越南越順餐廳

Open Now

Now Closed

久不久就會叫工人去買這間越南菜餐廳,一來味道合格,二來夠便宜豬肉河加春卷,都唔洗50蚊.而且份量好多,豬肉是香矛調味,味道夠香,肉質不硬,配上肉湯,似模似樣.雖然食完後有點口乾(湯有味精),但不算好嚴重.春卷炸得夠香脆,用生菜包住食,減低油膩感,是越式必食小食.街坊價錢,大眾化味道就是如此

今日好想食越南野，所以同爸爸黎越南越順食晚飯～ 今次係第二次幫襯，兩次都食得好開心。雖然呢到裝潢唔夠其他越南餐廳靚，但服務好 好有人情味。食得出店主好用心對待客人 ：）同埋呢個價錢食到既質素係超乎我期望。單點左咖哩牛腩包同拼盤。咖哩唔太辣帶少少甜，岩我呢類唔食得好辣既人～烘到熱辣辣既包好好食！ 因為無飯所以食唔晒D咖哩，打包返屋企：）拼盤就岩我同巴巴兩個食，每樣食少少滿足下～嗌左個餐，生牛河配飲品/甜品～我揀左熱黑糯米，唔太甜岩我。生牛河都幾大碗&足料，抵食！好滿足啊！

好坦白講,越菜係應該要平先抵玩呢度最絕辨生牛河已經熟左是常識吧..湯底夠油重口味,牛味一般但夠咸,份量勁多,牛肉略瘦但唔UN.基本上食完呢個河已經飽左春卷夠脆!係個菜用左馬拉盞來炒,但係落得太少,攪到唔夠香,又唔夠辣但係呢個價錢就很滿意!

友人們帶了我來一間還沒有吃過的越南餐廳呢! 午餐的選擇不少，也有雙併的選擇 (加$5)。點了豬頸肉和咖哩牛腩飯，可選飲品或甜品，那當然不要錯過難得可選的甜品--熱紫米露 (不用加錢)。論賣相和分量也真夠誠意，咖哩是一大碗另上的，內有牛腩，牛筋和薯仔。咖哩的味道調較得很不錯，用來伴稍硬身的飯粒，也好，牛腩稍為鞋身。不可錯過的是豬頸肉，切得薄身，外皮略為有點脆身，很特別，好吃。鰂魚涌區能有此準，值得一讚。消費: $42

跟L小姐出來午膳，嘗試挑戰我們雙腳走來越順（其實也不算很遠啦）～ 這裡像一般茶餐廳，快來快走。環境老實說並不舒服，座位餐具感覺都黏嗒嗒的，這點有待改善。如果不是有特別想吃的小炒的話，午市超值套餐 ($37)一定有一款合你口味。套餐除了一碟飯／一碗粉之外，還送餐飲／甜品。L小姐要了香茅豬扒金邊粉 (6/10)＋椰汁綠豆冰。我選了豬頸肉金邊粉 (7/10)＋熱黑糯米 (6/10)。最後另加一客牛油雞翼 (7/10)。金邊粉底不算出色，不知道L小姐覺得怎麼樣，我是覺得煮得太捻了。湯底色水像清水一樣，但味道還可。L小姐的香茅豬扒敗在乾得像柴一樣，又硬，這點明顯我的豬頸肉贏了。加分的是紅辣椒，至少讓整碗粉沒有那麼單調。牛油雞翼賣相不錯，有四隻，兩隻翼兩隻槌，兩人分實在剛剛好 雖然牛油味不算重，我是收貨了，至少皮炸的極為香脆可口，達到牛油雞翼的一大個要點。椰子綠豆冰沒有喝過就不打分了，L小姐說是椰汁味較重，綠豆為一pat pat，並不是一粒粒。我的熱黑糯米個人認為遜色，太稀太淡，另一大敗筆為花奶下得太重手，讓整體有點不倫不類。雖然味道一般，但以這個價錢這個地段來說非常商宜，如果不介意快餐式經營的

曾幾何時, 越順是站立於英皇道正街, 當時食物是超美味, 為人津津樂道的有咖哩牛腩煲及牛油雞翼...搬過1個舖位, 一切都改變了... 由大街變成內街, 從前令人食指大動的咖哩牛腩煲及牛油雞翼也此情不再...新舖位外表像中菜館多於越南菜館...店內座位偏細...越菜必備的調味料... 魚露略甜, 酸一點會更開胃...午市超值套餐只是$35便包飲品, 在這一區來說, 真的很超值!!! 而且12款材料和檬粉飯是自由選擇, 很靈活...香茅雞翼飯 $35-- 香茅雞翼很香香茅味, 皮炸得很脆, 熱騰騰, 頗好吃... 伴飯的蔥油炒香了, 可以撈半碟飯...香茅豬扒撈檬 $35 -- 香茅豬扒的香茅味略遜, 花生碎增加了口感, 金不換很香, 撈在檬中同吃, 活色生香... 檬粉略乾, 要拌很多魚露, 但魚露不酸反甜, 影響了整體味道...春卷 +$10-- 加錢的套餐小食有6種, 只對春卷有興趣... 春卷皮炸過後又脆又煙韌, 口感很特別... 餡料以素為主, 津白, 紅蘿蔔, 木耳... 肉是磨碎了的蓉, 估計是豬肉, 主要是吃到津白的味道, 沒有什麼肉味...凍柑桔檸檬茶-- 走了冰, 味

經大哥介紹下去到這越南越順餐廳, 位置確實是不起眼, 差一點就看不到.到店鋪的時間,店內只有幾個客人,可能時間尚早吧!牛油雞翼 :可試一試,味道很香,只是有一點油膩, 真是抵食到!!! 4個人去只是300大元

又到試菜時間，今天到這間餐廳試下午餐。原本想試牛粒炒紅飯, 不過因單買價格較高&套餐扺好多(2人套餐有紅飯、軟殼蟹、油菜及飲品都只係$108), 下次再找朋友一齊試~ 今次買左香芧豬扒湯河+熱黑糯米($35) 幾抵食。單買豬扒河要$32, 即係加$3就有甜品, good! 賣相還可以，喜歡湯及河分開上, 雖然無咁環保, 但令食品唔會到"淋"晒。頗欣賞個湯,底 湯是分開盒盛載的, 飲到陣陣的香芧/ 檸檬的味道, 雖然是味精湯, 味道還蠻不錯的, 但將湯加入河粉中便被減淡了湯的味道, 所以分開上真的不錯。 至於豬扒就較為遜色了, 比較乾身, 不夠鬆化, 幸好今次不是配飯。甜品黑燸米不錯, 份量也不少, 愛吃甜食的我覺得椰奶份量充足, 是抵食之選。這家店需處於午巿繁忙時段, 服務仍然不俗, 男店員遞外賣給我時還彎腰微微鞠躬添, 頗有禮貌, 下次會再來。

無叫賓賓煮又無人陪我食,見完客一條友係屋企樓下食啦呢間野成日來既,又平又靚,係地方唔正姐,姐係唔算好清潔叫左個豬X肉飯+鳳爪+凍柑桔茶 41蚊D肉就可以既,唔算好JUICY,勝在大大碟,夠飽個鳳爪幾好,當然去骨啦,有6-7舊,底食野飲無特別,呢度D6人餐2百幾蚊好底-O-

因為係附近返工，所以經常黎呢間食店食下午茶，佢地有多款選擇，我多數都食生牛河，連紅豆冰都只係$23 仲有九折 真係又好食，又抵食！超級值得推介，等我下次再去影埋相俾大家睇先！

10月28日, 喺太古城睇戲, 但又想食個好味越南野, 於是同呀比行到過嚟鰂魚涌搵食~ 呢間越順係隱藏咗喺條僻靜街巷入面, 是夜係平日夜晚, 店內都空無一人, 差d以為佢收咗舖… 靠門口個餐牌知道佢有做晚市先敢入去咋! 叫咗個 $108 二人餐, 有沙律小食炒粉咖哩法包同野飲~ 都幾抵食wor!::: 牙車快 :::牙車快基本材料就係生菜青瓜蘿蔔絲、仲有雞絲同埋花生粒咁, 都係d凍檬常見配料撈埋一齊~ 基本上都幾難話唔好食! D魚露味道偏甜, 不過略嫌太重手, 醃到d蔬菜淋咗d…::: 香茅雞翼(4件) :::有兩件翼兩件槌, 啱啱好係兩隻雞全翼~ D皮夠乾夠薄, 炸得香脆! 入面d雞肉頗嫩, 雖然香茅味一般, 但都幾惹味!::: 越式炒金邊粉 ::: 外表唔講究, 都係d standard炒粉料, 有蛋絲扎肉絲蘿蔔絲芽菜絲等~ 上面灑咗d 花生碎同炸蒜~ 雖然係炒但金邊粉質地都係軟軟淋淋咁… 味道其實ok, 但碟底亦難逃油膩嘅命運…::: 咖哩牛腩包 ::: 呢度d麵包外表似法包, 實則係似硬身嘅白麵包… 雖然奇奇怪怪, 但麵包質地好似海綿咁好索汁, 索完d咖哩汁之後個包變得軟身,

友人介紹話幾抵食 無加一 必點~茄汁牛尾 好入味次選~牛柳粒紅飯 牛鬆化配紅飯PERFECT其他中規中舉 提一提 加幾蚊轉飲熱啡檸茶都OK 紅/綠豆冰 好水下又淡豆又硬(貪得意不妨一試)

去到午餐時間, 又是找食飯的好地方!走著走著見到有間餐廳在內街, 並且有好幾個人等位!心想在這電光火石的午餐時間, 竟然有食客願意等位!內裡應該有「好東西」, 所以我都加入等位行列!點了午市套餐, 越式牛肉飯, 還有飲品/甜品.牛肉不算un, 還可以! 再伴以蔥粒, 很香口, 食慾大增! 飯粒都算中規中舉, 不會太腍, 也不太硬, 有75分.

每一至兩星期總會同老公幫襯一次, 最愛下午茶, 因為真係抵食. 只係$21, 就已經有一大碗生牛肉河同凍/熱黑糯米, 味道確實唔錯! 招呼都好好, 慢慢食, 唔會趕!無影相, 因為已經食得太多次喇, 平時唔會寫食評, 但今次真係想大家知道有一間唔太起眼但食品都相當ok嘅食店比你地知囉!

寫完老香港系列，諗起好多細個既事。幾個人一齊整紙火箭、水火箭，雖然昇空失敗但換來歡樂一場。此小店位置唔起眼，裝修唔算舊但好老土，不過食物唔錯而且價錢平，枱面枱底餐具一切都好清潔 清潔分抵讚 牛肉米紙卷 $28Rice paper 係越式食品既表表者。半透明既米紙口感煙韌帶住點點米香，包住青綠既金不換同入味既香矛牛肉，點一下酸醋好開胃 。加上不經油炸食得健康 ( 米紙浸左水就軟，軟左就可以直接食用啦 ) 火箭蝦卷 $28即係炸綱紋春卷，綱紋皮好輕身好鬆好脆，唔似中式春卷皮咁實淨。裡面有蝦有芋頭有豬肉，點左酸辣汁更冶味 越式蔗蝦 $48每一次光顧越式餐廳都見到枱枱食客會叫 either 蔗蝦 or 炸蝦餅，本人覺得蔗蝦好味 D。炸蝦餅有時蝦量太少食落得一團粉，有時又炸過火。蔗蝦多數係圓柱體，炸過表面香口而中間部份多數 keep 到軟既質感，做得出色既連蔗芯都吸收到蝦味，不過今次唔覺有啦 扎肉湯河粉+油菜+椰汁綠豆冰$35一個餐，有碗河粉仲有椰汁紅豆冰 / 椰汁綠豆冰 / 椰汁黑糯米送。河粉幾幼滑湯底夠濃味，不過當然唔可以同四五十蚊一碗既牛骨湯底 PHO 比較啦。椰汁綠豆冰用上綠豆蓉 (