吉野家 (Closed)

今日得閒，同同事蛇左出去食tea，老細去左bangkok開會，正呀喂！我地過左apm吉野家。吉野家既下午茶由3點先開始，我地都食玉子牛肉飯，Size當然比晚餐細啦，但下午茶既份量剛好。半熟既溫泉蛋，比較唔多熟，撈落飯度感覺似窩蛋免治牛飯，濕濕地咁，但食到尾我就覺得有少少漏...有少少唔想食∼牛肉就仲係咁high class，牛肉爽，入味，無乜肥肉，洋蔥軟林林，唔生，撈埋飯正喎！不過今日綠茶就淡左d，$26抵到無朋友啦！

講左想食鰻魚飯都有大半年⋯又見吉野加出左鰻魚三食，就的係心肝去試下！見落個樣唔係咁靚仔！吉野家話：品嚐鰻魚三食，首先要將飯分為四份，第一份單吃鰻魚飯，品嚐原有味道；第二份加入配料濑户风味飯素、紫菜、山葵醬及山椒粉；第三份加入清湯、飯素及山葵來泡飯；最後一份用自己最喜愛的吃法品嚐單嚐鰻魚個人覺得鰻魚遍細，唔夠肥，同埋太稔，絕對唔係傳單所講嘅即烤。第二加味素食，好野味，味道唔錯，但用呢個兜，倒落飯時都幾難調較份量。最後，加入清湯，整成泡飯！總括而言，一飯三食其實幾有新鮮感，好欣賞吉野家呢個諗頭，不過89蚊食吉野家⋯始終都係覺得貴左小小

下午突然回想起吉野家的蟹子三放魚飯，馬上跑去食，因為下午一定好多人。如預期，超多人，唔怕排隊，怕無位坐姐。落單後，蟹子三放魚飯跟湯上臺。點解回想起佢呢，因為之前想買外賣，但原來蟹子三放魚飯無得外賣... 可能真係最好新鮮食。而正確食法應該係咁樣mix起來食，一d蟹子，一d三文魚，一d飯咁食。咁樣先叫親子飯嘛。我最後當然要飲面豉湯，完滿。

新推出，一定要搶先試！＄59.9包汽水，加錢飲ot好過啦雞塊好過米走雞，夠味，芝士唔算好濃杰，只有少訐拉絲效過，但配青椒有點怪唔使加餸已經好濟好溜，烏冬同公仔麵，小姐今次破格認為公仔麵稍勝，因為個火無得較大細，所以加湯既多少與先後要拿捏一下，一次過加太多會好稀同好喊，加得少又好易痴底。都算係咁啦，鐘意芝士既可以一試無訪。

每次光顧吉野家總不會令人失望，這麼長時間，一次失望都沒有。不但價錢便宜，效率快，而且味道絕對有信心的保證。和風牛肉昆布烏冬牛肉入味又不韌，昆布熬出的清湯清甜又沒有太重的味精感，烏冬煙韌，看似份量少，但非常飽肚。吉列豬扒&煎雞扒溫泉玉子飯吉列豬扒酥脆可口，又不會太乾。雞扒煎得香口，將溫泉蛋拌在飯中，一流！

尋日收工林住食完野先反屋企， 就是但搵間食。。。又好奈未食過吉野家就去食。。。我自已一個無搵位就買飯食， 買完條龍又長左，好多人打邊爐， 好多人都有野食，旦係無爐係到乾等。。。我是但搵個位食， 牛肉飯無咩問題，係牛肉過熟， 而最大問題應該個溫泉蛋，我食果時係凍，食完飯就坐車反屋企， 一下車我就嘔。。。反到屋企都肚屙。。。

煎雞排真的很好味，很翠及有咬口，而且連皮都是十分好味道的，可不令到整個麵都增加了特色及味道，而且麵都很有咬口的，不怕會太軟，硬身的情度是剛剛好，但重了些味精的味道

係呀小姐又OT喇，好慘，食茶餐廳食到悶，於是行少少去吉野家外賣個牛飯番公司一路食一路做。牛都唔夠，再加埋溫泉玉子至係"perfect match",點解烏冬小姐今晚唔叫烏冬？因為烏冬要堂食至好食架麻。特別肚餓，叫左珍寶，牛肉份量真係多好多，牛肉夠入味，同埋最鐘意食埋煮到淋晒既洋蔥。食牛飯最緊要一定要多牛汁！撈埋落啲飯到索晒啲汁，唔會乾僧憎最好味。玉子又係一定要篤穿佢撈勻黎食，蛋汗沾滿晒每粒飯同牛肉，真係好夾！食飽就做野啦.....

黎到觀塘既吉野家 就梗係食佢個牛肉飯啦 因為吉野家既牛肉飯係最出名既 你問一百個人 有99個都會答你去吉野家係去食佢個牛肉飯既吉野家既牛肉飯勁香 完全無因為平而偷工減料 飯同牛肉都唔算少 重點係佢啲洋蔥 又甜又大舊 配落啲牛肉度簡直係絕配 如果覺得淡 仲可以問店員攞啲7味粉同辣椒自己加 自己選擇想要食幾重口味都得 食完個牛肉飯仲可以食啲薑片清清個口 一流啊!!價錢就出左名係超平啊 都係30左右 下午茶時間更加係20左右 直頭係平靚正 窮人恩物 

和風牛肉飯配芬達 $41.5+$2: 牛肉都算足料，粒粒珍珠米熱辣辣，加額外牛肉汁，味道一流..我最中意加一包七味粉，再伴埋吉野家的甜酸紫薑一齊食，食到停唔到口 汽水一定要走冰，唯一唔好嘅地方係覺得唔抵，咁嘅價錢可以係早餐同下午茶時間買到兩份餐啦奈何我係食緊晚餐呢 

今朝十點四十五分去到amp經過吉野家見到佢有個「海苔芝士雞飯」做緊$16於是芝士控既我被「芝士」呢兩個字深深吸引住但係一放啖芝士我口，我心諗：「我食緊芝士呀？？？」因為完全冇芝士味，連鹹都唔鹹，有等於冇之於雞肉都入味，不過得三小件似乎少左啲喎試過今次之後應該冇下次下次都係叫返正常啲既野

今日差不多3點才食lunch 落到公司附近有間吉野家 不如試下佢個溫泉蛋雞飯吧！佢個全名鬼咁長 叫'溫泉玉子煎雞海苔細飯 ' 只係$17 配熱綠茶, 我加$2有杯凍奶茶 都真係好低呀 個様都幾靚 上面有D紫菜雞扒新鮮煎起, 個皮仲有D脆, 溫泉蛋 外層半透明半凝固 , 蛋白滑溜 一篤穿佢, 蛋黃汁 流曬落D飯 好得意 當撈飯食吧 將D紫菜拌入蛋汁蛋裏, 黏黏 軟軟, 甜甜 再配埋塊雞朳一齊食正 杯凍奶茶都勉強及格啦, 不過$20唔洗 一個下午茶餐 有呢個質數 起值啦

想食少少野又唔想食快餐店，來了吉野家。下午茶廿幾蚊，ok平價又有水準。叫了牛肉烏冬，都幾大碗，牛肉份量唔少，肥牛都好少話唔好食啦。清湯底再加上大量昆布，好鮮味。食完一碗雖然唔會話好飽，但都好滿足。食完飲返杯清茶，唔錯唔錯。

我已經習慣一人去打邊爐了(經常心血來潮想打邊爐)、而吉野家的邊爐不錯的、介紹給大家^^😘我點了年糕福袋鍋(有芝士竹輪、但我較喜歡年糕福袋！)、牛肉、濃湯配飯。☺☺另加了響鈴3件($7)、魚豆腐4件($8)盛惠$62！味道:湯底:很喜歡這個湯底(聽說是味精來的、但真的很好喝！)😍個人最愛之食法:把湯底倒到飯中、泡飯就完成啦！😊鍋的配料:最愛還是年糕福袋！很煙un很好吃。☺響鈴和魚豆腐試過就算、唔系甘好食。其他都ok幾好味服務:樓面只有2個、人手不足要自己加湯、最好多加幾個樓面員工。態度很好^^可是總感覺$62滿貴的。。😖因本身鍋內配料小得很。。下次還是5點到牛x吃午市套餐當晚餐吧😥

上月相約Grace吃下午茶，想不到閒日也頗多人，到門口已見一條人龍在排隊。幸好我到達時，Grace已找好座位。 看完餐牌，我被抺茶紅豆冰所吸引，幸好購買及時，店員把最後一杯抺茶紅豆冰給我後，因缺紅豆蓉而售罄。我買了下午茶牛肉冷粉絲與抺茶紅豆冰下午茶餐。夏天吃冷粉絲，感覺清涼，粉絲軟硬適中，還有紫菜、小蕃茄及粟米作配料，配上美味的麻醬，好好味呢! 牛肉主要以麻醬增加味道，不過不失吧! 抺茶紅豆冰，甜了少許，抺茶味尚算香濃，味道不錯。