源味甜品小食 (Closed)

足料好味糖水。今日放工到紅磡食飯，行經過見到呢間糖水店，糖水種類多又有小食，雖然很飽但都外賣咗兩碗糖水回家食，楊枝甘露及腐竹蛋糖水，佢哋價錢很平民，嘩一睇碗碗超足料，又好味😋，正啊👍

食完晚飯想買宵夜又唔知食咩好，剛好路過見有人排隊，本來想點大家推介的芝麻糊，點知賣晒，就點左個麻辣雞腎及麻辣芽菜試吓，點知兩個都超級好味，而且份量也很足，兩個人宵夜剛剛好

因為10點後唔可以堂食嘅關係所以叫咗外賣，見到佢個「爆爆珠涼粉」好吸引，天氣咁熱就最適合食啲凍嘢🥶 賣相冇咩特別，但味道方面就好正！啲爆珠嘅汁係甜甜地，幾開胃，配埋涼粉真係一流！一定會再encore！！😋😋

依間野開左好耐 但次次經過都無食過一次🤔心掛掛想食甜品 於是比個機會我去試下係伏定唔伏🤣🌟芒果蒟蒻爆珠涼粉($36)餐牌寫住個new字 其實只係加多左芒果😂咁新來新豬肉 新人就試下d新野只能說可以係伏 又可以唔係伏🤣唔伏係因為個份量真係超級無敵多!全部野都唔手軟咁比 芒果都係🤭而芒果無根唔酸 已經好好😂所以$36絕對抵食🤯大碗到可以兩個人share伏就因為全部都係罐頭野😂超級普通得來總要無咩味 個涼粉偏硬無味 所謂既蒟蒻都係如果唔夾埋d益力多爆珠同埋芒果一齊食先有味 我都唔知自己食緊d咩😂⚠️總結來講大兜足料夠平唔係伏 但麻x煩既我覺得難食就係伏🤣⚠️我估佢中式甜品同埋有關芒果既甜品應該會好食d？🧐

店鋪細小但每款糖水用心製作，推介渣渣一定要加花奶同椰汁，味道適中。番薯薑汁糖水好好味，薑味重，蕃薯夠唸同香甜，冬天首選，食完暖胃，係女士們最佳暖宮首選。最後當然另加芝麻湯圓，粒粒充滿芝麻香味。

餐廳雖然空間很少之前有三張枱 但重點是位於紅磡大街小巷價錢非常平民 食品質素也不馬虎價錢應該是全九龍區最抵食的 楊枝甘露正常應該$35以上 佢只係買$22 而且份量比其他店舖的多出一倍 芒果十分鮮甜 西柚分量十足沒有苦澀味

嗰晚同朋友食正放題 而又咁啱冇現金傍身 朋友又有哮喘 老闆好主動邀請我哋入去坐 而當晚坐喺度嘅食客都一直話 啲甜品好抵食 坐低望返個餐牌 真係抵食 廿零蚊一碗糖水 宜家真係買少見少 最重要係小店係有陣人情味 連鎖店越來越多的時代 呢種味道太過罕有 嗌咗椰果涼粉 價錢平得嚟料又足 原諒我當晚心情久久不能平復而唔記得影相 但只要你嗌過一次就會知 涼粉同椰果嘅量係多過市面好多3 40蚊嘅一碗椰果涼粉 個人唔鍾意食太過硬實嘅涼粉 而此店嘅涼粉嘅軟硬程度對我而言啱啱好 有經過或者有機會都會再encore

这区近年成为了搵食新浦点，单是糖水店也有4-5间。今天光顾的店已有一点历史，她的主打是传统广式甜品，对那些绵绵冰/沙冰的新玩意反而没有太大推广。小编今次点了一碗渣咋汤圆和芒果西米露。渣咋汤圆味道适中不会太甜，最重要是汤和渣分明不会成糊状。在一碗冻渣咋上加两粒热汤圆，真是画龙点睛。芒果西米露也不错，西米一粒粒清楚地浮现，QQ而且有咬勁。加上新鲜的芒果，一酸一甜令到整碗糖水的口感和味道都层次丰富。除了糖水，他也提供一些小食，下次来再试。

近來唔知做乜好愛芝麻類嘅野芝麻撻芝麻湯圓芝麻捲蛋我通通都食紅磡嘅源味甜品小食其實小篇已經食過好幾次舖仔細細但有種好warm嘅家庭feel可能因為啲姐姐叔叔好親切小店就是不一樣 街坊鄰里關係好源味內用座位不多 十幾廿個位都好多人買外賣除左人情味 食物價位亦都相當吸引大部分$25內有找 唔食甜野嘅吃貨唔使擔心 源記有提供幾款價錢相宜嘅咸食小編今次外賣熱芝麻糊($18)價錢平 大碗得嚟有濃濃芝麻香芝麻糊食得出唔係開水沖出嚟因為食到沙沙口感 夠香濃 大推啊

食飽飯🤤食返碗糖水先😋呢度既糖水好足料 味道唔錯 價錢又唔貴🤓除左食糖水 仲有小食可以叫😉😚咖喱魚蛋都好正😍😍😍可惜呢度既座位唔多 可能有啲逼 要將就下😬

呢間係我願意等一個鐘等1530開門既糖水鋪，原因係平靚正餐牌比大家參考一下鹵水鴨腎，有次叫左麻辣係惹味好多，但對於我呢d唔係好食得辣既就唔建議，份量都唔少，墊底既係有得單嗌既涼拌大豆芽，超好食（平時我係唔會食）咁樣嗌可以食晒2款，細食人士可以叫半份$10 咖喱魚蛋豬皮係必叫，好入味抵食每次我都係食桑寄生蓮子蛋茶，呢度係用初生蛋，份量剛剛好唔會太滯，仲有紅棗比起出面無咁藥材味，如果怕桑寄生陣味既可以試下呢個，我就2樣都喜歡。係地方比較淺窄，食完就快快趣讓比下一位，其餘我覺得係滿分。

真是小店，鋪內大部分都是煑食的地方，只有一張小圓枱和牆邊勉強可坐2人，店外亦有小長枱面，可企住堂吃的而已。晚飯後來吃甜品的人特別多，店內很快便坐滿了，所以很多時都見是買外賣的。這小舖的甜品價錢幾實惠，腐竹白果薏米糖水只承惠$15，可要雞蛋戓凈糖水的。腐竹煑到溶晒，白果超多，微甜，又滑又潤。楊枝金露，可能季節問題，芒果唔太甜，但稠度適中。咖哩魷魚、魚丸，咖哩魷魚爽脆，咖哩少辣但惹味。如唔太餓，小食加糖水剛好。

源味足料喳咋：首先呢間嘢真係唔多起眼，要行到內街先見到，但佢嘅糖水真係好平。而我食呢碗喳咋係加埋椰汁同花奶，首先佢真係唔會好甜呢個真係唔錯，而佢嘅喳咋入面啲雜豆我覺得太多，攪到食一碗已經好飽，而雜豆都煮得好淋唔會話好硬，整體都唔錯可以再食。

係紅磡搵食，行過一條巷仔，發覺有一間細細地嘅鋪頭，專賣自家製糖水及小食。湯水選擇唔算多，主打中式糖水，但全部都好足料，而且價錢相宜。係同區都搵唔到有俾佢性價比更加高嘅糖水店。缺點就係堂食地方比較少，得一張大枱同兩張細枱。如果唔介意企喺出邊食的話都係一個好選擇。

中式糖水舖始終都係不會被新派甜品舖取代到架！太花巧都未必係好事，基本做得好先至係強盜。紅磡曾經有一間好大間既糖水舖（機舖對面），外界多數都識得佢，但幾年前係紅磡開左呢檔中式糖水舖後，真係每次想食中式糖水都係嚟呢度，平，足料，好味！佢真係好細間，得幾個位，所以99%都係買外賣，今次堂食，叫左一碗薑湯蔴蓉湯圓，好好味，夠薑，蔴蓉味夠，皮軟糯。另外叫左碗鮮芒果涼粉，好大碗囉。坐就真係好逼架喇，食完拿拿臨走等下一輪客有得坐低食。