粵同軒

Open Now

Now Closed

食過兩次，算是正宗中國菜（不是可怕的新派雜碎Fusion)的難得代表。喜歡新派的會覺得不夠噱頭，真正懂得食的人，卻必會回頭。對於真正喜歡吃中菜的人這間 菜館是性價比超高的選擇： 用料好，而且碟頭足，不會畫朶花在盤和碟上當是食物。而且冇乜落師傅。不是睇低香港出生的師傅群。 他們煮西餐可以，但說到中菜，根本不是內地出來師傅的對手。 原因好簡單，因為好多香港人已經自幼事食外傭煮餸食大，而不是正宗中國手勢！吳師傅是從內地出來，煑一手很好的地道中國菜。無論粵菜或福建菜，火候控制非常到家，而且味道非常道地。食大集團和大會所食到怕的人，會選擇這裏。講多無謂，食多會滯！

北角木星⭐街開左間新酒家，睇真D原來係威菲路道搬過來的。標榜新式粵菜，當然要試一試先。😋酒家門面有點清高，似日本餐廳，入門就見到綠色植樹，格調清雅，似是貴價地方。😅餐廳呈曲尺型，前廳長型有四張台，轉去後面有四間廂房，私隱度足夠。我們坐前廳位置，樓底高，夠高猛開闊，都幾舒服。但是有一個大問題，大門用感應式門鐘，每一個人入來都‘’叮咚叮咚‘’，成餐飯個幾鐘，不停地叮叮咚咚勁吵耳，😵‍💫😵‍💫食物再好也打了個大折扣。🫣這裡的菜式和服務都好，要讚👍。我們第一次來，點了普通菜式，陳醋蕎頭排骨和姜汁芥蘭，非常有水準，排骨明顯不用雪藏貨，做得外脆內軟多汁，淋上陳醋，配酸蕎頭彩椒番茄，搭到所費期望。🤩🤩姜汁芥蘭全用菜心部分，粗梗削去外皮，吃起來清香脆爽，大量姜粒去除芥蘭苦澀味，糖酒提鮮加味，份量還十足不欺場，俾個👍佢。服務方面更是殷勤到位，不忘為我們添熱茶，換乾淨的碟，態度非常好。除了門鐘太吵，這裡還是值得回頭的。😘😘

感謝朋友介紹，係新合時對面嘅新中菜廳，食物十分高質，福建菜黎講係香港係好好食！師傅好有心機，已經準備去食第二次。連普通嘅西檸雞都整得好好食又滑。個炒麵都十分出色，基本上全晚所有菜式都好好食，唯一一個普通啲嘅係土匪雞。價錢方面，個人認為合理，連小費每位$750，仲有魚翅同鮑魚，有英倉。魚翅個人非常推介，個湯好正。必食滷水鵝肝、翅、炒麵、英倉、粉果、黑醋骨、雞👍🏻絕對值得一個食評😝最好提早預約，位置唔算好多，有獨立房間。