吉野家 (Closed)

每逢星期六成日都超時工作時,經常弄到下午茶時間會到吉野家吃牛肉飯的,吉野家係我首選,因為真係平同埋夠飽很多時都是外賣回家,好實在的一碗牛丼，分量夠，牛肉入味，醬汁剛剛好不會太多,可以額外拎牛肉汁TIM再加上有西蘭花、青豆和紅蘿蔔等野菜，感覺較健康,健康又美味TIM~ 

一人火鍋，最愛還是去吉野家，雖然最近主打是瀛福醬味鍋但還是叫回普通的，名字忘，再另名一份肥牛和一份餃子男友要了一個特盛和風牛肉溫泉玉子飯火鍋的品質沒下降，烏冬更是最好的配搭所以三不五時就要去吃一回

both ($28)前方雞玉子 後方蕃茄玉子坦白講原味燒汁係出色d 因為玉子實太好味 流質又凍 正新嘅蕃茄玉子飯 蕃茄夠多夠滑夠酸 都唔錯加($12) 太多勾芡 感覺麻麻菜切得細粒。。不會發生硬唔入事件

是日收工黎太古食飯睇戲，過到太古已成2點多，快餓死豬了。入康怡廣場見到吉野家大大個招牌，就食佢啦~例牌叫我最喜歡食既蟹子三文魚飯，走芥末漬，配可樂($38.5)，另加一份關東煮($9.9)。我喜歡將蟹子三文魚飯拌勻，飯的最低下有一些醬汁，不知是什麼來的，但拌勻後食下一口好有三文魚肉味，咸味也足夠，也有一粒粒的蟹子在口中彈下彈下，口感好正。關東煮無咩味道，好似白烚咁，有腐皮包，芋絲，冬菇，魚腐咁，都好多料。冬菇煮得超淋，已經無咩冬菇味啦，而且食完碗飯真係好飽，惟有啃埋呢個關東煮。

本身對吉野家印象都還可以,只係款式比較少,感覺上唔係牛就雞,一係就三文魚碎式者湯飯咁樣但係估都估唔到,十年唔黎,一黎就中左伏呢個就係O個期佢地既新出品定推廣品,咖哩飯配炸蝦同溫泉蛋,仲有雞添份量十足,就咁睇好似唔錯,試下個汁,無咩咖哩味,完全無層次同香料味,也唔辣,帶少甜,完全接受唔到,仲衰過買超市日式咖哩磚自煮.呢個年代咖哩好多元化,點解仲會有呢種產物?炸蝦好大隻,個皮都幾厚,但都叫做合格,起馬入面4成係蝦肉.雞就係平時雞飯O個種.基本上撈咩配料落去都死,噴完香水跳入屎水都係屎味建議:認真做咖哩汁

吉野家下午茶都幾抵食, 堂食$17, 外賣到$19, 白飯份量很多, 當晚餐吃也可以吃得飽飽的...牛肉飯 $19-- 牛肉與洋蔥同煮, 醬汁甜甜的可以撈飯吃, 牛肉是超級薄切, 肉質&口感不要問只要吃, 可怕的是肥膏的比例與日供增...雞肉飯 $19-- 4片雞肉, 少得可憐, 但以$19計, 不敢苛求... 雞肉一直存在雪味的問題, 可以取一小包七味粉, 灑少少在雞肉上, 幫助不大, 廖勝於無...套餐包埋杯綠茶同溫泉蛋... 溫泉蛋真係慢慢的流芯... H7N9甲型流感病毒高危期, 我都係放入打埋隻溫泉蛋落牛肉度叮一叮先食安全D...綠茶味道不夠甘香, 以$19計, 不敢苛求, 當濕下口, 好過隔離大X活要開聲問先有杯熱水... 

天寒地凍，身為超級懶媽媽的我，自然想盡情發揮躲懶本色。記得早前從報章上得知「吉野家」正推售三款牛肉丼飯，而且還劃一以 $20 驚喜價發售，比麥記的超值套餐還要便宜，決定拉埋兒子和老公去試試。哼，怎料原來兒子早於上星期五在官塘考 mock 時已經率先喺東廣場的「吉野家」吃了其中一款，非常慳家。其實都有好一段時間沒來住處附近的「吉野家」吃飯，皆因每次到訪都大排長龍，令人望而生畏，記得對上一次來，已是年初來吃火鍋了。至於今次推出的三款丼選，分別為海苔炒蛋牛肉飯 (只在早上 11 時前供應)、粟米牛肉溫泉玉子飯及海苔牛肉溫泉玉子飯，而後兩者則由早上 11 時至下午 6 時供應，每款丼飯均配日本茶一杯，不過就只限堂食，不設外賣。由於來到時剛好過了早餐時間，店裡人客不多，既然無得食炒蛋，就點了 2 客海苔牛肉及 1 個粟米牛肉飯。其實基本上 2 款飯配料分別不大，只不過一款放了紫菜，而另一款則加咗粟米。主角牛肉一貫的水準，入口嫩滑，脂肪分布均勻，作為一間主打牛肉飯的食肆，質數自然有保證，戳破溫泉蛋的蛋黃，拌入飯內，再添加牛肉汁，簡單美味，無論是配上爽脆清香的海苔又或是甜美飽滿的粟米

今天一個人吃晚飯, 見有位坐, 懶得包走, 來個堂食... 平時超多人, 今晚排隊的人龍不見了...咖哩番茄煎雞飯餐 $39.80 -- 咖哩是10元店即食咖哩的質數, 辛中帶甜, 份量頗足夠, 薯仔及紅蘿蔔很軟腍... 蕃茄醬很酸, 與咖哩味道不太夾... 煎雞用雞胸肉, 雞皮很薄, 煎至金黃色, 不香不脆, 雞胸肉的雪味頗重... 什菜沒什味道... 面豉湯 -- 天氣轉涼, 今日唔飲抺茶紅豆冰, 轉飲面豉湯... 麵豉味適中, 不太淡也不太鹹, 飲用前要拌勻... 熱熱的, 頗暖胃...味道還可以的一餐便飯...不明白為何不收八達通, 還要SET咁零丁的價錢...

中午時段，排隊排到出門口，好多客人。幸好店員勤快，等候時間不久。食物水準仍能保持，而搵位要快手了，因為人多多喔﹗野菜牛肉飯：六片肥牛牛肉，牛肉肥瘦適中。保持吉野家的一貫水準，牛肉汁在牛肉飯中，令到飯變得超香勁滑，飯粒變得更為濕潤，入口更散發出厚厚的牛味。野菜牛肉飯份量也多，飯用日本米，一向都幾煙韌。加上雜菜，更健康之選。我覺得牛肉飯好豐富呀，抵食，值得推介﹗

成日食麥記早餐, 係時間轉一轉, 成日聽人講吉野家早餐好抵食, 就去試吓先.早晨牛肉飯餐$18.3. 有一個飯仲有杯綠茶, 又真係好抵食.將d牛肉和洋蔥放在白飯上, 令肉汁流入白飯內, 真的好香肉汁, 好好味, 食完就擔心會唔會好肥呢??!!熱騰騰的綠茶, 可以洗走口腔的肥美肉汁, 感覺非常好, 一定會再來!!

太座隨宗教團體到中國清遠做探訪兩天，因開學在即，我暫時要放下工作，帶兩小魔怪購買開學用品，閒逛一輪後，到了午膳時間，問小伙子想吃甚麼，剛巧見到這商場有「吉野家」的廣告牌，便說要吃雞扒飯。原本小伙子最鍾情此店的牛肉飯，但現已轉了口味，選了野菜煎雞飯餐，去骨的雞髀，煎香後塗了微甜的醬油，由三歲至八十歲都會喜歡吃，配上紅蘿蔔，西蘭花和椰菜花等，變成菜和肉均衡的食譜。另外又買了兩個套餐，廣島牛丼餐和溫泉玉子牛丼餐，小妮子選了廣島牛丼餐，是牛肉飯加了鮮冬菇和秀珍菇、沙律醬和木魚碎，多了菇類食品，感覺健康些，但加了沙律醬又打個和，而且味道不合襯，溫泉玉子牛丼餐，只是多了一個另上的溫泉蛋的牛肉飯，冰冷的溫泉蛋並沒有任何汁醬，只吃到蛋的鮮腥味，雖然蛋是溏心，但不太習慣這種吃法，牛肉飯則如常對辦，好味。與喜歡的人，吃一頓經濟的午膳也很開心。

每逢星期六超時工作時都會特別弄到下午茶時間到這裡吃牛肉飯的, 很多時都是外賣回家, 發覺那個膠盒的設計還真是滿不好的, 上層打算用來裝牛肉, 下層放白飯的想法是很好的, 可是要弄上層出來的凹位真的是很難用的, 而且上層的底部還會黏著下層的白飯, 這也是缺點之一。但最近發現了堂食$15, 我當然是選擇堂食的了, 一來便宜, 二來環保, 但又一個可惜的是, 時常出現霸位及賴死不走的客人, 而店內職員又不理會, 或該說是無可奈何, 弄的很多客人得不到優惠.整體來說, 還是OK的~~~

有好長一段時間沒有到吉野家用餐。因爲有一張雜誌送的贈卷 – 溫泉玉子牛丼餐+ 免費汽水，所以在25/6到這裡解決午餐。因爲午餐時間，所以大排長龍，不過order 到有食物吃差不多7分鐘，還好。好實在的一碗牛丼，分量夠，牛肉入味，醬汁剛剛好不會太多。再加上個溫泉玉子，真是Perfect 。 （我超喜歡蛋類）有機會可以再次選擇吉野家。

去到果時已經大排長龍，而且無乜位，要同人坐同一張枱。食左5號餐，佢叫乜名就真係唔太記得 $38 - 飲汽水。好耐無食吉野家拉真係 對上一次食，已經係4-5年前。我一生中真係只係食過1-2次吉野家因為屋企附近無，同埋覺得如果係食牛肉可以有其他更好既選擇。不過由今日起，吉野家會係我心入面會係唔錯既選擇肥牛好味，雞肉都唔錯，不過２個如果比較，我會比較鐘意牛肉雞肉既汁咸左少少，如果唔係真係一級棒！是旦拉不過，因為一碗有哂２個朋友話果湯太咸，好彩無簡到湯

$40一份餐喺現在來說唔算貴, 應該說是平均價。 但係點解食牛肉飯就可以加汁, 東坡肉飯就無得加汁咁奇怪? 唔通因為東坡肉係工場預製, 送到分店才番熱淋上碗飯面?東坡肉煮得唔夠入味而且幾硬吓, 東坡肉至少都要一層肥膏一層瘦肉, 可是淋給我碗的那份肉是瘦多肥少......早知叫牛肉飯就穩陣。同場加影別人的雙併飯