吉野家

Open Now

Now Closed

北海道粟米煎雞丼（大盛）$38特價飯$38黎講無太大期望，只係加咗啲普通罐頭粟米汁落去，叫做有啲汁撈飯開胃啲咁～賣相都係咁唔吸引，我個人就無下次喇。加配：溫泉蛋+$4、熱奶茶+$5

重陽節當日，買了三個外賣， 兩個牛肉飯及吉列雞扒定食, 雞扒細細份, 牛肉上可以, 但白飯就中伏, 原來係生水米, 衰過意大利飯，完全吃不下, $170見到一肚火， 以後唔再買吉野家.

個多月前，老婆專登帶我落嚟荔枝角嘅「一冰室」食早餐，食完之後晌附近遊走下，經過「吉野家」，都諗諗好耐無食過，走入去睇一睇，發覺佢有幾款早餐都真喺幾啱心水，所以，今次一早行完轉短山，兜落嚟荔枝角，專登試試「吉野家」嘅早餐。 嚟到都10:00am左右，過咗早市繁忙時段，可以講客人唔多，咁樣仲啱我哋靜靜地嘆早餐。 至於早餐有咩選擇，就晌晒電子屏幕，不過，佢哋個電子屏幕喺不斷郁，所以，基本上都只喺咁二望兩眼就算，最後，晌番自助點餐機度慢慢揀。 雖然可以去櫃檯點餐，但我哋都喺鍾意用自助點餐機，因為可以慢慢揀，自在啲，反正相信好多人都用慣晒，無乜難度。 同老婆上次嚟就睇啱「洋風朝食」系列，在乎揀邊款組合，佢就鍾意烏冬，小弟就睇中啲西冷。 W7. 菠菜薯餅+3.6牛乳炒蛋+抹茶多士+鰹魚湯讚岐烏冬+熱檸水 $42睇個份量都幾夠十足，薯餅、炒蛋、多士等陣先講，依家就重點介紹配烏冬，撳機時發現原來可以+$1轉為芫茜湯底，當然要轉啦，老婆就話個烏冬幾好食，咬落有韌勁，面頭又放好多野菌，鰹魚湯加咗芫茜好有另一番風味，多咗浸獨特嘅香氣，真喺唔錯。 W9. 西冷牛扒+菠菜薯餅+3.6牛乳炒蛋+抹茶多士+熱咖啡

抱著相當高嘅期望去新舖試食新產品，誰料失望到一個點.....當日十一點多，沒什麼客人，見新舖裝修開揚，坐位舒適，已添了幾分好感，到前枱點餐，想試新出的炸雞丼，發現原來要85個大洋， 猶疑了一陣，心諗85蚊一個快餐只包一杯飲品，質量應該有番咁上下，誰料豈有此理嘅事天天都會發生......點餐時，我問收銀員大盛和並盛的分別，佢話大盛多啲，咁我叫了大盛，之後不斷問要吾要加配，要吾要換禮品...,跟住不斷同其他店員調笑，等了幾分鐘，食物來了....1. 炸雞 - 五件麻雀大小的炸雞，咬一口，犯了炸雞第一個死罪 - 吾熱，只是微暖，跟著犯了第二個炸雞死罪，吾脆，幸好未至一口油，但炸雞塊竟然食出一條骨2. 舖面的椰菜絲很硬3. 白飯很削，沒口感，同日本米拉不上關係4.他他汁很實在地放在盒內，不容易被雞點上5.另一款蘋果汁，恕我不知如何配合食物唯一合格的是可樂走冰這樣一間新店，前枱員工和廚房員工都上下一心地無心工作，吉野家管理層是否要考慮如何改進，客人真金白銀買一客飯，得到這樣的出品，實在無辜

8:30左右去買，見到用手機外賣落單有8折，於是叫咗一個細牛肉飯同大野菜煎雞飯，總數加埋$74。拎完10分鐘返到屋企食咗幾啖發覺啲米係生嘅，啱啱新開餐廳都係咁嘅質素，仲叫人點幫襯？

見好耐無食過吉野家，同埋發現多左吉列雞扒，所以就諗住試試質素如何，準備享用卻發現塊吉列雞扒炸到差唔多濃哂，深啡色的，味道又硬又苦，未食過咁難食廚房炸到咁竟然都可以出餐，連樓面見到咁都可以照俾客食…簡直差過香港大部分餐廳出品。劣食體驗..

呢間吉野家喺長沙灣道路邊，睇落主要做外賣生意，因為鋪位好細，大約一半嘅鋪面都係門口，亦只有大約30個座位。以我自己經驗，堂食嘅話就唔太建議，因為空間有限，坐得比較逼，再加上間舖個門口好大，出面車來車往，所以車嘅噪音差唔多仲大過舖入面嘅音樂聲，仲有就係就算堂食佢哋都係用即棄餐具，所以基本上同外賣無差別。（依家做緊外賣自取8折，緊係買外賣啦）至於食物方面，同一般吉野家無分別，一樣咁好味呢間出餐都好快好開心呢區終於開一間吉野家～以後食飯又多個選擇啦