吉野家 (葵涌廣場)

Open Now

Now Closed

經常來葵芳，不過因為唔食牛肉所以好小來吉野家。不過在葵芳的食店沒有那家沒有食過，同如果要快的話；就去了吉野家看看有沒有其他美食。食飯時候好多人，因為有火鍋所以反檯好慢，幾經辛苦找了位置就點餐喇。我們點了三重芝士雞飯餐(大 $38.5)及三炸蝦咖哩玉飯餐(大 $51.9)配綠茶。三重芝士雞飯餐好多芝士在面，有溶的也有芝士粉，看到已經感到這飯應該好重芝士味。不這食一口又沒有想像的芝士味；只有淡淡的醬汁感覺，和平時的雞飯沒有什麼不同。真不明白為什麼可以煮出沒有味的汁出來。而雞也是普通不過的雪雞，咬下去沒有彈性；不過都一早知道的了…三炸蝦咖哩玉飯餐，因為可以加錢加炸蝦，所以多加一隻方便分享。咖哩是日式咖哩，香濃的咖哩味及甜甜的味道；也有充足的紅蘿蔔、薯仔等配料，但就是沒有辣勁…不過送飯也是可以的。而炸蝦的外皮真是太厚，感覺就是食蝦多士的口感一樣。蝦十分細小，所以就不要要求什麼蝦味鮮味的感覺…溫泉玉子也算是可以，做到流心的效果；配飯一起食令飯也滑滑的。不過就沒有蛋味…國內蛋的差別就是這樣…在吉野家，牛飯之外可能也有選擇。不過如果食牛的話；又何必要再選擇其他呢！

與Pingu預祝聖誕, 請佢食shabu shabu一人一窩, 佢配讚岐烏冬就$49.90, 而我要珍珠白飯就$46.90湯底選日式濃湯, 味道似醬油湯底, 甜甜地 窩內已預載雜菜、蟹肉棒兩條、豆腐兩件 及 主角芝士竹輪壹粒咁大把芝士竹輪的外表與普通竹輪無異, 不過咬一啖就食到臊濃芝士醬湧出來, 只得壹粒是真的太少 又不能付款追加牛肉顏色紅彤彤, 新鮮得很 ...... 送來時是雪得硬硬, 要放湯拖兩拖再抽起, 慢慢享受 牛肉半肥瘦, 肉味與油脂一半半, 鮮味濃郁, 還是吃純肉味比沾芝麻醬來吃更好, 無謂浪費了牛肉的新鮮甜美。加$9追加粟米墨魚餅 (3粒) ... 沒想過餅質彈牙, 墨魚味道並非有如蟹肉棒般人工, 我估有用真墨魚肉來打餅讚岐烏冬沒預期般煙韌, 反而覺得配珍珠白飯會較好, 至少粒粒圓潤彈牙天氣真是太冷, 檯檯shabu shabu反而更有聖誕氣氛

炎炎夏日......吃套麻醬冷粉絲下午茶餐來抗炎 可選吉野牛肉或雞肉, 連埋抹茶紅豆冰都只是$24冷粉絲顏色灰灰黑黑的, 一看就知道並非龍口粉絲或是韓國粉絲 冷粉絲帶有煙韌彈牙的口感, 似乎是薯粉的一類 與麻醬及其他配料(紫菜絲、粟米粒)拌勻, 味道偏酸而且芝麻味道較薄弱 冷粉絲的涼温度也開始上升至室温那抹茶紅豆冰確令人耳目一新, 能夠把抹茶的獨特味道保持下來 紅豆甜甜又飽滿, 很有宇治金時的feel

熊媽定時定候都會行去吉野家睇睇有乜新攪作, 今次就見到新出嘅三文魚忌廉芝士牛丼,眼見那pat看似濃郁及乳味重的忌廉芝士, 點忍得住口全份餐包飲品都好似接近$40(人老啦, 記憶力衰退), 滿心歡喜咁由送餐姐姐處接過份餐攪咩呀 白色嗰d係忌廉芝士定忌廉白汁呀???淡茂茂、稀流流嘅半透明白汁真係好似溝水忌廉湯咁, 一點芝士味也沒有。 三文魚料又乾巴巴, 珍珠白飯唔煙韌又唔夠黏, 牛肉汁又俾唔夠 後來要行出去counter問職員攞多碗牛肉汁來撈飯, 才能把它清乾淨唔知係個combination唔掂定係厨師烹調嘅問題? 或者根本係「茶煲」熊媽嘅衰格問題。

今日約左一位來自遠方的朋友, 她說美國都有這間店舖, 想試試香港同一店舖的口味 。點了個牛肉飯及日本茶, 而我朋友點了都係牛肉飯加熱奶茶 。本人的牛肉飯同上次叫的不同了, 今次好好多, 飯煙韌但不太濕, 沒有上次的汁料流到落底, 牛肉份量比上次少,片薄夠軟, 味道無大改變; 但配菜多左, 整体外觀唔錯, 西蘭花都幾爽口, 紅蘿白帶本身甜味。而杯日本茶略為冷了一點, 唔多吸引 。而我朋友話美國果邊差不多, 沒有多大分別。

今日同朋友一起食飯, 選了吉野家, 未來一個月就在此區揾食 。無乜好揀, 兩個都叫了牛肉飯 +中國茶, 配4隻雞翼, 牛肉飯比上次來吃味道差了一點, 帶鹹, 汁多了一點, 個飯變得有點滯, 而牛肉及洋葱仍然ok, 杯中國茶無乜味, 可能俾牛肉飯蓋過了 。至於煎雞翼, 4隻賣相幾好, 但無乜味, 只是熟透放心食下。

除夕夜嘅葵芳好多人, 沒想過葵芳都會有除夕倒數活動, 活動地點不是運動場或者硬地足球場, 而是在葵芳新都會商場正門前一帶(即是把對出馬路封了, 的士上落客站封了), 那兒搭起舞台。 對我來說葵芳算大不大, 算小也不小, 在這段路來起舞台表演, 幾特別除夕餐不一定要豪華, 總之能夠與心愛的人一起渡過已经是萬般幸福 吉野家雖然不是什麼貴價餐廳, 但在這個百物騰貴的香港(明天2012年元誕日開始有多項公共服務及食肆正式加價) 能夠以正常價格來吃餐有肉、有菜、有飯的營養餐點已經能為來年帶好兆頭蕃茄雞丼餐...雞扒一件切為四塊, 雞皮煎得脆脆, 咬一口會發出「crisp」的聲音, 不過雞扒本身味道頗淡, 肉質是全熟沒有雞汁流出。 蕃茄汁偏酸而没甜味, 有幾粒茄肉, 茄汁落得不多所以未能完全撈飯, 幸好我有預先擺定牛肉汁再把剩餘的白飯去撈 野菜是依舊的淡及充滿草青味！蕃茄牛丼餐...以茄酱芝士粉牛肉片及蘑菇為主, 牛肉片得3片, 茄醬製作得較稀, 味道也是偏酸, 蘑菇是罐頭貨所以一點獨特菇味也没有, 茄醬落得也不夠多, 捞飯未能！金菇牛肉串...$10一串便宜也好吃, 牛肉煎香所以帶牛脂味

放假實在很HEA, 不過晚飯一定不可以HEA!媽子說懶得煮飯, 想落街打邊爐, 兩個人難道要去酒樓嗎?最後帶她來吉野家. 大鄉里媽子首次知道吉野家有牛肉飯之外, 還可以火鍋.孩兒不孝, 以後多點帶媽子見識下世界.我們一人一鍋, 一清湯一番茄湯.媽子見小小鍋內竟然有如此多配料, 非常高興.但她似乎不太喜歡芝麻醬, 唯有益我.我喜歡來吉野家火鍋多於外面的任食火鍋, 至少牛肉是有保證的!而家吉野家是加湯, 外面的火鍋是加清...水!我本人認為最聰明的食法, 就是煮到最尾, 湯最濃的時候, 落白飯入鍋煮一會,白飯完全吸收了湯的精華, 棒!

身邊的朋友一直講開想去試試, 今日真的到此一趟。下午3:00, 門口排著長長的一條龍, 後來還要開多一條, 真的很多顧客, 經理還肯識做好快改善排隊時間 。以吉野家來說, 由懂得這個名以來, 一直以食牛肉飯出名, 今次亦都無例外, 必須點點 。下午茶餐都算幾多選擇, 價錢亦可以接受 。我點了一個和風牛肉飯, 配以關東煮及日本茶 。牛肉飯是以珍珠米為主, 份量都有大半碗之多, 乾得來一粒粒黏黏地好有口感, 牛肉薄薄哋好入味, 附以汁亦不多不少, 加少少甜味的洋蔥, 真係色、香、味俱全 。關東煮-豆腐大大件入口甜甜哋, 芋絲爽口入味, 冬菇入味, 只是不到10元的附加件, 可不妨試試 。日本茶無大特別, 可以接受 。

温泉蛋和風牛肉冷烏冬 $23.90, 飲百事加$2選了吉野家自家調製的紫蘇梅子冷汁, 冷汁味道鹹鹹酸酸, 不太接受！除了這款冷汁也可選香濃培煎芝麻醬。温泉蛋沒有蛋味, 撈入烏冬吃不出味兒。 冷烏冬的配菜是生紅蘿蔔、生紫椰菜及粟米粒, 實在是太硬, 我相信牛吃的青草也會比它們軟牛肉就是一般牛肉飯的牛肉, 唔食牛肉可以改轉煎雞件, 服務夠彈性

同朋友們在葵涌廣場行街掃貨後,已經係夜晚九點幾,在朋友的建議下, 決定黎吉野家打邊爐,貪佢又平又好味~其實今次係我第1次去吉野家打邊爐..都想試lee度的shabu shabu好耐,可惜冇機會,個個都同我講好好食ga!!尤其是日式濃湯底..因此把心一橫,叫個日式海鮮火鍋,搭個日式濃湯底,再搭牛肉~唔好睇少lee個火鍋,我覺得佢絕對比大家樂,大快活好食~海鮮雖然唔多,只有帶子,青口,其他不太記得..我鍾意佢好多菜,唔駛食太多肉,冇咁肥膩..牛肉方面,唔好要求太高,我諗同平時食吉野家牛肉飯的牛肉差不多..雖然唔係肥牛,但ok la~我覺得份量對女仔黎講算係ok..我選擇最後先食個烏冬,朋友話比以前粉,但我覺得好彈牙,雖然我唔知係咪手打烏冬,但食落煙煙靭靭,唔錯ga!!如果大家冇乜錢去稻香or其他酒樓打九點後邊爐,吉野家都係一個好選擇~我地3個人都食到差唔多11點先走..地方大,坐得又舒服,確實係傾計食野的好地方^o^

以前去吉野家, 只會食牛丼呀, 野菜煎雞飯呀等等. 但自從試過佢哋嘅 Shabu Shabu 之後 ..... 果然, 吉野家, 最掂"檔". 一個海鮮豆乳牛肉日式火鍋, 跟讚岐烏冬 & 汽水, 售$59, 唔算超平, ok la. 除咗主打嘅牛肉, 仲有帶子, 青口, 配料有豆腐 la, 芋絲 la, 娃娃菜 la, 冬菇 la, 南瓜 la, 粟米 la, 金菇 la 等等, 都算幾多. 個鍋都幾深, 所以唔駛成日加湯, 冇錯, 係加湯, 好過有D酒樓/火鍋店只係加水. 牛肉配日式芝麻醬, 好味, 烏冬都幾彈牙, 再食埋D帶子, 青口, 配料 ..... 嘩, 又飽又暖笠笠, 好滿足呀 ! 以後冬天, 又多一個地方 "十下十下" lu.

話說好耐冇食過吉野家忍唔住同FD去食3點半先下午茶所以行多陣先入去搵位推介::和風牛肉飯 加$2 有杯凍飲/汽水可以免費加牛肉汁(預先講)佢會比個兜你裝住好多架@@不過唔建議你去拎因為我唔食牛肉，淨食本身有既牛肉汁撈飯就可以搞掂晒成碗飯lu野菜煎雞飯 加$2 有杯凍飲/汽水可以免費加照燒汁(預先講)佢會比個兜你裝住好多架@@我最鐘意既就係牛肉飯

牛肉飯: 飯太"林", 可能是太多水或太多牛肉汁的原因, 口感不太好. 牛肉太肥, 一半都是肥, 太肥膩了. 燒雞飯: 燒雞有少少脆, 雞肉都算滑, 照燒雞汁十分濃, 菜煮得太"林", 味道一般.外賣膠盒: 太厚, 不環保, 用一次便棄掉, 太浪費, 可考慮用一些環保紙盒.

下午茶價錢勁抵, 細牛飯加杯綠茶都係$15飯煲得軟硬適中, 不過牛肉片似係薄咗好多喎 不過整体都叫ok可是加錢$10.50 加配的龍蝦併墨魚串就把鬼火收銀張圖片影到好鬼誘人, 粒龍蝦丸就漲都爆曬內餡出嚟, 可惜睇我發出來的相片......龍蝦丸嘅饀呢???? 有就有, 睇到係咁多就咁多囉 墨魚丸又唔彈牙,龍蝦丸都係淋吱吱, 啊！重要係唔熱, 應該係暖嘅又係加$9.90 換購的照燒鯖魚, 雖然比以前細條好多又瘦好多, 但係品質及味道都比龍蝦併墨魚串貨真價實 魚味豐富只係腩位不見肥油啫