吉野家 (Closed)

同朋友行街，求其嚟咗呢度毎人叫咗份套餐我果個東波肉拼牛肉加凍檸檬茶賣相幾好睇嘅，牛肉十分鞋東波肉得三至四片，面頭一pet汁杰達達，除了得個甜字之外乜味都無，講番牛肉，除了鞋亦都無乜味，好在有少許洋蔥絲咬落有少許香口都可以餸下飯凍檸檬茶好在夠凍地方好似飯堂，食物又要自己購票，之後又要等號碼下次都吾會再嚟

同朋友睇完戲，準備坐地鐵行過見到呢間野又感覺肚餓就入去食，先排隊購票見到咁多人叫火鍋，本來都想,但是心唸要用好多時間食所以我都係叫咗佢地一個宵夜套餐宵夜套餐包括一個公仔麵，一個煎雞扒一,個關東煮煎雞扒切幾片，雞比較乾無咩味另外公仔麵係灼熟端出來，味道清淡今晚多了一個關東煮，入面只有兩三舊魚蛋物件同埋小量清淡的湯咁就收$40，見到廣告未認真睇有乜內容以為一個套餐會多嘢食，實際吾係平時下午叫一個雞扒或者牛肉飯都係十多元包括飲品，宜家多碗關東煮就要貴二十元，好吾化算而且呢度環境麻麻，買完食物囉住食物等一陣有人走先有位，仲同好多人搭檯潻

每次早上去開銅鑼灣， 一定要食吉野家早餐先安樂， 必食牛肉烏冬，再加柸凍奶茶$24。 烏冬爽滑彈牙，牛肉汁湯底鲜甜香濃，牛肉肥美，很滑，加埋辣椒粉，更加惹味。  依個價錢食到咁高質數早餐真係物有所值！      

有時要為食什麼而大傷腦筋, 其實很辛苦的。不過有時尋食, 在探求的過程中, 也是很有冒險感覺與樂趣。可是當你累透了身子, 而又不想為食飯而傷神的時候, 連鎖快餐可能給予你一種另類選擇。吉野家, 沒有什麽可吃, 只一道牛肉飯, 卻可直接得簡單。然而加上溫泉蛋的牛肉特盛, 足夠滿足人心, 感覺窩心。但是來到吉野家點牛肉飯, 一般都會另加一個牛肉汁, 令飯粒吸收更多牛肉汁鮮香, 令口感更好。喜歡這裡的牛肉飯全因牛肉片嫩滑, 不會太乾太嚡, 加上肉汁之後與及洋蔥味道感覺匹配。飯粒晶瑩有彈性, 一粒粒有點韌的感覺, 吸入牛肉汁, 味道不錯。然而飯熱卻有另一個好處, 將飯打開大洞, 然後將溫泉蛋埋入, 之後慢慢刺穿。蛋汁輕輕滲出, 而且飯的熱力將蟹黃鮮香透出來, 蛋白成半液體狀, 口感很好。如喜歡辣的朋友, 可考慮雙管齊下的方法。從餐廳拿來一包乾紅辣椒, 另一邊剛灑上七味粉, 一邊吃一邊加, 令口感大增。這樣的一個飯收費不算太高, 可以說是懶根出現時的一個可愛選擇。

剛剛食完吉野家的和風牛肉飯，這不是第一次食了，次次都不多，但今次確實差得很。牛肉無咩味，脂肪多到離譜，食完之後勁口渴。費了九牛二虎之力，終于把所有脂肪分離，因爲無食那些脂肪，食完好似無乜到肚！雖然32.4元好平，但係完全唔值，重好費時添！

吉野家下午茶絕對係今時今日呢個社會抗通賬首選 $15細牛肉飯包綠荼(某喲分店包埋凍奶荼)仲要係百物騰貴既銅鑼灣! 一個禮拜都差唔多食三四次 但食得多人都悶上星期做完野 見到有特別推介 咪試下第二款 見到廣島芥末牛肉飯個圖畫錦吸引 就嗡左矩 只係加多幾蚊 等左幾分鐘就有啦! 賣相很正! 上面喲木魚碎隨風飄逸 為數也不少仲有一層芥末醫舖係上面 食落去好開胃 好惹味 同磨菇 西藺花做配菜 和牛肉一齊食簡直一流! 呢個價錢絕對會再食! 推廣期有限 大家快喲去試下啦~

今日老婆仔說想去吉吉家打邊邊，故此接完她收工後便去銅記的吉吉家了~6:00p.m.左右去到.，地方雖大，但很困難才找到一張不用同人share的枱~環境尙算整潔，服務態度幾好，要攞筷子碗很快便有，見我一個人拿兩個餐又會主動來幫我回座位，唔錯~~食物方面今日老婆仔叫了一個海鮮火煱，我要了牛燒肉, 先說個火煱，湯底要個濃湯，普普通通，唔叫太咸，有d味噌既香味禁。配料方面有蝦有青口有菜粟米等等，冇乜特別，最後主角當然係牛肉啦~~吉吉家的牛肉真係唔錯，果然係牛肉飯的專門店，牛肉肉味夠香，淥耐左都唔”un”，同個芝麻醬又好夾，淡淡的芝麻醬香味能減低牛肉的肥膩感，令你更能開懷大食~~最後個餐要左跟烏冬，這個尚可，淥完後不會太硬，都算滑，不過就唔夠煙”un”至於我個牛燒肉的配料有煙肉兩塊，煙肉腸仔卷兩條，蟹柳兩條，重有一些紅蘿白絲，粟米和洋蔥，主角是牛肉，還有一碗燒汁~~所有的配料的味道都十分普通，全無驚喜，但最令人失望的是燒好的牛肉也不是太好味呢，為何??原因便是肥膩感!!!!因為一開始店方己經會在鐵板上放左牛油，如果你只是用黎燒下粟米，洋蔥也還好，但當你一落煙肉和煙肉腸仔卷後，整個鐵板會變得很肥(

食飯時間勁多人~ 咁岩我去到有位唔使等~~今次黎吉野家叫左個特盛牛丼($33.5), 另外叫左一條鯖魚($11).可選擇飲氣水 / 綠茶 / 麵豉湯.碗麵豉湯唔合格, 又唔熱, 又唔好味....下次叫氣水好過....碗飯就一冠作風, 牛肉依然保持吉野家牛丼味道, 特盛既牛肉份量真係勁多!! 多到食晒d飯都未食完d牛~~~條鯖魚味道一般, 如果自己整過都知鯖魚幾容易整..吉野家呢條就細條d, 而且整出黎唔熱....如果有d要求其實呢條魚真係唔合格.其實依家吉野家仲有好多唔同款式既野食. 下次就算唔食牛丼都有其他野簡~

今日一起身就覺得有d肚餓…坐緊小巴既時候直情覺得肚餓啦。好在今日早左出門口, 可以去睇下買咩做早餐。路過吉野家…記得家姐尋日講佢想飲杯果蜜紅茶…攪到我又心思思想飲…好!就決定食佢!可能早餐無咩人…好快就買好同埋囉得我既早餐啦! 因為太肚餓既關係要左個細煎雞飯加果蜜紅茶(走冰)。因為要再轉地鐵先到我公司, 坐係地鐵都好似不停聞到d飯既香味咁….唯有忍一忍…好快就返到公司啦。雖然d飯餸都凍左, 但佢會將d飯用雞分開放, 好貼心呀。另外要提一提佢用既米….係珍珠米哩嫁…所以我咁鍾意食, 而且佢個煎雞飯有d 燒汁, 送飯一流!!

今日同同事一齊去食午餐, 行哩行去都唔知食咩好, 晒尾同事話不如去食吉野家, 好~~就走左食吉野家啦!呢幾日皮膚麻麻地, 唔食牛肉啦, 今次食雞, 叫左一個煎雞飯餐, 同事叫左個特盛牛肉飯。今次又係加六蚊轉特飲, 我要左個熱飲, 同事要左個凍飲!我喜歡食吉野家係因為佢用珍珠米, d飯好食d。 點知呢一間…竟然係溝米用即係珍珠米+中國大米咁煮…!唔係全部珍珠米囉!!!一食落口就知….可能係屋邨快餐, 所以溝米???即時覺得勁失望囉…..!個雞都係煎得好香既~~不過唔夠汁, 所以我叫佢另外比d汁。朋友個牛肉飯就一如平時, 不過係d牛肉少左, 不過都算幾好食~~至於質數如何???因為溝米既關係…即時大打折扣啦!!~~仲要成四十幾蚊個餐…真係….

星期六、日及公眾假期要點3:00才開始下午茶時間，平時係2:30gei；因為冷烏冬的供應時間只限下午茶時段，所以只好多等15分鐘！我們ordered了：牛肉澇烏冬 + 日式Sesame醬 = $21.5三文魚蟹子澇烏冬 + 冷麵汁 = $23.5澇烏冬最重要的當然是烏冬啦！坦白講，第一口食gei時候覺得烏冬gei口感有d怪，好彈牙（彈得像rubber band，同平時食開的湯烏冬的爽滑口感十分不同，但多吃幾口好像習慣了；但若果可以稍為減低那彈牙的程度，而增加爽滑的口感就更好了！吉野家的牛肉味道不用多說，反而個日式Sesame醬幾特色，用o黎ｄ點牛肉o食都得！我比較like佢個三文魚 + 蟹子的combination，加埋不太咸但有魚鮮味的冷麵汁及幼幼的青瓜絲一齊食，口感好好，感覺好fresh，令人連融和o左蟹子及咸鮮味三文魚的冷麵汁都想飲光！好味！佢gei售價比一般下午茶貴約2成；我覺得如果午餐時段都可以供應就好la，因為冷麵都應該好o岩d怕肥同食油怕怕gei OL食，健康又唔怕熱！企o係counter前的staff姐姐好耐心講解食物及套餐，有笑容&ok親切。

呢間吉野家岩岩裝修完,感覺企理左...之前想試下新出既芝士牛肉飯,今日試到喇仲要最後一日睇賣相好似ok...但食落就無芝士味就咁食o的芝士就有芝士味好在係下午茶姐如果唔係就好蝕

收工後回到銅鑼灣, 荷包裏銀兩不多, 但見有一張吉野家細牛飯贈卷, 肚也不是太餓, 用來做晚餐最好不過了... 落到地庫, 見好多客食緊砂砂, 講真, 若非有張贈卷在手, 我諗我都會食火煱, 真係好正! 一個細牛又真係小咗d, 我就加咗個鹽燒三文魚. 細牛肉飯, 多汁 - 牛肉飯一向是吉野家的主打, 品質不用置疑. 但order時記僅要多一碗汁來撈在飯上, 否則唔夠汁便不會好吃. 鹽燒三文魚則全沒有燒過的跡像, 味道鹹而帶點魚腥, 唔多掂有理冇理, 下次都係只吃牛肉就夠了...

晚上到吉野家銅鑼灣的分店吃晚餐，叫了一份窩蛋牛肉湯烏冬配白飯來吉野家吃飯，總是品嚐她的牛肉飯其出品的烏冬，今次還是第一次試唔錯呀，爽滑彈牙，實在有少許喜出望外呢 加上原隻蛋黃打進整鍋湯烏冬內，烏冬吸收了蛋的香滑，更是格外的美味烏冬湯底幾甜，但唔算鮮，但仍然屬值得一嚐的湯底 牛肉則OK啦，普通水平整份餐只是三十元，以其質素、份量，實在十分抵食！記得光顧的晚上是九月一日，也許暑假已經結束，銅鑼灣街上的人流也截然少了吉野家也亳不例如，晚上7:00-8:00這時段，店內只是半滿，跟暑假時排山倒海的情況大不相同

是晚去睇阿嬌套舞台劇前, 當然先醫一醫肚啦. 時間不多, 務求快、正, 齋妹搖手一指, 發出一道紫紅, 而那紫紅, 正正射中吉野家既門口, 我便被那紫紅引領到呢間成日自稱最掂丼既牛肉飯專門店.前文所說, 我一早已經被那大份午餐整飽. 故我只是跟餐叫個小食. 是一個釀雞翼的東東吧, 真正名字忘記了. 齋妹選得吉野家, 固然有佢啱食既野, 而這個就是野菜飯. 野菜飯, 是椰菜花, 西蘭花, 紅蘿蔔同豆角, 再加半隻鹵蛋. 如是給素食者享用的話, 不要落汁, 因為據聞, 那汁是含肉類成份的, 好似是雞肉. 所以素食朋友要留意啦. 雖然咁食法, 好似冇乜味, 但加上醬油同酸薑, 特別是佢分幾啖俾我時, 沾了少少雞翼汁, 正因為飯夠軟, 所以加少少汁, 已經好好食.雞翼呢, 基本上是港式做法, 餡料尚可, 雞翼夠淋. 不過不失吧. 另外叫了杯特飲, 太甜.快快趣食完走, 看看錶.....都是要坐的士去演藝學院.