吉野家 (置富第一城)

Open Now

Now Closed

好耐冇去吉野家食嘢，心血來潮，諗住快快脆脆吃個普通晚餐。我從未寫過食評，但今次呢個經歷，我實在忍不住寫下食評。行過舖頭門口見冇乜人，諗住可能閒日放工日子，比較少人用餐，完全冇諗過會中伏。叫咗個餐等不用3分鐘已有得攞。本身都冇乜期望，嗌咗個牛肉飯大盛。份量真係幾多吓。好可惜啲牛肉好鬼鹹，同埋肉質比較較韌，其他分店整得比較好食，這𥚃同以前好食嗰種味道好唔同，唔知究竟係出邊店舖整得比較好食啲，定係平時呢到都係咁難食。價錢又唔係特別平，不會再光臨

雞扒煎得啱啱好，外皮香脆，裡面嘅肉仲保持住嗰種嫩滑，咬落去啖啖肉汁，真係好滋味😋。烏冬麵條彈牙，帶啲米香，同雞扒一齊食，口感層次分明，簡直係完美組合👍。湯底都係一絕，唔會太咸，帶啲微甜，同雞扒烏冬好夾，提升咗整道菜嘅味道。而且吉野家既價錢一直都好親民，性價比高，真係抵食又好味👏。店員嘅服務都好周到，環境都整潔舒服，真係一個唔錯嘅用餐選擇。下次再嚟，我一定會再嗌多份煎雞扒烏冬，真係食過返尋味🍽️！加埋啲蔬菜同調味料，味道更加豐富。一碗簡單又美味嘅煎雞扒烏冬，呢個價錢仲要送飲品🤞🏻🤞🏻🤞🏻冇得輸！

「吉會線」送餐專線嚟到馬鞍山新港城中心MOSTown分店啦👍🏼👍🏼而加真係高科技又先進😍😍大家嚟到呢間新港城中心嘅分店，入座之後只要掃描QR code，落單俾錢一take過搞掂晒🫶🏻自助形式咁坐係到輕輕鬆鬆等「吉會線」小火車為你送上餐點👍🏼👍🏼自己打開車卡拎野食都幾好玩 😬大家嚟到記得記得登記成為吉野家族，購買「吉賞卡」，就可以享受全日激荀優惠，食得開心又滿足🥰得閑嚟體驗吉會線啦 🥰👍🏼

天氣凍本來想食一個暖笠笠既一人打邊爐，點知發現呢間吉野家有$88半放題一人火窩，咁就梗係試下。$88包一個窩，本身有d海鮮🦐🦐有d雜菜，仲有一包烏冬，同埋一pack肉。另外半放題嘅部份就係任食娃娃菜🥬🥬，冬菇，幾款嘅丸，同埋任飲可樂或者日本茶。👍👍👍👍👍👍其實真心覺得係好抵嘅，唯一唔滿意嘅地方係出餐速度比較慢，同埋啲嘢食好耐先至refill一次。食食吓，有啲配料冇晒貨，冇得再添。

最後一日臨時工到左沙田第一城做野，多左d午餐時間但大熱天時屋村商場又冇咩野睇，又唔想周圍行，就決定去食吉野家貪佢可以坐好耐！睇介紹牌睇中左個‘三味盛合’，可以試3樣唔同野有牛肉飯、天婦羅、關東煮、仲有杯飲品好似好低咁！第一次試用佢自助機點餐，都幾易操作比完錢出左張紙仔睇一睇心念大獲，牛飯同天婦羅係迷你版😱😱之前食過吉野家迷你飯真係兩啖就食晒😰會唔會食唔飽？見到實物3隻碗都係幾細下😢，睇真d牛肉有飯，天婦羅都係有飯嫁，兩碗拼埋都有一碗大！牛肉飯一貫水準，天婦羅件炸蝦夠熱好脆，關東煮好似飲湯暖暖地幾舒服😌料夠淋入味！慢慢食下又同同事傾下計都幾飽下🥰夠鐘又係時候開工啦😆

講起吉野家，相信大部分人都會諗起佢個牛肉飯同埋打邊爐，以往都食過好多次佢晚市個打邊爐，事隔一排，今晚就去食多次啦。咁就叫左 福袋濃湯火鍋配牛肉烏冬($64)，福袋清湯火鍋配牛肉烏冬($64)，另外仲用D積分換左 美國穀飼肥牛加芝麻醬(10積分換)先黎張大合照福袋濃湯火鍋，以往濃湯係愈食愈濃味，不過今次即使食到最後都淡而無味食物不過不失美國穀飼肥牛加芝麻醬，份量正常，但牛味比以前黎講差左烏冬，算係唯一不變，KEEP到以前高水準，夠彈牙價錢愈加愈貴都唔緊要，但希望食物質素可以KEEP返以前水準，否則再咁落去都好難再繼續支持

週末公主殿下回學校參加活動，所以要在學校附近食午餐。遵從懿旨來到位於第一城的這家餐廳，都有幾多人喺度用餐，心諗應該食物唔差。事實證明如此。不過服務是要扣分的。首先講收銀，對排喺我前面的印尼姐姐非常不耐煩，其實人哋人在異鄉，唔識唔明係好正常的事，将心比己，都唔應該咁嘅態度。其次講厨房員工，負責盛飯装餸的工序，卻喺度蹬波鐘。完全無視open kitchen外20多位等緊拎餐的顧客，慢條斯理地樣子令人十分厭惡。咁樣的員工，再好味的食物都無可能留得住食客。

大家有試過被美食的相片吸引著而特地去光顧呢？哈！我是其中一個，我亦知道食店宣傳的相片都會有此條文：圖片只供參考，一切以實物為準，即以你當時食物到手為準。入題：我被吉野家欺騙 “感情”一廂情願以為有相中的那般美，就中秋節當日來個美味早餐，誰知？！我被欺騙了，上枱的早餐沒有傳宣中圖片的一樣，不一樣也沒有問題，因為我知道相片是以作參考，雖然是參考，但都不要距離太遠吧！沒有相中的靚餐具，咖啡是外賣紙杯上，換隻膠杯以表誠意都好卦？？雞蛋也沒有圖片中吸引好食，炒蛋不滑不香，餐肉又簿又乾，整個賣相都是求其放上碟。店內提供的餐具不足，沒有义用， 真的無义用！只有膠刀配筷子無牙籤，我見很多食客走出去水吧旁取牙籤，個個都拿起牙籤盒搖呀搖呀。。。都沒有員工添上食具用品。還有無冷氣，一邊食一邊出汗！第一次到吉野家食早餐，好失望！

吉野家去過好多好多次，通常都係食好抵既下午茶。今日就試下佢既早餐😋早上8點入座，人唔多，唔駛等位，又優靜我地選左對住出餐位既座位，眼前既景物同成個氣氛令我仿似置身日本當地既餐廳，真係唔係誇張! 成個環境好日式。從未如此欣賞過吉野家調味料可隨自己喜好而添加。有醬油，七味粉同辣粉 來吧，看看$26早餐 （冷熱飲品同價）真身。多士有微烤過（不用加1蚊多士烤底啦☺）豬骨湯火腿通粉（個味好似即食麵既湯底味）味道唔錯，但味精味重，總覺得食完有d口渴。但26蚊食到咁飽咁滿足，抵食! 💥另外，我地都試左新推出既鮭魚醬多士加烏冬餐。（$35）同樣塊多士有被微烤過鮭魚醬既份量足夠有餘，個醬有香濃既鮭魚味。但鮭魚攪到好碎，唔會食到完整既鮭魚。同上。都係豬骨湯底。塊火腿比一段厚實$26 VS $35， 因為味道食材分別唔太大。當然係 $26完勝!

又到下午茶時間,我覺得吉野家的下午茶是最抵食, 基本21蚊就有,而家好多下午茶都要三十蚊,.吉野家叫一碗牛内飯只收（21元)起,好多人都等呢段時間嚟食又飽肚.仲有一人一鍋,款式都有幾多..款式種類多 ,唔夠食可以叫大碗.下午茶餐 ,都好夠份量.不過座位較迫'唔係咁寬敞叫埋外賣都係幾十蚊.

去完第一城工作，見還是早餐時間未過，就逛逛有沒有什麼可以選擇；平時都都是幫襯吉野家的晚飯，今日經過第一城見到有，就試試他的早餐叫了個牛肉烏冬餐，原本沒什麼期望，但吃下來才見到除了幾片牛肉外，還有其他的餸料，有獅子狗丸與紫菜，以為它的早餐都不出其外，想不到也會有少少驚喜

今日黎吉野家打邊爐，點完野食就等叫餐，一等就係四十分鐘！店內人手嚴重短缺，全店坐滿人但樓面只得一位服務員，全程由我開始入去食飯到食完走都係得一位。唔只我果張單等極都未有野食，連隔離枱都同我講佢地等左三十分鐘。我覺得對於快餐店黎講係不能接受同慢得太過份。店員都同我講人手不足，我都感受到佢地辛苦，大家都好無奈。落單時間係18:40，出菜時間係19:19，等左足足40分鐘。芝士竹輪卷鍋 $55.9配料有粟米、冬菇、豆腐等。帶甜既招牌湯底無得輸，南瓜煮林後索曬啲湯好美味。肥牛，一分錢一分貨，質素麻麻。烏冬幾煙韌，唔錯。必點芝麻醬，同所有配料都好夾。其實食物係唔錯，不過出菜速度咁慢，真係好食都唔敢再黎，除非好多時間又唔肚餓啦。

本人中午去到沙田第一城間吉野家食嘢，下午茶時間食個雙拼飯3:00pm我本來心情好好的，但當我落完單後去取餐處攞餐時，我問一個男無帶名牌，帶眼鏡嘅男員拎個牛汁，佢就把個牛汁放係餐出餐枱上，係同我有個距離，我見唔到佢放係倒，我在問唔好意思我要一碗牛汁，佢就話咪放左係倒囉，自己拎啦。我都算受咗氣好問題算，跟住我食完嘢嘅時候有個姐姐收我啲嘢食嘅時候無問我重要唔要就收，我本來有張紙巾放餐盤上係清潔的，佢就拎就餐盤把我想用嘅紙巾掉咗好不清楚嘅枱上。

一丁友想打邊爐，必定去吉野家。 吉野家呢個邊爐可以話一年四季都standby 等你，而我就係死忠fans我order 左芝士竹輪，而朋友就試長腳蟹長腳蟹鍋就係比平日鐵膽既芝士竹輪多左d 海鮮。 而長腳蟹都好誇張，大隻到個鍋都裝唔晒兩個鍋其他配料都差唔多， 有粟米，娃娃菜， 冬菇，豆皮福袋等等，而湯底似壽喜燒甜甜地。 可揀牛/雞， 飯/公仔面/烏冬， 夠食仲要好飽果隻。食芝士竹輪一定要好小心！唔好大啖咬， d 芝士爆出黎會辣傷個口！平民價錢， 味道唔錯，抵食！

最近轉左新工，係沙田置富第一城做！放飯又放醒點幾，食乜好？又想平平地，又唔想kfc McDonald，咁就決定食吉野家！平時好少食，食親必定牛肉飯！但見到有個下午茶餐係豚肉飯仲要加埋野飲都係22蚊，諗都唔洗諗試下啦！豚肉飯，豚肉份量都算多，醬汁甜甜地，肉就'鞋鞋'地，比較乾！不過咁，22蚊，仲想點，又唔係難食！返工無咩要求，求飽肚就得啦！