裕吉堂

Open Now

Now Closed

睇片知道三位老闆當中一位是獲取中醫資格，所以專程過嚟睇睇有咩飲品，有無類似涼茶嘅茶飲。充滿年輕人喜愛日系風格小店裝潢，亦都會見到年輕歌手嘅應援poster。店方原來有一杯名為「招牌複方燉檸檬」，睇介紹係針對聲沙咳嗽，方便病癒或者多用聲或煙酒過多人士飲用。飲一啖不太甜😋，由於係熱飲飲完之後會有涼喉感覺，口水立時明顯增多咗。一杯都有數塊製過檸檬之餘，還有數塊專門改善咳嗽喉沙嘅「玉蝴蝶」中藥材(懷疑可能還有「胖大海」㖭)。以這定價都是物超所值。若遇到這位老闆都會了解你狀況建議是否適合飲用，抵👍。老闆不妨多創造另類特飲，健康養生。下次要試埋佢d食品先。

作為街坊，都唔係一兩次幫襯，但今次太失望。平時都買開葡萄柚冰茶，都係好飲，亦會推薦俾朋友，但係今次再買，真係太太太過分。杯茶嘅葡萄柚完全冇切，大大舊，之前明明係切薄片，啲果皮浸到杯野都變苦，之後唔知係咪冇落糖漿，加上茶底又淡，加埋就係一杯又冇果味又苦嘅冰水⋯仲係買兩杯都係一樣咁難飲⋯可能真係冇人返工，啲出品都好大出入，幾時買奶茶都要睇彩數。希望可以統一返啲製作，唔係嚟買奶茶都要有勇氣。🫠老闆喺到會好好多，態度又好，出品都有保證。土瓜灣已經執左好多奶茶鋪，裕吉係好飲的，希望唔好再有下次，唔係都唔敢再幫襯了⋯希望老闆可以專注返係出品就好⋯

平時唔會嚟土瓜灣，知道有好多小店喺到但過嚟唔太方便，今年Tiger@Mirror生日喺哩間手搖店搞應援，就專登嚟試吓開心店主出心出力佈置到好靚比FANS打卡留念，平時都會幫手派應援，真係好有心小虎隊 &自家製草本蘋果糖小虎隊係為Tiger生日特別設計，店主話佢為咗哩杯嘢杯每日係果欄採購新鮮芒果嚟整哩杯嘢有咗日本芒果同水仙芒打成沙冰，令杯飲品酸甜口味有層次感同好消暑，因為行過嚟真係好熱，加埋茉莉綠茶帶點清甜仲有一大舊芒果雞蛋布甸，成杯嘢好有誠意，又靚又好飲草本蘋果糖用左草本加入糖製作外皮，同平時食嘅蘋果糖有啲唔同都唔會太甜，甜果幾香甜脆爽，幾好食

🐨生日應援之自high飲飲食食活動嚟到土瓜灣，係一間小編之前幫襯過嘅日式外賣自取小店。嚟之前睇過佢哋IG出嘅🐨生日特飲，好有心思特調過，依次專程嚟試試～ 😎🧋 Endless Words 😋😋😋😋伯爵茶好香、味道好出；鮮忌廉同鮮奶增加咗奶滑感，帶有朱古力🍫甜味。趁朱古力脆卷餅仲脆嘅時候，可以當飲管咁吸入面嘅奶茶 😚 糯米紙好薄好薄，上面印咗🐨嘅插畫郵票，而最底有好香濃嘅咖啡☕️凍，成杯飲品都好豐富，好似食緊甜品咁 ☺️ 有啲另類日式聖代嘅感覺～下午茶 💵 約港幣$50/人💁🏻‍♀️ 店舖外面有各式各樣、大大小小嘅🐨佈置同應援物，遠睇店面係一張postcard嚟。大家等緊嘢食嘢飲時，都好好欣賞下hellosss嘅用心佈置 🤗 除咗禮貌向店員拎應援物，仲可以利用單據背後印🐨印仔㗎！🙆🏻‍♀️ 最後，喜歡嘅話，歡迎follow @foodirectory.hk！

今日終於嚟到呢間傳聞中嘅小店，聽講呢度嘅飲品都有特色，杯杯都落重料，真材實料，有好多都係用日本新鮮水果去整😌 本身想試牛油果奶昔，可惜牛油果未熟冇得買，留返個遺憾下次試吓！期間限定 開心果奶昔 M$50 開心果味超濃郁，就好似食緊開心果雪糕，佢個開心果係後勁好勁，一開始唔覺，後面越飲越濃郁，個底仲有開心果碎，真係好真材實料😋 香濃焙茶沙冰 M$38 如果兩杯之中，我會鍾意開心果奶昔多啲，但係呢杯都唔錯，焙茶味濃😌 蕨餅都冇得輸，好鍾意佢軟熟嘅質感😍

長期行過都見呢間小店好多人排隊🙈🙈今日終於試下烘焙烏龍珍珠奶茶😋😋😋叫左微甜少冰 佢調到個甜度同茶味好夾啲珍珠都好好食 唔會太堅靭而朋友叫左杯金花蜜 店員仲話可以加蜜糖沖多2至3次熱水 好抵飲🙌🏻🙌🏻整體嚟講好正 下次可以再試🤤🤤

上年AK老闆🦊生日留意到依間外賣自取小店，但抽唔到時間去打卡同幫襯。咁啱今年有hellosss為Ian🐨做生日應援，小店又有份幫忙，依次就到時間一於去支持下！💪🏻🍹 裕吉水果茶 😋😋😋😋😋本身想叫微糖，店員好好話微糖會明顯飲到檸檬嘅酸澀味，所以揀咗半糖，飲上去甜度真係啱啱好，又有少少鳳梨🍍甜味～ 水果茶只有大size，裡面有蘋果🍎、橙🍊、百香果，食得出係新鮮！好啱大熱天時，唔想飲奶同啡類嘅朋友！☺️下午茶 💵 約港幣$40/人💁🏻‍♀️ 如果大家叫主食嘅話，飲品會有折扣。住土瓜灣嘅街坊、打工仔，可以多多留意或幫襯！PS 小編好鍾意大家畫嘅應援畫 🤗🙆🏻‍♀️ 最後，喜歡嘅話，歡迎follow @foodirectory.hk！

收工後，剛經過土瓜灣。朋友介紹呢手搖飲品店。梗係試吓啦。二話不說，就選擇酪梨奶昔（因為佢真係一整個牛油果放落去整）喜歡牛油果嘅我，梗係試吓啦。喺炎夏嘅日子，飲完真係透心涼。充滿牛油果口感，加上有點冰沙，口感Balance得好好。朋友選咗一杯鮮翠檸愛肉。飲落有燉檸檬的味道，愛肉都很好吃，相信係佢哋自家製的。朋友都讚好飲。下次再去試，一定會試吓貢品蒙頂黄茶。（因為佢寫住可以健脾消脂解膩，仲會送一片琉璃橘）朋友話佢嗰片琉璃橘好好味。可惜我已order咗酪梨奶昔，再飲一杯….就真係太多……唯有等下次啦😋仲有咭仔，儲印仔。遲啲試埋佢嘅小食。

今日閒遊土瓜灣因本身鐘意花茶，但未見過金花尼樣嘢所以買左一罐返家配羅漢果酸梅😋我老公就試左八好抺茶，佢話啲抺茶好正中。好味。另外，我哋食左關東煮&雞軟骨個人覺得雞軟骨個味剛剛好，同埋好脆。關東煮食完都飽飽地（本身唔係食得太多野果啲）整體尼間小店，俾到小小驚喜我👍