吉野家 (葵涌廣場)

Open Now

Now Closed

收工去吉野家食飯叫左呢個吉列玉豚玉子牛肉飯，個玉豚炸得幾好味好脆口幾有口感，牛肉就同牛肉飯d牛肉一樣啦，無咩特別，整體味道過得去丫，係個份量細得制囉，成$50黎講吉野家d野食真係太細份啦。食完又要去第到食過啦

葵涌商場3樓的這家吉野家經常客滿，想找個空位也難。難得星期六的下午茶時間竟然有位，當然要試試新的下午茶。這次要極力推介下午茶餐的忌廉粟米湯烏冬 - $27。濃郁香甜的粟米湯，彈牙的粟米墨魚餅，軟硬適中的烏冬，絕配！份量不像是下午茶，午餐也足夠飽肚。下次下午茶還要吃這個，既便宜又好味

咁多間快餐店最常幫襯就係佢，又大大碗，又唔肥膩，最啱怕肥嘅我，周街行唸唔到食咩，又平平地，我通常叫親都係雞飯個餐，覺得個雞上面嘅汁幾時都保持水準，再加埋條青魚就very good~ 😍

係葵芳吃飯真係好貴，閒閒地都吃你30、40，可能下午的時候又要叫下下午茶頂肚，所以想飽肚又平真係要用心搵、用心等。是日約左朋友吃飯，她又係係呢頭番工，就佢吃13:00去到吉野家原本以為好多人，原來都唔係好多人JA，入面都仲大把位，但係外面真係排哂人龍買野食，可能係間野大間啦。可樂比以前細杯左 ！以前用紙杯係大杯D嫁！E家用玻璃杯係環保D，但係細杯左好多。我點左最普通的雞粒飯，同平時的一樣，醬汁咸咸地，雞粒無骨既，而且有少少脆，但係份量不多，飯就超多又偏"林"，菜就一直都唔敢食，下次可以的話試下淋牛肉汁，唔知會係咩味。朋友吃的。

有時候想食得簡單和快些，我和不少港人一樣都會吃快餐店，而吉野家係其中一家我喜愛的。今早開完會剛巧在早午餐時間，食埋先回辦公室，剛好經過，當然要食啦。今次點了番茄牛肉飯，其實牛肉的份量會比普通牛肉飯少，但就冇咁heavy,加上微酸番茄汁和配上少少蔬菜，味道配搭得不錯而不單調，最緊要有牛肉汁在底，另珍珠米更易入口，都是一個不錯的選擇，最緊要價錢相宜，包飲品都是31元就有一餐溫飽，真的不錯。希望有更多選擇。

依間分店ge人流唔算太多，我星期日中午時段去都有一定空位，唔使用太多時間等位。不過因為樓面設計關係，除左少量卡位外，淨係得幾張長枱，所以鍾意私隱度高D ge朋友就可能唔太鍾意la，不過同時亦代表可以一大堆朋友一齊坐，所以可以話各有利弊la。叫餐ge時候見到有依個 蕃茄牛肉飯 ge推廣，叫佢比其實好似雞飯，牛飯平（$31），所以就試下la。首先，個飯ge賣相唔差ge，加上蕃茄酸酸甜甜ge香味都算吸引ge。不過仔細一望就發現牛肉少得可憐，只帶4，5片。至於味道方面，整體唔差ge，因為蕃茄汁偏甜，唔會太酸，不過都幾開胃。而汁入面ge少量蔬菜，因為應該煮左好耐，所以都入味，甜甜地幾好味。不過由於我一開始分開左食片肥牛，無連汁，所以會覺得同個飯有少少唔夾。其實只要連埋汁同飯一齊食就都算幾好味ge，所以我建議唔使再另外加牛汁la，因為味道唔太夾。整體而言，我覺得味道唔差ge，不過可能因為太少牛肉ge關係，所以我覺得$31好似有D唔抵。經常食吉野家ge朋友如果想轉個口味，都不失為一個唔錯ge選擇。

今天抱恙在家，請家人幫我買份午餐回來。買甚麼東西就由他們去選吧！終於他們買了盒粟米牛肉溫泉蛋飯回來，吉野家的外賣，我還是第一次領教。那個飯盒大大個，原來內有分隔層，把飯與菜分隔開，至於溫泉蛋是原隻沒開殼，並且分別裝在另一個小紙杯裏。不知道是否外賣裝的關係，倒汗水比平時堂食的較多，餸碟那兒是特別多水份，粟米大粒又飽滿，洋蔥厚塊，軟腍又有汁，只可惜牛肉份量是與下午茶的細牛飯份量差不多。珍珠白飯較堂食的濕身，牛肉汁亦較平時淡口，溫泉蛋的蛋漿流量不多，而且蛋味頗淡，以上總總究竟是為甚麼？

早餐想食飽D又唔想太貴，吉野家係唔錯既選擇。牛肉既份量適中，但係好多都好肥，名副其實的肥牛。洋蔥都幾多如果牛肉都可以多返就好啦！（好貪心）最喜歡加上牛肉汁，令個飯濕潤Ｄ，又有牛肉味。由於覺得個度既綠茶麻麻，所以自己買左包豆奶。

一日之計在於晨，嘆個靚早餐為Good morning打打氣，葵芳食店林立，但吃得多時也會為選擇而煩躁，今日就隨意選一間，走進還有吉位的吉野家，看看餐牌，想起自己已很久沒正式吃過白米飯，於是點了和風牛肉玉子飯，配綠茶($22)，就香港現在的物價來說，$22確實是驚喜平價整份早餐都非常豐富，經典的吉野家招牌牛肉，配上飽滿胖胖的玉子，灑滿紫菜碎的白飯，再加入濃濃的牛肉汁，豐盛的早晨大概是這樣子吧！先說說牛肉，招牌牛肉的泡製方法已定好，應該每間味道都大同小異吧，但今天這個味道特別咸，同行的友人也說真的過咸了，可能是鹽巴下多了至於玉子，很飽滿，有著吹彈即破的感覺，蛋味香濃用作拌飯一流而白飯沒有草草了事，珍珠米粒粒分明帶點口感還配上紫菜提味，一點都不馬虎，我較為喜歡在飯中加入牛肉汁，玉子及酸薑片，口味獨特，牛肉汁與蛋漿的結合，再配上酸薑的淡淡酸辣味道，口感味覺的得以昇華，完美的一天又開始了，精神飽滿的上班去！

食飯，午餐定晚餐？係早餐先真，吉野家晨早流流有飯食，其實早餐應該食多d野既，因為隔左成晚喎，今次試下海苔粟米雞飯配日本綠茶($16)，碗飯有三夠雞肉，粟米粒同海苔，最底層就係飯，以$16黎講份量都算多，粟米甜而飽滿，雞肉鞋與嫩滑之間，海苔就平通，最正就係個汁，攪埋落飯度好食，食飽飲埋杯熱茶先番工，舒服！

想舒服d坐係度食番個早餐，邊度好呢？葵涌廣場地下多人到爆炸！上三樓吉野家都係一個好選擇，朝早七點九唔算多人，最平既早餐有玉子麵豉湯飯($14)，有碗湯飯，一隻玉子蛋同一杯日本茶，不過隻蛋係凍既，都係撈入暖暖地既飯好食d! 食早餐仲有情報可以羅黎睇，唔錯！

記得早前從朋友得知 吉野家 有 $20驚喜價下午茶同麥記的超值套餐差不多，決定去試試。其實都有一段時間 沒來「吉野家」每次到訪都大排長龍，記得對上一次來，已是3月火煱了今日叫左溫泉玉子煎雞飯，下午 2:30後才供應，配日本茶一杯主角雞扒 煎香後塗了微甜的醬油 入口嫩滑配上紅蘿蔔，西蘭花和椰菜花等 口感一流戳破溫泉蛋的蛋黃，拌入飯內，再添加雞汁，簡單美味再配上爽脆清香的海苔，叫人回味日本茶一杯 , 沒特別 , 只是夠熱 而宜

今日放假去葵芳行街 行到三點幾 我見有D餓 見到間吉野家 走入去醫下肚啦之前聽朋友講 呢度下午茶 有個溫泉蛋雞扒飯好抵又好味 我哋就試吓啦過餐$20都唔使 幾低禾個樣好靚添 隻蛋大大隻脹卜卜有少少紫菜 雞排有件仔啦我先"吉爆"隻蛋 等啲蛋汁流落D 雞排 同D飯 個到再撈埋紫菜一齊食 正喎雞扒仲幾滑 D皮仲幾香脆飯亦有少少黏 D飯撈左落啲蛋汁 所以好滑我再連埋啲雞扒一齊食 超正另外杯熱綠茶 就沒特別啦暖下個肚 都唔錯

吉野家係我有機會撞啱下午茶時間去到，就會去嘅餐廳。原因有三個 - 平靚正。當然我係以下午茶時間而論，宜家除咗外賣燒味飯，或者大學canteen，仲有邊度可以用廿蚊以內食到飽仲有野飲味道又好嘅飯？今日終於食到比下午茶更平嘅早餐！叫咗個海苔芝士雞飯餐，加$2要凍奶茶。埋單$18。如果嫌貴，可以叫海苔粟米雞或者牛飯餐等等，唔要凍飲，清清地要坏熱茶，只係要$15大圓。好似好hard sell咁，但只係我覺得以咁嘅品質，價錢真係幾有良心。雞有三嚿，脆口唔肥膩，飯粒粒分明，醬汁雖然少，但可以要求額外牛汁，哈哈，好多時叫雞飯都要加牛汁，正！另外我都欣賞員工嘅效率同服務態度，唔駛半分鐘個餐已經拎得，比起M記某啲𡃁仔黑口黑面同慢指慢腳好得多。好話講到依度，要改善嘅地方亦唔少，例如今日叫嘅凍奶茶甜到會糖尿咁，就算我勁鐘意甜食，飲咗三分一都頂唔順。其他就係有一啲分店清潔做得幾馬虎，清走個盆，但就唔抹枱，你知有啲食客係幾嗱咋啦。（註，今次依間ok乾淨，多謝各位店員。）因為好怕等位所以好少食佢嘅火鍋，晚市實在太多人，希望之後有機會食下，對上一次都兩三年前^_^。提提大家，葵芳依間除咗晚市多人時，其他時間冷氣真係

好味 好食唔係因為肚餓， 的確係好好食，撈落去d白汁唔係用罐頭湯，自己調較出來的。還有 雞肉同牛肉雙拼加芝士真係搭配好，好味得呢唔怕食唔飽 good， 我特別鍾意有蘑菇。