欽記麵家

Open Now

Now Closed

之前經過剛剛休息兩天無得食 , 心心不憤就幾個禮拜後特登撘車里食 ,唔知點解粉嶺D麵檔又係又分大細碗 ga wow 今次就小什麵 , 第一件事當然係畢辣椒油落匙更先 , 不過辣椒油較普通 , 似豆板醬多 , 不過 Better Than Nothing ,碗麵一放底 , 唔使講嘢 , 我已經知道 '' 正 '' 牛膀 -- 入口即溶 , 從來未食過炆得禁夠身 .牛腸 -- 夠肥 , 牛肚 -- 夠淋入味 . 全部都係得一個正字

support 佢,開左咁多年都係咁好食同普通粉面店一樣la,但係個水餃真係一流,20蚊樓下 , 出面果d3,40碗果d真係閃邊支持支持,希望佢可以撐往,值得一試,夠old school!!~1)水餃2)粉面店野(均屬唔錯level)3)南乳豬手

住了粉嶺好幾年,欽記是我經常幫襯的一間店舖,我很愛吃她們的牛腩或牛什河,味道很夠,水餃又好夠料,好好味!! 可能入去食個d都係街坊街里,感覺好舒服!!

其實欽記同群記,真係由細食到大但個人黎講,就鐘意欽記d牛丸同辣多d每次行到去門口都會俾佢既香味吸引雲吞我見佢地自己包既,好正牛丸亦都好爽口彈牙牛什就真係出曬名入味,林身個人比較鐘意食幼麵同河粉,個湯都好味建議大家加腩汁,會香d最後不得不提就係佢地既辣椒油自家制,夠辣,同d麵既味道好夾味道真係十年不變,值得推介

今日下午游完水後，獨自由粉嶺泳池行到聯和墟，因為肚餓，所以隨便找一間食店，進去後叫了一碗豬手牛什米（大的），等了１０－１５分鐘才來，但一看到碗粉．．．．．實在細碗了一點，因為這裡有分細碗的（＄１８），大碗的（＄２１）．．．我是叫了後者．．．粉比出面的少很多．．．．．實在不夠我食呢！！總括來說豬手很好味，牛什比較入味．．．好味

我好鍾意食佢D牛什同牛膀麵，最好就係可以配合豆漿一齊。之前唔知道咁好食，仲經常去群記食豬手麵，依家多左選擇。好似依加多左來這裡，可能因為環境，同衛生都比群記好，最重要大熱天時有冷氣，唔駛食到身水身汗。不過都會去群記，回憶一下豬手麵的味道，天氣凍D先啦

由細細個係街巿, 食到而加開舖頭!! 我學食辣油都係係欽記!!佢D牛什, 牛膀實在太好味!! 入口粉粉的, 不似其他好似一磚jelly咁!! 好好食!!湯底我知佢哋係用大地魚.........定左口魚煲湯底, 所以加埋真係好香好味!!辣油亦係食粉麵重要的一環, 亦是好正!!而加一有機會去聯和墟, 都會去食返碗牛什河!! 實在令人回味!!

上年某天經過呢間舖,聞到好香牛腩同雲吞味,咁就入去試下啦,叫左個牛什雲吞米食,再加辣椒油,嘩.............正到呢~~~~~自始我就愛上左呢到啲牛什同雲吞,因為我唔鍾意食多蝦果啲雲吞,呢間啲雲吞唔太大又唔太細,一粒一隻蝦,好正,另外佢每碗都會跟幾條菜,而且唔係碗碗都一樣,有時係比生菜,有時白菜咁,不過有時肚餓,食碗大碗都好似唔係好夠飽咁~~如果鍾意食辣,一定要加佢啲辣椒油,真係同佢啲粉麵好match gar

叫左個雲吞魚皮餃河(細,$18)同埋一碟腐乳通菜($12)以前叫魚皮餃係因為咬落去果陣會有d油咇出黎，好正！但今次就無得咇，因為佢拎到黎果陣已經爛左…不過蝦餃同以前一樣，都係咁足料同好味。個通菜既腐乳咸左ｄ，不過ｄ菜煮得好好食。

唔熟路的我們搵唔到欽記，在一家品店的店員指導下，沿著和豐街，終於搵到。牛腩雲吞伊(細) ($18) - 柱侯牛腩入味，但唔夠稔。鮮蝦雲吞即場包，蝦身爽但味道和雲吞皮則一般。牛什水餃麵(細) ($18) - 牛什入味，好多人叫。水餃比雲吞鮮甜。腩汁湯底香甜，麵比伊麵好味。這裡伊麵唔洗加錢，雙併亦同價。

十幾二十年前既聯和墟沒有一間可以讓你坐得舒舒服服既麵店，一係就沒有冷氣，一係就烏糟邋遢；直到八十年代尾和豐街欽記既出現。以前每逢周六一定會去聯和墟找我女友，回家前必定想吃完消夜才坐巴士回家（家在九龍路途遙遠）。每次去欽記都會有一種回到家的感覺。不知煮麵那位是不是老闆，但可以看到每一碗麵都是很用心的做出來。這裡的食評一個劣評都沒有，可想而知這是“成功非僥幸”。

欽記真係好正！係聯和墟讀書，自從中四有得開始出黎食飯之后，幾乎每星期都總會幫襯一次！：）例牌必叫云吞！（無一次吾叫）！真係好好味!而且一定要叫雙拼!仲有豬腸都好好食!!!!!!!!!!!!!!!!!

其實呢間欽記粉麵已經食左好多年，一向都覺得唔錯，價錢合理，個人推薦牛膀牛筋。同一區仲有一間叫群記既粉麵都好好食，又係由細食到大，不過就冇冷氣囉，夏天就真係辛苦Ｄ。而且２間專長都唔同，欽記就食牛什，群記就豬手，炸卷（牛丸就已經唔多好啦）同埋佢果辣椒醬。所以係夏天我通常都多去呢間欽記，而群記都係等冬天先啦。

2星期前嚟食, 好味兼抵食! 單併雙併同價, 細既16, 大既19.服務都唔錯.叫咗碗大既牛腩水餃河+一杯豆漿, 碗粉嚟到, 先飲一啖湯,鮮甜幾好,唔太油,牛腩好味,好淋,水餃,好爽,食得出好鮮,豆漿,都好冰凍, 但略甜.但環境就非常一般,冷氣唔夠凍,幾熱幾焗,仲要d"烏英"喺度飛來飛去,纏住唔放,我食咗一半,有2隻飛咗落我碗嘢度自殺,我叫住個亞叔,叫佢睇睇,佢猛話唔好意思,換個碗比我,以小店嚟講,服務都算係咁.總括嚟講,食物,價錢好好,但環境同衛生就一般.值得一試!

是日係考AL pure的日子難得會到平時極少去既聯和墟,一早搜集定幾間多好評,而又近試場既食肆。因為極怕下晝3個鐘飯氣攻心,所以黎左呢間食粉麵,試試"冇喊面"既真章...本身嗌牛肚河,呀姐見我地嗌晒單併,就提一提我地其實可以雙併,唔洗加錢,於是我改了牛肚雲吞河,試多一味。初頭諗住(小)可能會好細碗,但原來都唔係,d friend嗌單併有5粒雲吞/丸,我碗雙併都有3粒!仲有幾條菜,淨係份量都已經覺得抵番。雲吞係中size,係豬肉+蝦肉,有散尾,幾欣賞。牛肚係草肚居多,唔夠入味,不過都腍身。河粉幾好wo,唔會散收收咁樣,夾埋青一齊食,好味道。下次要試下牛腩牛什先。環境係有少少迫,但食得呢d粉麵鋪都預左,最緊要鋪頭注重清潔就可以了,又有電視睇,已經很不錯。真係覺得聯和墟好多好野食,可惜返學唔近,屋企都唔近...食完,係時候再上路作戰paper 2。