源記燒味粉麵茶餐廳 (Moved) New Location

除夕party倒數過後，零晨2點半搵宵夜，同朋友響呢一條街見倒唯一一間仲開緊嘅餐廳，二話不說就入去搵食。店內坐滿去完Party嘅人佢地餐牌都幾多選擇，主打湯粉同燒味，另外炒粉麵飯嗰啲都有齊晒，不過呢個咁旺嘅日子，本來想叫個炒公仔麵同埋燒味飯，侍應姐姐表示「百無」😂😂 只剩下湯麵類。無辦法啦附近都無咩嘢好食，我地叫牛腩河、牛腩米、墨丸牛肚米、牛丸麵。牛腩有驚喜肥瘦適中好淋好好味！墨丸幾彈牙，牛肚都好淋幾好味😋 好啦～ 雖然乜都無得食，都俾個好評你啦😂

今日做facial前食左個下午茶先一個人就揀左間港式茶餐廳hea下餐牌都幾多選擇有飯麵飽餅多士不過唔想食太飽肚嘅野所以揀左個黑白奶油脆豬～遇到個侍應姨姨好好人問佢有咩飲品好介紹佢介紹左我飲鹹桔檸蜜話聽到我有幾聲咳喎超貼心！奶油豬唔會好硬好實熱熱的脆脆的黑白醬原來係煉奶同朱古力醬唔會太甜都幾有新鮮感！杯鹹桔檸蜜所反而係今餐嘅重點！鹹桔好有心機，碎上，所以好出味！檸蜜超好味，真係要多謝侍應姨姨嘅好介紹！

街道水淨河飛我們要在區內食晚飯源記燒味粉面茶餐廳算OK他們的焗海鮮意大利粉價錢合理68元如果加上一個小食豬扒煎雙蛋只係38元送上油包個意粉有兩舊唔錯的魚塊兩隻蝦仁仔些少螺片多少鮑魚菇紅色黃色椒片蕃茄塊紅茄汁本人的煎豬扒慢慢煎因為根本無什麼人客要一套刀义直情鋸扒咁樣以前在此我非常奄尖嫌三嫌四現在非常時期好多尖沙咀茶餐廳生意幾乎少到見底源記晚上得三四個侍應實在慘淡再咁落去本來唔太差的餐廳都未必頂得住而且而家生意淡季招呼就好啦：真係要支持下

一班同事叫下午茶，筆者叫了豬扒麵、庵列、菠蘿油和熱檸茶。除了熱檸茶，都是強差人意。即食麵外賣回來後會索水發脹是正常現象，但這個麵有奇怪的油抑味。庵列很油，蛋沒味。豬扒沒有拍照，黑得像瑞士雞翼一樣。菠蘿油的牛油呢……原來只有少少搽在包裡面，溶曬吸曬落舊包度……菠蘿的顏色黯淡，咬下去又幹又鞋又韌。只有熱檸水是沒伏，但如果連一個簡單飲品都能做得差，那就真的嚇人了。本來不是叫這家的，只是其他常吃的都賣曬，才選擇了它，應該不會有下次了。

有時口味真係好得意，突然之間好想食魚蛋粉面，源記又甘出名，我地又係昵到附近，甘就更係去食源記啦，無牛不歡的他，叫了牛丸拼片腩，牛.........香噴噴，牛丸彈牙好味，牛腩夠腍又入昧👍👍👍👍魚蛋拼魚片頭——-我的至愛🐟😂😂😂好有🐟魚味道的魚片頭➕魚蛋當然彈牙有口感➕好味道加埋辣椒油一齊食，正麵質又爽口，加小小醋食仲正檸🍋檬茶味道濃郁，夠晒冰凍又解渴侍應又有禮貌，卡位座，坐得舒適👍

嗰晚我哋兩個人叫咗一碗牛肚河 一碗牛雜河， 點知啲牛肚好似生 未煮熟 咁樣， 好似 橡筋咁， 難食到死。 其實呢次唔係第一次，上一次 大概 一個月前 食牛肚麵 d牛肚都差, 可能佢哋流量大, 人流多, 所以啲牛肚冇煮淋就畀人 食... 今次寫食評係想提醒各位巴打, 呢間嘢啲食物 越來越差每況愈下, 我唔會再去食牛肚麵

果日上完training 時間的一個小時又唔想行咁遠所以就係樓下間餐廳食個LUNCH間餐廳都好似做左好多年咁有好多熟客而且好多自由行坐低之後睇完餐單後一陣就上台喇味道好香而且材料好新鮮份量適中仲有一碗白飯加一杯凍飲簡直無敵因為實在太餓而且趕時間後來老闆仲送湯真係好窩心我地一班同事都覺得好好飲真材實料完全無味精食飽之後仲可以坐多一陣之後幾日食早餐都黎呢間茶記因為老闆好好人而且上菜快大家下次可以黎試下！

下午茶時段，進入此店，侍應有禮的帶位。我示意侍應點餐時，侍應面帶笑容及有禮的幫我點餐。我點了常餐，包括有鮑魚火腿通粉，奄列跟厚多士，熱檸檬利賓納。對於一般茶餐廳而言，雖然一般，但味道尚算不錯了。尤其是湯粉的湯底做得入味，但通粉較軟身了少許。坊間很少有檸檬利賓納，多數只有利賓納，這杯檸檬利賓納，雖甜，但總比起沒檸檬的不太偏甜。唯直得一讚的是侍應們的服務態度，他們面帶笑容及有禮貌，而且有細心留意食客的需求。臨走時，侍應有禮的跟我說多謝，bye bye。這次雖是一人獨自吃下午茶，但得到侍應細心款待，感覺很窩心。

返家途中經過，被門口的廣告吸引住，外賣左個淨牛筋腩加餸，剩惠$145 ，加了$1 外賣盆，但收到的是一個蓋不穩的發泡膠盒，回到家D 湯全部倒瀉晒落膠袋。收得人咁嘅價錢同埋外賣盒錢，就應該有良心D, 用可以完全蓋緊的外賣盒！

每一次食嘅 都唔同質素， 又時大分，又時細分。 要睇廚師的心情，個湯就煲得幾好， 這間人流太多， 沒有座位，只好外賣回家。價錢好貴，閒閒地食50幾妏，外賣仲要漏汁，煩呢，希望改善吓。

晚上公司工作到很夜就在附近找少少東西醫肚好多茶餐廰都關了門記得附近有間源記餐廳在橫街窄巷一旁晚上零辰一點餐廳很少人裡面四四方方不算很大隨便找個卡位叫了牛筋河我的牛筋河非常慷慨 。牛筋色水靚睇落蚊得好淋身食落去蚊得真係好淋牛河湯底熱度夠。這碗河粉我覺得最好吃之處在於河粉本身非常非常滑，好像一吸就可以SIR 到肚子裡那種，而且薄厚適中。如果湯底再濃一點會更好應該沒有多味精吃完河粉沒有特別覺得口乾是件好事情吧。

对于来香港的游客来说，来港的前两天每天都去找那些名气大的餐厅吃饭，以为能体验一下香港特色，结果价格又贵人又多。后来有一次意外的这家店打包了一次宵夜，从此以后就顿顿都在这里吃了。。。吃的东西很全，基本上你想吃的港式茶餐厅的东西这里都有，而且价格便宜。随随便便都能吃的很饱。这才是真的香港的味道。

雖然搬左舖而且全新裝修，富麗堂煌但出品更差。菜色魚翁撒網包羅萬有，但有咩用呢？以前好食既舊舖全部執晒﹗最討厭招牌太光，勁燦眼連字都睇唔到，鬼知您間麵檔叫咩名呀，大陸色彩濃厚。牛腩麵走蔥，放低已見到起晒泡，心知不妙。鹼水味濃烈而霸道，您係勁既。麵質腍劈劈，沒半點爽彈感覺。牛腩肥騰騰，三份一為肥膏，要咬掉先入到口。 瘦肉質好腍，淡而無味。湯底水汪汪淡茂茂，牛腩同湯底半點香味也沒有！跟以前既味道、質素完全不同，天淵之別！我地還以為去錯左地方添呀 ﹗牛腩河，技安直頭見到勁肥腩河已經唔想食，黑晒口臉！但又唔想浪費，硬著頭皮試幾啖，同樣要咬走晒肥膏先入到口，咬完只剩少少肉食乍，真陰功。一邊食就一邊大大聲投訴，湯底無味、牛腩肥騰騰又無味、河粉又腍又碎又散。話想放棄唔食，去其他餐廳再食過。玩野咩？我實在已經太睏，是鬼但食完返屋企算啦！帶您去 Ozone 食好野就口黑面黑，係要黎食垃圾先安樂既，咁鬼犯賤既？Ozone 埋單 $3000 蚊飲香檳食生蠔食刺生，係度厭三厭四，食到黑口黑面！依家 $100 蚊黎源記垃圾您滿意喇麻，開心晒啦！

係源記計埋今次總共食咗兩次飯，上一次嚟係食早餐，今次決定要試下食lunch！點咗一份套餐同菠蘿油加炒蛋奶茶，奶茶太苦，每次都要加好多糖先會覺得有少少甜，個人更加鍾意飲凍檸茶哩度嘅菠蘿油味道一般般，酥皮唔夠脆，唔係幾好食煎蛋好嫩，不過一定要趁熱食，凍咗就唔好食啦鮮茄海鮮意飯，因為係現焗嘅，所以要等一陣..服務員態度唔錯，芝士會拉絲！而且好大一份，兩個女仔都食唔曬成份！鮮蝦雲吞，啲鮮蝦好正，湯底都好清甜，而且雲吞夠曬大粒，唔洗驚著會唔飽啊

源記相信很多人也光顧過，而且一定不會感到陌生，而我也是一樣。只不過我通常都是選擇了他們的燒味飯或牛腩河...很小會選擇其他食物。不過今日選擇下午茶時段炸雞脾配西多士加熱檸水食物一上抬有點失望雞脾好似炸得有點過火，可是一食點解同👀見會有那麼大的分別，雞脾外皮十分脆口肉質鮮嫩炸到剛剛熟而且一路食雞汁一路流出來非常西多士很厚身而且夾了花生醬，食落不會一口油很有水準，真係估佢唔到值得再來