圓玄素菜館

Open Now

Now Closed

五個人尼食叫左個餐....有鮮竹卷+ 荔蓉魚+ 羅漢上素+ 八寶豆腐羹呢間野....都真係幾好味....我好少食菜食齋....但係都覺得呢間野真係冇得彈由細食到大的荔蓉魚....d 芋頭味超濃超好味最緊要係佢個皮炸到脆卜卜.....食落去真係先知咩叫享受豆腐羹...有d似粟米羹....不過比d 罐頭淡味d不過都好正~~因為d 料好夠上素....什巴難~ 一定有野arm 你食....正宗的齋菜處理手法....好有驚喜鮮竹卷.....點埋d 急汁就剛剛好呢間野....雖然係隔涉d.....但係都好值得尼試一試....順便拜下太歲果d嘛~

同家人清清腸胃,嚟一餐素菜,順道拜祭一吓簡單的叫四餸加白飯來吃,炸春卷,脆皮荔蓉魚,冬菇發菜,羅漢齋!炸春卷唔會太肥,油少,幾好食,如果炸得脆一點會更美味,但係配合番環境場合,又覺得咁先適合!脆皮荔蓉魚都唔會太油,只係芋頭本身係一樣好易會食到滯既食物,所以我食左唔係好多,媽媽喜愛芋頭,所以佢食左一半!冬菇發菜,羅漢齋處理得比較清淡,又係嗰句:食素清淡少少絕對係好事,更何況味道真的不錯!

每年農曆年初及年終總會抽空來圓玄學院的太歲殿祁福，記得這個那習慣已有十多年，而近幾年若可以的話，都會光顧這素食店，一來時間緊張，可在這裡處理掉午餐後還可繼續任務，二來這裡的素菜烹調還算可以。而剛在上月下旬豬年仍未完結時，就襯有些微空檔期快快過來還太歲之餘亦可一飽口腹。羅素齋炒麵仍是保持水準之作，伊麵不腍不軟，頗有咬口，而羅素齋裡的用料豐足，但部份乾茹就由以往大型Size換回現在的中型Size，味道就淡了，這可跟近來南貨價錢猛升無不關系，但整體上還是可以，起碼炒制得宜加上油量不多已經算是健康美味！

年初二下午去不知是否假期關係，唔可以散叫，於是叫了一個六個餸的套餐餸名就不記得了個芋頭魚真的頗好吃個皮脆脆地個甜酸汁都好得個煎/炸鮮竹就ok 起碼熱同脆有個豆腐羹味就Ok 不過無乜料其他三個餸(草菇菜芯、羅漢齋、柱侯豆腐)就完全唔熱個菜芯甚至係凍只係上面些草菇汁係微暖個柱侯豆腐都唔係柱侯味基本上除鮮竹係熱之外，其他都係一落單後好快就到，食物一早整定所以唔熱/凍overall, 試個今次，無下次$: 套餐:$288 茶錢:4/head 白飯另計(約4/碗) 另有個蕎頭放在桌上逼你要同加一

奴隸獸不懂得欣賞菊花，不過對豆腐花的興趣就濃厚得多。主人為菊花拍完照後，剛好是午飯時間，所以光顧了圓玄素食館。點了：1. 脆皮荔蓉魚（HK$40）：芋蓉味道濃郁，亦頗香口，可惜太油膩。2. 碧綠鮮竹件（HK$30）：金黃的鮮竹件軟身不韌。椰菜鮮嫩香甜，味道可口。不過與前者一樣，比較油膩。兩款菜式可以用油少一些就Prefect 喇！

見快到埋年，除了要應付手頭上的事情外，立春前的還神是不能省卻的，就跑來這裡還神之餘順道幫襯之裡的素菜。是日週未，來還太歲的香客都不小，攪掂所有程序後都差不多兩點多，見來圓玄學院差不多有十年，但一次都沒有幫襯過這裡，是趟就來這裡一會。一個人，就點選最簡單的羅漢齋伊麵；其實這道菜最難處理是油份多少及芡汁的厚度，當然材料新鮮與否及種類多小亦影響這食味。這裡的羅漢齋伊麵是焯熟後再將炒好的羅漢齋放在上面，這樣的話油份較少但鑊氣不夠不過亦是我杯茶。講到材料，這裡種類及新鮮程度不差，尤其是用了坊間小用的黃耳，爽口之餘亦有菌類的獨有香味；另這裡麵根沒有死實的口感，又不會過份油油膩，配上這裡的芡汁，不錯。這裡其實算是荒山野嶺，但環境一欄亦算是乾淨企理，連洗手間都算乾淨；看得出這裡的待應年資不小，因從待客的愛理不理，沒甚笑容的老店招呼級數一模樣；價錢其實都幾超值，連茶介加一都只是三數十元，下次過來除了拜神，又多一個節目。

1月4日15:30是日補假，見這裡有菊花展，便到此一遊。花比想像中少，遊人卻比想像的多>m<祇好先開餐，再影相。人少但仍要搭，要了羅漢上素和白粥。羅漢上素：賣相差-過火，應是翻熱之作，所有配料乾、實而咸，令菇類失去了鮮味，豆品失去了豆香，菜心是僅有的清甜。白粥：是杰非綿，幸好米香仍濃。同的食客更投訴不夠熱，食味比已前差，花式比從前少，無魚、炒麵等等欠奉。素食還是雲泉好！

很久沒有到過這裏了，辣椒女父母想來這裏行行；又剛好遇菊花展，當日真係人山人海。我們看了一陣菊花和影相後，便在內裏的素食館食午飯，這裏有套餐或散叫，和一般酒家沒有兩樣，我們叫了八寶豆腐羹、羅漢上素、香脆鮮竹件和郊外油菜。八寶豆腐羹- 和粟米羹很像，只是豆腐比較多一點，可惜唔夠熱(相信一早煲起一大窩)，味道也太淡，真係好普通。羅漢上素- 個獻好杰，味道麻麻，食了少許便放棄了。香脆鮮竹件- 叫做最好的一味菜了，味道幾好，可惜唔多脆，相信又係因為一次過做好多，所以...郊外油菜- 唔知係唔係鹽太貴，油又太平，又無味又多油，好在都叫做新鮮。價錢唔算貴，想食飽就容易，想食好就唔好來了。

＜唔係作大，千真萬確！＞<br>　　我一家人o個次特登去睇菊花展，午飯時間，食堂內好多人，我o地坐o向入口右手邊，最近沖茶位靠窗o個張大圓檯。最慘係我地食到中場至發現。因為我表弟仔好快食完飯，要落地玩，點知俾我見到檯底．．．（牆邊）有舊細細長長仲乾乾o地o既貓屎呀！>.< 好核突呀！即刻食唔落，直頭要嘔！(我諗其他人或者伙計都唔知o既！）<br>　　原本好好食o既芋頭魚都唔食喇！仲唔拿拿臨埋單走咩！<br>＊記住睇花拜神都唔錯，食o野就唔好喇！

芋頭魚=excellent (my favourite food)青菜=一般(太多油)Service=一般Price=都算合理總結=不過,圓圓學院的交通不太方便