譽麵坊 (Moved) New Location

本來在老麥樓上的小小麵店,現今搬出去譚公道.這店一向以價錢平見稱,所以特別多學生哥光顧.十多塊一客撈麵,計落很便宜.年前在食評中評價過此店,感覺是學生飯堂,水準麻麻.小弟今次趁下熱鬧,在新店開張第二日便走過來.要個什錦撈麵.即是牛什撈粗.再叫多客墨魚餅.看看新店的水準會否有所改進?浸過鹵水的牛什,牛肚軟稔,牛筋同樣地軟,但同樣不入味.鹵水本身偏甜,結尾薄弱.那種甜味,一入口就散.粗麵沒有鹼水味,也算可以.墨魚餅質感彈牙,也帶著墨魚鮮味.都算不俗.當然不能同神廚館的比.價錢平,味道一般,想起來,正常不過.如果附近學校的學生哥繼續光顧,理應能夠維持.

間野搬左去海悅斜後面呀~去排奧運金牌運動員飛之後黎左呢度食LUNCH~好耐都無食過啦,都係食返雞球米線 , 佢炸得好脆~不過由於我滿面暗瘡既關係就放哂佢地落啲湯度浸淋佢~不過一樣咁好味 .. 份量適中 價錢又唔係好貴.不過唔包野飲~

位於馬頭涌球場對面小商場的二樓, 剛才沿路黎o既時候見到好多食肆都坐唔滿, 但呢度差唔多坐無虛席, 要搭檯不特只,人多的話仲要等位添食物的選擇著實不多, 只有主食, 小食同台式飲品. 我同老婆點了一客牛肉撈米線同一碗菜肉雲吞米線, 再加一碟炸墨魚餅. 最出色首選炸墨魚餅, 即叫即炸, 一客三件份量雖只是一般, 但外皮炸得脆口, 魚肉又十分彈牙, 還有不少墨魚粒. 牛肉撈麵$17相當抵食, 而菜肉雲吞亦很有水準及份量十足.一如其他食友所言, 呢度的確幾抵食同埋水準都唔錯, 作為午餐來說是很一個很好的選擇.

昨日下午去土瓜灣睇中醫前, 根據openrice食評, 來了這間試試. 由於不想吃油膩食物, 所以點了墨丸米線. 這裡的墨丸據說是自家製作的. 米線也算大碗, 墨丸的墨魚味一般, 但算幾大粒, 米線也ok. 下次要食的話可能要到新店了, 因為店內告示說7月15日後會搬遷到譚公道新店!

同男朋友去完牛棚睇家駒個展覽之後, 就去左呢度食晚飯.叫左:南乳炸雞米線炸墨魚餅炸雞翼雲呑珍珠奶茶咁多野都唔駛 80蚊.. 好抵食 南乳炸雞米線同炸墨魚餅真係好好味呀 >.<其他就普通.

"唔該，雞球米全走"是我每次光顧譽麵坊必說的話~由於它鄰近我以前的中學，所以午飯時常常也會到此光顧的，我也見証了它從小舖搬上海悅廣場的大舖和從以往的$15加價到$17的老主顧！但畢業過後，光顧的次數少了很多！每次光顧時，只會叫雞球米、椒鹽骨米線和墨魚餅，因為除了雞球米外，我找不到有更好吃的東西，因為全店的靈魂所在是其南乳醬！！不過每次吃畢後，也會很口渴，這應是味精在作怪！付錢的時候，看見收錢機旁放著自家製辣椒油出售，但是我吃米線的時候，下了差不多八茶匙的辣椒油也不覺得有辣意，所以不要被騙買一樽不辣的辣椒油~

晚上同媽媽＋妹妹去食飯。。好耐無去呢到..今天專情去食..我叫左個撈麵雙拼....OK好食...但D料好似少左D.....哈哈"個豆漿好好味.....哇哈哈...次次寺我都會叫黎飲!GOOD

依度既雞球米線真係好正,雞翼又正,菜肉雲吞都好好味....!!哈,其實好多野都好正!好耐之前佢0係黃福興0個邊開左間分店,咁0岩0係我屋企附近,我仲鬼咁開心!因為行去海悅都幾遠下點知...唔夠幾個月..間分店就摺左...!!可能0個度人流少啦..可惜可惜..如果唔係我一定多D幫襯佢..

聽朋友說呢間野好味,今日專情去試..一入去無招呼,唔掂..茶都無杯..唔掂..叫左個南乳雞球撈麵(幼),少到死..= =早知叫米線算..d雞球得4粒//太至ok..最頭2樣唔好囉!!

小妹以前系附近讀書畢業之後好耐冇番過黎喇再番到以前成日食lunch既譽麵坊實在太掛住o個度d雞球同墨魚餅喇水準依然還在有機會實會成日番黎食

御麵仿，一向係同學既口碑中都幾好！但係今日去過之後，我覺得就名實不符！1)碗麵冇同學講得咁好食，普通麵一碗，質素麻麻，$16左右，都ok既，但係冇餐飲就唔係咁抵，另外叫杯凍奶茶又要俾多$10..2)碗麵有曱甴，都ok大隻下，好彩未吃就發現到，如果唔係都幾大獲，好彩個伙計肯換個碗麵俾我，但係都已經冇乜胃口！！

有時候早上都會去食麵!多數去都係食雞球米線!仲有佢地d(辣蕉脹)好正!不過唔係幾辣,但係d(辣蕉脹)真係好好味!

o係附近番學得閒都會黎呢度食lunch鍾意佢既菜肉雲吞多菜健康d不過愈黎愈覺得冇咁好食lu但$16係一個唔錯既choice既

坐响度食住麵，忽然好似時光倒流咁，返咗去以前中學時代...成間鋪全部客都係响附近返學嘅學生哥，只有小弟一個着便服，望落真係有D怪相忽然想換件校服添..haha..講番嘢食。招牌嘢係南乳雞球。差唔多所有學生哥枱枱都有一碟。自己就以之嚟配米線而食...米線味道普通，唔煙韌，平凡之極；雞球亦只係普通嘅炸雞塊，但南乳汁就調味得甚佳，味極濃，如果用佢嚟炆豬手就冇得頂lor...加碼叫嘅炸墨魚餅亦係極之普通，當然冇得同神廚館比...OK臉係送俾個南乳醬嘅...

我叫南乳雞球和招牌米線.南乳雞球真是好好味,下次再試下.招牌米線原來是牛肚,牛輾,魚片,比較軟,都ok.份量都幾多,食到我很飽.