吉野家 (新鴻基中心)

Open Now

Now Closed

藥劑💊年會前速食吉野家，想試下貴牛飯有幾好食😋，已經冇真人賣飛，得返自動售賣機，話有會員價但冇位俾你do會員，想搵位又冇位，最後㨂咗極上炙燒牛肉飯（$68）配熱啡（$3），等咗8分鐘有飯，仲要搵到位，牛同飯份量都ok，牛肥，但質素一般，熱啡一般，純粹暖下胃

🍚開心方便🟠吉野家全線分店推出咗早餐及下午茶套餐！真係啱晒鍾意少食多餐嘅我，份量仲要啱啱好㖭😉早餐及下午茶全新推出腸仔配嫩滑炒蛋米粉，仲要非常抵食，$20 起咋！所有餐品都配有飲品 (包括汽水)仲有多款小食可以加配，仲抵過之前啦，加 $5 可升級套餐真係啱晒我地啲為食鬼😉更有鹽燒和牛丼！佢啱晒牛魔王！「鹽燒和牛丼」採用M8-M9優質和牛 ， 精心烹調再配上特調鹽汁，簡直是完美配搭 。再添加海苔、 椰菜絲 、芝麻和七味粉！齒頰留香美味非常！ 只係$78就可以食到鹽燒和牛丼，另加$5升級加配温泉蛋及時菜㖭～

最近「吉野家」推出左全新驚喜價早餐及下午茶系列餐牌🎊🎉，特別是輕食之選和風牛肉、嫩滑炒蛋配迷你飯/米粉及腸仔配嫩滑炒蛋米粉，低至$20起❣️所有套餐都有埋飲品，包括汽水架🥤仲可以+$5升級套餐呢👇早餐➡️升級一份嫰滑炒蛋及腸仔下午茶➡️升級一份温泉蛋及鮮嫩時菜 而且即日起除了招牌和風牛肉丼和野菜煎雞丼🤩，人氣鹽燒和牛丼更正式常駐吉野家，大家又多個用餐選擇啦！ 既然放假無咩做，就落街食番個下午茶😝 鹽燒和牛丼 + 汽水/麵豉湯/日本茶 $78升級 奶茶紅豆冰 +$8和牛丼採用了M8-M9優質和牛🐮，和牛食起來肉質軟嫩又juicy，配合特別調製的鹽汁炙燒🧂，更能突出和牛的肉味及油香味，同時亦配有海苔、京蔥絲、蘿蔔漬、芝麻和七味粉，口感豐富，味道富層次❤️真係好正‼️紅豆冰本身已經好味道，原來換上奶茶一樣咁出色，奶茶味香濃🧋，而紅豆唔會太硬，粒粒紅豆都充滿口感🫘和風牛肉迷你飯 + 嫰滑炒蛋/溫泉玉子 + 汽水/麵豉湯/日本茶 $34升級 凍咖啡 +$6牛肉飯味道香甜，食落啖啖肉，超滿足🥰我選擇左嫰滑炒蛋🥚，yummy❗️和風牛肉昆布米粉 + 汽水/麵豉湯/日本茶 $32升級 讚歧烏冬 +$3 | 凍檸樂

又到糧尾,又係銀包無咩錢既時間,但飯都係要食架,咁點算好???行行下見到間吉野家,見佢有D平既下午茶餐,自己又食得起,所以嗱嗱淋入去坐底叫野食啦沙嗲牛肉丼沙嗲好出色,好好食!!~汁燒豚肉丼因為個沙嗲汁好好食,所以變左哩個飯比較上清淡咗D不過2個飯,用APP 落單有折,仲有飲品跟埋,真係好抵食阿!!

呢間我返工咁耐未幫襯過，尋日諗住午餐食吓飯唔食意粉，走入去食。全個餐都正常ok可以接受，唔算好難食，但唔係好好食。仲有我叫南蠻炸雞，佢俾錯咗柚子炸雞我，但呢d我都接受，只有一樣絕對不能接受：就係佢地嘅所謂日式炸餃，細細粒，但食落口係完全另一種餃黎，根本就係中式潮州韮菜餃嘅珍珠版。好過份。我係鍾意食餃嘅，尤其是炸餃子，韮菜餃我成日都食，好鍾意食添，但係，重點係：吉野家喺點餐機/餐牌寫明係日式炸餃子，食落口就變成潮州炸韮菜餃，呢一樣我就絕對接受唔到。

全港最出名既連鎖牛肉店 家傳戶曉 都唔需要點多介紹大家都會識 只要唔好將牛肉煮得太熟 跟返佢配方煮汁嘅話 我都已經覺得好滿足好好食 由細食到大既牛肉飯 🍴非常推薦食法：永遠都會再加配牛肉汁、七味粉！🥳 鍾意食辣嘅一定要加埋辣粉🌶️ 呢一個係我每次食吉野家都會做既事情😝而呢間既溫泉蛋真係啱啱好溫泉流黃真係好好味🤤 香蔥控表示會叫店員加多啲 我真係完美著重調味料😚而且呢一間嘅環境都好乾淨 係到坐低都會有種舒服既感覺🤪 最重要係灣仔區 想慳錢嘅話呢一間真係唔錯嘅選擇 香蔥溫泉蛋牛肉飯 $40 凍新鮮檸檬茶 ＋$3]

大食妹近排食得太多好嘢, 所以要去做下運動keep fit放工之後去附近嘅吉野家先醫下肚<野菜雞肉飯(大)>之前喺吉野家其他分店食野菜雞肉飯, 雞肉嘅份量都好少, 得嗰三四舊但佢灣仔呢間分店唔單止野菜好多, 連雞肉都唔少, 飯粒粒分明。雖然野菜煮得過老, 賣相－般, 但整體質素都唔錯。

今日趕時間，所以就頹頹地去左吉野家食個牛肉飯！原本想食新既串燒／牛肉／肉丸三寶飯，但店員話已經無做，唯有食翻最basic既牛肉飯！溫泉蛋牛肉飯＋凍檸茶＄52 （送肉丸1粒）呢間吉野家既牛肉飯好足料，牛肉同埋飯既比例係可以一啖牛，一啖飯，同埋有好多洋蔥，女仔未必食得曬一個！而凍檸茶，我以為佢無落糖漿，點知一飲中伏，若果要走甜，記得落單既時候要講定！送既個粒肉丸大大粒，但都幾乾，不過既然係送既，就無咩要求！

早上同事WhatsApp 我說去吉野家食早餐..我有時不想出外, 留在位中, 上上網仲好過係外面又排隊, 又要迫，叫順便幫賣早餐..外賣叫左呢個餐: 炒滑蛋 + 茄汁豆 +煙火腿 + 南冰魚柳配 火腿豬骨濃湯通粉再＋熱奶茶 呢份早餐份量都唔算細丫, d炒滑蛋都幾多~ 外層已經煎到凝固左而入面個層係流心咁而且食落仲熱熱地架! 不過零零捨捨煙火腿就凍晒喇... 茄汁豆甜甜地。南冰魚柳加沙律汁幾好味~ 豬骨濃湯通粉未食之前以為係普通味精湯底..但是真的有豬骨味但個湯都有d鹹~ 通粉彈牙，火腿絲亦唔少。而最驚喜既係原來吉野家d奶茶都ok架~茶味香濃、有層次，奶的份量亦恰到好處。入口滑溜，令晨早流流要開工的我變得醒神。

講到吉野家午,就會諗起牛肉飯同ㄧ人火鍋,但本身我一直都好中意食烏冬😁,有ㄧ次無意中發現吉野家下午茶有牛肉同雞肉烏冬,就踏上我食吉野家下午茶之路🙈,比起茶餐廳下午茶,ㄧ碗大湯麵,吉野家的烏冬就偏向輕食,清淡但又好味😋,但話是大集團,這也算基本料理,理應品質應達到同ㄧ標準,但這樣想的我就大錯特錯😣,牛肉 雞肉這類主菜基本上是每間分店也ㄧ樣水平😏,但烏冬,竹輪同魚片就大不同,起初諗即使唔一樣,都唔會難食得去邊😒,有咁既諗法既我真係一錯再錯😭,某些分店既烏冬硬到難而下嚥,而竹輪和魚片做得好應有口感 厚實,不好的則薄與粗糙,但幸運的是這間分店烏冬軟硬適中,而竹輪和魚片則有點遜色,但亦十分佩服,居然可以切得如此薄,完全没口感可言🙈餐飲則在點餐要小心留意鮮檸茶與汽水機檸茶,但店員基本上也會提醒其差别😊,店員亦十分親切,注意烏冬只有下午茶與早餐供應哦

今日去咗灣仔行街，見到附近有一間吉野家就入咗去，中午嘅時間就算一個人都可以好快可以搵到位，好方便。環境都唔錯，唔算多人排隊買完飯都仲可以慢慢坐，睇咗好耐買咗個雞串豚肉飯，啲肉都算軟身，而且好易入口，好好食。另外配搭一串豚肉，真係有啲特別，而且仲有幾片薄嘅洋蔥，同任食的红彊送飯，唔夠汁可以再另加牛肉汁，唔錯唔錯。不過個飯粒有少少硬身，差啲。但係整體你講30蚊一個午餐，真係好抵而且仲有可樂送，雖然叫咗少冰，但係都有好多冰。下次再去食火鍋。

The newer menu item carbona sauce chicken rice is quite good in my opinion. The dish is served hot and aesthetically pleasing and attractive. The white sauce is very rich and not too salty but just right. The chicken tastes great with good consistency and is relatively fresh. The rice is well cooked and does not stick together.Also it is very affordable and tasty overall.I recommend this dish.

呢間吉野家好 open，下晝有時會有啲好肥嘅雀仔係度跳來跳去，搵啲人食淨嘅飯餸。點火鍋落單時，唔出聲就當你要貴少少嘅特別火鍋跟烏冬，要專登同佢講要清湯跟飯，先會得到最平嘅配搭(海報上見唔到架)。今晚要咗清湯、烏冬、牛肉、跟麵豉湯。佢本身有一枱醬油料任攞嘅，不過見佢無遮無掩，又見過店內有雀仔、烏蠅，都係不用為妙。鍋料有一條好長嘅凍冰蟹柳、算OK鮮嘅菜、粟米、菇、豆腐... 試過一次食到壞菜，佢整盤再上(我諗多人食就會新鮮啲，切定兩鍋無人幫襯就壞掉了)。烏冬都OK有咬口，點個勁邪惡嘅胡麻醬，實好食架。重點應該係牛肉，其實同吉野家牛肉飯嘅料都一樣，半肥半瘦，不重牛味，但起碼唔韌。特別要介紹佢嘅獨立包裝甜酸薑片，好味唔太辣，健康又衛生。

今日超大雨, 所以Lunch time唔想狼狽, 決定去買外賣.  每次落雨同事必去吉野家, 但絕對排餐懵. 十二點放飯. 買完拎飯時間已經一點半. 排隊時見到佢話限定供應的蘑菇牛肉飯. 細的特價$29. 大的$44.同事話大的都唔會好大, 所以就買大. 估唔到咁好, 買完呢個飯收銀話送甜品. 二選一, 一係綠茶魔芋, 一係要朱古力牛奶布甸. 買的話要加$4.突然覺得賺左...個綠茶魔芋, 味道就好似平日你飲吉野家的日本茶的味道. 而心裡一直想什麼是魔芋, 查實就好似啫喱咁, 裡面重有幾粒雜果. 叫做不過不失. 但要我加$4的話我就一定唔會囉... 好吧... 買完外賣包好晒梗係唔會係佢鋪頭打開黎望. 返到黎一望. 牛肉... 再加個飯... 初初都未覺得有咩問題, 但係望望下. EEEEE 做咩同頭先睇相的唔同0既, d 蘑菇呢???? 我張單無打錯, 我都無比少錢架喎... 於是乎走去同我買一模一樣的同事度望下. 原來d蘑菇係放係個飯度... 天啊.................. 落雨天人太多, 我個蘑菇飯比左其他人. 我只能得到一個白飯 今次都唔知係送左個魔芋賺左定蝕左蘑菇.

行過見到有「限時推廣」嘅黑松露芝士，覺得下午茶，$20幾蚊就食到呢個，都幾吸引，就入嚟試下😆😆黑松露芝士豚肉飯，配綠茶 $26堂食呢個醬汁，香香的松露味，以呢個價錢食到，其實好超值😍😍芝士醬杰杰地，芝士味唔算濃，但配飯食都唔錯😁豚肉係一向吉野家嘅味道，分量多，唔孤寒架👍🏻👍🏻下午茶飯餐配綠茶/汽水，另外可加錢轉飲凍/熱檸水、熱奶茶、甚至紅豆冰等，原來已經有咁多花款嘅飲品選擇，good😋😋