吉野家

Open Now

Now Closed

食唔到正餐又食下午茶餐！係中環想食便啲，揀左吉野家，選左野菜煎雞丼$30，追加$5 有黃牙白菜和隻蛋！加杯茶就岩岩好～都算健康餐，最緊要無乜油 ，價錢同份量都合理 ～

心血來潮好想食吉邊 之後係openrice到見到有吉邊2人前優惠卷 2個餐加埋先係$116 覺得好似好抵 就邀請同事放工後一齊食🤣🤣同以前好唔同 個餐多左好多配料同丸 娃娃菜都變左生菜 個湯入面仲有好多紅蘿蔔 個人唔係好鍾意 搞到個濃湯湯底變曬味 啲配料都未係好溶雪不過整體嚟講 性價比都好高 因為都幾多野食同用左卷後好平！🤣 如果想打邊爐 又想平平地 吉邊係唔錯既選擇！

一日之計在於晨，難得面試前早出門口，行經吉野家見到個早餐好吸引，所以走入嚟試下個日式早餐。餐單：J2 迷你牛肉飯＋玉子＋佃煮香菇＋迷你關東煮 - $40取餐後發現賣相唔錯，打開玉子係流心，再加少少牛肉汁撈來食。牛肉飯味道如一，不過不失，迷你size, 早餐剛剛好。佃煮香菇的冬菇淋身入味，口感好好，每碗1.5 件冬菇。關東煮最後食，所以覺得味道淡左D。成個早餐，只係40蚊，如果食附近美心或大家樂都悶左，可以試下吉野家的早餐，價錢亦唔貴，現場都唔多人，唔洗迫。

星期六早上到中環，都好幾年沒有食吉野家早餐，經過見內明亮簡潔便入內，坐位充足，坐得也舒服。收銀員急操，堂食所用的刀叉筷子綠茶杯全是即棄用品，頗感無奈。牛扒炒雜菇薯餅早餐$46，在今日來講尚可，對於食物味道頗為失望。薯餅炸得過燶，微辣也可以，牛扒不韌，但好咸，跟住食炒雜菇都覺油多鹽多。

天氣凍凍地，梗係想去打邊爐啦我最鍾意食一人一鍋，因為夠晒衛生最近去咗食蕃茄火鍋～材料十足，有菜金菇蕃茄等等嘅配菜牛肉豬肉都非常滑口份量非常十足，食完成個人暖晒！

返中環，有時諗唔到食咩或唔想食咁貴，我都會食吉野家😂 牛肉飯/ 煎雞飯都唔錯，中午時間通常要等， 所以我都會用app 落單，行到過去就攞得！ 今日都係食咗細煎雞飯，雞肉大細切得啱啱好，雞皮加埋燒汁，撈飯一流， 雞肉唔算好嫩但也不錯😌

早餐三味，最啱我口味唔食小米飯，點做苦力，點養大我隻手仔食力食力早餐唔係人人食到有米氣$38有温泉蛋，有汁燒鯖魚，時令野菜最憎的白烚冬菇，還我芝麻醬菠菜加個細牛飯，多牛汁，夠做肌肉up up up

呢間吉野家位於中環熱鬧街道上，好多平時返工既上班族都會經過，好岩係度用膳。呢間分店之前都食過幾次早餐，還好，點知今次就伏啦。佢既水準每次都好唔穩定，以前塊雞扒幾好食，但而家就鞋過阿婆，雞扒妹都無佢咁乾。唔止雞扒，連帶埋炒蛋、方包都超乾，唔好食叫左杯凍咖啡，都係中伏。環境方便，佢近落地玻璃果面入光充足，如果係窗邊嘆早餐係幾好feel，望住d行人趕住返工。但食物唔掂，結果早餐就完美地被破壞。作為上班族心靈支柱，豐盛好食既早餐實在非常重要。本人決定繼續尋找美食，吉野家，不了。

黑色暴雨下 走去吉野家買早餐哇 吉野家的外賣塑膠餐具十分夸張一個早餐 大大細細約5個塑膠盒要知道一件塑膠品 需用100年的時間化解 作為一個大型連鎖店食肆 你有社會責任！你有減塑責任！減塑人人有責 外賣須自帶餐盒

食過好多間吉野家，感覺呢間好似多d款式，質素都好d，最好食既係三重芝士牛肉飯，濃濃既芝士，非常好食，係由三種唔同既芝士撈埋，連牛肉食，個味都好夾，可惜只係期間限定，呢排都唔見有得賣，同埋呢間既店員算係有禮貌。

無論晌屋企，抑或晌街，早餐食得都喺西化啲，大多數離唔開麵包、三文治，再加杯咖啡。不過，今朝就貪得意，一支公嚟到「吉野家」食早飯，都喺聽朋友講佢哋最近有款慢活の朝食「三味盛合」，覺得幾抵吓，所以，就搵個朝早過嚟試試。疫情下，餐廳都做足防護措施，入門口要量體溫，並備有消毒搓手液。而餐廳裡面主要喺4人枱，為保持社交距離，部份枱被棄用，就算4人枱都被減至二人用。但引發另一個問題，就喺由於少咁好多位，其實堂食客整體都唔多，但都要搵位坐架，所以卻變相被逼搭枱。早餐時段都有好多選擇，有西式，有日式，不過，重點就講番個「三味盛合」早餐。以三文魚茶漬飯做膽，配和風牛肉或野菜煎雞，再搭溫泉玉子或胡麻豆腐組合成「三味」，配日本茶，套餐價$25。三味盛合 $25嚟「吉野家」就梗喺食其和風牛肉啦，所以，小弟就揀三文魚茶漬飯、和風牛肉、溫泉玉子嘅組合，但就改飲咖啡醒醒神。雖然話喺茶漬飯，不過，單單飲啲「茶」似喺鰹魚湯，齋飲都唔錯架喎。由於有溫泉蛋，所以，先撈埋落啲三文魚飯一齊食，日本蛋果然寧舍香滑，做成「窩蛋飯」都好正。不過，咁食法啲三文魚比較鹹，所以，都喺做番茶漬飯會平衡啲。「吉野家」啲牛肉一向都唔錯，都幾腍幾

我同家人在8月18日去食下午茶的，我叫了牛肉麵，凍奶茶，十分失望！😠😠😠😠首先一入到去，餐牌係冇下午茶的，只有午餐，但當時已四點了，係我地問收銀佢地先話有下午茶的。因為當日係星期日，有很多工人姐姐，我嚴重懷疑吉野家特登吾show下午茶餐係餐牌，想欺騙顧客！跟住下單後，食物非常不濟！公仔麵超淋好難食，應該係浸左好耐！發大晒！冇影低sorry！好彩我爸爸食飯肯同我換！我真的食吾落。到杯奶茶，係冇茶禁濟的，只有冰和奶，好甜，好難飲。我同家姐攞去換，換完都一樣。冇茶既話咪話奶茶賣晒囉，洗吾洗賣啲咁差質素既野比客人！到員工方面，櫃檯果度太多員工，有啲傾計冇野做，有個仲由頭到尾玩電話，請少幾個員工整番好啲食物質素先啦！！😠

係中環得一個鐘食飯又唔想等位，吉野家係其中一個好選擇。依家有埋自助點餐機，自己係部機自動點餐，又可以用八達通，微信或支付寶去俾錢，唔需要帶錢都可以方便點菜。 點完餐用微信比完錢大概5分鐘，已經可以拿野食了，今次叫左平時叫開牛肉煎雞飯，岩曬選擇款難症兩樣都想食曬朋友。

吉野家都有免費飯食，因為朋友食得多吉野家邊爐，所以會員分可以夠換個飯同檸檬茶。吉野家啲質素間間都差唔多，煎雞飯主要靠汁去吊味，所以間間都咁上下。我覺得最大分別係飯嘅質地，呢間都有呢個問題，就係太多水煮到啲飯一舊舊。飯唔乾身其實都幾難食，撈汁都搞唔掂，不過唔使錢就將就下啦。吉野家對比以前質素真係下跌咗幾級，錢就加咗量又少咗，質素又下降咗。我都越黎越少食食，間唔時陪下朋友打下邊爐平平地，冇人趕走係連鎖快餐嘅好處。

呢排返工小小忙 返工都冇乜心機周圍食嘢 食咗好多頹食 又寫下頹食評先😂😂早幾日外賣咗吉野家新出嘅京蔥牛舌丼 49加1蚊外賣 齊頭50有飲品當然理想與現實就一定有落差㗎啦 尤其是我fing嚟fing去咁拎 都影響咗佢嘅賣相嘅 😂由於個汁都係牛汁嘅關係 所以味道同普通嘅牛肉飯都好似 梗係食啦無論口感同埋味道都係有分別嘅 食到牛舌嗰種少少羶嘅香味🙊 而京蔥都冇因為同牛舌放埋一齊搞到淋哂 呢個價錢呢個味道我收貨👌🏻但當然大家唔好預佢俾啲好靚嘅牛舌你 如上圖示 師傅刀功係相當細膩嘅 好薄😂