吉野家 (康麗花園)

Open Now

Now Closed

呢間吉野家係屯門好耐歷史架啦，近2年仲裝修左，裝左嵌入式電磁爐，安全過用明火好多，夾野食又方便左，唔洗gut起身就夾到野食，又唔洗下下叫姐姐點火or換酒精，環保又快捷好多。吉野家火鍋係我心目中既地位點解會高過其他快餐店呢？並唔係因為d肥牛or其他食材，而係我最中意就係個胡麻醬，咩食物放落去都好好味，即刻變佳餚。同埋火鍋入面條仿蟹棒都幾好味，當然又係要點個胡麻醬啦！一兩個人想食火鍋，真係黎吉野家就搞得掂，唔洗咁多準備功夫。

*吉野家*sabu sabu*今晚黎食一人鍋sabu sabu下，選左個平平地既芝士竹輪火鍋配肥牛。*點左一個火鍋套餐配肥牛同埋烏冬，加多杯百事可樂。火鍋配料仲有南瓜，粟米，菜，蟹柳，冬菇，芝士竹輪，金菇，豆卜。吾夠飽仲可以食埋烏冬，飲埋大大杯可樂，點都又飽又滿足。*除左火鍋，仲有好多款美食選擇，心心我最中意食既其中兩樣係蟹子吞拿魚飯，同埋牛肉飯，值得推薦比大家。*一個人，朋友聚餐或者一家人聚餐都非常適合。

一人一火鍋最鍾意就係食吉野家，性格高，兩個人食，都係$100左右，絕對超值。每次都最鍾意叫佢濃湯鍋底，最好食就係蟹棒，通常都會叫多幾碟，同埋我覺得佢唔油膩，通常我都會食晒啲菜，再淥烏冬，最後先落牛肉，咁樣個湯底就可以冇咁油啦～同埋幾鍾意佢夠創新，因為有時會有期間限定，之前試過佢個卜卜蜆，真係俾咗好多蜆，良心企業！

好鍾意去吉野家打邊爐，幾十蚊就有烏冬、牛肉、竹輪卷等等，幾抵食。雖然平時會好多人所以要等好耐，但係整體來講都可接受。d湯唔夠可以自己出去拎黎加，d菜索晒啲湯之後會好好味。

其實都幾鐘意一人一鍋打邊爐😇😇😇衛生d 又可以食到自己鐘意既湯底😍😍今次新出既蕃茄蜆火鍋就岩曬我了一鍋海鮮料+肥牛+烏冬 都幾飽☺️☺️☺️再有埋野飲添😚😚湯底幾好 唔錯 好開胃😆😆😆蜆既份量適中 略嫌有沙🤧🤧🤧仲有粟米 蟹柳 娃娃菜 南瓜 豆卜 豆腐😃😃肥牛唔錯 唔會好un😌😌😌😌overall 60幾蚊有咁既質素算唔錯😎😎😎好過自己走去買料打邊爐👍🏼👍🏼👍🏼👍🏼

我最鍾意食吉野家的牛肉飯 超級喜歡 一段時間不吃就會好想食 唔明點解甘樣 哈哈 同分店好多 又方便 最近出了做會員 可以有便宜卷 想法好好 不過我已經用完 希望可以多點優惠卷 就好啦 係呀 金針姑卷 好好味

吉野家最近推出3點3下午茶餐20蚊就有交易，早前專登去食居然賣曬（當時都喺4點幾），今日都喺差不多時間竟然仲有得賣，於是就賣份試吓啦。套餐包括:迷你和風牛肉飯今期配司華力腸仲送胡麻豆腐及汽水碗飯真喺好迷你，啱細食嘅女士，但牛肉就有唔少，覆蓋曬的飯，食完啲飯仲有牛肉剩添，牛肉就一如以往肥瘦厚薄適中，有脂香味但唔羶胡麻豆腐，豆腐夠滑應該喺百褔豆腐再加胡麻醬，未試過唔煮就咁食百褔嘅豆腐，原來就咁加啲胡麻醬食又幾夾喎司華力腸，比想像中大條，其實以廿蚊嘅價錢有咁多樣嘢食真喺好抵，食物質素都唔算差，比起連鎖快餐店抵食好多啦

Weekend早餐食茶餐廳食到厭曬，好耐冇食過呢間吉野家拉，食完隔離睇戲啱啱好😎吉野家當然要食佢牛肉拉，點左牛肉米粉同牛肉麵，但就無其他野跟了，怕吾夠飽就追加一份蛋！牛肉份量很少，而且冇以前咁有牛肉味，同有點老，米粉個湯都無乜味出前一丁麵就正正常常拉，不過份量實在少，不夠飽，都$29，加多份蛋$8就勉強夠飽😓

晚飯時間經過吉野家，好想食芝士竹輪同韓式粉絲，就行入去打邊爐。宜家好多間都轉左電磁粒幾方便。叫左芝士竹輪鍋配牛肉（$59）現在一鍋裡有三件芝士竹輪，但味道比起以前難食左，又細粒而且芝士醬又少😓寧願要返以前一粒芝士竹輪的火鍋......肥牛愈來愈肥，白色部分比紅色多好多...質素愈來愈差。唯一安慰係粉絲味道無變😂______________________________我地呢班大食女鐘意走黎走去搵好野食，如果邊度有好推介記得同我地講😏❤️我地一齊交流下😘❤️鐘意我地的分享，記得按👍及share❤️#一班大食女日記 foodies together#5_foodiestogether

難得放假，一早起身就去食個醒晨早餐☀️去食個牛肉飯，食牛肉飯梗係要去吉野家，當然香港嘅吉野家，同日本嘅吉野家係有非常大嘅分別，點都好，今次試吓呢間分店，叫咗個牛肉飯，汁另上。話明係汁另上，理應分開汁，反而係加個牛肉汁，呢碗牛肉飯依然非常油膩，裡面充滿肉汁，連客人要求都做唔到，比較失望。重有個飯質，非常諗，好似落水太多，真係食唔慣，可能由於太多肉汁關係，都會令到個飯淋啤啤，質素比其他的吉野家更加差，真係連深圳分店都好食過佢冇下次

#吉野家相撲鍋食評整體來說，其款式和食物也是十分高品質，但是份量比較多，如果不是太大食的人可以兩人吃一鍋，再加一個白飯，便剛剛好了！👍🏻好大份👍🏻食到雞又食到牛（完美）👍🏻電池爐快熱👍🏻麻醬最match!!👍🏻湯底 最愛濃湯👍🏻價錢平 人均$77❌小食者請勿嘗試！分量相當驚人！⚠️打吉邊 帶紙巾 女士帶橡筋！⚠️一係早啲黎食 一係遲啲黎食 注意等位❤️年初二都有得食，感謝飲食業工作人員的付出❤️美食可以製造幸福感❤️餐廳是儲存回憶既地方❤️食飯配邊爐，是種上癮的感覺

週末當然訓到二零四六所以通常起身已經差唔多係下午茶時段哈哈和風牛肉飯(細)雖然係下午茶細牛肉飯但係份量絕對唔少；米飯係用珍珠米煮所以粒粒飽滿食哂好飽；牛肉脂肪比例唔錯唔會太膩而且煮得入味軟腍；洋蔥同樣吸哂湯汁食落香甜惹味；牛肉汁好濃郁啱哂用黎瘋狂撈飯檸檬七喜個人唔太熱愛綠茶所以加左兩蚊轉做汽水；最正嘅係可以加埋檸檬唔使咁甜香港通貨膨脹之下三十蚊唔使就搞掂哂早餐午餐同下午茶而且味道仲要唔差真係抵到嗨嗨

鍾意食一人邊爐，好享受自己一鍋嘅感覺。呢間吉野家張枱有電子爐，好方便。今次食蟹棒鍋，食食下發現無左蟹棒，原來因為賣哂自動轉左芝士竹輪。跟餐配左粉絲，一落就吸哂啲湯發漲，食完勁飽。男友人就食新嘅鰻魚鍋，試左少少都唔錯，個湯偏甜。希望男友人下次可以唔好管我個鍋就好啦。

試左2款火鍋, 一款係竹輪鍋, 一款係濃湯鍋竹輪鍋入面有芝士竹輪, 大大舊, 入面好多芝士, 正!, 另有幾舊餃子, 偏多肉少菜, 好食! 另可1蚊換幾隻青口, 最多可加3蚊, 青口雖然細隻d, 但都鮮味ge。另外我地揀左雞肉, 都好多舊架, 全是雞脾肉, 烚得耐都唔會鞋。呢個鍋比較健康, 因為多d 菜, 肉相對少d。湯底是味曾, 唔會太咸, 幾甜。濃湯鍋ge 湯底咸d 杰d , 個人比較喜歡清淡, 呢款對我來講, 咸左少少。我地揀左豬肉, 同吉野家d 牛肉一樣係薄切, 但份量都幾多, 中間瘦, 邊位肥, 唔會太漏。另外加20蚊要多份雞肉, 亦都是雞脾位, 啖啖肉。

夜晚三個女仔唔知食咩好，決定去食吉野家睇下出左咩鍋打下邊爐。新墟間吉野家比較細，六點令鐘去岩岩好得返一張四人枱，唔洗等位。以前食係要姐姐上個爐點火，而家張枱有埋電爐，可以自己較大細火，方便好多。而且加湯係自己refill，唔洗再等姐姐黎等到2046💁🏻。而家有個鰻魚鍋，但外貌唔吸引，加上鰻魚打邊爐感覺唔多match，所以得返巨棒蟹柳鍋揀。點知冇哂蟹柳，換左三粒芝士巨輪 （仲好本人比較鐘意食芝士）。湯低揀左濃湯，另外揀左烏冬同粉絲、一盒牛同兩盒雞。濃湯底其實唔洗點醬都好入味，d肥牛偏肥、雞肉都唔算滑，但亦不過不失。食材入面有菜有南瓜豆腐，如果只係食肉會好「漏」，加上肉係自己後加落去，唔怕d菜吸哂d油。最後戲肉黎喇，就係烏冬同粉絲，d面吸哂d濃湯好入味，完全唔洗調味料！雖然食到最後好飽但都忍唔住食哂！Overall呢個價錢打邊爐飽肚得黎味道都唔錯！