YOLO Cafe & Bar (Closed)

旺角依加好多bar ，係黑布街果頭簡直門庭若市，果度竟有間cafebar。本身諗住食文青cafe，但間餐廳晚黑去到，個vibe好似酒吧，原來cafe同bar既野都有，幾得意。野食以意粉為主，另外有啲cocktail、mocktail、花茶等等，真係好多元化。裝修方面都好靚，啲燈光昏暗再加上chill vibe song 都幾舒服。青醬鮮蝦意大利粉青醬好濃，但唔會太咸，蝦既份量都多，再加上車厘茄都幾refreshing。鮮茄雞胸意大利飯鮮茄飯酸酸甜甜，好醒胃，再配上菇、車厘茄都match，唯獨雞胸煮得太柴。青檸梳打用酒杯裝住好靚，非常打卡able。Orange Sweet熱花茶用玻璃茶壺裝住，過左一陣都好保温，茶味好香，好清新，幾解膩我欣賞依間餐廳好多元化，一次過可以食唔同種類既野，位置方便，環境舒服，食物飲品做得精緻，如果愛打卡既你地一定要來～

週末的下午跟朋友相約在位於旺角新開一段時間的cafe，經落地玻璃可以看到餐廳以白色作主調，讓人有耳目一新的感覺。餐廳在週末是沒有供應套餐的，我們使用自助的電話落單系統單點食物。Carbonara($98)看上去感覺creamy，食過有餐廳的卡邦尼意粉醬是如湯粉的似，又稀又多，而這裡的醬汁比例也剛好不會太多太濕。表面的水煮蛋晶瑩剔透，預計得到裡面是幾流心的，而製作這隻蛋的手勢亦不錯，包著完全流心的蛋黃的蛋白十分薄。把蛋黃拌均整個意粉後形成淡黃色，與忌廉融合輕輕掛在有點粗度、咬口的意粉上，令我每一口都嚐到一些奶香和蛋香，再加上煸過的煙肉逼出油香，為意粉增添了一些煙燻味不過煸後的煙肉會因為流失油分而變得乾硬，一不小心大力咬下去牙齒都會有點痛，建議慢慢咀嚼。不是太懂咖啡的我點了Mocha($45)，略嫌朱古力味偏淡，咖啡味道正常，拉花幾細膩哦。店員的態度十分友善，一直請他們幫助也是很樂意的；但有一個建議就是換大一點的水杯，現有的實在太細隻了，讓我們每次都要勞煩店員加水😳最後我們都坐了一段時間，放鬆的環境讓我們可以隨心聊天敘舊，回想起坐了那麼久也有點不好意思，但的確是一個可以花一個下午的地方，食

下晝放假有d儀式感即刻搵返間餐廳食返個tea time lunch. YOLO cafe & bar位於旺角染布房街，門口招牌用上草綠色，離遠就已經望到。餐廳裏面裝修風格簡潔，主調用上灰白色，雲石紋等。位置鬆動，坐落舒服安靜。輕食，主食都有，飲品選擇多。就算唔飲咖啡都有其他選擇。落單用QRcode，但都有menu可以睇。主食我叫左餐廳推薦嘅 自家製青醬大蝦蝦意粉。份量都唔少，數過下，蝦都有6隻，咬落好彈牙。意粉用嘅係扁意粉，食落挺身有咬口，配青醬每啖都食到香草嘅香味。面頭仲加左d芝士碎，帶多一份鹹香嘅味道。而飲品叫左Ice mocha，冰粒夠大粒，飲到尾都冇溶哂。整體幼滑，朱古力唔會太甜或者搶哂咖啡嘅味道，飲落先有咖啡香，後面再有朱古力嘅香味出黎。係我幾鐘意嘅mocha!最後就係甜品-焙茶tiramisu，店員見到我食完主動問甜品可以上未，夠細心。甜品焙茶tiramisu，非常幼滑，海綿蛋糕濕度啱啱好，有淡淡嘅焙茶香味。絕對係坐得舒服嘅好地方~

去開旺角做嘢，同事介紹話呢間YOLO cafe嘅出品唔錯，就同老婆嚟撐檯腳。餐廳嘅座位都幾闊落，我哋今次係平日夜晚嚟，都見到有幾檯客飲緊啤酒，幾chill~ 可以用qr code落order，我哋兩個人點咗一份意粉、一份意大利粉同飲品。卡邦尼意粉 $98濃濃嘅忌廉加埋啲香口煙肉、芝士同洋蔥，味道豐富又惹味；上面隻水波蛋真係神來之筆，啲蛋黃汁令成個意粉更加幼滑更加creamy意粉本身都煮得啱啱好，口感彈牙，帶有麥香。松葉蟹膏意大利飯 $148一嚟到已經聞到好香嘅蟹膏味，睇個樣都知正！飯粒唔會太硬，煙煙韌韌咁，好有咬口；上面大大嚿忌廉蟹膏醬，真係食到啖啖蟹肉絲，真材實料。入面重有好多炒香咗嘅菇，成個飯係超濃郁嘅蟹膏鮮味＋菇菌味，真係非常好食熱柚子蜜 $35泡沫牛奶 $30

連續三天假期，和老公帶對仔出旺角走走，近染布房街發現一間西餐廳門面裝修雅緻，不帶俗氣，反正晚飯時間到了，進去光顧一下。內裡装修都是走型格路線，播放強勁英文歌，侍應和客人都是年青人，恍惚置身於潮流之地。侍應們都十分温文有禮，遞上餐牌作了一些簡單推介。最後我們還是選了一份晚市2人套餐，喜歡它可讓我們多試其他食物。餐湯是雜菌忌廉湯，新鮮滚熱，菌味香濃，亦不會太稀，而且份量也不少，足夠二大人和二小朋友飲用。餐飲則隨意叫了兩杯青檸梳打，順帶一提，原來餐廳後半部份是酒吧，很多客人在那邊飲酒談天。食物來了，先來的先6隻美國水牛汁城的特色炸雞翼，外皮炸得甘香鬆脆，內雞肉還是嫩滑，吃得我兩個小朋友津津有味。跟着來的是蘑菇黑松露長通粉。想飽肚一些，所以也叫了一客皇室三文魚意大利飯，擺設精緻，三文魚和意大利飯都很好味。另外再加點了一客卡邦尼意粉，味道恰到好處。最後甜品時間叫了二件Oero芝士蛋糕，我對仔興萬分，我倆試了幾啖，亦確實有專業餅店水準。綜觀所有環境、食物質素、服務等，此餐廳屬於一家非常不錯的西餐廳。

今日經過染布房街附近見到呢間新開既cafe,內外都帶住一陣簡約舒適既風格就吸引左我入去試試.入到去餐廳嘅佈置非常之特別，令人覺得好舒服，枱上面仲有一個着燈嘅波波，用嚟影相好好睇， 而且好有氣氛，非常之適合情侶嚟依度小酌一杯清新風格做主題， 牆身仲非常適合打卡叫咗一個自家製青醬大蝦意粉，醬汁非常之特別， 唔係喺一般Cafe可以食到， 加埋有好多隻大蝦， 仲有松子仁， 識落意粉加埋醬汁仲有松子仁， 口感非常豐富香煎雞胸意大利蕃茄飯， 意大利飯每一粒飯都充滿左蕃茄醬汁， 非常之開胃， 大大嚿雞胸肉， 餐廳仲好貼心咁幫你切咗件， 肉質一啲都唔會覺得un ,唔會好似一般嘅雞件雞胸肉咁樣最後叫咗特價嘅甜品，個oreo cheese cake, 好耐冇食過oreo，仲要係芝士蛋糕上面加咗Oreo，即刻勾起晒我以前嘅童年回憶，好重芝士味，食完都唔覺漏， 為完美嘅呢一餐畫上句號

Yolo cafe n bar 🍻今日出咗旺角做嘢午餐嘅時候見到呢一間裝修好精緻坐落都好似好闊落，想唞一唞就入咗去諗住食一個set lunch店員態度服務好好，唔會趕你走，可以慢慢休息👍🏻嘢食都幾多選擇！平日限定嘅set lunch價錢好抵食所以就叫咗一個香辣蝦扁意粉配髒髒咖啡☕️同埋加$30就有一件當日嘅甜品我嗰日就係一個Oreo嘅cheese cake～ 香辣蝦扁意粉 $118味道來講唔算十分之辣，我平時食開辛辣麵就覺得食呢一個意粉完全唔需要再飲嘢都可以接受，香味好足，係有種好開胃嘅感覺，值得一讚嘅係啲蝦超級多，大概有八至10隻，全部都非常彈牙唔會會霉身，我覺得蝦肉呢個價錢來講好好食，扁意粉我好鍾意個質地，比較有彈性同質感，我唔鍾意偏林嘅意粉🍝呢一個扁意粉夠入味又彈牙，配埋少少沙律菜整體係一個比較清新嘅選擇！跟餐叫咗一杯髒髒咖啡☕️開頭我以為會加左可可粉比較甜嘅可可咖啡，但係實際上係咖啡味好濃！一上到枱有兩三種層次，有鮮奶同咖啡，未攪拌前咖啡嘅味道比較酸苦，香得來有少少果味，我個人覺得比起一般好甜嘅咖啡來講有質感，但係酸味重就要睇吓大家平時飲開嘅咖啡係鐘意咩味道，呢杯係成熟大人嘅口味～

自己本身好少嚟到旺角染布街呢邊 唔知原來呢度有咁多嘢食😳行過見到呢間cafe可以食晚餐之餘入又有得chill 就夾埋朋友去 入到去比我嘅感覺係老細好識得運用燈光營造氣氛 超級有feel😍亦都見到唔少人係到吹水餐牌都係西餐/ cafe見到既risotto呀意粉呀Pizza小食個啲 雖然每樣種類唔算太多但全部都好吸引 總會揀到啱自己嘅！😚我地2個人就嗌左一支青提蜂蜜酒小酌一下 感覺係幾fresh既 個瓶身設計仲好特別好有本土特色👹味道就有青提酸酸甜甜嘅清爽感 而且酒精濃度不太高而主食就嗌左卡邦尼意粉 普遍出面食到既都係好鬼死濃味又好濟 但呢個係冇咁濃但又每條意粉都沾滿奶油香同蛋既味道😳小可惜既係可以鹹反少少既🫣最後仲有一個松葉蟹膏意大利飯 哇係好有驚喜既 全個飯都充滿着蟹膏嘅味 每一啖都有蟹肉🥹唔係揸流攤咁俾少少你 而且份量都唔細 仲有好fresh ge蘆筍🤪

恢復返晚巿堂食 周圍都好多人 旺角東附近又多咗好多好嘢食 見到呢間新開既cafe風格簡約舒適 以果綠色和白色做主調 而且空間感十足 就吸引左我入去試 😆😆😆卡邦尼意粉 $98卡邦尼意粉芝士味好濃又唔杰 呢個平衡度幾好 隻水波蛋非常流心 刺穿水波蛋後溢出鮮黃既流心蛋黃 🍳🍳🍳 意粉彈牙 每一啖都掛起蛋黃忌廉汁 煙肉燻香 唔會太鹹 配埋香甜既洋蔥一百分😊😊😊松葉蟹膏意大利飯 $148蟹膏醬汁濃厚 非常Creamy 啖啖蟹膏 好新鮮 除左蟹肉亦有芝士、大啡菇同蘆筍 飯粒口感適中😃😃😃Oero芝士蛋糕(換購優惠 原價$48) $38一般芝士蛋糕比較硬身 依度就有種綿綿密密既口感 芝士味濃郁 唔會覺得膩 Oreo口味好特別好正😁😁😁

近年香港開始興起café & bar, Yolo Café 就係其中一間,日頭飲下coffee,到夜晚就做bar & restaurant咁晚市餐廳有做二人餐,包餐湯/沙律,兩個主食,一個小食同兩杯飲品小食:黑松露醬薯條薯條係好食的粗身薯條,中間會食到薯蓉,個黑松露都唔錯大蝦蕃茄扁意粉: 蝦的份量好足,扁意粉的口感亦剛好,有少少咬口又不會太硬慢煮雞胸意大利飯: 慢煮雞胸的雞肉keep到有水汁,算嫩滑,意大利飯用茄汁底,味道同個意粉好似飲品叫咗兩杯青檸梳打,飲得出係有用心調過的梳打,酸酸甜甜咁,好開胃

間bar 有兩個空間，出面光猛舒適，埋牆梳化d 長凳尤其闊落；播住heavy western music，最o岩放工過o黎chill chill～如果你穿過bar 檯旁充滿sci fi 氣息o既走廊，更會發現裡面有個暗紫o既神秘房間，由調酒櫃同霓虹燈o既燈光襯托住，截然兩種風情。一人獨食，又想多多花款，叫個all day breakfast ($108) 最不為過。不嬲都超鍾意食smoked salmon，另外佢個牛角包有股少少酵母/酒糟o既味道，口感唔錯。煙肉則偏燶同脆身，單食可能會有少少鹹，但夾埋雜菌或者沙律一齊食都ok，佐酒又得~佢有幾隻brewings 我都想試呀，一隻叫「休閒工作狂」，咁我一定唔會係啦，放假梗係要hea 番下！一隻叫「紅塵」，我又好似無咁老……最後揀o左枝「青澀」($68)，係隻香港製造、5% o既青提蜂蜜酒。雖然係由蜂蜜釀製，但飲落無想像中咁甜，接近一般白酒。仲點多o左個甜品獎勵自己，呢個焙茶tiramisu ($58) 係menu 中o既推薦菜式，亦都真係非常好食！佢好濃茶香，質感creamy，少少苦澀，再由朱古力醬補上一點唔會喧賓奪主o既甜味，多重口感，

Food: 8/10Vibes: cafe by day and bar by night! Quite good for working during the day , I will probs go back and try their bar now that everything is opening up again 🍹1. Smoke salmon risotto($108): generous amount of salmon and risotto was well cooked, portion was large!2. Caramel latte($45) a bit too sour for my liking, but the milk foam infused with caramel and caramel crumbs on top was delicious 😋

好耐冇約人出黎食飯，今日好唔容易約到。朋友話可以黎呢間Yolo試下。原來都一段時間冇黎呢頭，真係唔同左好多，開左好多新舖，特別係酒吧。而呢間睇落幾光猛，幾舒服。 入到去感覺唔錯，啱晒想嘆返一餐既感覺。 呢間都係QR code order, 而家好似越黎越多餐廳咁做。 都好多選擇，連all day breakfast都有3，4款。 老闆推薦檸啡，係比較特別既夏日飲品，所以都有簡黎試。 飲落真係好清新，好香青檸味，又有少少啡味，意外地夾，又真係好啱夏天飲。我再叫左杯flat white,佢地既咖啡偏fruity，怕苦既朋友應該會啱啲。 我就會都幾好飲，而家呢咁既天時都幾啱飲。仲有叫左小食拼盤，雞翼同魷魚圈好好食。然後係松葉蟹膏意大利飯。 蟹味好濃好出，同飯真係比較夾，如果配意粉就會膩得濟啦。 真係唔錯。坐到一個下午，好正，冇黎錯。

經過呢間餐廳幾次，一直未有機會試，估唔到都有surprise。.我地叫左晚市二人餐，三百幾蚊有三個course加飲品，食物質素又唔錯，都幾抵食。.頭盤佢有得選湯or沙律。個湯係蘑菇湯，飲落唔係罐頭湯啦架。.主菜就叫左三文魚意大利飯同大蝦意粉，一白一紅。我自己幾鍾意個飯，一黎飯個汁味道岩岩好，二黎幾足料，三文魚成個飯都有，唔係得面個層。.小食就係黑松露薯條！.另外佢d cocktail同shisha好似唔錯，下次試下！

成日行過見旺角依間cafe勁多人幫襯，今日lunch time就幾約埋朋友黎食個tea，入到去環境比人一種舒適感，靜靜地同朋友係度飲杯野食件cake應該唔錯。Buffalo Wingsbuffalo wings醬汁酸辣味濃，加上本身煎得好香既雞翼，入口好惹味🤤New York cheese cakeNew York cheese cake一般比較硬身，依度既就soft d同有種綿綿密密既口感，入口濃郁芝士味，但唔覺得膩🙈精選Croffle依個超好咪必點，面頭cream超鬆軟又滑入口即化，味道係tiramisu香, 下層係烤到脆脆地既waffle, 口感同味道都超正，食依個好滿足!檸啡有檸檬既清新又不失咖啡既香濃，味道平衡好飲👍🏻Dirty做到分層效果，中意佢口感好rich👍🏻