吉野家 (Closed)

肚餓又想慳錢，唯有忍呀忍呀忍終於等到去下午茶時段可以用特價，食細碗飯由於本人不太偏好牛類，所以選了三文魚籽飯雖味道不如豬、牛偏濃魚鬆較清淡的味道，也有其特別之處蟹籽，魚鬆份量剛好，可撈勻整碗飯

午餐去吉野家，諗住加購一客鯖魚，所以要左細雞飯餐拎餐嗰時見到客鯖魚，同上一個同樣有鯖魚嘅人一比，幼左1/3咁濟，唔知係未見我食細雞飯嘅關係呢鯖魚一般般，可能係太細太失望已經被扣分，雞飯還好，餸同一般餐唔差得遠，但飯量減少而已。

今日happy Friday 興起約食飯，但又無乜錢。甘岩又好耐無打邊爐，所以就揀左去旺角吉野家打邊爐啦以前既選擇好似無甘多，淨係有濃湯同清湯揀，依嫁出左唔同湯底。不過窮L既我地，都係一致揀左最平既芝士竹輪濃湯鍋跟烏冬。菜名主打係芝士竹輪，但得一舊甘大把，好心俾夠兩舊啦。而牛肉好似無甘新鮮同份量少左，不過唔緊要啦，一小鍋都夠晒我食，而且有芝麻醬。除左烏冬，仲有粉絲、飯、即食麵，不過我就比較鐘意鳥冬多d。食到勁飽既一餐，嘻嘻哈哈又一日！

今晚我們去咗旺角655嘅「吉野家」買外賣自取返屋企食！我們買咗野菜牛肉煎鷄雙拼飯嘅鷄肉表面煎得都幾香口，肉質好鬆軟嫩滑，唔會好乾身同好「嚡」！東坡肉煎鷄雙拼飯嘅東坡肉肉質特別係頂層皮相當軟滑，而且味道好入味！日式咖哩牛肉煎鷄雙拼飯嘅咖哩汁都幾濃郁，微微辣嘅咖哩汁令到牛肉同鷄肉更加惹味！和風牛肉溫泉玉子飯無咗溫泉玉子，可能係當時太忙店員畀漏咗，感覺有啲啲美中不足，而牛肉嘅肉質好鬆化嫩滑，肉味好濃郁，夾埋啲香甜嘅洋蔥一齊食，感覺唔會好膩！

上個禮拜去吉野家食左個下午茶, 見到有個飯好似KFC果個又係用蘑菇汁..於是就試下呢個磨菇煎雞飯 ($24), 原本係跟熱茶, 但天氣太熱啦, 所以加左$5要杯奶茶紅豆冰試下. 磨菇飯味道真係同KFC一樣架, 個汁一樣有D黑胡椒粉味, 磨菇份量多過KFC好多, 粒粒磨菇都幾大粒, 而煎雞就冇乜特別都係原先果D. 至於奶茶紅豆冰, 啲紅豆都幾甜下, 但好彩本身杯奶茶唔太甜, 所以夾埋一齊飲甜度變得剛剛好, 我覺得都幾好飲!

今天因為公司的設計图有小小問题，留著公司改到夜晚一点，忽然肚餓，才醒起，今天晚餐漏着，這個1時候吃什麼好，走落旺角，見到吉野家写着收二點，大喜，沖着進去，夜麻麻一点，除著麥當勞，還有什麼平靚正的，吃吉野家當然吃牛肉丼，深夜還有，真窩心

午餐時間都唔平，40幾蚊個餐都係下午茶食底食D⭐️（小）三文魚魚子飯 配 湯三文魚魚子飯撈飯一流，啖啖爽口，味道適中⭐️（大）芝士黑松露牛肉飯 配 茶牛份量多唔得嗰配搭，好怪⭐️（大）蘑菇汁雞扒飯 配 汽水蘑菇汁、飯多大盛但雞得一塊好似食緊蘑菇汁撈飯另一間雞快餐店仲好食🙈

位於彌敦道655號地庫的吉野家，餐廳面積十分大，打邊爐找位置難度也不高，火鍋的價錢也十分抵食，七十多元一個人便夠。個人最喜愛配白飯，點了芝麻醬的牛肉和白飯一起放入口十分美味。今次選了珍寶竹輪火鍋套餐，竹輪約有一隻手掌的長度，還有不同配料，如滑豆腐、粟米、豆腐卜、鮮冬菇等，適合我這個眼闊肚窄的女生。朋友喜愛向店員索取一碗牛肉汁作醬料。另外，如果兩三人一起打邊爐，建議一起落單付款，餐廳會有不定期優惠如買滿指定金額即可免費加大。

曾幾何時, 吉野家 ge 牛肉丼飯真係窮人恩物又平又多牛肉大大碗 o甘依家周圍都加哂價, 連吉野家都貴 o左呢雖然多 o左好多款式但最重要 ge 牛肉少 o左好多又比以前乾要求不高可以間中食下 ge

五點10， 到達吉野家 已經去過好多次，第一次嘗試湯烏冬雞粒也有五六粒左右，雞皮雞油脂已經唔多 想食湯麵食 熱辣辣雞湯烏冬是健康既好選擇份量岩岩好 加一碟菜 營養均衡雖然我對勾芡的菜唔係很滿意下午茶咁樣一套 35蚊 都算抵食既，不過一定要趕在六點鐘之前食晚餐 夜晚應該會肚子餓吧

今日差唔多喺下午茶時段尾嘅時候我們去咗旺角彌敦道655嘅「吉野家」買外賣自取返屋企食！今次我們買咗野菜煎鷄分別配咗米粉、公仔麵同飯，鷄肉嘅肉質好鬆軟，米粉嘅麵質好爽口，公仔麵可能係因為啲湯無分開另上，一直浸著，所以令到麵質變到腍晒，湯底嘅味道亦比較鹹！鷄粒昆布烏冬嘅烏冬都幾煙韌彈牙，而呢個湯底嘅味道就比較清淡！和風牛肉溫泉玉子飯嘅牛肉肉質好軟滑，肉味好濃郁，珍珠米飯亦好煙韌軟熟，再撈埋半生熟嘅溫泉蛋一齊食，令到味道更加甘香！

我昨日放工經過，見到有吉記，入左去睇睇。見肚餓，叫左個牛肉飯，佢係用自取經營方法，可能減少人手，但如果我行動不方便的話就有d麻煩！ 可以參考大快活，由服務員送餐會好好多。。。。

印象中下午茶的份量的確比較小，同埋都為為左均衡飲食，叫左一個三文魚碎蟹籽飯（細） 23蚊，加一菜（9蚊）再加泡菜味增湯7蚊五點半去到 唔多人，很快準備好d餐點，看到餐點心諗好彩叫左咁多配菜三文魚碎蟹籽飯：飯都算多既，如果係女仔一定夠，但係男仔我持懷疑態度，因為我用小碗仔舀出來食發現其實得一碗飯多dd，重點係三文魚碎的薄薄既一層，咁多飯一定唔夠撈啦！所以問店員要左七味粉同甜薑甜薑無爭鮮回轉壽司店既好味，maybe係因為佢真空包裝，不過有得食已經算好7蚊加既泡菜原來得咁小！一小盒，一口就無曬，同埋泡菜得一個鹹味，仲有d包裝的味道，我估佢哋應該都係買一d質素唔係幾好既牌子，分細盒裝⋯太失望了，份量真係超級少！加7蚊一d都唔抵9蚊菜： 份量唔算多，表面睇來健康，但其實唔係，因為佢加左芡汁，真係奇怪，香港餐廳好地地做乜嘢要芡汁，無形中增加熱量⋯總結，本身23蚊既茶餐加左尼d一共係39蚊，但每一個份量都極小⋯算啦，就當可以一次試曬咁多品種？？

一到好夜 好多鋪頭都關門但又肚餓既時候 就會選擇吉野家打邊爐旺角地庫呢間算多位 仲開到凌晨 所以夜晚既時候都會有人打邊爐最鐘意一大班人一齊打邊爐傾計雖然吉野家既肉唔係最新鮮最靚 但就係令人唔會抗拒 甘多配料再有埋個麵/烏冬/粉絲 同埋送汽水 係唔錯既不足既係 夜晚時分 好多檯都無執乾淨 地下都幾污糟下

無論春夏秋冬邊個季節，我嘅生命當中都不可以缺小打邊爐！因為佢係我嘅生命。係未出糧而又想食邊爐嘅日子吉野家就係我嘅救命稻草。佢嘅芝士竹輪鍋無論幾時都好吸引我🤤🤤而大食嘅我就一定係另外加蟹柳同娃娃菜。烏冬通常一定要煮到入曬味變左色先好食。🤤🤤🤤🤤🤤🤤