吉野家 (Closed)

唐揚雞肉定食（$40）司令最近先發現原來吉野家出左個唐揚雞肉定食，機緣巧合就走左去食。當然啦，個定食有唐揚雞肉啦，仲有白飯、沾醬、麵豉湯同埋一杯汽水或日本茶。沾醬張menu寫住話可以攞嚟點雞或者撈飯食，而且可以揀醬油或者辣醬，司令就叫左個辣醬嚟試。主角唐揚雞肉，炸得唔錯，幾好味，肉質唔老，由於本身雞有醃過，唔沾醬都好味。而個白飯，同普通吉野家飯一樣啦，但司令就覺得冇醬送就真係難哽左啲。雖然有個辣醬可以撈，但個醬司令覺得麻麻，冇咩特色，所以最尾都係用麵豉湯同唐揚雞嚟送飯算！😓整體嚟講，唐揚炸雞畢竟係主角，所以都唔錯既。雖然好似得4嚿好少，但食落都好夠下。