漁師兄

Open Now

Now Closed

喺凍冰冰嘅日子，一碗熱湯足夠我老懷安慰。捧於掌心，唔捨得放手。之前分享過我本人唔食粉麵，除非有好食嘅牛腩加持，呃......其實仲有另一個破例情況，就係魚魚魚魚湯嘞！牛肉係我最愛，排第二位就係魚魚魚！所以魚湯米線係我心目中有privilege嘅地位。回憶中世一魚湯米線喺荃灣，至於近少少想食都要跨區入到元朗。相比平時食開嘅魚湯米線餐廳有啲唔同，冇preset好嘅菜單，只要揀好想魚嘅咩部位，再車仔麵式自選其他餸菜配料。至於魚湯除咗招牌鮮魚湯，亦有蕃茄魚湯、芫荽皮蛋湯同麻辣魚湯等option。Round-up咗個menu，味道方面呢我覺得對魚有情意結嘅朋友會幾鍾意，因為好難得可以食到魚咀、魚鮫等特別位；至於奶白色嘅魚湯味道可以，略帶魚嘅鮮香，個人認為可以再濃啲添！大家如果嚟食，建議必試佢個孜然骨同椒鹽雞軟骨，惹味指數！

我好鍾意食魚，但我唔識劏，唔識洗，唔識整。出去食就最，好有人搞掂曬，這家餐廳全日供應魚湯米線，到咗晚市更有烤魚提供口。米線湯底有幾款選擇，包括：招牌鮮魚湯，蕃茄魚湯，芫茜皮蛋湯，麻辣魚湯。 (部分湯底需額外加錢)魚頭湯米線$59 鍾意食魚頭嘅人，一定勁鍾意食嗰嚿魚雲，滑捋捋好似啫喱咁充滿膠原。麻辣湯底同樣可以選擇辣度 我點咗大辣 ，辣度是慢慢滲透出來的，越食越過癮 個頭會開始冒汗。鮮魚片湯米線$42 魚片都幾厚，夾落唔容易散開，每嚿魚肉都有魚皮連住，有雙重口感，最緊要係魚片夠滑，肉質非常細嫩。魚湯好清甜，完全唔腥，飲完唔覺得口渴👍每款麵食可追加一款前菜小食。手拍青瓜+$18 18蚊大大碟好抵食，基本上青瓜同皮蛋嘅涼拌醬底是一樣的，青瓜好爽脆，新鮮而且多汁。涼拌皮蛋$18 皮蛋甘香，蒜味濃郁，齒頰留香。凡惠顧任何魚湯麵或泡飯即可享半價優惠加配汽水或茶 或手調特飲一杯。荔枝紅茶+$14 超好飲，味道唔太甜，最喜歡有粒粒椰果凍，滑捋捋又煙韌。裝修環境唔錯㗎，簡簡單單，地方夠闊落坐得舒服，今次食過米線感覺良好，下次食雞煲烤魚，絕對會有下次

~ 魚腩湯米線($48)🍜細佬試咗呢個👦🏻，魚腩夠鮮甜👍🏻，食得出唔係用冰鮮魚🐟，而且魚骨夠大條唔洗驚麻煩。奶白色嘅湯底夠哂足料濃郁🥣。~自選兩餸魚湯米線($48)🍜我就揀咗魚腐同肥牛配麻辣魚湯，比原味魚湯更加惹味😋。而且肥牛份量夠多又唔會太肥🥩，本身仲配左豆卜索埋湯汁一流呀😋。~椒鹽雞軟骨($22)🐤雞軟骨炸完一粒粒咁外酥內脆😚，而且份量好多，食極都食唔完🤣。用咗蒜頭一齊炒夠哂香口👍🏻。~話梅蕃薯餅($18)呢個估唔到份量有咁多😂，小食黎講呢個都好飽肚🤪。蕃薯餅表層布滿話梅粉，所以會食到酸酸地鹹鹹地但咬落去就會食到蕃薯嘅香甜味😙。而且炸得夠脆口，都幾特別🤓。~白桃味乳酸($16)🍹~荔枝紅茶($14)🍹飲品兩杯都幾大杯🤣，荔枝紅茶入面仲有椰果添，而白桃味乳酸就有d寒天嘅friend咬下😝。

在元朗逛街後，不想吃商場的連鎖店，找些小店來嘗試，就在這間吃魚湯米線LUNCH吧。雖然是米線店，但餐廳裝修有個性，顯出店主的品味不錯。牛丸豬扒魚湯米線，牛丸爽口，炸過的豬扒分開上，薄薄嫩嫩很香口。話梅蕃薯餅，有點煎釀三寶的feel，話梅粉鹹鹹酸酸，特別開胃，蕃薯也夠甜。芒果紅茶，比想像中大杯，該夠兩人飲，飲品味道順口又夠濃。魚鮫湯米線，奶白色的湯底是重點，非常濃郁的魚湯好鮮甜，也不會太鹹，可以喝光的湯底，魚鮫魚肉頗多亦滑溜，不會腥。泡椒鳳爪，原本怕會很辣，但一點也不會辣，鳳爪吃它薄薄的皮，很爽口。

天氣一凍💨除咗打邊爐之外我最想食嘅就係烤魚但係唔想成日要搭車出去先可以食到🫠趁今日星期日 就同屋企人去咗元朗呢間 漁師兄🐟.🐟首先可以揀咗魚嘅種類先 佢分咗4款䱽魚/江團魚/羅非魚/海鱸魚🐟我地今次就揀左䱽魚😆揀完魚就可以揀味道naaa😍佢哋一共有6款味道可以比大家選擇平時食烤魚 我多數都係食辣嘅🌶但係我見到佢哋有個全港首創既 馬拉亞參咖喱味😳今次就即刻叫咗黎試吓🙈🙈🙈湯底味道超濃烈 好好味🥹果然冇叫錯‼️.🐟另外大家可以選擇加配✨烤魚輔菜組合✨佢有 金菇,,芹菜,,大豆芽,,蓮藕我個人係超級建議一定要加埋❗️所有配料都會吸收晒濃濃嘅湯底😋真係超級好食😆食到最後屋企人都食飽停晒手 我都仲夾緊啲配菜食🤣.🍢除咗烤魚之外 佢哋都仲有串燒可以點我哋就叫咗 燒牛肉,,燒羊肉,,燒五花腩片串燒有得揀大中小辣🌶我地叫左中辣😋串燒全部都肉質鮮嫩💯而且辣味十足🔥正.另外飲品方面 我哋就叫咗2款乳酸🍹士多啤梨乳酸 同 白桃乳酸冰冰涼涼🧊而且有啲玉露喺底有嚼勁又解渴🤩食烤魚飲就啱晒啦❤️‍🔥

吾會再去食左第一次ok不過2次都係黑面女待應問佢野超級吾耐煩……叫熱奶茶比左包糖我我話己經比左跟住好兇狠厲我一眼食物第一次魚湯好鮮味第二次淡味特只重落重味精2碗魚湯米線每人3个餸叫左一杯熱飲重加7蚊total 240貼錢買難受

食烤魚最重要係湯底同條魚🐠，好多時都係麻辣、酸菜、豆豉湯底，相信都食到厭，見到呢間湯底幾特別，咖哩雞就食得多，咖喱魚唔知好唔好食呢😜🥑馬拉亞參咖喱湯底配海鱸魚$288+輔菜組合$48揀左性價比最高既海鱸，配菜都幾豐富，有芹菜，金菇，大豆芽，莲藕。條魚真係幾大條，師傅預先切開2 半，魚肉可以充分吸收湯汁，好貼心🥰。先試下啖湯，我覺得更似沙爹帶小小番茄酸味，好開胃☺️。鱸魚啖啖肉好滑，建議唔好太大火，畢竟煮既時間會影響肉質嫩滑程度😋。🥑燒牛肉(串）$18燒五花腩片(串）$22燒羊肉(串）$18整體串燒都唔會韌，重孜然味，推薦羊肉串&牛肉串🥑紅西柚綠茶，芒果紅茶$28一大扎好大杯，西柚好多，有啲似坊間水果茶，手調飲料都好好飲，叫左少甜，飲完好fresh😁

都有食開烤魚，元朗有一間知名食到一肚火。今次去左這間，細細間，但質素不錯。1 麻辣小辣，江團魚，少看地有啲魚味，有不少京蔥2 小食都不錯3飲品有誠意（少甜少冰，真係有）

🐟坊間有不少米線小店 主打魚腩米線的相對少有 這裡主打魚湯米線和烤魚 魚鮫和魚腩會有較多魚肉 另外亦有魚頭 魚咀 魚尾等選擇 魚質頗鮮嫩 厚度亦很有口感 有些部位更有滿滿的骨膠原 麻辣湯底的辣度可自選 不嗜辣者也可試試鮮魚湯 蕃茄魚湯等 同樣惹味 .小食頗推介椒鹽雞軟骨 新鮮即炸熱騰騰 雞軟骨炸得爽脆 加上紅椒粒 洋蔥粒 椒鹽等翻炒鹹香惹味 另外手調特飲大大杯 份量十足 清涼解辣.小店裝修乾淨整潔 沒有一般烤魚店的油煙味和油膩感 心癢想品嚐魚湯米線 碰巧到訪元朗 不妨到這間小店一試🍜

先講個重點：呢間一次就夠！點了兩個米線：魚湯魚片米線、魚湯魚腩米線，碗麵到足料，但是魚湯出了問題，胡椒味非常霸道，令到其他味道唔突出。另外叫咗兩個小食：涼拌皮蛋、話梅炸番薯。炸番薯係成餐飯最好食嘅嘢，配合左梅粉，有而是的味道。涼拌皮蛋就正常發揮……仲叫咗兩杯嘢飲士多啤梨乳酸、白桃乳酸。白桃正常，但士多啤梨味就非常唔好飲……經典藥水味。最後必須一提的，就是佢個洗手間，污糟得難以想像…仲要兜好遠先去到…….

經常行過見到開咗一段時間嘅漁師兄，以為淨係吃魚湯米線，原來有烤魚吃，今晚就約朋友去吃返餐。店鋪裝修都幾有特色，座位寬敞，坐得舒服。見餐牌介紹有全港首創嘅「馬拉亞參咖喱味烤魚」🐟，好似好特別，我哋揀咗羅非魚$288，啖啖肉，最啱怕吃骨嘅朋友，魚係燒過，外皮保留到焦香，肉質嫩滑，亞參的酸甜味越煮越濃，令我吃唔停口。配菜可以自由選擇，唔想諗就可以叫輔菜組合$48，有大量金針菇、少量芹菜同大豆芽，仲有好吸味嘅蓮藕都唔錯🥬。另外見有串燒，試咗羊肉串🍖$18，滿滿孜然味，燒的好香口。燒大蔥雞肉🍢$20，保留到肉汁。燒蒜香饅頭🥠$16，配煉奶一流。紅西柚綠茶🍹$28，打打杯唔太甜，配烤魚，正！

今日去咗位於元朗世宙對面嘅漁師兄度食晚餐晚市時間去到 餐廳都幾多人 兩個人被安排咗坐四人卡位 座位闊落 牆上嘅裝飾都幾特別馬來阿參咖喱味烤魚 最特別係有得揀魚嘅品種 我哋就揀咗䱽魚 唔係間間都有馬來亞參咖喱味烤魚更加係呢間舖頭嘅招牌菜 上面好多配料 咖喱味道濃郁 香而不辣濃濃嘅椰汁味滲入嫩滑嘅䱽魚入面 䱽魚魚肉嫩滑又油份又多 預先炸過嘅魚肉點煮都唔會爛仲有內地特色麻辣串燒 燒羊肉串 味道唔騷好香孜然味燒牛肉串，加上招牌辣粉味道唔錯

位處朗屏站附近的【漁師兄】湯底共4款招牌鮮魚湯 蕃茄魚湯 芫荽皮蛋湯 麻辣魚湯我們就選了最原始的鮮魚湯 還點了特色小食•⭐️魚腩湯米線⭐️鮮魚片湯米線湯底帶乳白色 而且濃郁 帶胡椒香味魚片跟魚腩都是鯇魚 份量相當不俗⭐️涼拌皮蛋賣相很好 溏心皮蛋 帶麻辣香蒜泥 相當惹味⭐️話梅蕃薯餅炸了一片片的蕃薯餅 香口不帶油膩灑上話梅粉 帶點日式風味 ⭐️白桃味乳酪⭐️士多啤梨味乳酪兩款特飲都不太甜 而且份量足 +$16價錢相當不錯•而且更有辣菜脯提供 醒胃惹味 嗜辣就不要錯過😋看餐牌更有多款串燒供應 有機會都要再試一次🤭

元朗原來真係好多美食，今日朋友帶我嚟呢間漁師兄食米線，呢間餐廳米線最特別之處係鮮魚湯做湯底！米線主打以魚米線為主，唔同部位都有，就揀咗魚腩湯米線同另一碗自選米線！魚腩米線無諗到魚腩都幾多，魚腩肉質细嫩爽滑，無乜骨，湯底係麻辣魚湯，麻辣味真係好鐘意，好香濃，而辣度就唔太勁，平時食得辣真係中/大起跳！自選就揀咗2 個餸，台灣腸同肥牛，肥牛嫩濃，而台灣腸配麻辣湯都幾夾，台灣腸甜甜地，食落脆軟~呢到啲小食都幾出色，揀咗泡椒鳳爪，泡椒味好濃，酸酸辣辣咗😝另一款椒鹽雞軟骨，香脆而唔油膩，好岩同朋友邊食邊傾~叫2 杯特飲一杯 士多啤利乳酸同西柚紅茶，士多啤利味都香，唔太甜，乳酸味就弱少少！西柚紅茶就酸酸甜甜咁，好開胃！漁師兄🐻元朗安寧路25號鴻運樓地下4號舖

入秋後晚飯想到熱騰騰的烤魚今天下班就和朋友來漁師兄晚膳店家主打馬來西亞的亞參咖哩烤魚亞參咖哩基底加入了羅望子和香料味道比一般的咖哩多了淡淡的果酸這次點了肉味濃和細骨的海鱸魚魚預先烤熟再浸在亞參咖哩吸收湯汁再佐以金菇芹菜大豆蓮藕等配菜食用味道惹味魚肉鮮甜我們都吃得很高興串燒點了燒麻吉燒羊肉燒大葱雞肉孜然味香濃肉質也燒得恰到好處雞肉夾雜大葱肉質也非常軟嫩最後飲品是紅西柚綠茶和士多啤梨乳酸紅西柚綠茶有大量粒粒果肉值得推薦