Your Home Cafe

Open Now

Now Closed

星期五六點幾鐘搵野食，搵左四五間都話fully booked，walk in 都要等到8:30先有位。好在朋友去過呢間cafe，坐低傾下計都okay既。7:00去walk in都有位，佢地方都幾大，容納到好多枱。不過一開始感覺有d內地feel，佢既裝潢較簡陋，用既機都係內地製既，不過cafe大概都係咁上下啦。首先試左個happy nut。有開心果同杏仁加cream。呢個配搭幾少見，飲落都有淡淡開心果味，仲有少少nuts碎，都幾好。不過當d cream溶左，杯野就偏甜，所以都係飲左一半。原條龍利柳真係有大條魚柳，啖啖魚肉，外皮煎到脆脆地，認真唔錯既。薯菜既份量都多，同埋比意粉吸引，其他朋友食意粉都偷幾條食，薯菜同魚柳幾夾。呢度既食物份量都大份既，好夠食。其實佢board game選擇唔多，都係常見既game。但比我搵到火柴人會說話，可以用d想像力拼湊透明卡片表達題目，都幾好玩。響呢度可以坐得耐，同下朋友傾計玩遊戲，去到九點幾都keep住有人幫襯，同埋都幾受年輕人歡迎。午餐既時間可以叫下佢既小食，有d望落都吸引。鍾意cafe風格既可以試下。

Your home Cafe我係寫食評嘅時候終於發現點解佢會叫Your home cafe🤣 就係因為佢真係比到你家嘅感覺啊！😂 自在舒適放鬆既感覺 員工又唔會趕你走 同睇住你玩 有需要就叫佢就得 因為唔太多人既關係 我地好似足足坐左3-4個鐘😂 我地4點幾5點黎既 未肚餓 所以每人帶咗一杯嘢飲然後就玩住game先 之前叫野食既時候發現每人最低消費係一杯嘢飲 店員好好地幫我地扣返之前既野飲💛💛我地叫左好多個套餐再加小食 全部野食都對得住個價錢🥴 比較推薦意粉 飯就一般😂eg 忌廉蘑菇明太子意粉 卡邦你意粉 sorry forgot to take photo🤣疫情期間 原來一個套餐會送一個口罩！！ 果然係良心黃店😍

呢間銅鑼灣樓上cafe好隱世好難搵要行三層樓梯先到達呢間cafe要禁鐘職員好有禮貌帶我地去坐一入去環境都算闊落仲見到有好多board games玩一坐低職員就比左個膠袋我地放口罩 勁貼心之後落左order 亦都好快送上我就叫左卡邦尼意粉 $110飲品係水蜜桃沙冰 飲品超過32蚊要補差價首先講下個意粉 份量都算多都幾好味但d煙肉就偏硬偏鹹 可以改善至於飲品水蜜桃沙冰就偏淡味朋友叫既煙燻三文魚意粉 $115d三文魚份量勁多 味道都ok飲品係凍紅茶 不過味道都係偏淡最後叫左份小食蒜香雞翼 $48食左咁多間cafe 我發現左一個共同點就係cafe既小食永遠好食過主食雞翼好脆亦好好味 讚最後兩人埋單$325總括而言食物方面 小食good 主食需要改進飲品方面 偏淡環境方面 好多野玩 坐得好舒服服務方面 職員有禮友善 但好忙

今日放工同朋友小聚, 黎到銅鑼灣好多好野食，真係簡唔落手! 一於和朋友決定黎一間幾有retro風既樓上cafe: your home cafe 入到去餐廳格局都幾stylish, 餐廳沒有太多顧客(可能受疫情影響), 但係用足球機做餐桌，又有board game借, 既食得又玩得! 時間為晚上7點,餐廳入面有約5個後生仔，都有一家大細幫襯。 我唔洗等就食到dinner! 今餐一共食左$150，都算合理, 最滿意既都係餐廳既餐廳舒適度, 員工態度! 明太子忌廉意粉fusion得黎成件事又好match, 三文魚長通粉都幾多三文魚，夠哂大方, 龍利柳配著條味道一般，但不過不失。 今餐價錢個人認為合理, 包小食、野飲同甜品每人都係食左大約150, 各位手足記住記住去懲罰 !!!

今日星期日，係一個好凍星期日肺炎下的銅鑼灣街上小左好多人同遊客.行崇光都好舒服自在再不用同班自以為可以買晒成間鋪的遊客搶.可以好自在地購物.好耐無試過行崇光行兩個多小時.係時候食野啦.到地下二樓諗住去ucc食個飯飲杯咖啡睇下戰利品輕鬆下.好多人枱同枱之間基本上係一起用餐,如果平時當然無問題啦.但現在咁高危時間走.正當諗唔到去邊時我的朋友話帶我去佢時時去的飯堂食啦.就去睇下如果都係咁樣我返屋企食公仔麵啦.佢同我講就係去你屋企我跟佢行左兩分鐘然後上三層樓梯.平時有運動開但行左3小時如果好似頭先咁我一定.上到去好可愛有your home同My home.我地入左your home原來係一樣的入到去無人既包場呀感覺好舒服粉紅色房立刻搵成間房最靚❤️位坐.一坐低立刻去洗手間.洗手間好正常唔會好污糟.有消毒洗手液.出到來朋友叫左佢推介明太子忌廉意粉.三文魚長通粉.炒蛋多士.dark mocha.首先個明太子忌廉意粉好creamy 唔太鹹亦都唔太油膩 .超級美味呀. 隻煎蛋簡直係神來之筆. 黑松露炒蛋多士有水準.dark mocha朱古力味好濃但唔會好甜剛剛好.跟住有人入來啦.但佢坐窗口位完全分隔咗.

Today ’s work day, with my wife for dinner, there is no one else in the coffee shop. Only we are comfortable and have no smoke. We can breathe fresh air. I have a garlic chicken wing snack. 2 spaghetti. 2 drinks Ice cream. The food quality is very high. Mushroom sauce, fish fillet, spaghetti and cabonni pasta are cooked well. Cups of milk coffee are delicious. Finally, 5 masks give away,so thank coming

良心咖啡店💛， 記得上嚟時 超級狼狽， 喺維園散步不成，成班攰到又走唔到， 上到嚟已經乏力，肚餓，但無咩錢剩我係可以夠叫小食餐，朋友可以叫個卡邦尼意粉餐，老闆最後做左一盤好大盤意粉比我地幾個食，話今日預備多左用唔到唔想浪費叫我哋幫手食左去，個一刻我地溫在心中，這個卡邦尼係我呢個幾月來食過最好味意粉，飲過最好飲既什果賓治同曲奇雪葩，個晚我地坐到可以安全坐車走先離開，走時同我地講一定要再上來坐加油呀🙌，放心我們一定會再上來食返餐勁💪

點了巨峰蘆薈，無蘆薈轉椰果，發現椰果是酸的，換了凍檬茶，檸檬也是發臭的。無奈點了罐可樂，全程聽到店員在廚房辱罵我們。其實需要罵嗎？自己去嚐嚐未用的椰果和檸檬就知道我們有沒說謊。忍那店員瘋狂辱罵忍了一個小時，然後就有人走過來催促我們交枱，馬上埋單。Cafe也有限時？緃觀店內一個客也沒有，想是要趕我們走吧。本來去開另外一間cafe，因為full咗求其搵咗一間。一個字中伏。。。如果唔係我有事要做，早就離開了，

4月3日晚上同學聚會5個人叫了2個2人餐加1人餐加2個小食。迷你小食拼盤的雞亦是單骨，雖然照顧顧客需要，但感覺好似數量較小。個人較喜歡椒鹽炸尤魚，及柚子雞亦拼薯角，但柚子略為小了些。主菜只是暖的，不夠熱，味道還可以，飲品不夠味，同學叫了杯薄荷朱古力沙冰，無乜薄荷味道。吉列豬扒肉醬意粉及椒鹽炸尤魚等了很久才有，出菜較為慢了些。這裡食物一般，但聚會要找地方傾計食飯也是一個好選擇，因為可以坐3小時只是價錢較為貴。

又係happy Friday，第二朝唔洗返工一於玩盡佢。今次就簡左間cafe，可以食下、玩下board games。哩到食物同飲品價格都略高，不過有得玩，又有得食，又有咩所謂。哩到食物味道都唔錯，用料都好足，特別係煙三文魚個份量真係好多。不過味道整體黎講濃左些少，都幾咸，要叫杯飲品解下渴😂。鍾意佢哩到意粉類口感煮到岩岩好，唔會太淋太硬。雞翼薯格即叫即炸，好脆好熱，唔錯👍🏼。哩到都有好多board games選擇，不過今次齋玩大富翁都玩左幾個鐘😂😂，下次再黎會試下其他games。

Wanted to watch the World Cup final and found this nice cafe.It was a bit of a climb to walk 3 floors but we finally here!Nice atmosphere, lots of games for us to play and we chose this:Because I am a ONE PIECE fans!! Haha!!But too bad it require at least 4 ppl to play this😣Anyways, the waitresses were all in relaxing mode and never urged us to order😴Well eventually we ordered 2 drinks and 2 snacks...Dark chocolate coffeeYummy! It’s not too sweet and tasted rich~My friend ordered herbal tea, qui

今日一行4個閨蜜👯‍♀👯‍♀ 出嚟傾偈 食嘢 幾個八婆梗係要搵可以坐好耐嘅地方啦， 揀咗間野食又唔錯可以坐幾耐下嘅cafe☕， 一開始我哋叫咗四個餐 其中🍝🍛🍱🥗🥘 忌廉 鴨胸意粉， 鴨胸煎得好香 好多件， 個意粉掛滿曬 忌廉汁， 另一個叫咗雞扒意粉 蒜蓉汁 雞扒係炸嘅但係 裏面仲係好多汁 好嫩， 意粉係要蒜蓉汁 又係好多汁包住意粉好好味， 叫咗個牛柳薯條 好多牛柳粒 十幾粒， 薯條夠新鮮熱辣辣脆卜卜， 最後叫咗個卡邦尼 超級勁多汁 勁好味 鹹到啱啱好， 我秒殺咗個卡邦尼， 四個餐有四杯嘢飲 我就飲咗🍫瑞士朱古力 好濃朱古力奶味 仲有棉花糖喺上面， 幾個閨密呀嘅嘢飲都唔錯 有一個飲咗一啖好好飲嘅薄荷曲奇三重奏🍹， 食完嘢舒舒服服傾下偈咁就一晚囉， 埋單每人都唔使💲180蚊， 呢度平時唔係好多人， 同佢全部嘅係梳化椅 唔會硬掘掘坐到唔舒服， 呢間我畀88分💋 佢仲有好多好多遊戲玩♠️♥️♦️♣️，不過今次主要都係傾計所以就冇玩，😄 下次必定推介啲朋友你玩 同食野🎉🤩🤩

your home cafe呢度係樓上鋪三樓，好彩平時有做運動，就係貪佢夠靜 ，環境 舒適， 可以同朋友傾下計吹下水， 食野hea下可以hea 3個鐘， 佢哋d嘢食都唔錯呢個係白汁煙燻鴨胸意粉， 個鴨胸煎得好香口， 我個朋友仔食卡邦尼意粉都好吸引好 creamy佢個個仲好味芝士味超夠秒殺呀， 百幾蚊連同嘢飲，我就飲草莓特飲 唔係好甜有益力多味嘅沙冰， cafe嚟講算高質， 通常我walk-in都有位 啱曬我呢d臨急抱佛腳嘅人haha

每次約朋友喺cwb食飯傾計，就一定會揀呢間cafe~~地方闊落舒適，每一次上嚟都唔使book位。呢度食物出色，價錢親民，就是不明白點解咁小人。唯一缺點可能係一要行3層樓梯😂🐆🐆🐆🐆🐆🐆🐆🐆🐆🐆🐆🐆🐆🐆🐆🐆二人同行，最岩梗係叫2人餐啦~比散叫抵同送雪糕🍨🐆🐆🐆🐆🐆🐆🐆🐆🐆🐆🐆🐆🐆🐆🐆🐆唔會太甜，夠冰凍🐆🐆🐆🐆🐆🐆🐆🐆🐆🐆🐆🐆🐆🐆🐆🐆新鮮炸上，每人幾舊，岩岩好~🐆🐆🐆🐆🐆🐆🐆🐆🐆🐆🐆🐆🐆🐆🐆🐆可選蒜蓉汁或白汁，味道不錯！🐆🐆🐆🐆🐆🐆🐆🐆🐆🐆🐆🐆🐆🐆🐆🐆每次必點，個人覺得拍得住dazzling cafe😂😂🐆🐆🐆🐆🐆🐆🐆🐆🐆🐆🐆🐆🐆🐆🐆🐆散叫的~~

岩岩行完銅鑼灣肚餓 第一時間諗起朋友推介既cafe上到黎環境幾好 服務都係 環境佈置好有家既感覺 ，第一時間緊係睇下餐牌先啦餐牌上面既食物同飲料太多 岩晒我班胃口大既朋友 點左黑椒牛柳粒飯同司華力腸拼長通粉 飲品就有蘆薈柚子蜜加曲奇雪芭 仲有蒜香雞翼做小食食落味道十分之好 牛柳有好多蘆薈柚子蜜意外地好飲 食完就緊去拿boardgame玩啦 無聽錯 呢度仲有boardgame提供玩最後都食同玩得好滋味 下次一定再黎your home cafe!