源記甜品小食

Open Now

Now Closed

西環馳名的源記係天后重開，咁岩開左係我屋企樓下非常近，又好想再食佢的蓮子桑寄生茶滋陰補腎神助眠下，於是即刻去試下啦新店比舊店更加大餐廳有提供鹹點，懷舊小食及糖水。我地三個人嗌左蘿蔔糕，炸蕃薯，混醬腸粉，小食價錢每款大約20元。甜品方面叫左桑寄生蓮子茶，合桃糊，杏仁露。桑寄生蓮子茶蓮子茶的味道溫和帶甘甜香口，蓮子夠軟。店員話佢地每日都會逐粒去芯，味道吾會苦，整個口感都好舒服，非常適合日常飲用。我仲加左幾粒芝麻湯圓落糖水，一樣好食合桃糊同杏仁露的口感好香滑濃郁，糖水質數與別不同，經過浸焗炒的工序再用石磨機生磨而成的糖水，除左香滑亦都夠細膩，感覺每啖都好足料。鹹點方面我最喜歡店家自製的蘿蔔糕同炸蕃薯蘿蔔糕提供左3款醬料 甜醬 辣醬 胡椒粉因為宜家酒樓食的蘿蔔糕口感一式一樣又硬骨骨但源記的蘿蔔糕真係好好食，係人手全手工，逐底炒做的味道。蘿蔔糕香口，質感吾會鬆散又有輕盈實在的口感，啖啖臘味味，一定要食。炸蕃薯蕃薯同炸衣都夠甜，傳統得黎又好食腸粉

今日去咗源記食甜品😍🥰😘以前未幫襯過西營盤老舖🤷🏼‍♀️天后呢間新開張幾個月🥳🥳聽聞由第三代接手主理👍🏻👍🏻原來桑寄生蓮子蛋茶🤩😘😘係咁好味嘅😋😋😋😋我平時唔食蓮子㗎🫣呢度嘅蓮子質感又稔又粉🤭真係處理得好好 👍🏻👍🏻好鍾意食呀🤤🤤仲有古早味嘅蒸蛋糕😋😋比較實在有質感😍同平時食慣鬆軟嘅焗蛋糕唔同🤗好香 實的的 好飽肚😉我哋仲食咗好多小食😍🤩包括炸番薯🍠番薯好甜脆漿好薄身 鬆脆唔太油膩🤭🤭仲好食過日本天婦羅😉😉炸油糍🫶🏻個人口味我麻麻地😌 油咗啲朋友幫我搽咗甜醬🤨啊唔係我鍾意嘅口味😜炸雞全翼😋 肉質juicy又入味豬皮魚蛋😋豬皮淋咗沙嗲味道有啲鹹 有改進空間🤔我最鍾意係煎蘿蔔糕🤤聽聞係老闆媽媽嘅recipe 厚切 四邊煎香😗家的味道 好食😋我哋真係好誇張🫣🫣之後追加🙄🙄綠豆沙💝芝麻糊💝合桃露芝麻糊唔記得影相🤭🤭原來係老闆每朝生磨隔篩👨🏻‍🍳精心炮製處理💪🏻💪🏻怪唔知咁滑咁香💋💋全部都加咗蓮子😝😜大家都食上癮😋😋價錢雖然一啲都唔平🤫但係物有所值值得以後繼續幫襯

路過天后見到呢間糖水店好多人外賣雞蛋糕，同埋都有唔少人係度食糖水桑寄生蛋蓮子茶 $48呢款鎮店推介，基本上見到每台客人都有點，茶清香撲鼻，蓮子每日人手逐粒去芯，煮得啱啱好，可以感受到一絲甜味，適合春天祛濕丫清香合桃露 $36合桃前期要浸/焗/炒等工序，繼而用石磨生磨，喺功夫野。唔怪之得入口即溶，帶有合桃既堅果香氣，濃稠得黎又滑溜，口感好好，熱食至啱，我地仲額外加兩粒芝麻湯圓添混醬腸粉 $22腸粉滑潤，加入混醬，每一啖都撈勻醬汁，好滿足鮮蝦腐皮卷 $35成隻蝦肉，外皮酥脆，咬落去有口感，唔錯丫全蛋雞蛋糕 $10一塊只係$10真喺抵食，見到有唔少客人幾塊幾塊咁打包帶走！材料簡單只有三種，勝在蛋香濃郁，味道實在香煎蘿蔔糕 $26用家傳秘方製作，厚切香煎，口感滑嫩，臘香突出

西環源記結業之後，一直都好掛著佢，知道係天后重開，就專登過嚟試吓。佢擁有170年歷史，主打中式糖水，最出名的就是桑寄生蓮子茶、合桃糊、杏仁露、芝麻糊以及雞蛋糕。宜家今由第四代接手，令呢啲傳統重現。桑寄生蓮子茶其實最出名係佢啲蓮子，人手逐粒去芯，粒粒鬆化，春天飲祛濕，秋天飲滋潤。合桃糊、杏仁露、芝麻糊用原材料製作，浸，焗，炒再用石磨生磨。幼滑又夠香。雞蛋糕只係用蛋，糖，麵粉製造，真係食得出蛋香。以前舊鋪剩係得熱糖水，宜家仲有凍選擇。而且新增好多傳統街頭小食，炸油糍、炸雞全翼、自家製蘿白糕，多咗好多選擇。

@yuenkee.dessert📍源記甜品小食永興街2A-2E號美城花園大廈地下B號舖桑寄生蛋蓮子茶 $48陳皮紅豆沙 $32+ 蓮子 $8傳統炸油糍 $28自家香煎蘿蔔糕 $24迷你鮮蝦腐皮卷 $35全蛋雞蛋糕 $10今日同女朋友收工去天后食飯，由於唔係好夠飽，於是就去咗糖水😋但係冇諗過呢間糖水舖仲有咁多小食，結果忍唔住叫咗幾樣試吓🤣鐘意食香口野嘅我叫咗煎蘿蔔糕同鮮蝦腐皮卷食，老實講好食過啲連鎖茶樓嘅點心😂但令我更加驚喜嘅係炸油糍，利申第一次食，炸完之後唔會油淋淋，而入面嘅饀鹹香得黎又有啲酸酸地，幾開胃😍我唔係經常食傳統中式糖水，我覺得佢地嘅桑寄生蓮子蛋茶好好飲😋好清甜、好舒服，聽講仲有唔少功效，例如去濕、調理月經🤣陳皮紅豆沙都好正，起晒沙，仲有淡淡嘅陳皮香🤤最後食埋個全蛋雞蛋糕，好濃郁嘅蛋香味，好滿足🤤#bunnytummy_港島#bunnytummy_天后#bunnytummy_甜品#源記甜品小食 #天后 #天后美食 #糖水 #甜品#香港foodie #食好西 #香港美食 #hkfoodblogger#hkfoodie #hkig #香港好去處 #拍拖好去處

呢間源記甜品係香港最老字號糖水店 ！自1855年開業，以前去開西營盤老店...但好可惜兩年前西營盤店停業..不過，佢已經選址喺天后重開啦🤗由第四代接手，保留多款經典糖水之餘，仲多咗啲小食🍡呢度嘅鎮店推介係 #桑寄生蓮子蛋茶 🈸蓮子係每天人手逐粒逐粒去芯！春天飲祛濕，秋天飲用可滋潤身體🉑祛濕養顏，補肝補腎，寧神安神，補而不燥～女士傢用仲可以調理月經，治療經痛及補血👍🏻所以嚟到點都要試吓！不過我唔係太鍾意食雞蛋🥚所以點咗無蛋版本：🤎 桑寄生蓮子茶💲40 味道淡甜，蓮子份量多又粉糯好食～ 另外門口擺放咗一部石磨機（打卡用），因為源記百多年都堅持用石磨製作糖水，真材實料，口感濃稠綿密，甜度適中，所以一定要試吓以下幾款！🧡清香合桃露 💲36🤍純正杏仁露 💲36🖤香滑芝麻糊 💲34杏仁，核桃，芝麻全部原材料前期要浸、焗、炒，再用石磨生磨！煮出嚟口感濃稠綿密，甜度適中！而且我覺得熱食味道更香更滑！ 🍰全蛋雞蛋糕 💲10/件用上傳統懷舊做法，材料只有蛋，糖，麵粉，無人造色素或發粉。質感鬆軟，比海綿蛋糕更綿密有質感，蛋香味濃～🍠 脆皮炸番薯 💲18 - 厚身香脆清甜～🧈自家製香煎蘿蔔糕 💲24 - 厚切

西環源記重新開業！由第四代傳承接手，重溫珍貴的情懷新店環境光猛，乾淨簡潔，有卡位也有圓檯圓櫈店內保留石磨及一些舊日報章報道，新舊交融主打中式糖水如核桃糊、芝麻糊及全蛋雞蛋清蛋糕等鎮店推介陳年桑寄生茶祛濕養顏、保肝補腎、寧神安眠凍杏仁露原材料前期經浸、焗、炒等工序，繼而用石磨生磨小食生炸雞全翼選用特大全翼，秘方醃製，皮脆肉滑迷你鮮蝦腐皮卷炸得鬆化酥脆，滿蝦餡料鮮甜爽口香辣咖喱魚蛋豬皮煮出有街頭風味，過癮入味

西環源記重開 新舖選址係天后!本身源記都係香港歷史悠久既中式糖水店屬於過百年既老店👍🏻店內裝修依然保留左石磨同一些舊時既報章報道有種新舊交融既感覺!糖水都係主打中式糖水最出名既桑寄生蓮子雙蛋茶,香滑芝麻糊,杏仁糊同清蛋糕等🌟桑寄生蓮子蛋茶鎮店之選 呢款糖水絕對係必嗌蓮子每日由人手逐粒去芯飲落唔會好甜膩 而雞蛋亦好入味功效亦好好 可以祛濕 寧神安眠更加係女性既恩物👍🏻🌟陳皮綠豆沙綠豆沙煮到綿滑流沙最好係唔係好甜 食落清香又順喉🌟陳皮紅豆沙加湯圓紅豆入口軟腍又清甜 帶陳皮香氣口感都係起沙加上芝麻同花生湯圓兩款湯圓都足料好味😋🌟自家製蘿白糕店家既家傳秘方加自家製作精選清甜蘿白加上香濃臘味厚切煎香 蘸埋甜醬食更正💯

源記糖水重開嘞！最掛住嘅一定係 #桑寄生蓮子蛋 同個 #清蛋糕」新店裝修同舊舖好唔同個人當然掛住舊時望到唔同糖水嘅眼前熱氣翻騰嘅畫面不過新有新嘅特色就係多咗好多港式小食同埋新出嘅桑、寄、生、果、凍！揾返回憶嘅味道廣東港式糖水我都係鍾情飲熱嘅桑寄生蓮子蛋茶個蛋係精髓外層蛋白軟彈蛋黃糖心好治癒另外仲有陳皮紅、綠豆沙都係經典必嗌陳皮香未上枱就從遠處飄過當日飲咗紅豆沙Keep到水準紅豆綿密軟糯！另外杏仁糊同芝麻糊加湯圓我個人鍾意杏仁糊感覺比以前嘅「配方」減咗糖香滑得嚟甜而不膩可返啅！至於小食最經典應該係炸物有炸油糍、腐皮卷、雞翼同脆皮番薯冇咁熱氣都有蘿蔔糕、腸粉同燒賣等當然嚟呢度食糖水先係正事小食交返畀大家發掘嘞～

早前于西营盘结业的街坊糖水店在天后重开了，虽然价格有所上涨，但不变的依然是店主友好的态度和驱散冬夜阴冷的甜蜜和温度。·【桑寄生莲子蛋茶】【全蛋鸡蛋糕】两款招牌都挺喜欢，没有openrice评论中那么差的质素。·陈年桑寄生茶是所有糖水底中最有凉茶影子的，既有熟普幽幽的香，又熬化了冰糖红枣的甜，回甘滋润舒服，鸡蛋也是由外到内地入味了。·鸡蛋糕就是老式的模样和味道，弥补了之前在西营盘没吃的遗憾。看着一大块其实很蓬松，兼具海绵蛋糕的轻盈和发糕的弹性，蛋香朴实浓郁甜度低，一人一块无压力。·店面亮堂干净、座位很多，小食也比以前丰富了不少。虽然附近糖水店还有好几家，但源记有自己的独特之处，值得一试。

老牌食店「源記甜品小食」喺天后開左。見地點咁方便就慕名而來試吓。桑寄生蛋蓮子茶（$48）：不愧係佢哋嘅招牌。蓮子一啲苦味都冇，質感好綿，蓮子嘅份量都好多。雞蛋入味。桑寄生茶茶味香濃，而且佢仲有滋陰降血壓嘅功效。芝麻糊（$34）加芝麻湯圓（$3一粒）：芝麻糊香滑濃稠。湯圓皮煙煙韌韌。職員仲話佢哋嘅芝麻糊係用石磨生磨既，真係心意之作。全蛋雞蛋糕（$10）：只用咗雞蛋，麵粉，橄欖油，同埋糖去做呢個蛋糕。完全冇發粉。所以蛋糕有咬口，味道清香。傳統炸油糍（$28）：一客兩件。已經差唔多喺香港絕跡嘅一款小食，竟然係呢度俾我搵到！仲要佢整得好好食，真係好開心呀！外面就炸得好脆。入邊有蝦米同埋超多蘿蔔絲喺入邊，所以味道清甜，質感濕潤。下次嚟一定都會再食呢個。（我本身都鍾意食蘿蔔糕，但呢個比蘿蔔糕更好食！）迷你鮮蝦腐皮卷（$35）：一客五件。腐皮包住鮮蝦同豬肉再拎去炸。真材實料。生炸雞全翼（$35）：一客兩隻，兩隻都大大隻。炸嘅時間控制得宜。炸皮做到薄脆，入邊多汁。

桑寄生雞蛋蓮子茶，蓮子好綿，蛋又入味，真係好傳統的好味道。杏仁露好滑，小食也不錯，豬皮好有膠質、蘿蔔糕也有水準。唔明網上點解咁多人攻擊。間鋪從係西營盤時就有幫襯，當時因為小朋友奶類過敏無意中見到間鋪的雞蛋糕冇添加奶，令奶類敏感的小朋友得到滿足，之後一路有幫襯，執左之後一直覺得好可惜，而家見開返，仲係天后近屋企，太開心了，即刻來試下，好味道依舊。相對於附近其他甜品店來說，價錢已經好合理，好的傳統店要支持下

開業第一個禮拜之後即刻衝落去食佢個杏仁露，同桑寄生茶。個茶好稀完全冇香味個杏仁露我懷疑佢兩成係真，其餘八成係用粉沖出嚟。淨係聞個香味已經知道係假嘢。真係好失望。因為驚係啱啱開業準備得唔夠好，所以兩個禮拜之後我又再去多一次，今次係甜到揦喉嚨，食唔落口⋯⋯試埋佢個合桃露又係溝粉嘅味道⋯⋯真係好難會再俾到第三次機會。我寧願佢賣貴啲俾真嘢我食。我覺得老闆可以去試吓九龍城嗰間，太子海記或者以前北角嘅養生糊都係屬於殿堂級嘅糖水。我都唔希望一間老字號糖水沒落，但係真係有需要改善嘅空間。

啲糖水一般，桑寄生茶太甜。。。。。。。就係一間好普通好普通嘅糖水舖，冇乜特別。。。。。。。糖水嘅選擇唔多，小食嘅選擇亦唔多。唔知道係做糖水定係做小食樣樣都唔精。。。。。。。原本諗住有一間中式糖水舖可以去試一下，但係最令人激氣嘅係個黑面神收銀阿伯。。。。。。口黑面黑好似欠佢咁。原本食糖水係為咗開心，點知點知俾個收銀阿伯窒住晒，得返啖氣，以後都唔會再去。唔想做生意就咪鬼做啦。。。。。。。。。。。。。。

知道此糖水老店重開，又近公司，收工後與朋友一起去試下 (雖然 openrice 新店的食評不多，差評亦較多😅🙋‍♀️)。當日下午 6:10  抵達，員工服務不錯，因尚早人不太多，我們坐下最後一個卡位，二人行的我們坐得舒服。食物陸續上檯，糖水合格，濃厚度足夠及甜度剛好，不水不稀。杏仁露味道香亦不假👍。炸油糍是我兒時其中一至愛 (我小時候叫此做炸蘿蔔絲餅)，現在很多地方也沒能吃到了😩。炸工很好，即叫即炸，盛載的碟不油。油糍配上甜辣醬，有盛意，滿足。原來油糍配上辣醬更錦上添花，十分推薦👍👍👍👍👍! 其實，我是為炸油糍而來，蘿蔔絲載得滿滿的😋😋😋😋😋! 下次會再為炸油糍而來呀🙋!