魚米 (Closed)

平時魚米出飯要20分鐘，呢間特別快， 因為佢冇客。 晏晝先得嗰五六個人,但咁但係快都冇用，因為佢嗰啲魚炸得太乾 ,好似食豬肉乾咁 /..\仲有嗰個鋪面比較灰暗, 好有萬聖節feel 過節可以帶埋女朋友過嚟食呀

話說疫情嚴重人人都外賣多左，我呢排都有不斷重複地外賣，但要等半個鐘既外賣真係接受唔到，半個鐘我食個早餐都唔洗咁耐，等都唔緊要，服務員態度係你俾咗錢就點都會等咁，其實我真係可以選擇行過少少買碗粉食無咁嬲........仲要等左半個鐘既早餐你以為會好有水準，寫住流心蛋結果係全熟.....雞扒原來係炸既....仲要係柴皮.....不如做唔住就乾脆啲關門大吉⋯⋯無謂辛苦員工、辛苦客人、辛苦自己俾錢租多間鋪又做唔好又做臭個招牌啦⋯⋯

曾經在大圍吃過這店的食品，覺得不錯，這次在香港仔重遇，就來個下午茶。魚蛋魚片酸辣米線：湯頭是靈魂，先來喝一口，不酸也不辣，很失望，結果自行添加了不少醋和辣椒油，但還不是心中的味道。魚片魚蛋Q彈，米線不夠爽口。牛腩酸辣米線：湯頭同樣令人失望，牛腩味道倒不錯。酥炸蠔肉春卷：這有驚喜，很好吃，而且只需$12，超值。凍檸檬茶：本來點少甜，結果是走甜。凍奶茶：一樣少甜變走甜。人手不足，點食物也等了好一會兒，侍應才有空搭理。

冬至飯必定是大魚大肉非常豐盛的一餐，跟住聖誕節🎄，又係盤満砵滿的一餐，加上一連放假幾日三餐不停係咁食，腰圍自然多了兩吋。今日一吹雞落街食飯大家異口同聲又食呀，笑死我啦。為咗食得簡單清淡少少選咗去漁米，七點鐘左右人不多，兩三枱客，職員都有空打牙較，店里笑聲不斷。好快上咗菜，豬軟骨夠淋而且汁不會太咸，對於中央廚房處理後到分店再加熱來講已算不算值得表掦濃湯浸菜，有鮮菇🍄，魚蛋，貢丸，燕餃作配菜平衡了口味，可以加分。轉了菜飯加四蚊，大家都食得清光，幾十元一個套餐很值回票價了。

食物質素係好嘅，但有某D員工服務態度真係差到冇人有，個金漆招牌就係比呢D人搞掂左，去幫襯，但竟然有覺得自己係乞E嘅感覺⋯⋯問個小姐取辣椒油，比左杯水我，ok可能聽錯，再問多次💪🏻💪🏻話我態度唔好，冇講唔該，唔好老馮咁喎，我即時啞左，完全入唔到佢個境界，又長知識了，真係多謝指教🙇🏻‍♀️香港仔咁多野食，就算你係米芝連1星都死啦，D伙記咁嘅態度，希望管理層正視一下。P.S.只是其中一個大小姐態度差，其他都好好的。

很久以前已經聽過魚米這間餐廳咁岩經過 看到有原條魚的米線立刻入內嘗試原條黃花魚飯加酸辣(小辣)可選配飯或米線今次選了飯 完完全全吸盡魚湯精華讓人忍不住一口接一口 魚湯十分鮮味 一點也不腥 還配有少量腐皮 韮菜和酸菜加了酸辣更是惹味黃花魚外脆內軟 好味 如需要飲品 需要額外加錢亦可叫店員提供䁔水除黃花魚外 還有大量原條魚類選擇價錢只是五十多至七十多元這麼合理的價錢 省卻了在家中煲魚湯和炸魚的功夫我應該會變成這間餐廳的常客吧！

今日同阿菇,菇仔去香港仔魚米食早餐，我同阿菇都選擇食同一款餐。粟米火腿通加炒蛋牛油蛋轉煎蛋。點解今日個粟米火腿通個湯底都有粟米水味嘅⋯唔好做大晒鬼，我都會食晒碗通粉的。之後菇仔個三餸米到左，其實我個都唔算差，只是有粟米水味，菇仔的沙嗲牛，炸雞翼加雞扒仲利害，雞扒同菇仔表示佢好乾爭爭，唔好咬佢，沙嗲牛亦表示自己不是沙嗲牛，只是滑牛肉，炸雞翼慶幸自己是真炸雞翼菇仔唯有今日食減肥餐，一大隻雞翼加多士及煎蛋啦！

有時候想食米線我都會揀去魚米食，因為米線既餸有好多選擇，除左有常見既丸類、魚餅、豬扒等，魚米仲有原鮮條魚嘅米線，夠晒原汁原味！😋😋😋而我今日都同左朋友一齊去魚米食lunch~~~ 🐟#原條黃花魚米線 $59 原條鮮魚米線有9款揀，我就揀咗黃花魚，size都唔細架😗😗叫魚米線我就建議記得分湯上，咁就唔怕浸到啲魚淋晒🤣 黃花魚外皮好香口，肉好嫩，啖啖鮮味，點埋油就食唔停！ 米線湯底清得黎幾好，米線軟腍適中！✌🏻🐷蜜汁豬扒菜飯 $48 如果唔想食米線，有時我都會揀呢個菜飯，夠晒健康，比起食白飯冇咁單調～～～～ 豬扒酥軟香口，點埋醬就更惹味😗 🦑椒鹽魷魚仔 $32 冇諗過會有魷魚仔食，有白灼同椒鹽兩款味揀，椒鹽魷魚仔應該係白灼完之後，灑上一啲椒鹽，但我都覺得幾好食，魷魚嘅鮮味都好出，可以試下❤️❤️❤️ 餐牌 魚米 地址：香港仔湖北街16號地舖

黎到魚米，梗係食魚啦，佢餐牌上有好多款唔同既原條魚，再配會米線，但價錢真係有啲貴$50 $60 $70，咁啱見到佢晏晝有午餐，都有魚喎，所以就揀咗一個配飯嘅餐，呢個餐包一條魚，燥肉飯同埋一杯野飲，$50，非常超值。先講下條魚，由於我屋企好少開油鍋，黎到見到佢條魚出面煎到非常金黃，非常脆口，好香，入面啲魚肉好林，但有少少骨，要留意番。可能佢知道條魚個size與送唔到成個飯，所以就喺飯上面配左啲肉燥，整體來講都OK，飯其實超多分量，兩個人淨飯都飽呀。

酸辣酸菜鯇魚片米線:近排食得太多油膩食物, 想清淡啲就點了鯇魚片米線。酸辣湯底可以選擇辣味程度, 如果鍾意食辣建議選擇中辣或以上辣味(小辣完全食不到辣味)。碗麪份量十足, 米線同鯇魚的份量超多, 一個人食哂會非常飽肚。米線口感正常, 不硬不淋; 鯇魚肉就普普通通不太入味, 不過清清淡淡, 感覺都幾健康。蘿蔔牛腩撈刀削烏冬:烏冬口感比米線更出色, 麪條煙韌彈牙。蘿蔔牛腩火喉夠, 炆得夠淋, 夠入味。牛腩大小適中, 易入口, 不會似食香口膠的感覺, 值得一讚。不過份量相對比米線少, 大食的朋友可能食完得七八成飽。

諗住入去魚米食豬軟骨湯米線，點知見到原來豬軟骨可以撈烏冬，咁就試下新食法，撈烏冬啦。豬軟骨之前已經食過好多次，煮得非常之軟身，骨都係軟綿綿一咬即斷，好似牛筋的柔軟口感，豬肉唔會太肥膩，只有少少肥膏，加上煮的時候有加入果醋，所以食落會有少少甜甜酸酸的味道，令到好多時食落只有鹹味的豬軟骨，味道層次豐富左，而且果醋可以中和豬軟骨的飽膩感。個汁撈烏冬好好味，每條烏冬都可以均勻地黏到醬汁，軟硬適中的口感非常好。

天氣凍凍地, 係時候又食下d 暖胃野除左大熱門火鍋之外, 其實米線都係一個唔錯既選擇食開豬骨湯底既, 今次一於去試下魚湯湯底既米線啦叫左個麻辣小辣魚湯米線, d 腐皮吸晒d 湯好正脆卜卜既煎爐魚, 香脆可口配埋咸檸七一流

黎到香港仔，有錢就緊係試試海鮮，窮人就食住魚湯先，頂頂引。今次揀左魚米，連鎖式店子，預計應該不太中伏的。果然冇錯，唔中伏但平平冇奇。叫左個口味大眾化d既米線，五福！故名思義有五樣野：魚蛋貢丸魚片泰式魚餅包心丸配料就九菜腐竹。先講米線底，滑既，但偏淋唔夠彈。魚蛋類都係，唔夠彈肉丸同包心丸明顯係bbq買黎燒果d質素，唔難食既。魚蛋正常味，冇驚喜。但泰式魚餅味道正常，但就同個粉感覺上格格不入。至於主角魚湯呢，未夠奶白，鮮味既，但有味精，易口乾對於$42呢個價黎講，今時今日係食到呢d，性價比唔高，叫做街坊多個選擇。

「魚米」呢間食肆見到好多地方都有分店，但始終都未幫襯過，咁岩今日去開香港仔見到平時有人排隊嘅呢間分店冇人龍，於是同老公入咗去試下。原來呢間食肆都有好多嘢食，唔單止有米線，仲有菜飯和泡飯，飲品除咗有傳統嘅咖啡奶茶外，仲有蜜桃汁、冬瓜茶、柚子蜜和銀菊蜜可選，而且價錢都吾貴。果醋豬軟骨菜飯 + 冬瓜茶 （$45-）豬軟骨好入味，而且好淋，但略嫌味道過濃，不過送飯一流。菜飯中的蔬菜份量都唔少，而且飯量亦頗多。冬瓜茶是第一次飲，都幾特別，飲落好似好滋潤，但係稍為甜咗啲。比目魚肉操飯 + 柚子蜜 （$61）比目魚炸得好香脆，吾錯，可惜稍為細咗D，好彩有肉躁送飯，不然就要淨食飯了！飯的份量又太多，食吾晒，好浪費。柚子蜜濃甜適中。但論到服務方面就有待改善，人手不足外，待應上菜有點馬虎，雖然問咗邊位飲乜飲乜，但求其放低就掉頭走了，咁問嚟做乜！整體嚟講ok，都可再到訪試下泡飯和米線。

近幾年都會同朋友做節。話咁快又到中秋！南區人又離唔開南區喇！第三年去魚米做節！其實做節都係籍口嚟嘅姐！為嘅係大家聚下見下！入返正題喇！我地4個人每人叫一款！豉汁煎黃立倉 $69 配酸辣湯飯加$2條魚都唔細不過啲豉汁味太濃太咸了煎封左口魚 $65 面配湯飯煎得幾好。朋友好岩食。好香口。蘿蔔炆牛腩 $56 配湯飯加$8啲蘿蔔好夠甜。牛腩都好入味。不過牛筋比較多。扇貝蜆肉浸娃娃菜 $49 配湯飯加$8啲湯好有蜆同貝嘅味！啲菜都夠入味。另外加左兩碟菜（每碟$12）啲湯飯份量好夠！同埋湯飯愈浸愈多。好似愈食愈多😂我食酸辣湯。唔算太辣。但咸左少少！