悅軒海鮮酒家 (Closed)

臨近母親節，唔想咁多人同人迫，就簡左黎呢間酒樓食，因為之前老細請左我地幾個同事黎呢間食，食完都覺唔錯，所以我簡返黎呢間食，而且呢間有團購買，有優惠買2送1優惠，最後簡左3 小時*頂級龍蝦海鮮蒸氣鍋+粥底火鍋放題。首先，佢會俾張點海鮮既紙俾你簡，但有限數量既，上面部分三選一，下面則選5樣，同一台要選一樣，唔可以每人簡唔同，有好多海鮮可以簡，最後我簡左龍蝦同埋以下既扇貝，呢度職員都唔錯，佢會同你講每樣海鮮需要蒸既時間，不過佢地好忙，要叫兩三次先得閒招呼我地。蒸完之後，佢拎走果塊鐵板，就變左粥底打邊爐，呢度就任點，而飲品都係任飲，最後仲有甜品食。

團購 中伏！歡迎去試，包你食過反尋味十幾個人叫左兩三份燒雲吞佢黎四十幾件黎之後又唔願意岀其他但佢靜係Cheap野岀得快，燒賣，蝦腸呢d相對值錢啲佢岀得好謹慎㗎！傻嘅都諗到係一份其實唔係幾十份啦係咪！之後仲要啲阿姐嘈你叫得太多太浪費。。。服務態度差到直接係你面前講你幾條友食放題都唔會諗叫落單寫一份蟹粥黎五六個掛！

偷得浮生半日閑，約咗好友茶敍，呢間酒樓間中假日都會去食下午茶，貪佢易搵位，價錢都算平（佐敦區），老實講，環境真係一般， 屬於街坊酒樓。今次都係”平日”第一次去呢度飲下午茶，竟然係快餐店價錢，可能酒樓位置問題，不是好顯眼 。2 人下午茶分別叫了……皇子乳鴿米線/瀨粉各一 ，有半邊乳鴿，味道係 ok 架，皮夠脆，重要係暖身，米線/瀨粉，份量都足夠，味道正常 。蝦腸…… 正正常常，味道合格 ，野菌餃……都係味道合格，不會太咸。想埋單時才發現有糖水送，每人一碗，需要自己取，需然係送，但竟然有 5 種糖水選擇，值得一讚 ，我們都選了木瓜雪耳糖水，送就 5 會咁挑剔啦。抵食之處，唔駛加一外，重要免茶，埋單平均每人 $39·5 ， 其實就算假日來食下午茶，都係平價之選

開年 校友要晚會⋯⋯想到佐敦德成街平價海鮮立即叫這68$半斤白灼蝦四個男女每一個約分到2-3個幾大隻悅軒家鄉小炒王88$自選晚飯超級優惠價168$假日加30$我們選擇龍蠆！生炆深海龍蠆頭腩煲都好抵食豐富的頭腩識食骨腩的非常享受半只脆皮龍崗燒雞半隻我懷疑不是鮮雞因酒家有多款雞隻標示新鮮雞我們這超級優惠組合可能不能用鮮雞吧⋯⋯但也可能是我多疑。白飯幾滿意，12$ 一碗在這區可以說一點都不貴因為是晚餐時間晚餐尖油旺都貴啊！

已經唔係講好唔好食，因為唔重要，入得去既硬住頭皮架啦~晌呢度分享幾個重點，自己再參考下睇下入唔入去食啦！1. 每張檯中間係零距離，晌中間個檯行去廁所既話，要好似拜山咁不停講「唔該借借」。2. 成間店得4-5個店員，上菜既只係上菜唔落單；經理既只係做經理野唔加水。3. 上左半份片皮鴨，但20分鐘後先上個皮。4. 落單前話「呢D係新春優惠冇既，你食餐牌個D散叫啦，VIP卡就有9折」，2月12唔係「新春」喎~5. 最後張單埋黎，冇9折，仲要話係佢自己get錯，諗住要個客硬食。6. 部卡機壞左喎~(幾個月前聽朋友講已經冇得碌卡)精明既你，應該識揀~

The portions were really appalling.We ordered a 6 person duck and we had about 2 persons portion and just the skin.We spoke to the person in charged and got some attitude telling us it’s for 6 people!Same with the chicken.Still had to pay for it all.Never again!

琴日一行8人去食團購既'長腳皇帝蟹海鮮九大簋'，伏到不得了。餸等左一個鐘先來一個，之後再等再一個，8點食到11點先走，唔講以為食緊中式法國餐！野食唔係唔好食， 不過份量太少，長腳蟹仲要最後先來，第一次來既仲要係凍加梅架！嘈左先換返隻正常點既來。侍應絕大部分係part time,問咩都唔清楚，上完餸就走。叫佢叫經理，佢叫返你自己出去搵！野飲明明寫有好多選擇，其實都唔係，啤酒寫有4款，得返 blue ice. 茶都要嘈一嘈先有人加水！空間非常擠逼，枱與枱之間連行個人都唔得，櫈貼枱來枱張櫈。8個人book左半席， 再叫左5個餸，出門口果下都係食唔飽...

如果可以寫無星，我會揀無星，食物垃圾，我叫佢哋開爐，佢叫我地收聲。不知所謂！成個環境好似打仗咁。團購食物特別差隔離枱散叫好啲啲。團購應該停止售賣該餐飲優惠，因為該酒樓不能負荷太多客人。佢哋根本上就應付唔到。海鮮無限量添加任食: 蘇格蘭大聖子、紐西蘭大青口、爽甜貴妃蚌、時令貝殼類、生猛大海蝦、中山白鱔片。 團購條款上列明部份海鮮，例如聖子，可以無限添食。但去到部長話不可以。 完全貨不對辦。每位大概$280，出邊可以食到更好。唔好忘記除咗團購價錢，每位仲要再比$70加1服務費。 食物差，環境差，想去受氣不妨一試！

買左某網站既團購，內容明明寫住要whatsapp訂位，message左幾日無覆，今日忍唔住打去訂位問下，一個中年男人聽，訂左枱後咪問佢點解whatsapp無回覆，佢就話我地無whatsapp 😳，我話無whatsapp你係咪要改返團購內容，知唔知佢點答？「我好忙𠺢！而家咪幫你留枱囉。」之後，係之後，佢就cut左我線！！！！！買左團購之後，睇返openrice留言都驚驚地？而家真係肯定自己中伏！！！希望幫到大家！唔好浪費錢！！

本身買了悅心煱的火煱coupon, 但訂座時說爐具出現問題一段是間都不能用，要轉到名下的悅軒海鮮酒家食火煱。 惡夢開始， 迫唔在講重極之難食，肥牛又硬又韌， 上料慢又唔齊，好多嘢都冇， 寫幾多永遠來少少。 伙記態度差，可以答你唔知，唔關我事，唔好問我我唔理。食到一肚氣最終埋單後去咗食麥記。大家千祈唔好去。

同男友諗左好耐都諗唔到食乜、所以上openrice睇下有咩好介紹！ 係優惠果欄見到149 蒸氣鍋+粥底火鍋，見咁平就立即買左2張優惠卷！比完錢後，先醒起未睇食評，咁就立刻睇！見到評論都好兩極！！咁都無計啦，錢都比左！就抱住好又一餐唔好又一餐既心態唻食！一坐低，部長好禮貌咁幫我redeem張卷，女侍應又送上小食同主動開壺茶比我們！ 又好仔細解釋鮑魚同蟹蒸5分鐘；其他就3分鐘！（海鮮係10樣選6款）又不時提我們要食粥邊爐啦，因為太耐會燶！有个男侍應又不停幫我們清潔枱面，感覺上呢家酒樓既所有員工都好殷勤！地點亦十分就腳，雖然係細街裡，但係好易搵，佐敦e出口一出就搵到！一樣嘢，如果可以事先通知有79蚊既加服務費+茶芥+醬料費，咁呢次就真係平靚正完美的餐飲經驗！

中伏 ! 中伏 ! 中伏 !買了HKTVmall團購 : 海鮮蒸汽鍋 + 粥底任食火鍋 !! 真心覺得唔好食 !!除了海鮮蒸汽鍋可以一食 同 飲品啤酒任飲外 其他如服務/火鍋料食物質素 完全唔掂 !!服務 : 1. 收左茶介錢, 但完全唔問你飲咩茶, 你唔主動叫就完全唔俾茶你2. 職員(D阿姐)成日黑面 , 態度差3. 你叫職員拎D野可以隔成15分鐘以上先俾你4. 叫左火鍋料 , 你要催佢先俾你 (果時仲要唔多客) , 上碟上得非常慢 !!食物質素:1. 片皮鴨勁肥有騷味!2. 部份火鍋料有"縮味" , 唔生鮮強烈建議大家不要買呢間的火鍋團購 !! 網上買團購要俾每人$200, 到你去食時再另收每人$80 -100 (茶介+服務費+附加費) , 呢個價錢呢個質素認真唔抵 !! 

前幾日,我地去左呢間酒樓打邊爐,我叫左脆肉鯇,發現係普通鯇魚,換左四次,都仲係普通鯇魚,我地就呢食完,𠰠先拿碟牛肉來,D湯頭很少,梛子仲多過D湯,D雞都係這樣

休閒的星期六當然要陪陪家人.窮小姐早前於團購買了兩張點心任食團購(有點後悔),在指定佐敦某酒樓任食90分鐘.今天窮小姐就帶了母親大人去飲飲茶食包包.話說團購任食點心有指定的點心紙,很多窮小姐喜歡的點心也不在點心紙上(只怪窮小姐當初沒有望清楚!)窮小姐今天破了誡,和母親大人食了合其10籠點心(超誇張!)!!雖然是團購,但員工服務挺好,遭一視同仁對待.窮小姐覺得點心質素一般,除了熱辣辣會爆漿嘅流沙包比較出色,其他點心皮偏厚及不夠熱.而比較特別是蘆薈糕,有蘆薈肉里頭所以很有口感,可惜品道偏甜.真心而論,以相同既價錢窮小姐可以有更好的選擇(更近及食物質素更好)!

悅軒酒家悶悶地唔知食乜，上咗Openrice睇介紹，發現有間酒樓食蒸氣火鍋，又唔貴，咪試下囉！即時用Openrice 訂位，仲有折添。去到，見好多人，心諗🉐️喎，唔會差得去邊！叫咗個B餐，任食，優質海鮮盛盤，＄238，8:45後，Openrice 仲有折。落完單，仕應即時話冇曬大蟶子，換其他貝殼類給我！👌🏼⋯⋯我算！海鮮一來到，嘩，隻膏蟹，🉐️兩件，細到呢，一個人食都覺得小，失望！啲蝦，一試便知不新鮮！魚，好腥！石蠔，我本人覺得👌🏼！但上大人覺得唔掂，唔食！帶子，一般！瀨尿蝦，可以接受！食得到！青囗，可以！象拔蚌片，原全唔得！肥牛，一般貨！走地雞，唔好玩啦，一定唔係走地囉！任飲，呢樣堅得，有好多韓種類飲品！有送乳鴿一隻，呢個好味！整體來說，二百幾，係咁上下啦，行過附近咪試下囉，專登去就唔好了！怕你會失望而回！