Video
15-min walk from Exit E1, Tin Shui Wai MTR Station
continue reading
Telephone
26730833
Opening Hours
Today
07:00 - 22:00
Mon - Sun
07:00 - 22:00
Above information is for reference only. Please check details with the restaurant.
星期日帶完小朋友游早水，我哋經常嚟吉野家食個靚早餐，好味又叉電，牛肉丼飯真係食極唔厭✨鹽燒和牛丼已經係吉野家常駐美食，用嘅係M8-M9優質和牛✨為大家全力打氣❗️灑上黑白芝麻同七味粉，每片牛肉燒到油脂發亮，賣相好吸引。入口肉嫩又有濃郁肉味，油花好香。飯面仲舖滿紫菜絲同椰菜絲，增加口感同味道層次。我仲加左一隻漫泉蛋，戳穿蛋黃撈埋食，味道又上一個level🆙👅另一份早餐嗌左野菜牛肉丼（大），呢個丼飯真係好啱小朋友食，有齊幾款蔬菜：椰菜花、西蘭花、甜豆、紅蘿蔔🥕🥦，煮法唔煎炸油膩，配上香滑牛肉片，偏甜嘅調味小孩都中意食😋配埋嫩滑炒蛋+腸仔🍳早餐食得非常豐富。吉野家嘅全新早餐及下午茶系列餐牌，低至$20起就歎到靚早餐，真係超值！除左招牌和風牛肉丼同野菜煎雞丼，吉野家更推出輕食之選「和風牛肉、嫩滑炒蛋配迷你飯/米粉」及「腸仔配嫩滑炒蛋米粉」，真係要多啲黎歎活力早餐先得😋🙌🏻
continue reading
吉野家早餐好豐富！日式早餐：細牛肉飯+溫泉蛋+關東煮+面豉湯+鯖魚都只係40蚊！做新會員仲可以減5蚊！好味又豐富！早餐做到11：30，食完可以當埋lunch 又慳一餐！早餐之選！
continue reading
所謂牛肉飯，三片肥牛，白飯一大碗。以為自己五窮六絕。啲嘢愈來愈縮水，好耐冇食，今日發覺而家碗飯係兩溝米，唔係全珍珠米嚟，原來度數已經度到咁盡。最終靠牛肉汁撈飯爬埋碗飯，癲。總括評價如下···味道：肥牛味。環境：環境幾好呀，因為冇乜人幫襯，唔洗同人迫陪人嘈。可惜我嗌外賣。服務：唔夠人手。我去果陣得一個阿姐一腳踢，畢飯畢餸連水吧，d嘢飲已經預先斟好哂一杯杯喺度，拎到返歸都凍哂。衞生：見唔到有咩問題。抵食：你見人流就知唔抵食啦。差唔多錢，想食肉去右邊KFC，想食澱粉質去左邊三哥。
continue reading
勁耐冇食過吉野家，雖然屋企附近開左吉野家好耐，但幫襯次數少次有少。今日 lunch 諗唔到食咩，又唔想去太遠，就係屋企附近買左個外賣。去到岩岩好 11 點半轉午餐，本身諗住穩穩陣陣叫個和風牛肉丼，但見到有個三寶芝心漢堡扒咖哩雞牛肉丼，好似幾吸引就叫左，點知小中伏。$ 65 包野飲，小貴，外賣都算快，拎到番去係兩層飯盒，岩岩三種肉類分開三格。漢堡扒都算大塊，d 肉太厚同好鞋，肉味唔突出，芝士味都太膩。咖哩雞扒得果兩舊雞肉，d 咖哩都唔知撈唔撈落飯食好，同和風牛肉飯個味唔夾，同埋 d 飯都真係好硬下總之就係三樣餸完全唔夾，後悔叫錯左呢個餐。
continue reading
好耐冇來吉野家光顧呢二朝來吉野家食早餐天氣炎熱再來的主因是想飲凍齋啡因為早餐轉凍飲唔使加錢A1 牛肉+炒蛋+茄汁豆+牛油多士+凍齋啡$32 另加湯烏冬$6B1 楓糖雞扒+炒蛋+牛油多士+茄汁豆$31，會員價$28位於天耀商場內咁多間食肆的早餐多士，吉野家最岩我口味，鬆脆軟熟好吃二次的多士出品都唔同，第一餐次烤得好靚外脆內軟第二餐的多士好似冇烤到咁，白雪雪微暖唔脆以前來光顧，次次叫凍齋啡都會沖錯，而家我怕左佢地沖錯，一定要講明「凍齋啡、走甜、走奶」，去到取餐處都要睇實姐姐沖，多口講多次要「凍齋啡、走甜、走奶」以前試過好多次睇少一眼佢唔係加左奶，就一定會加糖
continue reading