Video
11-min walk from Exit A3 , Sha Tin MTR Station
continue reading
Telephone
22953166
Opening Hours
Today
07:30 - 22:30
Mon - Sun
07:30 - 22:30
Above information is for reference only. Please check details with the restaurant.
吉野家牛肉飯 今晚又去幫襯沙田嘅吉野家牛肉店，例牌叫番我嘅最愛雙拼雞牛飯，每次食每次水準都保持一致，牛肉唔會有臊味，雞扒就炸得啱啱好冇柴皮，而牛肉同埋雞肉嘅份量以六十三個大洋嚟計都好有性價比，如果啲伴飯蔬菜再增加多啲就e支班啦！至於嗰碗麵豉湯就好一般，有少少麵豉味道，一句講晒，夠鹹。店舖雖然細，唔係得好多張枱，但都有播啲不吵耳嘅日本歌曲，營造出比較輕鬆自在環境，令我知道自己食緊日本快餐。七點鐘見開始人多點餐，堂食同埋外賣都企滿晒人等餐，但櫃檯就只得一個靚女收錢兼要照顧出餐，佢快手快腳，真係我哋香港人一貫做事作風，做嘢快靚正，抵讚！！！仲有一樣抵讚嘅係餐桌清潔姨姨表現非常專業，問姨姨攞杯水，佢就親自入櫃檯後邊，之後親自送來俾我，冇任何嗰種霸氣嘅表現，又經歷一次非常之好食飯體驗！吉野家嘅員工加油。
continue reading
好耐冇食過吉野家下午茶依家啲款式越來越多今次叫咗煎雞烏冬，煎雞粟米飯，麵豉湯，熱綠茶，加多個迷你關東煮小食$6 ，咁都比較抵食。份量正常，包一杯嘢飲或者湯其實都合理價煎雞飯走汁就健康啲冇咁甜 細食嘅人份量係啱啱好最抵係依個迷你關東煮！！有兩舊白蘿蔔，一個獅子狗，一個芋絲，一個好大個的腐皮卷。價錢係$6。需要套餐加配，單買要$10。依度兩個餐加埋都唔使$80 ！同一般餐廳價差不多，但起碼有飯落肚食得飽先。
continue reading
好耐都無來沙田做嘢，今日又到一期一會，今次揀左去吉野家食早餐。好似真係好耐都無食過吉野家，心血來潮想食個早餐🥰早餐來講，吉野家選擇算幾多，重點係全部都唔過$40，相當經濟實惠！之前係附近幾間茶餐廳食，一個早餐起碼$4x，所以經濟來講吉野家真係無得輸。同埋有麵、粉、飯各種熱食，真係相當唔錯。最後我揀左一個A17迷你牛肉飯配玉子，唔食玉子可以揀炒蛋；額外+$3要左杯凍檸檬茶、同+$6要左個關東煮🍢飯既份量唔多，但早餐來講都O K，當然如果你胃口大小小就一定要叫多份其他野。牛肉份量都唔多，但我個重點放係D牛汁同洋蔥🧅度，所以小小份量已經夠曬！經過我一番DIY後，自家版迷你玉子牛肉飯誕生了：至於個個關東煮🍢，就Ok啦，$6雞貨仔；一兜已經有兩塊蘿蔔、1個芋絲同一個獅子狗。還可以啦～
continue reading
Lunch 行去買外賣，山長水遠拎到返公司，食食吓，見到有條頭髮🤮打去舖頭又唔接電話😡，6 6蚊食咗幾啖，離晒譜，乜胃口都冇晒🤢，公司冇其他嘢食，去買又買唔切，夠鐘開工😡堅嬲
continue reading