圓玄素菜館

Open Now

Now Closed

今日同家人去"玄圓學院"還太歲, 見到之前其它人的食評都幾好. 於是試吓,點知失望而回了....餐廳環境也幽靜,可能係平日星期一唔係好多人, 侍應的服務態度一般, 但餐牌就沒有之前食評見的咁多選擇,睇清楚D...點解餐廳係"樂農 Happy Veggies"既分店(外判咗 ?), 心諗唔怪之得餐牌唔同晒, 但係都開咗壺茶 ($8位) ,想走都唔得, 唯有照落單. 之前既"酥炸芋泥蝦"沒有了, 唯有叫"炸芋泥魚"啦,其實味道都一樣,係個外型唔同 (年年有餘 $68) ,要了一個例湯($10),沒有太多選擇之下,加多個"羅漢齋炒面"($68) 應該是最安全的!!! 點之碟炒面上枱時,加送一隻"衣夾",同女侍應講,佢取走隻"木衣夾",講了聲"對唔住"便轉頭走, 當時我也沒有想換過另外一碟, 回到家睇返相片, 才想 "希望隻夾只是放係碟邊,而唔係同D羅漢齋料一起炒. 食物味道一般, 可能有其它菜式好食我唔識叫,不過....我以後都不會再去了.

勞動節陪家中兩老去食素，人不多，舒舒服服食個午餐，叫左菜心 - 失準，菜好老春卷 - 美味脆口芋頭魚 - 很足料炒雑菇 - 份量十足總括而言，食物水準不過不失。吃完午飯可以在圓玄學院及旁邊的四方寺行下，不失為假日好節目

通常人們都是坐小巴上山的，但這次我與K決定行上山，問了住綠楊的朋友，她說經山路可到的，但途中會還到惡犬，還勸我們坐小巴好了. 但我們已決定要行上去了，那些惡犬不算甚麼一回事.我們於村落中找不到上山的方向，甚至連指示牌也看不到，幸好路在口邊，向村民打聽知道有小路可上山，但與友人所指的路徑有出入的. 我們依村民的指示上山，沿途風光旖旎，滿山翠綠樹木及花朵，還經過一條小瀑布，感受到大自然的美，但當中也真的遇上一隻沒綁起的白色唐狗，幸好牠只是吠了兩下，沒有跟着我們. 這美景令我想起一套以西貢蠔涌為背景的寫實電影，香港仍然有很多未開發的地方，仍然保留着大自然的氣息，我們應該要珍惜呢!經過大半小時的步程，我們終於到達圓玄學院了，第一件事當然是吃素啦! 齋堂面積不大，閒日的下午一時多客人不多，我們可以坐4人圓桌，不用搭枱，真是太好了.未前來時已想好要試網友說很得意的香酥荔蓉蝦($50)，友人選了金菇素球($48)，飯/粥 $8/碗，茶位$8及加一服務費.由於行到身水身汗，那麼熱的天氣有甚麼好過喝一罐透心涼的汽水呢? 沒想過齋堂內也有汽水供應，連啤酒也有，雖然對我來說，在佛堂內有這些飲品供應實在有點奇

一年一次上圓玄學院食素, 今次同2位老友, 一起上出素食.點了以往食開的食物, 每年再食都保持同樣水準.師傅非常認真.1.脆皮荔蓉魚, 芋頭蓉魚, 外皮香脆, 芋蓉入口香滑, 芋頭味重, 加上酸汁一起吃, 感覺好像不會太油膩, 2. 羅漢齋上素, 必食之食物, 素齋材料有雲耳, 生根, 青豆, 雜菇, 豆腐, 冬菇, 草菇, 紅蘿蔔, 馬蹄片, 筍片, 生菜底等等. 味道菊味重, 芡汁亦剛好, 保持水準.3. 鮑菰豆腐 , 豆腐及菰相比下, 菰當然味道較濃, 加上豆腐煙韌內面較淡, 二種食才一起煮, 非常之夾.但菜芯比較老一點.4. 素球炆伕伊麵 - 伊麵食落不會太油膩, 拖水後用大火炒, 加大件素雞及草茹上面, 真的令人回味無窮.

上年去食過一次~整體食物+服務都唔錯..圓玄學院既環境又好依早11點去到..暫時無咩人~但見有5圍"本地團"已留座我地同樣坐返上次張檯呢~散叫三個餸+兩個白飯先黎.."素咕嚕肉"素麵筋炸成咕嚕肉~個汁調得好味..酸甜度剛好伴上鮮菠蘿,三色甜椒..仲有少少青豆~食材新鮮"脆皮荔蓉蝦"..之前食過魚~未試過蝦既造型開頭以為係~整到細細隻蝦球既荔蓉蝦估唔到係咁~上檯我不其然爆笑..好似五爪金龍隻手"荔蓉蝦"炸得超金黃鬆脆~又夠新鮮熱辣辣芋蓉超粉糯軟滑..調味夠香~伴甜酸汁食..激讚超好味亦因為新鮮熱辣辣上檯即食~一定係最好食既時刻呢素菜食物中..我最唔鐘意係食店叫"羅漢齋上素"因為本身唔鐘意獻汁太多既小菜~而且仲勁多油所以一定唔會叫食~最後點個.."柱侯豆腐"食材有素肉絲,豆腐,冬菇片,甘筍~底層用灼熟既娃娃菜爆炒食材少油+夠濃味~配上娃娃菜..一清一濃味道好中和白飯整體食物..依舊好食有水準~服務都好唔錯^^圓玄學院環境夠古代feel~久唔久都有人黎取景拍劇呢

適逢立春之後嘅星期日，特別多人到圓玄學院拜太歲，我家亦係其中一份子！排完一輪隊︳又迫完一輪，見有啲肚餓兼想兩老抖抖，所以選擇咗就喺圓玄學院食齋！入到素菜館已人頭湧湧，大多數都係旅行團嘅團餐，要行到好入先有做散客的枱！坐落都搞咗好耐先有人招呼，我諗呢班老伙記都唔係成日要招呼滿場食客，有點混亂！是日正值新春期間，所以都係無得散叫，只有預設的套餐，見反正都坐低咗，貴少少都算啦！四個人叫咗個四寶齋發菜豆腐羹＜＜＜真係加埋都唔知有無兩湯匙豆腐，用料少得可憐！髮菜少到唔落都無分別，味道就只有胡椒粉嘅味！羅漢齋粒 ＜＜＜都比較咸，仲好雜，真係佢有咩就比咩你，但又唔係一般嘅羅漢齋嘅煮法，佢係用豉椒嚟炒，總覺怪怪地！荔蓉魚 ＜＜＜無傳聞咁好食，仲散散地兼削削地無咗應有嘅酥，芋頭嘅味唔太有，好在個酸甜汁都仲OK，但魚邊嘅五枊菜就有啲怪味，可能平時少食，食唔慣！鮮竹件 ＜＜＜係唯一一個覺得好食想加單的一個，外脆內軟，食得出佢係將腐皮搽上味料卷好再炸，真係幾好食，再會去都因為呢個菜！但最離奇嘅係埋單嘅時候，竟然出要兩個價錢！同枱上嘅價錢相差咗兩成！難道圓玄學院都有遊客價？要求查單嘅時候同呢班老伙記

每年都會到圓玄吃一次齋，但這年適逢挑的日子是農曆七月十五，除了孟蘭節拜山的人潮以外也有本身初一十五吃素的人加起來，在荃灣小巴站甚至已出動警力圍起膠帶排隊，最後分幾架的士前來。在內廳已留了大檯，除了已預訂的套餐也外加了春卷炸腐皮等小吃，可能是日多人燒香之餘又全院滿座，空調顯得不夠。酸齋一向都是吃凍的，但這次吃的是滾燙的，有點不慣但味道不錯；炸腐皮不夠通透；春卷、芋頭魚以炸物來說不油膩也份量十足；菇菌菜蔬很清，不會碟碟獻汁大過天，適合愛清淡的我。服務因人多有點雜亂，但也是有禮，而且採取先付制，省卻很多麻煩，吃罷快快離去，又要排隊等車了。

早前一直都話..想搵日去圓玄學院食素lunch~依日終於去得成11點多去到~素食堂地方算幾大~人唔太多..服務都ok原本每檯會送上辣醬+喬頭~反正不必要就叫佢收走(順便慳返$10)原本服務員推介我地叫套餐~不過我地鐘意散叫多d~依日2口子叫左"香酥春卷"春卷條條都好巨~雖然幾脆口但唔熱囉"脆皮荔蓉魚"..依個係我超勁鐘意既素食之一芋蓉好軟綿綿又夠滑~外層炸得好香脆..伴酸甜醬汁勁好味"碧綠鮑菇"唐生菜好清脆~鮑菇啖啖咬口..調味好平均上菜快到呢..一次過黎晒(哈哈)整體食物都唔錯~由其個芋頭魚最正

我家每年都是清明過後，不再封路，才上圓玄學院拜山，一來不用那麼擠迫，二來不封路便可駕車上來，沒那麼辛苦。拜山後的指定動作便是在這裡吃一頓齋菜，今年一行十人，大約 12:00 到菜館，還有很多吉枱。我們坐下來，侍應們便極力游說我們叫餐，但大家認為餐祇貴在那些所謂素翅上，不值這個價錢，加上家人不太喜歡湯羮，所以便決定散叫。我們一叫便十個餸，這裡的價格很相宜，每個一般的素菜都祇 $30-$40。加上 5 個白飯及 10 罐汽水，埋單連貼士 $545.-，而一個八人餐都要 $7xx。我們由點菜到整枱放滿餸菜(一次過到齊)，都不用十分鐘，很有效率。每次必點的是荔芋魚荔芋蝦，雖然是同一樣東西，祇是 "造型" 不同，但大家都樂於這樣 order，芋蓉很幼滑，外表鬆脆，最是精彩是那碟酸汁，阿姐們見我們把兩碟酸汁也點乾，便多給我們一碟。另外一定要點的是香脆腐皮件碧綠腐皮件，又是同一樣東西，祇是碧綠代表有椰菜墊底，這個永遠都是那麼簡單，但又那麼好味。其它的還有素咕嚕羅漢齋羅漢齋素球鮮菇豆腐油菜兩碟 - 菜心、生菜素咕嚕，這個吃起來的質感，真的有點像。內裡還有菠蘿，很美味。羅漢齋羅漢齋素球，基本上又是同一款

今年的清明節, 為了避開人潮, 決定提早掃墓. 掃墓後, 老姊提議在廟內的素菜館吃午飯. 平常很多人的素菜館, 人潮比正日少得多, 居然不用等位! 於是順理成章地在這裡吃午餐. 話說回來, 上一次在這間素菜館吃素已經起碼是十多年前的事了. 人說"十年人事幾番新", 但這間素菜館的裝修擺設跟以前好像沒有甚麼分別, 仍舊是用即棄的枱布; 侍應們看來應該也沒甚改變, 仍舊是一群對餐牌很熟的老侍應. 看看餐牌, 我們一共五個人, 加上侍應的介紹, 所以點了個"六合素"套餐.可能是套餐的關係, 食物多數一早弄好, 所以一點完菜就已經可以上菜, 所有食物很快就送了上來, 前後不用十分鐘時間! 六合素, 即是有六個菜餚. 首先是八寶豆腐羹, 材料有豆腐, 粟米粒, 雪耳碎, 紅蘿蔔粒和菇碎. 賣相和食味都很像粟米羹, 雖然較稀, 但味道不俗.羅漢上素, 又是豐富材料, 有白果, 雜菇, 豆腐, 雲耳, 冬菇, 草菇, 紅蘿蔔, 馬蹄片, 小棠菜, 筍片等. 材料味道新鮮, 但芡汁較杰且偏鹹, 如果打芡時可以輕手一點會較好. 香酥春卷材料有冬菇絲和紅蘿蔔絲等. 春卷炸得外層香脆, 內裡爽口; 配上酸

每年做完慈善活動表演過後~都有幸得到一圍在圓玄學院素菜館的宴席~~長輩就挑了平日的下午~也選好在農曆十六~避開人潮~~大家吃一頓清齋~志在聚首一堂~~來圓玄學院只有一架班次疏的小巴到達~所以最好多預點時間到來平日的午飯時間人客不多~三數檯客點上和菜~~~而我們一行十四人大大小小就由素翅掀開序幕~~春卷~芋蓉魚~羅漢齋陸續送上~~已既定好的餐牌是為七道菜加一素翅~~~白飯白粥無限供應~桂花素生翅 : 與婚宴酒席一般吃到的大同小異~離不開菇菌素翅配以稠密的"湯底"~沒有生粉/馬蹄粉等thickening agent結成小糰出現~味道甚濃~~也可加點胡椒粉香一香圓玄上素 : 素材豐富的一碟~蘿蔔。草菇。木耳。雪耳。筍。白果等~當中以雪耳馬蹄最為爽脆~~不過中式齋始終醬汁為先~吃到底層會覺有點膩~尤以墊底圍邊的菜心吸得最多獻汁~香脆鮮竹件。香酥春卷 : 底面半煎炸得夠香口~而中層則保留了鮮竹的軟滑層~~可惜油沒有被逼出來~就算沾了甜酸醬汁也解不了油感~反而春卷炸得通透~中間的木耳粉絲蘿蔔絲等都有稍作調味~吃起來較鮮竹件更為香口惹味乾爽發菜北菇。金菇豆腐 : 生菜墊底的發菜北菇~份量非常~素蠔油

訂了三圍各$510套餐, 全單找數共$19xx。茶 - 色淺，無味，無選擇。蒿頭收費：但超鹹、酸。齋菜味道尚可，但荔芋酥魚，有芋香，味鹹，整尾撻在油油的碟上，完全夾不起來，失敗，絕不應出現於圓玄學院。丟架！侍應分別端出用托盤盛滿白飯/白粥(8-9碗)，說 "想食就攞"！誤導消費者。齋堂用膳，通常飯、粥也包括；要收費絕對無問題，應該在菜牌上清楚列明收費：每位茶/芥，飯、粥另計，另收加一。只是付賬是時跟預算相差太大。侍應服務，亦有頗大進步空間。

同老公去圓玄學院還神，順道食個lunch。老公叫左個4和菜 (好似$150)1)八寶豆腐羹 - 好似粟米羹, 熱辣辣好味！不過快d飲晒好... 因為好快就凍。2)脆皮荔蓉魚 - 香口，不過真係太飽肚3)香脆鮮竹件 - 炸得外脆內軟, 非常好食。醮喼汁感覺一d都唔油膩。4) 羅漢上素 - 普通齋菜, 膽食... 待應必會叫你點呢個。基本上冇服務, 自己搵位, 撘枱都要坐... 因為冇人會理你。最好叫和菜... 因為散叫都唔係太多選擇, 基本上最出名最好食既, 和菜已經包晒！當日同我地同枱夫婦，散叫... 點既菜基本上同我地一樣, 只係冇叫個羹, 埋單佢同我地價錢差唔多... 少幾蚊.... 但老公仲多叫左罐可樂。所以肯定和菜係抵過散叫既！

朝早o係皇廷飲完茶, 同屋企人o係荃灣周圍行o下, 由荃灣行到去城門谷, 再行到去西方寺, 再行去園玄, 就去食齋啦.因為唔係好肚餓, 只係叫o左三個菜.脆皮荔蓉魚 - 有o的削, 而且無切開, 好難夾.羅漢上素 - 一般啦, 不過o的墊底菜菜好甜, 好好味.香脆鮮竹件 - 呢個最正, 好香口, 香到我問阿媽其實係咪有蛋, 不過應該無o既, 可能係o的黃豆好靚啦.其實好好味咩, 又唔係, 不過我覺得有時如果要拜太歲, 或者一場來到, 都應該食o下o既, 因為呢到食齋o既感覺同出面齋舖係唔一樣o架.題外話, 呢到o的侍應伯伯動作好慢, 但我覺得咁先係做人應有態度, 好好感受人生.

星期日有空同屋企人特登揸車入去食齋,可能係差不多三點才到的關係,都係得三兩圍檯係到食,一行八人叫咗個餐,每席$510.八寶豆腐羮 -- 剛剛好分到八碗,湯料非常足,味道亦恰到好處.羅漢上素 -- 一般水準.發菜金菰 -- 金菰都很多,亦很爽,發菜亦不錯,仲有菜心.時菜鮑菰 -- 鮑菰很爽,味道仲好過平時酒樓嗰啲.柱侯豆腐 -- 豆腐沒有特別,面頭的肉絲是用麵根代替,吃下感覺很特別.香脆鮮竹件 -- 非常好味,炸得很脆很香.豉椒素根 -- 有豆腐,青椒,草菰,這個炒得很好味.脆皮荔蓉魚 -- 荔蓉很粉,脆皮很香很脆.最後盛惠每人$4茶錢.