粵軒

Open Now

Now Closed

粤軒是沙田区少數的高質素飯店；昨天，因為人多，所以買外賣點心做早午餐；一直喜歡他們的點心，因為蝦餃、燒賣，一盅只有兩件，一個人去，也可试多幾款！😊蝦餃，大且鲜，高質素；燒賣，大大粒，好吃，啱我呢D大食怪；蛋散，好好味；蛋煎糯米雞，老婆喜歡，因为她不喜歡荷葉味；我兩者也可以；咸鱼肉餅飯，肉和飯比例刚好，不會太多飯；牛肉餅，堂食肯定比外賣好吃；粉果，餡夠多，也不錯；棉花雞，正常；昨晚，去同区朋友家聚餐，他們買外賣，竟然又是粤軒，有D搞笑😆。堂吃晚飯的質素相當不錯，我比較喜歡海鲜及湯水。

作為大圍居民，間唔中都會過黎飲茶老實講，環境食物質素中規中矩不過服務態度真係好講運氣要儘量避開個收銀員成日黑口黑面 講野無禮貌 作為服務性行業黎講 表現絕對係負分今日唔好彩，遇到佢問都唔問就擺左另外兩個人黎搭檯明白生意難做（佢應該係主因），交代一聲好困難？想落單叫野食，人手唔夠，唸住耐心等阿姐過黎落單點知個收銀沖過黎話我 話我等左好耐🤷🏻‍♂️今日心情完全被佢影響曬無咩事，都係唔再幫襯或者等佢走左先黎啦

📍粵軒大圍積福街82號 今日難得約返啲舊同事一聚最終約左去呢個度食！一入到餐廳就知，呢間餐廳應該有啲閱歷。🐐古法羊腩煲冬天就係要食呢啲，熱騰騰！羊腩味道不錯嘅，但一路keep住煲的關係就開始有點咸。🦑椒鹽鮮魷，炸得脆口，椒鹽味濃，鮮魷新鮮，可口的。🐓客家黃酒煮雞，大鍋，雞肉鮮嫰，好多料，湯汁鮮甜。冬天食完呢個，覺得個人暖笠笠。🍚生炒臘味糯米飯，堅好食，飯炒得乾身，唔黐口，加入花生非常香口。翡翠花枝珊瑚蚌，味道正常，無特別。送上是日甜品

我進店向店員說兩位，男店員（中年男人）立即非常兇惡呼喝我：你出去安心出去先啦，中入黎做咩？我：我都未拎位，嘟咩呢？惡到呢！我都唔知有咩得罪佢？我未入座緊係拎位先啦！嘟嘟嘟 冇位我嘟黎做咩呀？😤😤😤😤😤😤😤😤😤

母親節到處人多，再次光臨呢一間酒樓，試埋上次未試過既點心。餐牌首先點左之前都有叫過既幾款唔錯既點心。黑魚子花姑燒賣皇，HKD 22。雖然得2粒，但佢一粒等於平時1.5粒既size，所以好抵食。醬皇蒸鳳爪，HKD 32。新鮮，大隻。之後試新野。筍尖活剝蝦餃皇，HKD 22。都係一樣，大大粒，幾新鮮。蜜汁叉燒包，HKD 32。要咬幾啖先見到叉燒，正常水準。百花炸釀蟹鉗，HKD 40。個人認為40蚊得2隻有啲貴，雖然好食，但同出面嘅炸蟹鉗差唔多味道。生煎韭菜蝦餅，HKD 36。我本人唔鍾意食韭菜，但係呢個整得好好食，韭菜mix蝦餅原來咁夾，令我都成舊食曬，必點之選。碧綠叉燒腸，HKD 35。普通，冇乜特別。胡椒湯芋絲蒸魚雲，HKD 36。屋企人話個湯幾好飲，我自己就覺得同平時酒樓差唔多，中上。

因為太多酒樓冇開，又想飲茶，見到呢間有開就去試下。餐牌睇到普遍價錢都中上。懷舊燒腩卷，正常水平，肉肥瘦皆有。用黑魚子幾特別，雖然佢得兩粒，但係每一粒嘅size都好大，有其他地方嘅2-3倍，所以絕對抵。鳳爪就正常，下面用豆角鋪喺底，第一次見。黑椒銀蘿爽肚，五星推薦，最好食的一款點心。爽肚真係唔同平時嘅牛肚，口感特別正！再去一定會encore。如果平時一定唔會特別試，只不過見佢出現係中式餐廳，就試左。總括嚟講都有7/10，五星係比創意。啖啖蝦肉同魚肚，湯汁非常入味。

今日同阿媽去大圍探親，同阿媽一齊梗係飲茶啦，咁今日就揀一間幾有特色嘅茶樓☕。「粵軒」雖然唔係一啲咩大酒樓，但佢個點心做得好出色😋環境質素🏚：❤️❤️❤️❤️🤍衛生程度🧽：❤️❤️❤️❤️🤍美味程度😋：❤️❤️❤️❤️🤍抵食指數🤩：❤️❤️❤️❤️🤍回頭指數🤩：❤️❤️❤️❤️🤍嚟到特色嘅茶樓梗係點返啲特色嘅嘢食啦。我哋即刻去圖😆我自己最鍾意食佢嘅炸鮮竹卷，外脆內軟入面仲好多餡料，加上特製醬汁，好有特色正👍🏻可惜我唔係成日過去大圍如果唔係都會經常食嘅🤩🤩

受惠於隔鄰小館的旺氣，連帶這間同街的粵菜小館也無虛席。接近午市約11:30給我等攝到一張6人枱堂食。也是分兩舖，枱椅不多，其中一舖主打2人4人枱；另一舖4人6人，或需隔板分6人枱搭枱。裝修走簡單平實路線。點心款式總算有點求突破，選擇亦多，於是點的一桌子是。人說此店態度差、冷漠，就今日體會又非也，侍應阿叔收骨碟快、斟水爽，唔該前唔該後。全數蒸點、炸物都熱騰騰端來。印象較深是青芥末脆蝦一口漢堡仔，放了枱面10分鐘後吃，皮邊還有餘脆，蝦膠的蝦味很濃，與芥末挺匹配，雖不止一口而分了幾口吃，但不會吃得論盡到餡也走位。另一款芝士磨菇雞批，熱燙燙，芝士磨菇比較蓋過雞味，但又是個幾口酥，惹味。清酒雲吞雞所用的部位是雞鎚雞胸，免不了鞋口，而且還有點難嚙開，清酒味不覺；小甜甜一口焦糖蛋有部份砂糖還呈白色狀態未能起焦；滑蛋煎米雞活脫脫是糯米雞以蛋皮代替荷葉，中式蛋包糯米飯但沒蛋汁之感。以為雙黃肉絲炒麵是類似䜴油王炒麵模樣，原來是炸幼麵，肉絲芡另上，始終個人不太喜炸麵嫌太刺口，炸得倒是夠脆。其餘點心味道沒啥特別也不贅述，見圖好了。

呢間酒家係大圍已有一段日子，間中都有去襯，食物水準不太差，但員工態度十分惡劣，有上至下都冇禮貌，問人要唔要豉油，人地講緊野，佢叫人唔好笑住，答左佢先真係食到一肚氣，大圍又唔係得佢一間酒家，以後唔會幫襯😡😡😡

收咗兩千蚊消費劵，緊係消費吓啦！想話約埋細妹請老媽子食飯，佢話好，轉頭已經book咗粵軒！佢話朝早同老佛爺第一次去幫襯食點心，質素都錯，想睇吓晚餐質素如何，所以晚飯又訂枱，早晚都幫襯粵軒.我都係第一次幫襯，打開本 menu, 無選擇困難症嘅我都出事，原因當然係心水菜式太多，但肚腩得一個！最後點咗蠔皇蝦子柚皮，疆蔥桶蠔煲，胡椒豬肚雞，涼瓜炆頭腩煲，粟米魚肚羹，椒鹽脆皮豆腐，油鹽水菜芯，豉椒牛仔粒煎米粉.第一次食蠔皇蝦子柚皮，蝦子味沖淡哂，口感好似食冬瓜，蠔油味唔濃無油膩感.疆蔥蠔煲加上大量蔥頭同蔥段，啱哂我哩D好蔥人士，蠔嘅 size 尚算大隻，口感鮮嫩無腥味.胡椒豬肚雞有胡椒味但唔重，雞肉尚算嫩滑.涼瓜班頭腩嘅涼瓜無苦味，頭腩超嫩滑，滿意！椒鹽脆皮豆腐滿意，外皮香脆豆腐軟滑，推介.豉椒牛仔粒煎米粉有驚喜，牛仔粒入味之餘超嫩口，米粉煎得夠香脆，係第二款推介！連哀家都話正！唯一不滿係.... 所有菜式都出現一個問題，份量偏少，另外D人客毫無手尾，開咗門又唔閂，走哂冷氣！

放半日假想去輕鬆吓，約埋朋友去嘆茶吹吹水，意思就係偷得浮生半日閒囉，哈哈！細細間的小茶館眼見只有約十張枱，點心紙只有一張，唔似大集團咁多選擇，但係就有貴精不貴多的感覺！本身想食豉汁蒸鳳爪，可惜點心紙無，唯有試吓鳳爪扎，仲點咗蝦餃、叉燒腸、特式啲嘅青芥末脆蝦一口漢堡，好埋懷舊甜品，俗稱菲林的黑白芝麻卷！上點心的速度唔會太快，青芥末脆蝦一口漢堡和黑白芝麻卷我是比較推介的，蝦確實是脆口，帶點芥末醬十分匹配；另外黑白芝麻卷係我兒時的回憶，而家好多酒樓都冇得食，聽講係步驟比較複雜，所以特別令人回味！政府派左消費券，如果有埋八達通或支付寶付款就最好了！

嚟到大圍 誤打誤撞見到呢間好多人排隊心諗應該都唔差嘅就決定食呢間等咗15分鐘到都好快有位其實我都唔係好記得啲餸菜叫咩名😂😂😂不過真係幾好食 尤其係粒燒賣 超級無敵勁大粒炸嗰個腐皮唔知乜嘢 最好食！不過性價比唔高囉 都偏貴

與友人茶敘，點了以下食物：沙律明蝦角：外脆內軟，味道不錯，沾上沙拉醬更好吃。珍寶鮮蝦腸：腸粉的皮不算太滑，蝦大隻而且爽口彈牙，不錯。黑魚子花菇燒賣皇：這燒賣很大隻，味道就只屬一般。金蔬魚肚札：蔬菜來包着魚肚和芋頭等材料，味道較清淡。香芒紫米卷：這個不太好吃，因為外層由紫米做的皮比較硬，內裏包着的芒果不甜，有點酸。

11月3日一家人幫媽媽慶祝大壽，疫情關係決定嚮屋企叫外賣。大圍區呢間繁忙小店，平時幫襯開呢間飲茶食點心，店舖環境同食物水準都好過好多大酒樓，所以今次試下叫外賣晚餐，菜式包括：百花炸釀蟹鉗豉油皇煎南非鮑魚上湯焗澳洲龍蝦(伊麵底)古法紅燒潮州翅蠔皇花膠扣鵝掌當紅脆皮炸雞上湯瑤柱浸時蔬瑤柱海皇蛋白炒飯蜂蜜脆麻花蟠桃壽包百花炸釀蟹鉗我食過最好食既炸蟹鉗！超大隻！隻隻都差不多有兩粒乒乓波咁大，而且蝦膠彈牙、皮脆，配醬汁簡直一流，真心推介！豉油皇煎南非鮑魚平時比較常食蒜蓉蒸鮑魚，今次試下其他煮法，用豉油汁炒比較香口，小朋友都鍾意食。鮑魚都好新鮮大隻，食落彈牙，不錯！上湯焗澳洲龍蝦伊麵由於店內有幾個大魚缸、每次都見到好多新鮮海鮮，即叫即整，所以對佢地既海鮮都有信心。呢個龍蝦伊麵，龍蝦超新鮮又多肉，連啲汁都充滿鮮味，果然冇令我哋失望。伊麵質感不過不失，如果再多啲汁就更加好。蠔皇花膠扣鵝掌從前我唔鍾意食花膠，因為覺得佢淡而無味，但今次竟然有驚喜，可能因為蠔油炆得好入味，花膠厚肉得黎滲透蠔油汁，好出色。蜂蜜脆麻花媽媽的最愛。毫無疑問外賣唔夠堂食咁又熱又脆，係合理既。呢個食落唔硬，仲脆口，甜度適中，都算幾好

餐廳分咗兩間舖，週末排隊排左30分鐘先有位，餐廳唔會派飛。明白而家生意難做，不過又要搭枱，疫情期間向每張枱嘅距離都好近好似防疫做得唔係太好。。。一籠蝦餃$30/2粒,係好大粒嘅，不過蝦重雪味。燒賣又係$30/2粒，普普通通甘筍鹹水角，賣相ok但超厚粉，未食過禁難食既鹹水角🤢同之前有個OpenRice 嘅評論一樣，腸粉係凍嘅。長頭髮，身材豐滿的女職員大聲呼喝客人，態度惡劣咁鬧隔離枱嘅客。真係唔明白點解個女職員禁既態度仲有人幫襯。。