吉野家 (Closed)

今天早上要開會，可以比平時遲半小時回公司，時間尚早便到附近的吉野家吃早餐。點了雞粒昆布烏冬配綠茶，雞粒跟煎雞飯的雞是一樣的，只是沒有醬汁而已。除了雞外，還有昆布及日式魚蛋。沒有醬汁的雞很乾，亦沒有什麼味道，所以額外叫了一碗雞汁。湯底太清…比滾水鹹小小…烏冬沒有晚市的好吃…不知道是不是早餐的湯底跟晚市火煱不同所致。

上次在新蒲崗經歷了慘痛的經驗,吃了那間不知所謂的旺仔記的外賣,還是氣在心頭今天又再出差,外賣還是選擇一些有保証的還好,今天來了吉野家喜野家牛肉飯,雖然人人都說每怳越下,但外賣首選還是不錯,因為價錢便宜而且牛肉也不是大家所說的差,牛肉肉味濃郁,而且份量也十分多但一定要提店員多汁,否則便乾了一點而且$19,真的是超越抵吃不過汽水則不能接受,檸檬茶十分甜,不建議喝呢

呢幾個星期我媽咪都唔係香港,懶懶的我只好外出晚飯公司附近商場近近地我叫左個雞肉鮮蔬飯配可樂平時食的都係牛肉飯今次就改改口味賣相唔錯雖然只係數十元雞肉肉質都算嫩口咖哩汁充分地滲入雞肉啖啖雞胸肉蔬菜亦算新鮮好爽口飯係用珍珠米唔會稔相反煙煙韌韌夠咬口食落好香軟配上咖哩汁咖哩汁好香濃唔會辣，反而有點點甜味不過此雞飯就唔係我所愛始終味道不夠惹味但亦值得一試畢竟只是數十元而已

唐揚雞肉定食（$40）司令最近先發現原來吉野家出左個唐揚雞肉定食，機緣巧合就走左去食。當然啦，個定食有唐揚雞肉啦，仲有白飯、沾醬、麵豉湯同埋一杯汽水或日本茶。沾醬張menu寫住話可以攞嚟點雞或者撈飯食，而且可以揀醬油或者辣醬，司令就叫左個辣醬嚟試。主角唐揚雞肉，炸得唔錯，幾好味，肉質唔老，由於本身雞有醃過，唔沾醬都好味。而個白飯，同普通吉野家飯一樣啦，但司令就覺得冇醬送就真係難哽左啲。雖然有個辣醬可以撈，但個醬司令覺得麻麻，冇咩特色，所以最尾都係用麵豉湯同唐揚雞嚟送飯算！😓整體嚟講，唐揚炸雞畢竟係主角，所以都唔錯既。雖然好似得4嚿好少，但食落都好夠下。

次次兩個人去，叫一人一個鍋都食唔曬，跟住又樣樣野都想追加，所以今次叫咗一個鍋揀咗牛肉（濃湯）share，跟住加雞肉，響鈴，金菇，蟹棒，另外再加大個汽水，total $97.80 ，平過平時又唔會食唔曬同可以食到其他野，好滿足，好抵！樣樣都好好食，尤其係個濃湯，唯一覺得有d中伏係個鍋名明明叫「芝士車輪鍋」，我以為好似以前有個鍋另上芝士碎，點知個staff話「芝士車輪」係講跟鍋入面個舊芝士獅子頭（重要得一舊），下次唔會再叫里個鍋。

剛跟M先生W小姐大展唱喉，完了兩個半鐘的小小唱K聚會肚子有點餓了！原打算到茶餐廳吃個常餐醫肚，但想了想想吃火鍋啦，平價小火鍋就是吉野家。小妹很久沒有吃吉野家，原家新出了藍青囗芝士拉麵火鍋。這新出的火鍋也頗韓風的，小妹也想快點試試啦！M先生負責買回來，M先生是全場唯一的男生，粗重功夫也免不了，辛苦你了！ 好了好了，吃吉野家的火鍋必定要拿辣椒片的，小妹最愛吃那辣湯底！六十多塊已包了飲品，牛肉或雞肉，拉麵跟芝士。平民小食就是這個樣，一百元有找，還飽到遷捧腹離場！湯沸過後，拉麵(辛辣麵)的調味粉已經溶入湯頭中。小妹夾起了青囗放在一旁，小妹愛吃那配料，必吃娃娃菜又軟淋又入囗，夠辣了！青囗小小一顆粒，淥一下就能吃。拉麵真的是辛辣麵吧，加上辣椒片就更好吃，芝士有牽絲的，吃完後已經很飽肚！牛肉呈紅色，牛肉味也不俗，紅水很多，但六十多元的套餐算是不俗了！

見到新產品，決定試一試睇广告仲唸住係比正常嗰度啲牛肉厚少少，原來唔係，個樣同牛飯無唔同，食落仲有啲豬肉so味，質地都鬆化，唔會un易咬開但食完即刻想食番牛肉飯囉好彩我識有拎到個牛肉汁，咁先當佢牛飯咁ko all炸雖然呢個平少少，但我都係會簡番我親愛既牛肉飯例牌既，期待下次，等我呀，細牛飯+無得頂既頂呱呱牛肉汁！

大約十年前，媽咪話呢間ya唔好食，仲話去到日本見到都無人喉真正開始食呢度，係大約四年前ex帶我去食既！有次叫個飯，忘記叫佢俾個牛肉汁，即刻成件事就唔同左喇！個牛肉汁係吉既精華，無佢唔好食，所以必叫，一定要！個飯係下午茶黎，但都超足料，飯不少，用上好味珍珠米，伴上肉汁，真係講到我囗水直流呀！牛肉份量亦唔少，係切到薄薄一片片咁既肥牛黎，好有牛肉味，而且食咁多次都無un既情況出現食完真係令我大滿足呀！另外佢個奶茶都唔弱，都係好出色，奶香茶滑超級爽，仲可以走冰tim，走完都唔會淡，嗰下得呀嘛

因為食完先記得影相，所以張相係咁牛肉飯加凍檸茶牛肉飯細細碗，食左早餐食就差不多了，加多幾蚊飲返凍檸茶牛肉咸左少少, 我叫左碗汁，加左辛辣粉，加埋落去野味好多而飯好軟綿綿，雖然知道不是日本米，但都不是太差凍檸茶幾好wor, 因為無苦澀味，好清好香，正

由於時間既關係，不得不找一間平時不多幫襯既食店由於今日多野做，所以要快....要不太嘈，要飽，要星期六都不用等位的食店，仲要MK區...不易了吧，這間做到了....是是旦旦最緊要飽... 牛肉仍然不錯，好耐無食了，仍然幾好味，飯係大size, 果然夠飯食, 但加左碗關東煮就好咸如果淡返D會好D，但去得呢度食，要求都不會高，所以...算啦，不過淡D真係會好好多杯綠茶紅豆冰又OK wor, 甜左少少，如果無咁甜會好D整體一般啦，以fast lunch來講貴左D，以接近60蚊既fast lunch應該有更好既質素

照燒汁煮豚肉肥瘦參半，片片都是比牛肉片厚身，煮出來的豚肉片不算油膩，脂肪爽口，瘦肉不嚡，味道帶甜！ 配合彈牙珍珠熱飯，醬汁撈飯一流，不過可能㕑師怕我們會覺得甜得滯，在飯面添加了一些紅色的酸瓜，真是很酸呢……我覺得味道不搭！ 另外原來多汁要加$1, 牛肉汁除外。

吉野家係我首選。經常食TEA 既地方,因為真係抵好食又夠飽呢~而且呢間旺角彌敦道655號地庫既分店,真係好大間可以長期打登TIM~我一向都食開玉子蛋牛肉飯 ($19,)最近出咗新嘅豚肉飯$ 19, 暫時只在下午茶才供應前日放假就走去試試啦~飯面鋪著滿滿的豚肉片，豚肉肥瘦均勻，粒粒珍珠米, 醬汁甜甜的,有些紫紅色漬物,$19的下午茶餐, 飽肚又美味呢~~

這，煎雞上燒汁的味道，甜而不膩，味道濃道剛好，光是燒汁配白飯便是絕配，可惜飯的份量略嫌太少，肉反而太多，再看雞肉，雞皮帶點脆，雞肉則不過不失，野菜並沒有甚麼特別，唯獨是蘿蔔夠甜，來到我至愛的牛肉，肥膏偏多，卻正中我喜好，雖未到入口即溶，但牛肉味的確濃郁，以這樣的價錢算是划算。不過下次再吃應該不會點雙拼了，個人認為燒汁的甜配牛汁的咸有點互相爭風頭的感覺，反而失了點各自的風味。

吉野家係我首選。經常食TEA 既地方,因為真係抵好食又夠飽呢~我一向都食開玉子蛋牛肉飯 ($19,)最近出咗新嘅豚肉飯$ 19, 暫時只在下午茶才供應前日放假就走去試試啦~飯面鋪著滿滿的豚肉片，豚肉肥瘦均勻，粒粒珍珠米, 醬汁甜甜的,有些紫紅色漬物,唔洗牛肉汁都夠味了~~$19的下午茶餐, 飽肚又美味呢~~ 

吉野家新推出的這個豚肉飯，我今天終於能試一下，結果也不差。首先，豚肉和飯都沾有淡淡的照燒汁，使飯不會太乾太硬，又不會掩蓋豬肉的味道，醬汁的份量把握得很好，而且，吉野家的洋蔥都做得很好吃，又軟又甜，不會有辛辣刺鼻的味道，值得一讚。至於豚肉方面，我覺得火喉把握也不錯，不會太老，但有一點我很不喜歡，就是脂肪十分多，一塊豚肉可以只有3分1是肉，我完全不覺得自己在吃肉，加上醬汁已經有點油，兩者配合令這飯變得十分油膩及不健康。做得不錯的是洋蔥和份量而已，如果你是怕肥的人，我不太建議吃。