吉野家 (Closed)

是晚去睇阿嬌套舞台劇前, 當然先醫一醫肚啦. 時間不多, 務求快、正, 齋妹搖手一指, 發出一道紫紅, 而那紫紅, 正正射中吉野家既門口, 我便被那紫紅引領到呢間成日自稱最掂丼既牛肉飯專門店.前文所說, 我一早已經被那大份午餐整飽. 故我只是跟餐叫個小食. 是一個釀雞翼的東東吧, 真正名字忘記了. 齋妹選得吉野家, 固然有佢啱食既野, 而這個就是野菜飯. 野菜飯, 是椰菜花, 西蘭花, 紅蘿蔔同豆角, 再加半隻鹵蛋. 如是給素食者享用的話, 不要落汁, 因為據聞, 那汁是含肉類成份的, 好似是雞肉. 所以素食朋友要留意啦. 雖然咁食法, 好似冇乜味, 但加上醬油同酸薑, 特別是佢分幾啖俾我時, 沾了少少雞翼汁, 正因為飯夠軟, 所以加少少汁, 已經好好食.雞翼呢, 基本上是港式做法, 餡料尚可, 雞翼夠淋. 不過不失吧. 另外叫了杯特飲, 太甜.快快趣食完走, 看看錶.....都是要坐的士去演藝學院.