阿元來了 (鴻圖道)

Open Now

Now Closed

想食台灣嘢嘅話，阿元來了一直都係我嘅首選。佢哋唔單止食物種類多，而且每一樣食物都好有水準，性價比都幾高。今次去叫咗我最鍾意食嘅爆蛋雞肉飯同埋海鮮煎。爆蛋雞肉飯嘅雞肉輕輕醃過，雞肉撕成一條條，配上酸菜同埋蛋汁，撈埋落啲雞油飯度，食落好香口，好滿足。海鮮煎入面有蚵仔，蝦仁同埋帶子，海鮮算新鮮，海鮮煎煎到金黃色，粉漿嘅濃度調配恰當，配埋特製嘅甜醬同辣醬，好有台灣夜市風味♥️都唔知幾時先有得再去台灣，唯有食阿元來了頂住當先啦😭

.1️⃣奧利奧咖啡餅($12)⭐️⭐️⭐️(3/5)2️⃣花生麻糬餅($13)⭐️⭐️⭐️(3/5)3️⃣芋圓珍珠餅($16)⭐️⭐️(2/5)4️⃣芋頭肉鬆餅($14)⭐️⭐️⭐️(3/5)🌙口味新穎🌙每啖都有餡料！🌙奧利奧咖啡會有成塊oreo係底😆🌙花生麻糬大路配搭！不過不失～✖️芋圓珍珠配搭太奇怪😣兩種過糯嘅甜品唔適合放入車輪餅✖️芋頭肉鬆餅嘅肉鬆味唔夠明顯.5️⃣玉米起司蛋餅($32)⭐️⭐️⭐️(3/5)🌙蛋皮唔會過厚🌙玉米起司餡料啱啱好✖️蛋餅唔算香脆～差少少火候.6️⃣甘梅粉雞排($45)⭐️⭐️⭐️(3/5)🌙夠晒脆！🌙雞排算大份～而且都有肉汁！✖️唔太食得出甘梅粉🤨🎡阿元來了地址：觀塘鴻圖道28號地下後座(港鐵牛頭角站 B6 出口, 步行約4分鐘)

以前喺觀塘返工，間中都會去阿元來了食 lunch，呢度個入口好隱蔽，好簡陋。不過一入到去，即刻別有洞天，成間店裝修好靚，充滿濃厚嘅台風。先嚟碗台南擔仔麵，再加碗福州魚丸湯，擔仔麵魯肉肥美，貢丸，蝦同滷蛋就正常水準，其他芽菜，蔥同芫茜樣樣齊全，不過湯底略嫌淡咗少少；個湯情況一樣，魚丸大大粒彈牙味濃有油脂，不過湯底都係淡咗啲。小食方面，我最鍾意甘梅粉雞排，炸得香脆之餘又唔會太油，肉質亦唔太乾，蘸埋酸酸哋嘅甘梅粉一齊食，好正。豪華海鮮煎即係蚵仔煎個 friend，口感一樣，餡料就有蚵仔，蝦仁同帶子，不過個人覺得蚵仔煎好食啲，因為蝦仁同帶子嘅味道較淡，冇蚵仔咁突出。至炸甜不辣拼盤有兩款，淺色較腍嘅係平時食開嗰種，深色煙韌啲嘅比較少見，兩種味道差唔多，唔錯。

想念台灣的味道， 我就來了阿元來了。鋪頭裝修有台灣味道， 而且懷舊， 可以打卡，正。 食物方面都正常， 價錢合理， 平民推介。 餐牌有很多選擇， 我最喜歡食大腸面線，因為不多地方有，有興趣的可以試吓， 重點價錢相宜， 當然份量不算多，如果份量多一點較好。 大腸面線驚喜蛋餅魯肉粿條雞排共$160 😋😋😋😋#foodorientalhk#foodoriental#美食#香港美食#觀塘美食#foodiehk#hkfood#travelhk#hkfoodguide#hongkong#wanchai#cusine#搵食#食lunch#晚飯#teatime#下午茶

4月21日開始可以晚市， 22日5：30pm 可以堂食， 放工時段人唔太多， 只有幾枱客。我一個人叫左細台式魯肉飯$33 細細粒五花腩肉， 夠林唔太肥，我覺五香粉唔夠香， 可以再濃郁d, 加少少辣會味更出。 細細碗，一人份量已足夠。基隆炸雞卷$30唔似雞肉， 太多馬蹄粒， 卷炸得唔太脆及熱。食落感覺好麻麻。阿元來了， 台式食品出名， 而最愛它紅豆餅， 麻糬餅。 order 左4個， 買3送1。洋蔥起司培根餅好特別oreo 咖啡餅必食推介總評： 7分

看到open rice食客的推介，上星期午飯時間打算去光顧，不過輪候入座的人人太多了，結果到今天不用等位才有機會光顧。這次點了迷你魯肉飯加熱芝士奶蓋紅茶，魯肉飯多汁、魯肉不是肉碎，是小塊小塊的肉，軟軟腍腍，很入味；熱芝士奶蓋紅茶不太甜，味道剛好。店舖門口雖然不起眼，但裏面裝修很復古，吃得舒服！

今次大概等咗10幾分鐘就入到去食啦 今次試咗以下幾道菜:1. 滷肉飯(細碗) 2. 皮蛋豆腐3. 柯仔煎4. 梅子雞扒滷肉飯好好味 推介👍 皮蛋豆腐 點解打爛咗嘅?😅 鍾意食平時嗰種多啲 柯仔煎幾好味 唔會好腥 梅子雞排好脆好多汁 可以落多啲梅子粉😋

阿元來了一間我一定會再回頭的餐廳。😍食物很有水準，而且環境好似去左旅行咁，哈哈😆，呃得幾耐得幾耐那怕係一餐飯既時間。每款份量少少的，最岩眼闊肚窄既我。新竹貢丸湯$20貢丸香濃彈牙，重有我最喜歡既芹菜粒做湯底。夠香香菇肉羹米粉 ＄48其實原本係係想叫蚵仔大腸麵線，𣎴過賣哂好慯心，所以叫左依款，好讓我懷念一下去台灣旅行既日子。哎，都好好味呢，湯底夠稠，岩岩好香菇湯汁掛新竹米粉，肉羹分量十足。原完係台灣的味道。玉米芝士蛋餅$30見到特別注名，蛋餅由台灣直送所以叫。少少蛋香，芝士味唔算好出，餅皮夠薄身有Q彈口感，食落唔會油膩不過味道比較淡可能叫肉鬆起司會岀色啲。塩酥雞$37熱辣辣，剛剛炸起非常脆口，好juicy，調味剛剛好，炸粉唔會太厚，口感吾會好油膩，而且份量好足，好香好好味😋芋泥麻糬餅$13我既最愛芋泥蓉又香又吾會太甜，即叫即做。真係好好食，我食完後再order 多個！真係好好味。好食到我自己都好想開一間😄食完依個post…我已經想再去食喇😚

好耐冇去過台灣旅行，真係好掛住台灣嗰啲平靚正嘅嘢食想喺香港識到平靚正嘅台灣野，其實選擇都唔少，不過阿元來了嘅飾物款式選擇都比較多，同埋貪佢全部細細份，可以叫好多款嚟食，而且個裝修真係好有台灣復古味道次次嚟都一定食佢嘅滷肉飯，今次試咗個肉羹，可能因為本身都鍾意食湯羹類嘅嘢，佢個味道都幾令我喜出望外菇味同肉味都配合得好好另外仲叫咗個滷味拼盤，呢個就不過不失啦。台灣手搖來講珍珠奶茶，其他水果茶都係20幾蚊，未到仲拍得住出面幾十蚊一杯，真係夠晒滿足

阿元來了出名抵食又好味，最中意佢哋嘅蛋餅，好有台灣風味～可惜淨係午市先有🍽食物👍🏻台南擔仔米粉呢個已經食過幾次，之前都試過擔仔麵，但仔麵會比較油，而米粉就冇咁肥膩。湯底清甜，但配料比較少，剩係得半粒烚蛋同貢丸，仲有少少肉燥，不過都好夠味，清清地又一餐～✨玉米肉鬆蛋餅佢哋嘅蛋餅皮好煙韌，入面包住好多肉鬆同粟米，熱辣辣整起即刻食真係好好味😋仲有喺台灣食一定有嘅醬油膏，冇咗醬油膏就唔算正宗台灣蛋餅😂佢哋外買好細心，會將辣椒醬分開放，客人可以根據自己嘅口味加辣醬👛人均消費 ~$70(冇加一)⏱冇限時

今日放假，下午二點去食，人唔多，可以即時入座。呢間環境裝修好靚，好似去咗台灣咁，食物非常有台灣味！每樣食物份量唔多，價錢都平，食5樣嘢加飲嘢，二人都係$200左右！

🍻 啤酒🐷食評 🍖 ‖ 阿元來了 ‖ 💁🏻‍♀️ 台灣風味車輪餅·多多款式任你揀 💁🏻‍♂️唔知大家有冇食過車輪餅🤤其實呢款小食係源自於日本，原名係今川燒，最初既車輪餅係以紅豆作為主要餡料，到左今時今日，已經演變出好多唔同款式既車輪餅😋今次同朋友黎阿元來了食晏就，發現原來呢到有好多款車輪餅😻小編揀左3款黎試，介紹比大家大家有興趣就記得｜Like•Save•Share｜呢個post喇—#🍻🍖 質素：🥠奧利奧咖啡車輪餅｜$13｜第一款出場既係Oreo咖啡味～呢款車輪餅一定夠曬足料，點解？因為成塊Oreo餅陷左係車輪餅到😆而內餡既咖啡蓉都幾香濃，唔錯唔錯👏🏻✨評分：8 / 10 分🥠芋圓珍珠車輪餅｜$16第二款出場既係芋圓珍珠～相信大家去阿元來了都一定有食過佢地既芋圓仙草甜品😋但車輪餅版本又有冇食過？芋圓同珍珠口感煙煙韌韌，好有咬口不過整做車輪餅既過程熱力太勁啲珍珠已經有少少溶溶地🤔變得冇咁正✨評分：7.5 / 10 分🥠芋頭麻糬車輪餅｜$13最後一款壓軸出場既係芋泥麻糬～🥳呢款望到都知係爆曬餡既車輪餅啲芋泥多到想漏曬出黎咁🥰口感仲好細滑，芋頭味道香濃最正既係麻糬已經混合左係芋泥到一咬就好似芝

Went here for lunch.Actually is my second time here and I’m glad it is so closer to my office.I ordered traditional 滷肉飯, the bowl looks small but it’s actually very filling and 蛋餅, OMG I love the egg roll, it is so good I would highly recommended to everyone that come to this please I would definitely come here more often.

堂食真係完全唔同感覺，我記得對上一次post都仲個用外賣盒裝住🍲焢肉飯 $46 (8.5/10)兩塊偏肥嘅焢肉再配魯肉飯，我自己最鍾意呢個🤤，成個飯食到尾都唔會覺得啲餸少，超滿足🥘阿元魯肉飯 $43 (8,4/10)兩條白菜，半隻滷蛋，魯肉偏肥，勁正，係香港食過最好食嘅魯肉飯🍱炸甜不辣拼盤 $30 (8.1/10)影相望落好似好細咁，其實入面都好多，有兩隻味，一隻係椒鹽味，一隻係普通咁炸，兩隻都差唔多，好有咬口🫔肉鬆起司蛋餅 $35 (8.1/10)好多肉鬆，但芝士味唔出，蛋皮都唔算厚，好食😋🥃荔枝綠茶 $11 (8/10)微糖少冰， 佢真係勝在夠凍，一路飲一路覺得好正😚🥃芒果綠茶 $11 (8/10)微糖少冰，夠凍，比起荔枝綠茶多左少少芒果味，呢杯好飲過荔枝#sorriso_觀塘 #sorriso_九龍 #sorriso_堅尼地城 #sorriso_港島-📍阿元來了觀塘鴻圖道28號地下後座西環堅尼地城北街31號地舖🕑Mon to Sun 17:30~0:00-#觀塘黃店 #foodie #foodiehk #hkeats #黃店 #黃色經濟圈 #黃店推介 #日常生活 #不專業食評 #

阿元來了嘅滷肉飯好吸引，雖然係細細碗，但都好夠食，表面鋪滿咗肥豬肉，確保由頭食到尾都都有味道，肥豬肉切得比較細，入面嘅肥瘦比例大概係一半一半。另外叫咗佢個肉鬆蛋餅，蛋餅嘅蛋味十分香濃，入面嘅肉鬆分量多，加埋沙律汁食，好味。