一大碗。靚仔唔食得辣，所以佢就飲海帶湯，又可以清清熱，海帶勁多呢！三文魚刺身/雜果沙律三文魚新鮮又肥美，我哋點咗兩次呢！炸豆腐/炸魷魚/煎餃子呢個又不得了，熱辣辣炸豆腐，入口新鮮滑溜溜，魷魚脆口，煎餃子都幾特別，裏面原來用粉絲做餡料。兩球豆腐雪糕~最後梗係唔少得食番兩球雪糕啦，原來

之前和媽媽到樂富逛逛街，看到有韓燒放題，她很喜歡吃放題，那就去試試吧😊。$208加一。除了燒肉，有海鮮、前菜、炸物、壽司刺身，還有多款熟食，湯、飯、麵等。三款前菜都不錯😋。用生菜包著各款燒肉加點醬汁和蒜頭吃，這樣好吃，大大減低油膩感。韓式蛋卷，都幾得意，不錯。豆腐辣湯，熱辣辣😊。雞肉石頭鍋飯。有炸雞、煎餃、炸魷魚、炸豆腐、炸魚柳。通常吃韓燒都會和數個朋友一起吃，但那天發現一個自己來吃的都多。

今日俾我哋發現到有一間韓燒放題😋佢真係正宗韓燒👍🏻鍾意食牛嘅朋友仔呢間真係冇得頂👏老公👨🏻‍🦱出名係牛魔王🥴佢去食親韓燒都專攻牛肉🐮呢間啱晒佢👨🏻‍🦱因為佢主打都係牛肉🐮牛肉鮮甜好味😋、雖然款式唔係好多🥴但係足夠滿足感👍🏻我就鍾意用生菜包住牛肉零舍好味啲😙再整碟海蝦🦞～啖啖肉😘我仲嗌左個豬肉石頭🪨鍋飯、超好味😋仲有我最鍾意嘅飯焦出現😋😘嗌個甜品🍮迷你泡菜煎餅🥞好特別甜甜地😋脆脆地🥴比我食晒😍佢仲有啲韓式嘅炒年糕😜但我實在太飽啦😅冇嗌到😌臨走仲一人一碗芋頭、雲呢拿雪糕🍦食完先走😃下次再試下佢啲小食先😙話就話唔係太多嘢食😀其實都有好多唔同款嘅韓國小食、湯🥣飯、海鮮、壽司、我都未試齊😍兩個老人家👨🏻‍🦱👩🏻又食飽飽🙂行街街👫🏻散吓步先返屋企🤪🤪

聽朋友講呢間梨滿園韓國料理性價比超高，想食好耐了，今日終於有時間去食啦👏👏👏門面醒目明亮，裏面間隔寬敞，裝飾仲好有韓式風味坐低即刻送上韓式小食，超貼心～有泡菜、芽菜、菠菜 + 包生菜蒜片之後梗係第一時間落單啦😂😂😂海鮮嗌咗海蝦、帶子、青口海蝦大隻又新鮮，焦香外殼，肉質仲非常彈牙，鮮美青口和帶子都唔錯，燒熟後仲好大隻，味道當然充滿鮮味啦！牛肉有頂級牛肩肉、美國頂級肥牛、安格斯一口牛、金菇肥牛⋯⋯牛肉脂肪分布均勻而且好新鮮，仲有好重好香嘅牛味仲有好多不同的熱食我就嗌咗炸雞、炸魷魚、煎餃子、蟹柳手卷和豬肉石頭鍋飯每份小食都小巧精緻，唔使驚食得太飽，可以一次過試晒唔同嘅小食～每款小食都相當有質素，好似炸物咁，絕對做到表皮鬆脆，內里仲可以好Juicy😍石頭鍋飯更加不在話下，配料多，份量足夠，最值得欣賞嘅係底層脆卜卜嘅鍋巴，焦脆又有飯香仲有雪糕、飲品都係任飲任食㗎👍👍👍

天氣涼涼地就好想打邊爐食燒肉上個星期已經好想好想好想食見到呢間$208就可以任食平平哋食個放題止住慾望先約埋朋友去食，坐二人卡位，都叫寬敞可以一次過叫多幾碟野坐低冇耐， 侍應就拎咗啲醬汁、前菜同生菜嚟前菜可以無限refill，泡菜係我至愛，呢度嘅泡菜唔會太酸太辣，幾好！自動自覺拎埋生菜嚟，幾貼心，加麵豉醬，包住肉食，中和食肉嘅飽濟感，又可以消消熱氣每款牛都點左一份，想樣樣試d，一上枱，見到啲牛肉色澤同雪花都幾靚，上面有醃料，不過如果放多啲，味道就會足d另外仲叫咗啲元貝、魷魚、南瓜、炸豆腐、刺身、湯、豬頸肉、金菇等等，最後仲食埋雪糕！汽水自助任拎！自己就最鍾意個泡菜湯，新鮮滾熱辣上枱，送到過嚟嘅時候係出晒煙，入面有好多豆腐、蔬菜、泡菜，飲落肚暖笠笠，幾塊肉、幾啖湯，正！因為嚟呢間餐廳放題之前，為食食咗個好大個嘅甜品，搞到好飽仲有好多其他嘢食唔到，下次任食之前真係唔可以食嘢，總結加埋一$230左右可以任食靚牛肉放題，係幾抵！

今晚去完在樂富的朋友家裡玩, 玩到晚上肚餓了便去到附近的樂富商場找餐廳食飯, 行到3樓見到梨滿園這間餐廳的韓燒放題很吸引, 於是便入去大吃一頓。雖然說是屋村不顯眼的商場, 但其實入座率也滿高的啊。以$208這個價錢可以歎到這5款A+頂級牛類, 還有4款海鮮, 其他肉類及刺身壽司, 性價比算是很高的了。生菜很多人也會忽略了它的存在, 其實我吃韓燒, 最喜歡是每一片肉類也用一塊新鮮的生菜, 混入韓式泡菜包著一拼吃下, 味道層次感豐富。韓式泡菜這3小碟醃泡菜, 醃菠菜及醃芽菜均可以無限添加的, 而且味道也算很香濃入味。三文魚刺身本身以為吃韓燒只是吃到熟的食物, 真不想到可以吃到美味的三文魚刺身, 味道確實鮮甜無比。4款海鮮餐牌上面的4款任叫海鮮, 我們每款也點了一些來吃吃, 看上去滿新鮮的, 而且吃落沒有什麼雪櫃的雪藏味道。頂級韓牛肩肉&頂級韓牛板腱肉光看它的外貌及顏色, 足以媲美在超市裡面看到的高品質韓牛, 牛類肉脂分佈平均, 而且顏色鮮紅沒有瘀血色, 燒的時候香氣散發, 吃的時候感覺香滑鮮嫩。黑豚腩肉&雞肉不但能夠吃到高品質的牛肉, 豚肉及雞肉的質素也絕對在合格之上, 因為這些肉類沒有被