越興園越南菜館 (Moved) New Location

3月20日，下午到旺角約三時半左右想話搵一些下午茶餐食，走到這間，女人街(通菜街)的越興 園，見是越南菜都想寫一下評語，所以進入。叫了一個香茅豬扒餐包一杯特飲鹹柑橘梳打。賣相來講下午茶餐嚟講都算分量夠，但蛋下的豬扒一看原來很少，比起大家樂大快活的厚切豬扒嚟計算係祇有六成。加一隻蛋連兩條雪藏蟹柳，不過蟹柳其中一條帶酸味，老實對他們反映過後，補上一條但係一樣是酸的。當場吐出。如果超過半百的價錢，換來有這種質素，我覺得可能租金實在好貴之故。服務尚算可以，雖說服務質素可以，笑容欠奉，但最少叫菜時都有回應，可給正面評價。但對食材方面實在敏感度不足，奉勸加以留意這方面。怎會原先一條已經帶酸味補上一條為何還是酸的，唔通切少少試下都難？真是令人費解。其實，女人街內很多食肆，亦都很多一些現在盛行的兩餸飯才25文，越興園對面就有一間。當然這間是粵菜館也不能與外賣店相比。 不過三十零文嘅下午茶到處街市，如果花上五十零蚊而得到這樣食，我體驗是不值得。如果這篇文章能夠幫助到閣下睇緊這篇文章的您請按讚並且關注，這是我繼續為大家編寫食評的動力多謝大家。多謝各位，並希望大家多些關注這是我寫作的動力。

旺角美食出名多，又抵食。 我今次就去左旺角一間叫越興苑越南美食菜館度覓食。我地叫左原個海鮮菠蘿焗飯 (HKD 72)，馬拉盞炒通菜 (HKD 56)，秘製醬汁燒豬頸肉 (HKD 56)，鮮椰青 (HKD 28)同埋椰汁三色冰 (HKD 19)。個原個海鮮菠蘿焗飯，用原個菠蘿送上炒飯，分量好大，用料都還可以，不過味道就太啖，沒有菠蘿既鮮甜，只係好似普通既炒飯一般。個豬頸肉就還可以，都唔算韌。個馬拉盞通菜就好好味，分量又大，係個唔錯既越式小菜。至於個椰青就正常，但杯三色冰就味道一般。

平時系旺角諗唔到食乜，都會行入通菜街睇下有乜食🤔師拉仔貪佢價錢平又多選擇！😬午市個價錢黎講都幾平民，份量都幾多！飯粒加左番茄汁炒到酸酸紅紅的，好開胃，齋食飯都已經好夠味🙂飯都算做到粒粒分明嘅效果，吾系太乾身⋯而牛柳粒加左洋蔥去爆香，牛柳好入味😀略嫌鹹咗少少，不過肉質都好腍身～

吃越南菜，該很保險吧，誰知道……秘製醬汁燒豬頸肉超咸，豬頸肉只肥不爽，肉更鞋口，不知醬汁如何秘製，不香欠味，別妄想會有應有的爽滑豬肉加惹味醬汁了。馬拉盞炒通菜無馬拉盞味，相信是下得太少的因由。通菜本身無問題，可惜勁油又無味的一碟炒菜，難以入口。好過唔食的一餐。

星期六黎到旺角，想食D特別D既野就梗係黎女人街啦，呢到好少連鎖既餐廳，夠晒有特色啦。八點幾黎到，好多都唔係咁多人，唔洗點等位，坐低之後見到餐牌有個2人餐，但係都係覺得散叫豐富D都抵D，因為可以食到自己鍾意食既野。天氣咁熱，就梗係叫返2杯凍飲啦，我自己就好鍾意飲鹹檸七，覺得佢味道好特別又可以消暑。之後叫左香茅豬扒撈檬，賣相一流, D 汁酸酸地噓都幾好食, 豬扒仲一D都不少添。之後上菜既就係咖哩雞配法包，雞肉同汁都好多，所以4片麵包點完汁之後仲有好多淨。其實食到呢到已經幾飽下，偏偏呢個時候個蝦餅先到，不過佢整得熱辣辣，炸得好脆，幾好味，值得推介。

在旺角覆診完，到附近走走找吃，行到倦後隨便入一間食店，中午我們通常是吃湯粉麵或麵包之類，看看菜牌，合心意的食物有限，只好要了個烤牛肉河粉加檸檬茶，焯焯點了生肉河粉加朱古力。兩個河粉都大大碗，牛肉和粉份量很足夠，熟牛肉入口似牛肋條，軟腍之餘有咬口，有牛肉味，生牛肉是例牌的肥牛，不太生，好彩不過肥，烤牛肉較香口和厚身，湯底不肥膩，帶有一般泰式香草味。檸檬茶用青檸，入口酸酸叔叔味，很難飲，我原意以為是黃檸檬，焯焯好人和我交換飲品，但他的朱古力味很淡。

環境昏暗，地方尚算乾淨和女朋友各自點了豬扒湯河和越式海南雞飯湯河味道不錯，份量也適中但海南雞飯完全是搵笨都感覺全碟只有三四件雞，也沒有全部去骨雞肉完全沒有味道醬汁就只有老抽和泰式辣醬，完全不是海南雞的感覺而且價錢一點也不便宜凍飲加6蚊？！搵笨！已blacklist，一定不會再去！

覆診後近近地在附近覓食,見不用等位就在這裡吃,媽咪點了牛油芝麻豬排炒飯配檸檬白酒汁$35配餐飲!豬排啖啖肉不會炸得乾很軟,但白酒汁偏酸而且飯不夠熱這點扣分!另加$6有生菜可惜不新鮮不爽口.自己點了越式炒金邊粉$34,熱辣辣不過沒有什麼配料只屬一,另外點了小食越式蒸粉包比想像中差很多,不夠熱味道不好而且只是木耳 肥肉,沙 爹王好吃得多!或者下次再嘗試湯粉撈檬之類吧!

賣相並不特別精美.但是份量卻十分夠. 算不上大件夾抵食, 但晚飯吃這個價錢還是相當ok的.吊燒雞飯, 燒雞皮脆肉嫩, 只是不太夠味. 當然落左南乳汁就什麼味也不用了. 就只有南乳味.燒牛肉. 嘩. 好多囉. 似乎沒有用鬆肉粉, 還有牛肉味. 不過還是不夠味. 也燒得不夠香.蝦餅, 嘩, 好大塊. 算是好了. 夠彈牙, 有蝦餅的咬口, 味道也不差.

閤餐廳ge裝修好有越南feel比左好ge印象我地枱上面有魚露同辣椒醬叫左兩個雞絲撈檬同甜品枝魚露個味調得好好係食過最好食ge,超級開胃好岩夏天食,極力推介食完用左大半枝魚露不過甜品就早上左d,我地未食完都上左未食完甜品,張單又上埋,好似催我地快d食完咁,li樣要改善下

與娘親相約在旺角辦點私事 之前就一齊食個晚餐填包個肚咁我地無目的咁一直向前行... 見到成條街有三間日本野 咁大家都知最近盛傳輻射就見到間係食越菜就鐘左個頭入去喇因為未到食飯時間... 所以兩個人都可以坐好寬敞既卡位 遲黎無得坐!然後坐低拎個餐牌睇 發覺其實選擇唔多 多數都係碟頭食/粉咁我同呀媽就叫左個 原隻吊筒海鮮飯, 豬肉手卷, 豬肉蝦片, 招牌豬扒, 唔好問我點解全部豬 因為我呀媽唔食牛 得豬揀...

$53。秘制香茅豬扒：一大頁的介紹十分吸引，本本害怕很大碟，幸好不算太多，約四塊薄薄的豬扒，食得又係幾好味喎，入味又鬆化，很軟不難咬…但最後一塊豬扒內竟還有點血…未煮透(嚇得我們在想之前吃的有沒中招…剛才根本沒留意到)希望無事$45。蝦丸包檬：最初以為係炸蝦丸內包著…一些檬粉，覺得幾特別，一於試試…點知一上台才知是兩串分別三粒的蝦丸，微暖而且；另一半碟便是檬粉(已嗌左碟炒檬…弊)算，檬粉是較粗身那種，撈上酸酸開胃的汁料同吃，味道還可以，蒜蔥花生粒各有少許…略嫌汁料不夠酸$44。河內炒檬：與想像不同，這個是濕炒的，帶點沙嗲的椰香味，有菠蘿粒、蘿蔔粒、草菇、芽菜，味道調配得不錯$157服務仍需…加以…改進！！！

晚餐一客2人餐，小食選炸蝦、牛肉手卷、燒牛肉、焗青口，主食要炸雞扒奄列飯，飲品要凍咖啡，椰汁3色冰極正: 炸蝦、炸雞好正: 牛肉卷、奄列、椰汁3色冰 (女朋友話好正!)正: 青口 (略咸) 、燒牛肉 (都係略咸)，但味道好好。有待改善: 咖啡酸了.........紅豆沙不凍不熱.........有點那西整體係好好食，$198 + 10%，218埋單。好飽，好滿足。唔明點解咁低分，幫佢打下氣!人多會試多好多野食! 建議4人同行!

中醫叫大豬介口; 唔食得好多野, 雖人在mk, 但都唔知食乜好.揀左好耐, 食越式檬粉喇.賣相一流, 又幾好食, 雞肉不少午餐set 都ok 抵食.我的牛河仲正, 雖都係廿幾蚊, 但用料一流, d 牛肉真係靚野湯底略淡, 但唔要緊, 咁靚的牛肉, 彌補晒一切!仲跟飲品或甜品, 有個迷你的綠豆沙....服務很細心, 也一讚.生牛河很不錯! 推介唉, 隨住大豬女友介口, 有排都不能食餐勁的了.....希望佢快d好返, 再戰江湖~

睇過其他人食評, 講到差到無人有咁, 我自己又唔覺得噃.事原下午和想去同街試台灣菜, 不過未開門, 女人街附近有幾間東南亞食食館, 未試過這間, 不妨一試.午飯時段, 不用等位. 普通午餐, 只賣廿六, 有飲品. 叫了牛肉檬, 豬扒河, 另加一個小食 粉卷.湯河油多了點, 不過還可接受. 牛肉檬不錯, 起碼夠足料. 粉卷 (不在相中), ok 啦.同在女人街, 有幾間收費貴座位舒適的. 但以 $26 一個午餐, 無加一, 服務 ok 的食店, 已經 ok 啦! 旺角女人街租金貴, 無法啦!如果你要搵平嘅 醫肚之選, 這間可以一試.題外話:當日有對男女, 離開時忘了拿 iphone4, 店員即時題醒佢地.又另外有對男女, 一入餐廳便便大叫 "好熱", 要店員開大樓上閣樓之冷氣, 夠凍要肯上去.今時今日, 飲食業真係好受氣......