YOLO Cafe & Bar (Closed)

𝕄𝕂 • 𝕐𝕆𝕃𝕆 ℂ𝕒𝕗𝕖 & 𝔹𝕒𝕣 👽📍𝕊𝕙𝕠𝕡 𝟞, 𝔾/𝔽, 𝕎𝕒𝕙 𝕃𝕠𝕜 𝔹𝕦𝕚𝕝𝕕𝕚𝕟𝕘, 𝟞-𝟠 𝕐𝕚𝕞 ℙ𝕠 𝔽𝕠𝕟𝕘 𝕊𝕥𝕣𝕖𝕖𝕥, 𝕄𝕠𝕟𝕘 𝕂𝕠𝕜::::::::::::::::::::::::::::::𝘍𝘦𝘢𝘵𝘶𝘳𝘪𝘯𝘨 𝘥𝘪𝘯𝘯𝘦𝘳 𝘴𝘦𝘵 𝘮𝘦𝘯𝘶 𝘧𝘰𝘳 2 𝘢𝘵 $398-🥗ᴄʟᴀꜱꜱɪᴄ ᴄᴀᴇꜱᴀʀ ꜱᴀʟᴀᴅ 經典凱撒沙律🍲ᴅᴀɪʟʏ ꜱᴏᴜᴘ 精選餐湯-🍗ᴄʜɪᴄᴋᴇɴ ᴡɪɴɢꜱ 蜜糖/水牛雞翼-🍝ɢᴀʀʟɪᴄ ʜᴇʀʙ ᴄʜᴏʀɪᴢᴏꜱ ᴡɪᴛʜ ꜱᴛɪʀ-ꜰʀɪᴇᴅ ꜱᴘᴀɢʜᴇᴛᴛɪ香草蒜香莎樂美意粉🦞ꜱɪɢɴᴀᴛᴜʀᴇ ʟᴏʙꜱᴛᴇʀ ʙɪꜱQᴜᴇ ꜱᴇᴀꜰᴏᴏᴅ ʀɪꜱᴏᴛᴛᴏ +$15法式龍蝦湯海鮮意大利飯-🍯ʏᴜᴢᴜ ʜᴏɴᴇʏ 柚子蜜糖飲 🍋ʟᴇᴍᴏɴ ʜᴏɴᴇʏ 檸檬蜜糖飲-𝘛𝘩𝘦 𝘧𝘰𝘰𝘥 𝘸𝘢𝘴 𝘮𝘦𝘥𝘪𝘰𝘤𝘳𝘦 𝘪𝘯 𝘸𝘩𝘪𝘤𝘩 𝘵𝘩𝘦 𝘵𝘢𝘴𝘵𝘦 𝘰𝘧 𝘱𝘢𝘴𝘵𝘢 𝘢𝘯𝘥 𝘳𝘪𝘴𝘰𝘵𝘵𝘰 𝘸𝘢𝘴 𝘵𝘩𝘪𝘯 𝘢𝘯𝘥 𝘭𝘪𝘨𝘩𝘵, 𝘩𝘰𝘸𝘦𝘷𝘦𝘳 𝘵𝘩𝘦 𝘤𝘩𝘪𝘤𝘬𝘦𝘯 𝘸𝘪𝘯𝘨𝘴 𝘸𝘪𝘵𝘩 𝘩𝘰𝘯𝘦𝘺 𝘮𝘶𝘴𝘵𝘢𝘳

😁 小編依日喺午市前十分鐘左右到達咖啡店，好在趕得到當日第一批入場，嚟打卡之餘，亦可以食個早午餐！🍽［ 亂闖試飲試食 ］🍽 佛羅倫斯班尼迪蛋 😋😋😋可能午市啱啱先開，🤔 廚房仲未ready嘅關係，菠菜、水波蛋、麵包同荷蘭醬食落有啲割裂，😅 菠菜仲係有啲水灼嘅濕，整體味道一般般。大家叫其他嘢食試下！☕️ 焦糖咖啡 (熱) 😋😋😋😋焦糖面做得相當唔錯，有焦脆嘅效果。入口先有焦糖甜味，後有咖啡味，幾好幾夾！😉午餐 💵💵💵 約港幣$150/人💁🏻‍♀️ 小編留意到有部分食客會叫咖啡外賣自取，相信佢哋嘅咖啡係受歡迎嘅！大家如果去嘅話，試下去食晚市，睇下會唔會有驚喜？！！

本身都唔知YOLO點解，都係朋友講我先知今次朋友帶我嚟呢間Yolo cafe ，望住個地圖都差啲搵唔到路，經過麥花臣遊樂場要再轉右，面向大馬路果邊先係。一轉彎就會見到間好好氣氛嘅餐廳入到去環境比較暗而且每張枱都有個波波燈，好浪漫💕叫咗個二人晚餐，有沙律有小食，主食餐飲各兩份檸檬蜂蜜，清新少甜，啱啱好炸魷魚，調味啱啱好，邊傾邊食一流意大利飯濕度啱啱好，份量唔算好大，女仔食夠哂～沙樂美意粉，炒得夠乾身又夠哂香，食到停唔到口😋

呢間打卡cafe都幾出名幫唔同明星應緩，今日係Apink既鄭恩地，所以我就黎朝聖下～裡面環境幾有氣氛，好多leon lights既造型燈，同朋友黎好chill香草蒜香莎美樂意粉莎美樂腸我唔係成日食，所以今日突燈叫呢個～佢個蒜蓉味都幾重，而且腸仔切成片狀好香南瓜湯鮮蘆荀蟹肉意粉佢d南瓜汁沾滿左d麵條，都幾掛汁，蟹肉都唔少，麵條軟硬到都煮得適中，有埋我最鍾意既露荀好味～焗牛油果芝士粟米片平時外面好少呢個菜式，所以就食下～佢d 芝士溶左係D nachos到好香，再配埋滿滿好淋既牛油果～口感好夾～Passion Fruit Soda我覺得佢有d似橙汁，熱情果味唔係好突出，但係有熱情果籽補救返！

今次去呢間cafe係旺角黑布街附近咁岩撞正韓星慶生活動 有不少打卡位成間餐廳都用佢既相做主題 Fans一定好滿足 可以留意下會唔會有自己鍾意既明星舉行活動座位坐得好舒服 每枱距離岩岩好 主食輕食甜品都有 仲有唔同特式既飲品松露珍貝柱意大利飯 $138未食都嗅到好香既松露味 意大利飯唔會太硬 剛剛好忌廉味雖然比較重 但唔會好溜仲有芝士碎 可以撈埋一齊食有不少嘅貝柱同菇 提升成個口感貝柱肉質彈牙 好食黑松露薯條$68 用粗薯條 炸到外脆內軟 重薯仔味 加上大大兜黑松露醬 唔洗省住用 焙茶Tirumisu $58都係第一次試焙茶味既Tirumisu 估唔到焙茶味都夾到 焙茶味都幾明顯 有茶既苦澀味層次分明加埋cream既甜就岩岩好 Cream打得好滑 唔會死甜份量都岩岩好

今個下午來到YOLO Cafe and Bar開餐。餐廳在地舖，鄰近旺角東站，交通方便。入座後，侍應送上餐牌和二維碼，自助點餐。餐廳提供免費 WiFi，十分貼心。點了一客全日早餐，當中的蛋可自選太陽蛋或炒蛋，我選了後者。配料還有蛇餅腸、煙三文魚、炒雜菌、焗豆、薯餅、沙律和牛角包。蛇餅腸很有份量，非常搶眼，肉味較濃烈。其他食材均是平穩之選。飲品是餐廳推介的檸啡。侍應再送上來之時，叮囑我不要攪勻，先呷一口，因咖啡頂層加了青檸汁，隨後再拌勻享用。第一啖好明顯有青檸和咖啡兩種非常分明的味道，拌勻了，是檸檬和咖啡混合了的感覺，當中應該加了糖漿，比較易入口。

呢間喺麥花臣附近嘅餐廳，離遠都已經見到入面燈光好特別，入到去仲發現有應援主題，今日去到係慶祝恩地生日～┄┅┄┅┄┅┄┅┄≋ 香草蒜香莎樂美意粉 $98原來莎樂美食意大利嘅蒜味香腸，加埋啲蒜蓉一齊煮蒜味幾香，另外仲刨左啲芝士碎，味道幾夾。評分：🌕🌕🌕🌗🌑-≋ 南瓜湯鮮蘆筍蟹肉意粉 $128意粉有淡淡嘅南瓜味，蘆筍好爽脆，蟹肉份量都幾多。食落creamy得嚟又唔膩評分：🌕🌕🌕🌖🌑-≋ 焗牛油果芝士粟米片 $88因為即叫即整嘅關係，一送到嚟熱辣辣好正。除咗有芝士仲有啲酸酸甜甜嘅茄醬，食蓉冇咁膩，牛油果份量都好多。評分：🌕🌕🌕🌖🌑-≋ Passion Fruit Soda $40咁熱嘅天氣飲番杯梳打好解渴👍🏻評分：🌕🌕🌕🌗🌑

呢間係以一間bar形式既cafe, 裝飾都係比較簡單，夜晚食嘢嘅時候每一張枱都會一盞燈，另外Cafe入邊會以唔同顏色嘅燈轉動，氣氛甚佳。佢有一個二人餐，但係我哋當晚就冇叫到散叫咗。因為佢散叫嘅款式都有好多，而且價錢都係相宜。慢煮溫泉蛋卡邦尼意粉 - 意粉軟硬度適中，醬汁都算比較多，加埋溫泉蛋混合一齊，口感creamy 同埋濃郁。南瓜湯鮮蘆筍蟹肉意粉 - 不得不提蟹肉份量都幾足，而且南瓜湯滲入到意粉同埋蘆筍入面，成個口感好Fresh。Yolo招牌雞翼 （法式蜜糖芥末汁）- 蜜糖芥末汁包裹住每一隻雞翼，唔會過甜亦唔會遮左芥末嘅味道，雞翼每一隻都脆身，真係好好食。而且環境好舒服，價錢都合理，服務都到位，會再黎食👍🏻👍🏻

喺旺角行開街, 唔知道有啲咩餐廳好食, 朋友介紹有間環境幾好嘅餐廳, 同旺角東站幾近, 所以過咗黎試一試. 餐廳位於染布房街, 一入到嚟就覺得好有情調, 裝修好有浪漫氣氛. 同埋每枱嘅枱面上有一盞氣氛燈. 餐廳仲有提供酒類飲品, 不過呢我呢次主要食正餐, 所以就冇特別叫到, 下次可以叫一叫酒類,拎黎打卡. 講返嘢食方面, 餐廳嘅定價算係適中, 另外有二人餐提供, 價錢會更加化算. 但係因為我哋想叫嘅野,套餐冇包, 所以呢次係散嗌. 1) 蕃茄大蝦意大利粉 蝦嘅數量幾多, 意粉嘅軟硬適中, 唔會過淋, 蕃茄嘅味道好足,食落幾開胃. 2) 龍蝦汁海鮮意大利飯 上面有幾隻青口, 食落都幾入味, 而且每一粒飯都浸滿咗龍蝦汁, 但係味道有稍稍重, 所以可能會偏鹹, 總括嚟講都幾好食

亞女今日返半日學, 放學後我地在附近一齊去吃 lunch.餐廳裝修簡約, 環境清靜, 座位闊落, 坐得舒適.掃描 QR code 點餐, 已是大勢所趨, 方便快捷, 無甩漏.當然餐單都會奉上.黑松露長通粉, 黑松露好濃,醬汁好 creamy, 長通粉煮得到恰到好處, 真係好好味 素食早餐, 有牛油果, 菇, 炒蛋, 薯餅等. 牛油果夠香滑, 薯餅唔會太燶, 亞女鍾意.我就要了一杯冰凍焦糖咖啡, 好有焦糖味.而亞女就要了一杯凍檸蜜, 細路都係喜歡這類飲品.開餐啦 甜品係女士最愛, Tirumisu Croffle, 中文係提拉米蘇窩夫上層係香濃滑嘅咖啡奶油下層係窩夫 整體 cp 值高, 大家不妨一試

YOLO Man！TGIF！難得來到旺角，今天我也要做個YOLO 練習生，學下怎樣及時行樂、活在當下！雖然YOLO 的生活態度不是每個人也喜歡、不是每個人也適合，但是趁放假的時候偶然放縱一下自己，get back my YOUTH 也無不可啊！！來到位於旺角邊陲的這家yolo cafe，由於已遠離了購物區最繁囂的幾條街道，加上餐廳裝修以米白、淡灰為主， 配上aqua green作為點綴，感覺很chill、很清新，有種 不食人間煙火 、去了北歐渡假的感覺。。。不錯。餐廳感覺很開揚，座位也還不賴， 很闊落！！快快手點了set lunch， 貪佢唔使動腦筋。。。yeh！順便叫兩個特色飲品！手工話梅梳打及 手工山楂蜂蜜梳打 兩款之中， 我較喜歡山楂蜂蜜梳打， 因為它喝起來比較淡囗， 比起話梅梳打多了一重酸酸甜甜的感覺。 我覺得它很切合今天的主題。。。 就是「人生只會活一次」「 You only live once」。 只得一次的人生。。。往往就是充滿甜酸苦辣、 高低起伏 404，沒有人會永遠順遂，而且 一定要經過低谷，你才可以感受在崗頂上的快樂。青蘋果煙三文魚油醋沙律說起高山低谷，怎可以少得一

返工放工，香港人日忙夜忙，放工梗係要搵埋閨蜜一齊食下好野chill 下啦今晚黎到旺角布染房街既YOLO cafe and bar ，漸變色燈光間隔地照著餐廳周圍，為黑暗的環境中加添一點點不同的色彩，相當有情調氣氛Menu 選擇原來都幾多，點菜就用scan 2Dbarcode 入系統點，年輕人至愛先進，讚👍🏻個肚餓到咕咕聲，我同朋友好快就揀左以下食物青蘋果煙三文魚油醋沙律🥗煙三文魚香而不膩，沙律菜同車厘茄新鮮，配上開胃黑醋汁同青蘋果片，好味前菜之選😋南瓜湯鮮露筍蟹肉意粉南瓜香滲入每條意粉當中，驚喜既係粉條唔會太甜，抵讚蟹肉碎融入粉面當中，唔會太腥，加埋爽甜露筍，成件事估唔到味道咁match 焗芝士忌廉溫泉蛋大啡菇小妹至愛既大啡菇，放入size剛好的溫泉蛋及mozzarella cheese , 入口好濃郁芝士味，蛋黃汁流出黎食，食落一啲都唔dry 好味又飽肚Srewdriver 飲品我地一齊揀左screwdriver , 入面有vodka 、橙汁+檸檬汁，清新得黎唔太酸，又一補充vit C方法呢晚兩個女仔系寧靜既西餐廳chill住咁傾計食野，成個幾鐘都唔會趕客走，上菜速度快，食物質素佳，

今朝嚟咗這邊麥花臣球場做運動，做完運動，又唔想食西多士乾炒牛河，所以來到這邊食一個輕盈午餐，飲下杯梳打解解頭先出咗汗的感覺。青靈梳打10分解渴，青靈10分新鮮，沒有苦澀。這裏有得叫比較上輕盈的午餐，就是egg Benedict 我叫的那一個是加了巴馬火腿，上面的留心蛋香滑，食落中層有巴馬火腿的油分，仲有底層的麵包彈牙，幾重口感，我們最喜歡的是食落口會有檸檬味道，應該是有檸檬汁做醬汁。巴馬火腿的份量都很多蛋漿能夠同下面的muffin 融為一體另一個是黑松露長通粉，滿滿的黑松露醬覆蓋所有的長通粉，每一啖都充滿濃郁的醬汁。我最喜愛的是長通粉配合的芝士碎，並不是一般西餐廳的芝士粉，而是真的一粒粒芝士碎，零瀉好味。

話說局長行過旺角嘅時候發現到呢一間餐廳見到佢門面裝修都有格調有咁岩肚餓所以就入去試吓其實入面裝修都唔錯擺枱唔會擺得好密而且樓底好高冇乜壓迫感咁睇吓有咩嘢食先仲以為係酒吧應該會冇乜主食但出乎意料佢都好多選擇佢仲有二人餐添可以揀一個小食 兩個主菜送埋沙律同埋湯而且加配飲品都有優惠 但由於局長唔太飲酒所以都係飲佢跟餐送嘅飲品就夠啦首先想嘅係沙律同埋湯沙律啲菜都好新鮮而且好多配料而佢個蘑菇湯亦都係幾濃厚質素不錯跟住就上咗餐前小食就係水牛城雞翼佢真係做到好野味同多汁而且食落去好嫩同埋調味亦都啱啱好唔會話好辣亦都唔會好鹹 因為我覺得正常喺酒吧食到嘅水牛城雞翼都會偏鹹因為咁樣可以令到你幫襯佢哋買酒但呢度嘅調味啱啱好 啱晒我呢啲今日唔想飲酒嘅人然後就上咗呢一個沙樂美腸意粉好香蒜味 意粉亦都做到彈牙口感而且夾埋沙樂美腸 成個平衡做得好好有煙韌嘅口感 亦都有腸仔嘅咸香再加埋蒜味 食得過然後上咗松露貝柱意大利飯 你一睇到都知道係非常之creamy而且亦都保持到意大利粉嘅口感唔會話林back back 松露味亦都好香 係一個幾好嘅意大利飯今餐亦都有兩杯嘢飲一杯係橙汁一杯係青檸梳打唔使錢跟餐送嘅唔錯啦

【旺角】YOLO Cafe & Bar. Yolo 招牌雞翼（英式蜜糖芥末）食剩指數:0/100雞皮炸得好香脆肉質都好嫩滑蜜糖芥末汁係餐廳自己調甜甜地又有芥末香.法式龍蝦湯海鮮意大利飯食剩指數:0/100龍蝦湯幾濃郁配料有大蝦、青口意大利飯質感唔錯唔會太軟身蝦好彈牙有3大隻.經典黑松露長通粉食剩指數:0/100忌廉汁同黑松露融為一體香味十足長通粉好掛汁味道唔錯.青檸梳打 & Yuzu honey食剩指數:10/100飲品叫左青檸梳打同凍柚子蜜兩杯都表現正常又唔會過甜.晚市2人套餐真係算性價比高有齊以上咁多野仲有餐湯同沙律🥗