吉野家 (Closed)

吉野家除咗牛肉飯之外，一人一鍋既邊爐亦係我既至愛，間唔中都會約下朋友打下邊爐，傾下計咁。今日同朋友又黎烚下烚下，叫咗個雞肉清湯湯底邊爐。有肉有飯有菜，食晒成個都好夠飽。

同朋友平平地食晩餐…食吉邊當然係首選…咁啱吉野家又出左新火鍋…梗係要試下唔知點解叫石狩鍋…明明就係多左三塊三文魚片…其他配料同平時啲鍋就差唔多熟左喇…三塊其實都好少…食落無咩三文魚味…係個味噌湯底味多啲…為左配合有海鮮食…加十蚊有一碗硯…已經同你半煮熟…咁啱哩日食都有幾粒有沙貴十蚊由芝士竹輪變做三文魚…都係食番芝士竹輪蟹棒好

今日放工先至三點鐘 為咗慰勞辛勤嘅自己就當然要食番餐好㗎啦！！ 而家物價高企下午茶！！梗係要慳少少～～最後揀咗二十幾蚊就有交易嘅牛肉飯～加牛汁！！一啖飯一啖牛肉乾身嘅時候再加牛汁～好幸福呀！！！ 而且洋蔥非常淋身～又甜好味

冬天最鍾意打邊爐，但出去打邊爐價錢一般都貴，不過吉野家就好平，幾十蚊就可以打邊爐，一個人打邊爐都好開心。一到晚市就大排長龍，我買了巨蟹牛肉濃湯粉絲鍋$58。自助區有醬料同湯自行配搭，幾體貼。就算醬料無曬，一陣都會加，唔錯。有野飲，個鍋一個人食都肯定夠，仲有牛肉，配料有粟米、香菇、金針菇等等，仲有粉絲，份量有驚喜，真心覺得抵食！幾多菜，所以食得幾滿足，蔬菜新鮮，火候都夠。幾塊牛肉，不過不失，算係咁。

哇哇哇 由一月尾知道吉野家出左相撲鍋 等到而家終有機會試到今次同朋友去左旺角近朗豪坊出口既吉野家試只係69蚊就可以試曬所有野 真係好抵食一個鍋有曬雞（半份）同牛 滿足曬兩個願望呢個鍋就冇左之前最鐘意食既芝士竹輪 但加左新既牛丸同蟹子丸 味道普普通通 冇芝士竹輪咁正其他材料例如金菇 冬菇 面都有由於多左好多丸 所以其實唔洗特別加錢加配料都可以飽曬今次相撲鍋既湯底只有濃湯同清湯揀 冇左之前既特別湯底但係對於想用幾十蚊就打到邊爐食飽飽既話 相撲鍋係個唔錯既選擇

呢排凍凍地都打邊爐，點知好耐無黎，黎到居然發現打邊爐要等位囉，仲要劃分左1區黎做打邊爐區，全部轉晒電磁爐，要食就要等位先，有位先可以去買野食本身打邊爐可以坐得好舒服嘅，難得咁大間，點知個打邊爐區勁迫，1張枱4個位，2個人嘅話要搭枱，勁迫，真係1個唔好嘅設計，既然咁多人打邊爐，個區域可以間大d,但無咁做法，坐得勁唔舒服

每到冬天一定會去吉野家食芝士竹輪火鍋旺角呢間吉野家轉左同平時嘅吉野家唔同 唔係用gas爐 而係電磁爐所以你要等位 要有位先可以order 呢間今年竟然冇晒芝士竹輪火鍋 得返龍蝦鍋龍蝦鍋唔係唔好食而係芝士竹輪更加好食湯底唔夠濃 蝦算鮮甜下次我都係會叫返芝士竹輪火鍋

打邊爐，吉野家絕對係最佳之選，因為價錢適中，又食到烏冬、牛肉等等。今次，我就試左龍蝦湯，佢個湯底龍蝦味都算okay，當者到尾聲嘅時候，先落烏冬，剛剛好吸收哂d湯。

下午茶又係肚餓嘅時候啦!點樣可以食得精明又平啲呢~ 吉野家牛肉飯絕對係我首選 !除咗牛肉飯之外~我最鍾意配牛肉汁倒曬入去未免太濕,所以我會選擇夾起牛肉之後慢慢一路點汁一路食! 最識食梗係加個溫泉蛋撈下飯啦～ 呵呵

很憤怒，已經連續兩次摸門釘。 1點10分進入餐廳，收銀員已經不在崗位，廚房更正在大清潔，旺角店不是2AM關門？究竟有沒有製定最後下單時間？ 因為平常都是一樣時間光顧，還可以點日式火鍋或其他食品。是否可以預計再沒客人進場就可以提早收爐關門？定必向吉野家追究到底

今日黎到吉野家，發現芝士竹輪鍋冇得食，就試下新出嘅柳川鍋～嗌左鰻魚柳川鍋同豚肉柳川鍋，再加娃娃菜。.平時食開濃湯，今次火鍋湯底味道比較淡。兩個鍋都有勁多洋蔥、一撮金菇、細細個豆腐，同約三件細雞塊，仲會配兩隻蛋。配料種類比芝士竹輪少好多，有啲失望。而且淨係可以揀飯或者烏冬，公仔麵要加錢。冇芝麻醬。.煲得耐少少就食到淡淡洋蔥味，都係濃湯惹味啲～豚肉柳川鍋嘅豬肉片用左甜醬油調味，豬肉味更特出，唔錯！雞就一如往常，不過不失，啱啱熟就食廢是太「鞋」。.鰻魚柳川鍋（$69）嘅鰻魚好味～但當然唔會太大條。.落蛋後最好攪下，等佢滑啲同入味啲。.總結黎講，配菜太少，洋蔥太多，湯底偏淡。希望快啲有返芝士竹輪鍋！

之前吉野家都唔係全年供應，　所以成日心掛掛好彩而家已經全年供應，　所以唔使成日留意幾時先開始供應，　想食就去食通常小妹都叫最普通既打邊爐套餐配粉絲，　真係好一流

其實成日都會去吉野家食嘢...反而之前佢仲有好多選擇..例如有關東煮公仔麵做下午茶....有樣嘢不得不提...我以前好鍾意食吉野家嘅青魚....但係近呢幾年我覺得佢哋嘅質素下降得好緊要.....今次嘅青魚唔單止難食仲好細條都要買＄16你哋有冇睇到嗰條青魚細到不得了....仲要個味道有啲霉....好似放咗喺度好耐嘅死魚咁你愛我食咗呢個豚肉撈烏東...雖然啲豚肉好薄片....但係一啲都唔新鮮....仲要好似凍冰冰霉霉地...雖然價錢唔係貴...但係質素真係有待改善

其實本身我都唔係好鍾意打邊爐嘅，不過見到呢個卜卜蜆鍋真係忍唔住吉野家打邊爐其實我都有好耐時間冇去啦，因為每次打完邊爐，我都會熱氣同埋好容易喉嚨痛但係$70有找既海蜆火鍋~~我都忍唔住試左!當然啦, 咁平就無服務同衞生要求架喇......不過都足足等左3,4個字先有鍋,另外仲要等多10分鐘先有得食...好味既野等幾耐都值得我個鍋有成18隻蜆，仲有肥牛同公仔麵!!番茄湯底唔會搶左海蜆鮮味~其實d蜆本身已經半熟,湯底一滾已經見到d蜆開哂口!其實個面真係太多,食唔哂超飽，好推薦大家去食吉野家既邊爐都係一如以往咁,性價比高~

依家次次公司下午茶都會成呢度新推出嘅下午茶菜式就係胡麻玉子撈烏冬但事先聲明可能要食過胡麻醬並且接受嘅人先好嗌呢個下午茶因為唔係個個都接受到胡麻醬嘅味道但對我來講胡麻醬真係好吸引係呢個烏冬裏面有紫菜，玉子同烏冬撈埋一齊淨係文已經覺得好香好吸引食落去真係有一試再試嘅感覺絕對上癮所以極度推薦啊大家以後係下午茶時段不妨試吓而且價格都係比較親民只係＄30都唔使嘅價錢已經可以食到當然係呢度都有其他下午茶款式例如牛肉飯等等吉野家吃下午茶來講絕對係又抵又好食