飲茶‧私房菜 (南豐大廈) (Closed)

放假的一天，跟左老友去左這間YUM CHA飲茶🫖，屬於時尚中式點心菜館，主打新派點心🥧以及中菜，但又保留每道菜的傳統原味及精髓，餐廳注重食物質素，採用新鮮優質的食材，今晚一於去食番餐先。餐廳很有空間感，燈光十足，坐得舒適。老友見呢度有大閘蟹🦀食，咁梗係第一時間品嚐先啦🥳。清蒸大閘蟹🦀配自家制薑茶(2隻)，大約4-5兩，即叫即蒸熱辣辣, 拆開即見到金黃色的蟹膏，啖啖濃郁鮮味，甘香creamy, 食完再飲埋杯熱辣辣薑茶, 滋味滿分💯。蟹粉桂花炒粉絲🧆，粉絲炒得很乾身，再加入雞蛋炒至桂花狀，條條粉絲都索到惹味醬汁，但又不會很油膩，好吃😋。
啫啫蝦乾蘭芥煲🥘，五花肉肥瘦適中，配以咸香的蝦乾，炒到十分香噴噴，芥蘭苗新鮮又爽口，確係唔錯啊。鴿吞鳳梨🍍，籠中裝了2只鴿，賣相可愛很吸晴，仿真像很高。食落外層鬆脆，餡料像鳳梨酥般的很柔軟，甜度亦都唔高，很好味😋。食完真係番尋味啊😋。

中環時尚中式點心菜館放假約左班姐妹去中環影下相，行到攰攰地。朋友知道有間中菜有大閘蟹菜色。緊係去試下啦，因為每年都一定會食大閘蟹。新派精緻中菜餐廳環境優美，佔地面積大，座位闊落，有好多茶選擇：苿莉花茶，仲有玫瑰荔枝茶，我叫左玫瑰荔枝茶，香氣十足。餐廳會提供手套、剪刀、匙羹仔、等食蟹工具，非常細心，另收加一服務費。「飲茶 YUM CHA」出咗迎秋蟹粉菜式，所以嗌左幾款嘢食嚟試吓一籠八戒 $17/個得意豬仔既外型，好可愛好啱晒打卡。內裡其實係叉燒包，滿滿的叉燒餡料，味道幾好唔會太甜，啖啖肉。蟹粉蝦仁豆腐 $158/例 熱騰騰的蟹粉蝦仁豆腐有嫩滑豆腐、彈牙蝦仁配鮮濃蟹粉，清清地，可以一個人食晒成碗。可添上蟹醋，別有一番風味。清蒸大閘蟹配薑茶 $168/隻(約 4-5 兩)大閘蟹緊係清蒸最好食啦！保留大閘蟹蟹膏既鮮味。食完再飲埋杯薑茶勁夠薑味，甜甜的，後勁好辣十分驅寒。脆皮孜然羊腩 (辣) $248/例 超大份孜然脆皮羊腩，外微脆內稔，非常肥美，份量很多，孜然及指天椒粉帶出層層辣味。服務質素：7/10環境舒適度：8/10ᶘ ᵒᴥᵒᶅ個人口味評分：6/10

🍂每到秋季都要品嚐大閘蟹🦀黃金蟹膏啖啖濃郁鮮味。國慶日去左上環既中式點心菜館💗YUM CHA 飲茶食限定🍁🍂迎秋蟹粉菜式😋環境幾舒適，係新派中菜。🥢清蒸大閘蟹配薑茶（約 4-5 兩/隻）今餐主角係大閘蟹，原汁原味清蒸，鮮味滿分💯配一杯暖暖薑茶，可以驅寒！🥢蟹粉蝦仁豆腐嫩滑豆腐、彈牙蝦仁配鮮濃蟹粉，味道濃郁，食到金黃蟹膏同鮮甜蟹肉。🥢脆皮孜然羊腩 (辣) 外脆內稔， 羊腩好肥美，孜然及指天椒粉辣得刺激。🐽🐖一籠八戒（2件）豬豬造型嘅叉燒包，可愛又好味😍🦀迎秋蟹粉菜式晚市供應，做到至 10 月 31 日乍～

秋風起就係食大閘蟹🦀嘅季節呢間餐廳近來推出咗大閘蟹菜式真係款款都咁吸引呀🫶🏻仲有其他中菜小炒可以叫環境夠晒大 坐位又舒適茶就叫左玫瑰🌹荔枝夠晒特别 玫瑰味芳香🔸清蒸大閘蟹配自家制薑茶 $168/隻🔸蟹粉桂花炒粉絲 $158🔸啫啫蝦乾芥蘭煲 $128🔸鴿吞鳳梨 $49大閘蟹好大隻，係約4-5兩嘅太湖大閘蟹‼️除左多蟹膏之外，蟹鉗同蟹腳仲啖啖肉呀😍蟹膏香滑鮮甜！食完大閘蟹仲會有杯薑茶飲驅寒。蟹粉桂花炒粉絲用左蟹肉混合埋蟹膏炒，粉絲索晒蟹粉嘅鮮味。用左蝦乾同蝦膏炒嘅芥蘭爽口而帶濃郁蝦嘅鹹香氣。食芥蘭最怕苦澀，呢個炒法特别正，菜夠晒鮮甜。鴿吞鳳梨🍍以鳥籠上檯，原來係鳳梨酥，外型整到好似雀仔🦤咁，非常精緻，睇到咁可愛都唔捨得食，好岩打卡📸 外層酥脆唔會好厚粉，內層鳳梨好香甜☺️

前幾日同同事去「飲茶‧私房菜」食LUNCH, 見到呢度已經新推出咗大閘蟹menu, 等咗成年, 今晚放工同同事率先品嚐2022年第一隻大閘蟹。呢間餐廳主打點心、中菜, 不過晚市都冇茶芥收費 (只收加一), 大部份座位都為長檯setting, 有別於傳統酒樓。早前睇新聞報導今年大閘蟹未算豐收, 而呢度嘅大閘蟹約4-5兩, 定價HK$168/隻 【清蒸大閘蟹配薑茶】即蒸上檯熱辣辣, 蟹身有滿滿嘅金黃蟹膏, 甘香鮮味creamy, 食得滋味。還送上熱辣辣薑茶, 辣到喉嚨著火。【蟹粉蝦多士】HK$168蝦多士表面偏油咗d, 原隻蝦爽口有鮮甜味, 蝦身還沾上密密嘅芝麻, 加上墊底嘅脆多士, 很香口。 配上蟹粉醬, 鮮味再升呢。【臘味芋頭煲】HK$138湯汁有如忌廉湯般滑滑口感, 味道偏鹹, 送飯較為適合。芋頭好林, 沒預期中好粉狀嘅質感, 臘味有好林索咗湯汁嘅臘腸、東菇片。【睇住流奶】HK$34/兩件係流心奶黃包, 包質超軟熟, 餡料流心, 奶黃有淡淡蛋黃香, 唔會過甜, 唔錯。

想吃點心☺️友人介紹下來到這家玩味中菜館 ʙᴏᴏᴋᴊᴏʀ枱週六12:15 餐廳好闊落座位之間都有足夠分隔 當日人流都多 客人年齡層蠻廣的剛好坐我哋附近係一個外國家庭 小朋友都有空間活動🧒🏻👧🏻 · ┈┈┈┈┈┈ · ꕥ · ┈┈┈┈┈┈ · ✿ 白桃烏龍 (茶位 $𝟏𝟑)：除咗有一般茶樓嘅選擇 佢仲有啲花茶提供 迎合唔同年齡層嘅口味 茶包來的 唔知中式茶係咪用返茶葉沖呢 ✿ 紅粉蝦餃 $𝟓𝟗：打卡專用💖皮唔會太厚 蝦肉足料 ✿ 睇住流奶 $𝟒𝟗：見人篤完會流 我篤咗2下都無😂最後手動解剖這個流心奶黃包 變咗個木咀人😗熱乎乎好吃💛 ✿ 紅油抄手 $𝟓𝟗：見到人推介話呢道唔錯 跟著點 無失望🫣皮薄餡足 仲有5大舊 相對起其他點心 性價比算高 ✿ 皮蛋豆腐 $𝟒𝟗：不要被它鋪滿豆腐的表面產生錯覺 以為好多 原來勁薄 中間係皮蛋碎 旁邊係芝麻醬 豆腐都算係低成本食材🫢份量可以ᴅᴇᴄᴇɴᴛ少少 不過咁樣嘅組合幾好食的 ✿ 羅宋湯鮮竹卷 $𝟓𝟗：驚唔夠飽加多呢樣 正常發揮喔 羅宋湯味吃不出 · ┈┈┈┈┈┈ · ꕥ · ┈┈┈┈┈┈ · 食飽飽坐到3ᴘᴍ先結帳幾鍾意佢唔用枱布 用上硬櫈感覺較衛

因為有事要過中環，相約朋友1:00在中環午飯。呢個時間係中環區最繁忙時間，都頭痛邊度比較容易搵食。OpenRice見度呢間好多好評，啲點心又好趣緻，最難得係中午飲茶都接受訂檯!  雖然寫住有限時75分鐘，平時嚟講得75分鐘嘅酒樓我就未必會揀，不過反正我本身都有事唔可以坐得耐，真係一拍即合!  訂左1點檯去到都要等一陣，大約等10分鐘左右就有檯，可以接受。攤開點心紙，見大部份造型點心都係包點，已經警剔自己要克制啲唔好叫太多，點知最後都係失手，3個人叫左12個點心，飽到一個點！1. 一籠八戒（=叉燒包）$49🌟🌟🌟🌟2. 鴿吞鳳梨 （=鳳梨酥）$49🌟🌟🌟略嫌偏甜3. 初嚐禁果 （=蘋果批）$59🌟🌟🌟🌟🌟驚喜4. 粉紅蝦餃 $59🌟🌟🌟🌟5. 透明波波 $49🌟🌟🌟🌟6. 香茅牛肉球 $49🌟🌟🌟無咩香茅味不過本身個牛肉球都唔錯嘅7. 羅宋湯鮮竹卷 $59🌟🌟個羅宋湯好稀好淡8. 糖不甩丸(6件） $45🌟千祈唔好叫，勁甜，漏到食完一件所有人都唔想再食9. 沙薑豬腳 $69🌟🌟🌟10. 紅油抄手（5件）$59🌟🌟🌟11. 五柳炸鮮蝦雲吞 $59🌟🌟🌟比個名誤導左，完全無料嘅五柳汁，中間得

之前都有食過朗豪坊果間想再試先知原來得返中環呢間星期五晚餐冇訂枱去左食唔知係咪因為早 所以冇乜人心諗都驚驚地會唔會因為貴/質素下降所以少人結果完全唔係！/—蟹籽帶子炒飯—每次食中菜都好想叫啲炒飯炒粉可以試下唔同廚師嘅手勢今次個炒飯好有驚喜！係鑊氣嘅味道🥰帶子雖然係細粒果啲，但好足料!!!/—紅粉蝦餃—近期食過嘅蝦餃數一數二質素完隻蝦，夠晒爽口彈牙，仲要唔係細size嘅蝦好新鮮冇蝦味/—小食拼盤（雲耳+茄子+沙薑豬腳）—$119價錢可以叫到兩款A,一款B雲耳有wasabi味，唔會太搶但味道好特別茄子夠惹味，有少少辣味但絕對食到我個人覺得豬腳有少少唔夠林但如果中意食爽身嘅朋友就會好中意/—上湯時菜（菜心）—正常發揮上湯唔會太咸👍🏻/整體來講，係一個好好嘅味道體驗坐得舒服，食物有質素，員工有禮一定會再來!!

得閒嚟飲茶飲茶！中環嘅飲茶真係第一次去！感覺同之前尖沙咀真係有啲唔一樣！好好彩晏晝時間都可以入房坐！見到呢個test tube 同埋茶葉嚟沖茶真係一貫飲茶嘅作風，傳統中帶點新意呢個蜜桃茶都相當之得意！特別推介就係呢個避風塘三文魚！雖然外貌唔係好吸引，仲以為好濟好油點知原來味道相當濃郁！真係入口即溶haha基本上大部份嘅餸賣相都係普普通通所以變相食落口嘅時候都有一番驚喜(當然係因為今次冇嗌平時啲可愛造型嘅點心啦) 對唔住呀奶皇包哈哈！而且中午嚟食同平時食私房菜都有少少分別，如果嚟過食晏晝或者淨係嚟過食私房菜嘅都可以喺另一個時段嚟幫襯下！

中環有一間新派點心專門店，主打創新既港式點心，好多款都係ig-able，而且味道又幾好，價錢💰又合理🤣，就同朋友約埋一齊去“飲茶”到飲茶😝◦ 睇住流奶 ($49)點菜個陣覺得呢個菜名真係幾得意，其實係流沙包黎既；估唔到賣相相當得意，彷彿有對👀望住妳，打開中間滿滿奶黃流心，奶黃味十分濃郁， 食落亦唔會好漏，絕對唔可以錯過🤩！◦ 一籠八戒 ($49)呢個八戒其實係叉燒包黎既，造型精緻可愛，包身好鬆軟，入面叉燒餡肉嫩多汁，係一款相當高質嘅叉燒包😍◦ 紅粉蝦餃($59)少女粉紅嘅外皮賣相真心吸引😍，外皮都幾煙韌，入面蝦肉份量十足，肉質都幾新鮮，配埋筍尖一齊食口感豐富，值得一試！◦ 五柳炸鮮蝦雲吞($59)呢碟炸雲吞炸得幾香脆又唔覺得好油膩，入面蝦肉幾大隻，點埋五柳汁酸酸甜甜咁好好味☺️◦ 三杯醉雞 ($)呢份係冷盤黎既，帶有少少酒香既醉雞都幾開胃🥰◦ 菠蘿叉燒酥 ($49)酥皮真係既酥脆，而且叉燒餡好惹味，熱辣辣好好食😋另外餐廳環境整潔，裝修風格精緻時尚，我地一行8個人share都係$125一個人，以中環週末既價錢黎講真係幾抵食😆！📍飲茶 Yum Cha中環德輔道中173號南豐大廈2樓1-2號

今次呢篇食評沒有食物相。因為唔夠時間，呢度比訂枱時間遲咗半個鐘交枱，接近食快餐嘅速度飲茶🫖。最後，當然有一盒二盒要帶走！入座安排極之失望，訂枱如同walkin. 沒有留枱給訂位客人🥲等著等著連外賣餐牌都睇埋🥲12:45來到，1:30才可入座😂好不容易等到入座。飲茶飲茶，連壺都未上枱，食物已經搶先到達。記憶中揀咗一個有白桃既茶，時間緊迫咁飲咗幾杯，完全唔記得係咩味。講返啲食物，食物係OK嘅！有溫度，夠熱！流沙包，流沙有好香濃嘅味道，記得小心熱！下次燒賣，好大粒！豬肉飽滿，唔會好多肥膏雞雞春卷，春卷炸得幾好！係好食！椒鹽魷魚，魷魚好新鮮，又肥又粗， 10分香口，呢個正！乾煸四季豆，好有鑊氣，不錯！整體食物質素係中上的。可惜，這樣安排booking枱

聽好多中上環朋友提及這一間點心，今日來拜訪一下～來到門口感覺幾別緻，因為預先在Openrice book了所以不用等直接有位👍我是一知腸粉控，所以腸粉是必點的！第一下看到點心紙，寫住$49同$55 一條🤨心想也偏貴，但也點了兩款試一試。腸粉⭐️⭐️⭐️原來都是平時一碟三條🙂不明白點心紙要為何寫一條，幸好我也能把它們吃光光。不過腸粉的皮…很厚，不符合價錢同這裡應有的水準，但豉油的味道也很一般葡式雞粒酥⭐️⭐️⭐️⭐️可能這家店標榜少鹽，味道真的偏淡，但外皮酥皮處理得剛剛好，很香口而不油紅粉蝦餃⭐️⭐️⭐️賣相打卡一流，感覺很精緻，不過皮都是偏厚..都想去皮吃算了老乾媽蘿蔔糕⭐️⭐️⭐️我是不吃辣，不過這一點完全不辣。蘿蔔糕不夠鬆化，似乎都是粉為主睇住流奶⭐️⭐️⭐️⭐️因為可愛好玩我給上四星，奶黃味偏淡，就跟外面買的普通奶皇包差不多總括來說這個價錢是吃環境不是吃質素🤷‍♀️

記得以前台灣朋友來香港，我也是帶她去 飲茶 @yumchahk 主要當然因為環境美、食物好吃，而且又有可以打卡的奶黃包😂這次去的是上環分店，環境很大而且有點小轉型，好像也在做私房菜。那麼，久違沒吃飲茶了！來試試看有沒有退步，以下菜式或沒有拍照喔📷睇住流奶(圖1)：招牌奶黃包，也是拍照必備食物！奶黃原會太甜，而且裡頭很燙😂👍🏻三杯醉雞(圖2): 好吃！有點酒香但沒有苦味，非常開胃 - 這是冷盤👍🏻七彩茄子(圖3)：茄子的醬調味得不錯，辣中帶甜，非常開胃🥹👍🏻干媽蘿蔔(圖4)：辣炒蘿蔔糕，非常夠辣，而且表皮香脆😂每次都會點👌懷舊蝦多士(圖5): 首先蝦肉非常口肉，可惜沒有鮮蝦味道；出色嘅地方在於不會油膩，而且上面還沾滿了芝麻，加強鬆脆的口感！👍🏻麻煩三菇(圖6): 意外地非常惹味，立中大麻，但不會令舌頭麻痹，開胃菜來說水準非常高👌炒蝦腸粉:如果沒有吃過炒腸粉，這一款可以推介大家試試。不過我個人認為當日我吃的水準，是有稍微退步。主要因為腸粉似乎不及以前焦香😂以下是當天我也有吃，不過水平正常的菜式：櫻花蝦米腸、蟹籽燒賣、蟹籽帶子炒飯、雞雞春卷、炸BB鴿、翡翠上素餃、馬拉糕和親朋好友一起出門食飯

外賣一人餐(Set A)橙焜冬瓜(3條)懷舊蝦多士(2件)海鮮炒飯睇住流奶(1件)$79 (Openrice 折扣價$60.2)橙焜冬瓜，用橙汁煮的冬瓜，涷食的，清新小吃。懷舊蝦多士大大件，脆口，不會一口油，蝦滑彈有蝦味。海鮮炒飯主要配料是蛋和蟹子，還有少量蝦段，飯炒得粒粒分開，味道適中。睇住流奶(1件)，流沙奶皇包，奶皇不是太流的，正常發揮。食物唔錯，但外賣一定是會涷了。

普通點心就食得多啦～可愛造型嘅真係未食過🤍雖然賣相一流但又好唔好食呢？今次就同大家試試伏啦😛🐷 一籠八戒 $49/3件睇個樣應該估到係叉燒包啦～豬豬好可愛😍 用咗兩粒芝麻做眼睛內涵唔算飽滿，而且食起嚟有啲乾相對來講冇「毆奶系列」好食，但賣相一流😙💛 睇住流奶 $49/3件聽講呢個係必叫嘅點心！見到個名就知係流心奶黃包～食落去甜甜地唔會好膩但如果流心再多啲啲就好啦👉👈🍵 吉川奶子 $49/3件抹茶流心包都係第一次見😋茶味香濃，而內涵有明顯嘅綠茶粉感但估唔到都幾順滑！綠茶控必食～🌹 胭脂玫瑰 $49/3件面頭有啲玫瑰花瓣，食落去有陣陣嘅花香味中間得少少豆沙，其他全部都係饅頭😔🐥 鴿吞鳳梨 $59/3件係一個味道普通嘅鳳梨酥底部有啲椰絲，整體口感鬆化，甜度適中但化成雞仔放落個籠度即刻升華咗個感覺🤣另外其他點心嘅味道都普普通通咁而且價錢偏貴，但都好多人排隊小妹認為除咗打卡之外都冇咩原因會再食👻⭐️ CP值：🐘🐘🐘⭐️ 打卡able：🐘🐘🐘🐘🐘⭐️ 舒適度：🐘🐘🐘🐘⭐️ 再食指數：🐘🐘.5 （5 星為滿分）人均消費：$100