吉野家 (Closed)

豈有此理!!!!!!連續三日都係去呢間吉野家食細雞扒飯，$15一個tea set 係apm嚟講算係抵到爛啦！！今日再去食，諗住唔係好肚餓，所以叫雞扒米再加一個$10青魚，米粉既雞扒係分開上，但今日份雞扒少到得兩舊．．．咁我咪問：乜咁少？個侍應話：你『嚴』少呀！？我好反感答：你話呢？你唔係覺得夠呀？佢轉身幫我換，但即刻有個老女人話唔好換番入去，佢係特登係我面前好得戚咁成碟倒左，然後再拿第二碟比我，但都係得兩舊．．．．其他人係起碼有四舊ｇａ！！！態度又差！！！！！而且為左串我而浪費食物，所以我先咁執著～！！！！究竟有冇ｄ有關方面跟進下呢？幾多舊雞唔係大問題，問題係點解ｄ員工咁輕易浪費食物呢？（強調：碟雞係冇離開過取餐處，佢地可以唔換，可以求其加番兩舊雞比我，但點解要成碟倒左，但換比我既又係一碟一模一樣既得兩舊雞呢？？唔明！！）

夜晚睇完戲去食飯好得意宵夜餐星期五六晚先至有所以叫左十一同十二號餐泡飯+雞同泡飯+一碟牛都幾好~~轉左飲蘋果蜜ok啦~唔算特別好味不過要加五蚊不過唔記得左食$18野菜牛肉飯抵好多但係做到好似12定13號就無lu~~

下午去吃吉野家, 細雞飯珍珠米算煙韌, 雞肉不鞋但無乜味, 有層筋膜在中間.

今晚媽咪遲番就去左吉野家買飯盒...媽咪話要2盒煎雞飯同1盒牛肉飯拎走點知個人就俾左2盒牛肉飯同1盒煎雞飯俾我媽咪我媽咪番到屋企先知因為係個到佢冇check媽咪話個陣都冇咩人... 咁樣唔可以話因為忙而執錯啦d人咁既服務都有.. 好唔明點解吉野家d外賣要用咁多層既盒裝極度唔環保... d老闆見到呢個comment好好改善下下午茶個陣先16蚊夜晚就27蚊足足貴左成十蚊有多.. 嘩..除左d飯多左d送多左我都唔知有咩值得要貴咁多...唔再幫親apm呢間吉野家\____/

我真係未食過吉野家牛肉飯(招牌菜)架,事緣我不吃一條條類似肥牛的牛肉(我自己都唔知點解),因此,一直以來,只吃煎雞飯,今次叫錯左,唯有食少少,原來,真係幾好食,薄薄的一條條牛肉,唔肥,混有少少洋蔥,再加上他們的飯,一向都好好食,唔怪得甘多人鍾意食啦!快餐中算好抵!^^

有張牛肉飯free coupon, 所以黎食~個牛肉飯都幾多牛肉, +埋d牛汁and七味粉都幾好味~

我覺得吉野家真係好出色超值之餘，仲可以保持水準觀塘好食既平野無乜吉野家就係其中一間

特登等到下午茶時間先去食，未到兩點半已經見到有人o係度等，一到兩點半就排o左一條好長o既人龍呀！好誇張！一向最鍾意雞粒昆布烏冬，點知行到埋櫃位見到有新o野，豚肉昆布烏冬？好！就試一試啦！仲加$9要o左個汁燒帶子串；男朋友就要o左雞肉飯餐加鯖魚(加$10)。汁燒帶子串有三粒帶子，細細粒，仲有一小舊檸檬可以榨汁o黎點，點o左檸檬汁o既帶子酸酸o地，而且帶子本身都好鮮味！好好味！至於個豚肉昆布烏冬...烏冬好正！烏冬依舊彈牙，仲有鳴門卷同獅子狗，感覺好豐富！不過，我真係唔欣賞豚肉，食食下我覺得勁似梅菜蒸豬肉，味道勁似！而且所謂o既豚肉同平時食開o既瘦肉其實無分別...另外，我o地每次o黎親吉野家食o野都一定會另加鯖魚，因為點o左檸檬汁o既鯖魚真係好好味！o係APM o黎講，$25一個tea set再加一個小食，當lunch咁食到飽一飽，好抵食呀！

昨天又再來看電影,時間關係原本想去food court食,但food court價錢都幾貴, 於是上到戲院樓下見有吉野家即刻入去食,本人叫了個三文魚蟹子飯加氣水,都不錯不用加料已夠味, 妹妹叫了牛肉飯, 請了我吃幾口,還是覺得牛肉飯較惹味, 不過這個價錢真的比foodcourt了抵了

下午茶餐好抵食, $14 有個細飯同飲品, 最喜歡牛肉飲加雞汁, 好好味。牛肉好薄肥瘦剛好, 連我平時不吃肥肉都吃得入口。=) 午餐大牛肉飯好大個, 會吃得很飽。蟹籽三文魚飯ok, "食送" 飯比例剛剛好。好吃好吃!

好少黎呢度食野, 無他感覺唔係咁好味同埋覺得佢唔平, 但係早排個同事話呢度食下午茶抵食, 今日見肚仔餓, 所以決定一試!入到去二話不說就叫左碗牛肉飯, 個餐仲包杯野飲, 咁我要左杯熱綠茶! 等左幾分鐘就有得食, 拿拿聲搵個位食個飯先, 第一啖食啖飯先, 飯真係冇咩特別, 勝在夠熱同埋d汁夠, 一d都唔乾身, 仲幾大碗下, 而牛肉好似肥牛, 好鬆身幾夠味, 好味; 食飽飯嘆番杯熱茶, 茶真係好香好熱, 食飽飯飲杯茶真係相當寫意!可惜要趕住開工, 唔可能慢慢嘆呀! 下次有機會平平地都會再黎, 都食得過!

很久已無幫襯了, 同事建議來食便隨行.牛肉很淋但牛味不足, 飯撈汁食也算食得過.

同老婆兩個行apm,之後去吉野家食下午,飯好味,牛肉/三文魚子都好食,值得一去......

那天一早到觀塘, 辦完事才早上十點多, 早餐都未吃, 當然是吃點東西再講。到了APM, 但商場大部份食肆都未開, 原本是想吃某FOOD COURT的, 最後都是決定吃牛肉飯!既然都差不多十一時, 當然是早餐+午餐一起吃了!因此叫了兩個牛肉飯餐, 配兩杯綠茶!經驗所知, 一般人對於牛肉飯的肉汁都相當著緊, 有些甚至要多汁, 本人現在習慣走汁, 雖然飯會乾身一點, 但少汁會健康點呢!坦白說一個細牛肉飯是未能滿足我的, 但兩個牛肉飯又會略多, 不過既然是兩餐一吃, 就乾脆吃飽一點!牛肉飯大家可能吃得比我還多, 我就不在此作專家了, 整體上這裡的牛肉飯一貫一不錯, 畢竟是專牌菜嘛!最重要是牛肉不要煮得太鹹!吃兩碗飯配上兩杯綠茶, 一解牛肉飯的濃味感, 正是剛剛好呢!!不過這店最特色的地方有電視可看, 算做有一點特色吧!大家在這裡用膳的時候, 不妨留意一下!!

那天早上走到觀塘, 做完工作後想到APM吃早餐, COOKED DELI未開, 想來想去也想不到吃什麼, 只好走到吉野家吃牛肉飯!剛好趕及早餐時段, 已差不多十一點, 當然早餐當午餐吃, 遂叫了兩個牛肉飯餐, 什麼飲品也不用加, 就綠茶己經很滿足了!!吉野家的牛肉飯相信有些食家吃得比我還多, 應該不用怎麼說了。吉野家牛肉飯一向甚有水準, 要挑剔的只是有時牛肉不夠多, 汁放得太少等。不過我覺得已經很味美了呢!!!不過我現在吃牛肉飯一般走汁, 吃起來雖然較乾, 但畢竟健康點!坦白說一個細牛肉作午餐對我來說是少了點, 但兩個可能又多了一點點, 但既然當午餐吃, 就吃飽一點好了!吃罷兩個牛肉飯是很飽的, 足夠「頂」到晚上的了。綠茶一向是本人的那杯茶, 不論質素高低, 總算還有點綠茶味, 一解牛肉飯的濃烈味道, 相當不錯!這裡環境新淨, 其實亦不算太細, 那天可能早, 沒什麼人, 加上這裡有電視, 一邊吃飯, 一邊看電視, 十四元一個餐, 夫復何求?